تازه خبرونه
پر افغانستان د برید خبره مې نده کړې ـ د پاکستان د کورنیو چارو وزیر

د پاکستان د کورنیو چارو وزیر رانا ثناء الله د چارشنبې پر ورځ د مرغومی ۱۴ په اسلام آباد کې یوې خبري غونډه ته ویلي؛ ده هیڅکله ندي ویلي، چې دوی پر افغانستان برید کوي او یا به په افغانستان کې کوم هدف بمبارد کړي.
له دې مخکې رانا ثناء الله ویلي وه، چې که د تحریک طالبان پاکستان په څېر ډلې ورته ګواښ وي، اسلام آباد قانوني حق لري، چې ان په افغانستان کې هم هوایي بریدونه وکړي.
په افغانستان کې د پاکستانيو طالبانو پرضد د پوځي بریدونو د ترسره کولو په اړه د پاکستان د کورنیو چارو وزیر له خپلو پخوانیو څرګندونو شاتګ ته اړ شو.
د پاکستان د کورنیو چارو وزیر وايي؛ هیڅکله یې ندي ویلي، چې هېواد به یې پر افغانستان یا په دغه هېواد کې پخپلو اهدافو بریدونه کوي.
رانا ثناء الله په یوه خبري غونډه کې څرګنده کړې، چې د پاکستان د ملي امنیت کمیټې د پرېکړې پر بنسټ باید په افغانستان کې د پاکستانيو طالبانو د پټنځایونو په اړه له اسلامي امارت سره خبرې وشي.
له دې مخکې رانا ثناء الله ویلي وه، چې پاکستاني طالبان په افغانستان کې پټنځایونه لري او حکومت پر دغو پټنځایونو د بریدونو قانوني حق لري.
د پاکستان د کورنیو چارو وزیر رانا ثناءالله وایي: ما په خپل بیان کې دا ندي ویلي، چې مونږ غواړو پر افغانستان برید وکړو یا دا، چې مونږ غواړو هلته پر چا برید وکړو.
د رنا ثناالله د پخوانیو څرګندونو په غبرګون کې د افغانستان ملي دفاع وزارت په خپل غبرګون کې ویلي وه، چې افغانستان لاوارثه ندی او ځواکونه یې له خپل هېواد څخه دفاع ته چمتو دي.
د پاکستان د بهرنیو چارو وزیر هم وايي؛ تحریک طالبان پاکستان فتنه ده. بلاول بوټو زردادي له پاکستانيو طالبانو سره د پخواني حکومت پر خبرو نیوکې کوي او ټینګار کوي، چې دغه ډله باید ماته شي.
د پاکستان د بهرنیو چارو وزیر بلاول بوتو زرداري ویلي؛ مونږ ټول شاهدان یوو، چې په کابل کې څه وشول. که مو خوښه وي یا نه، د افغانستان طالبان (اسلامي امارت) هلته تاریخ لري او یو حقیقت دی؛ خو پاکستاني طالبان یوه فتنه ده.
امریکا هم ظاهراً پر افغانستان د پاکستان د احتمالي بریدونو د ملاتړ په اړهه څرګندونې کړي دي.
د امریکا د بهرنیو چارو وزارت ویاند ند پرایس وایي: پاکستان زمونږ نږدې امنیتي شریک دی. مونږ له ګډو ګواښونو سره د مقابلې لپاره په ګډه کار کوو؛ خو زه د هغو پلانونو او عملیاتو په اړه څه نشم ویلای، چې د پاکستان پوځ یې تر سره کوي. مونږ د پاکستان ملګري یوو.
له بلې خوا په ملګرو ملتونو کې د جاپان دایمي استازی وايي؛ دا مسله به د ملګرو ملتونو د امنیت شورا په غونډه کې هم مطرح شي.
په ملګرو ملتونو کې د جاپان دایمي استازی او د امنیت شورا رییسایشکان کیمیهیرو وایي: مونږ د افغانستان او پاکستان پر پوله له کړکېچ څخه خبر یوو، دا د ټولو د اندېښنې خبره ده او شاید دا مسله د امنیت شورا په غونډه کې مطرح شي. زه دا مسله یادوم؛ ځکه دا ډېره مهمه ده.
د افغانستان اسلامي امارت تل دغه ادعاوې بې بنسټه بللي او ټینګار یې کړی، چې هیچا ته اجازه نه ورکوي، چې د افغانستان خاوره د بل پر ضد وکاروي.
تازه خبرونه
د ځانګړیو ځواکونو لومړۍ دوره د ملي دفاع د وزیر په حضور کې فارغه شوه

د افغانستان اسلامي امارت د ملي دفاع وزارت چارواکو نن (پنجشنبه د وري درېیمه) خبر ورکړ، چې د ملي دفاع وزارت اړوند ځانګړیو ځواکونو قومندانۍ له لومړۍ دورې څخه ۴۸۵ تنه مجاهدین له درې میاشتني عقیدوي، نظامي او مسلکي زدهکړو وروسته په یو لړ شانداره مراسمو کې فارغ شول.
د فراغت دغه مراسم د ملي دفاع د وزیر مولوي محمد یعقوب مجاهد په شتون کې ترسره شول.
د ملي دفاع وزیر مجاهدینو ته په خطاب کې ویلي: ستاسې دغه ستړیاوې او تکلیفونه د یو لوی مقصد لپاره دي. هغه دا، چې د ګران هېواد پر پاکه خاوره شرعي نظام نافذ کړو او د اسلامي نظام پر وړاندې، چې هرڅوک بغاوت کوي؛ تاسې به یې مقابله کوئ.
محمد یعقوب د خپلو څرګندونو په یوه برخه کې داسې ډاډ څرګند کړ: ولس ته وایم، چې دغه ځانګړي ځواکونه ستاسو د سر، مال او عزت ساتنه کوي او مونږ هېچاته اجازه نه ورکوو، چې ستاسې خوشحالي در څخه واخلي. تر هغې، چې ژوندي یوو د ولس ساتنه به کوو.
دغه راز د ځانګړې قطعې مرستيال مولوي مختار احمد عمري هم له مسوولينو څخه د مننې ترڅنګ ډاډ ورکړ، چې په راتلونکي کې به له دې هم پیاوړی او قوي ځواک د اسلامي نظام او د هېواد د ملي حاکمیت د ساتنې لپاره وروزو.
تازه خبرونه
افغان او ازبکستاني پلاوي د اړیکو پر پیاوړتیا ټینګار څرګند کړ

کابل ته د ازبکستان هېواد راغلي لوړپوړي پلاوي د اسلامي امارت له چارواکو سره پر اقتصادي او سیاسي وضعیت خبرې کړې دي.
د ریاستالوزرا اقتصادي مرستیالۍ دفتر څرګنده کړې، چې ملا عبدالغني برادر له ازبکستانيو چارواکو سره د افغانستان او ازبکستان ترمنځ پر سیاسي، اقتصادي، سوداګریزو، ترانزيتي، اوسپنې پټلۍ او برښنایي پروژو په اړه هر اړخیزې خبرې کړې دي.
د ریاست الوزرا د اقتصادي مرستیالۍ د دفتر په خبرپاڼه کې راغلي؛ ازبکستان چمتو دی، چې د نړیوالو فورمونو پر مراعاتولو او له پرمختللې تکنالوژۍ کارولو له آمو سیند څخه د اوبو حق اخیستلو او په بشپړ ډول د افغانستان امتیازاتو او حقوقو ته په پاملرنه له اسلامي امارت سره د قوشتېپې کانال د بشپړولو په اړه کار وکړي.
ریاست الوزرا اقتصادي مرستیال ملا عبدالغني برادر د ازبکستان هېواد له دې پلاوي سره بیا د افغانستان او ازبکستان ترمنځ د سیاسي، اقتصادي، ترانزیت او اوسپنې پټلۍ په اړه خبرې کړې دي.
ملا برادر په دې ناسته کې ازبک لوري ته ډاډ ورکړ، چې قوشتېپې کانال به د افغانستان او ازبکستان تر منځ دوه اړخیزې اړیکې پیاوړې او دغه دوه ګاونډ هېوادونه به نور هم سره نږدې کړي.
دغه راز په یاده خبرپاڼه کې راغلي؛ د قوشتېپې کانال به د افغانستان او ازبکستان تر منځ دوه اړخیزې اړیکې پیاوړې او دغه دوه ګاونډ هېوادونه نور هم نږدې کړي. اسلامي امارت چمتو دی، چې د یوې ګډې هوکړې له لارې دغه حیاتي پروژه سرته ورسوي.
له دې سره بیا یاد ازبکستاني پلاوي د بهرنیو چارو وزارت له سرپرست سره د دواړو هېوادونو ترمنځ په سیاسي، تجارتي، اقتصادي او زراعتي مسایلو خبرې کړي دي.
ازبکستاني پلاوي هم ویلي، چې د نړیوالو فورمونو پر مراعاتولو او له پرمختللې تکنالوژۍ پر کارولو له آمو سیند څخه د اوبو حق اخیستلو او په بشپړ ډول د افغانستان امتیازاتو او حقوقو ته په پاملرنې له اسلامي امارت سره د قوشتېپې کانال د بشپړولو په اړه کار وکړي.
یاد پلاوي د افغانستان د بهرنیو چارو وزارت له سرپرست امیرخان متقي سره هم د افغانستان او ازبکستان ترمنځ د سیاسي او اقتصادي اړیکو پر پیاوړیتا خبرې کړي دي. د بهرنیو چارو وزارت ويلي، چې په دې لیدنه کې د سیاسي او اقتصادي وضعیت ترڅنګ پر کرنه هم خبرې شوې دي.
د سیاسي چار کارپوهانو هم د دواړه هېوادونو اړیکي اړینې بولي.
سیاسي شنونکی سید مقدم امین وایي: د افغانستان او ازبکستان ترمنځ سیاسي، اقتصادي، امینتي اړیکې او همکاري کولی شي پر دواړو هېوادونو سر بېره د سیمي پر اقتصاد، امنیت او سیاست هم مثبت اغېز وکړي.
دغه راز ازبکستاني پلاوي تېره ورځ د ملي دفاع وزارت له سرپرست ملا یعقوب مجاهد سره پر سرحدي مسایلو، امنیتي موضوعاتو او د افغانستان او ازبکستان ترمنځ د اړیکو پر پیاوړتیا ټینګار څرګند کړ.
تازه خبرونه
په فاریاب کې یوې مور د نوي کال څلور ماشومان وزېږول

د فاریاب ولایت سیمه ییزو چارواکو تائید کړې، چې یوې سیمه ییزې میرمنې له روغتیا برخمن څلور ماشومان زېږولي دي.
د فارياب ٢٠ بستريز نسايي ولادي روغتون داکتر ستار سليمي ويلي، مريم نومې مور د فاریاب ولایت د غورماچ ولسوالۍ اوسېدونکې ده، چې د ۱۴۰۴ لمریز لېږدیز کال د وري پر لومړۍ شپه يې خپله کورنۍ له درې هلکانو او يوې نجلۍ برخمنه کړه.
داکترانو ویلي، چې مور او ماشومان یې ټول ښه او له روغتیا برخمن دي.
د تېر کال د وروستۍ میاشتې په وروستیو ورځو کې هم په دغه ولایت کې یوې بلې میرمنې څلور اولادونه زېږولي وه.
-
لوبی2 days ago
له پاکستان سره د افغانستان کرکت ملي لوبډلې د سیالیو لوبغاړي په ډاګه شول
-
تازه خبرونه3 days ago
یو آسترالیایي پخوانی سرتېری د جنګي جنایت پر تور ونیول شو
-
سوداگري5 days ago
د کندوز ولایت د صنعت او سوداګرۍ ریاست په عوایدو کې ۴۸ سلنه زیاتوالی راغلی
-
نړۍ5 days ago
په اکوادور کې زلزلې ۳۹۴ کسانو ته مرګ و ژوبله اړولې
-
نړۍ4 days ago
د شمالي کوریا مشر کیم اتومي برید ته د چمتووالي سپارښتنه وکړه
-
تازه خبرونه2 days ago
په تېر یونیم کال کې له ۵۰ څخه د ډېرو لرغونو آثارو د قاچاق مخنیوی شوی
-
تازه خبرونه2 days ago
په کابل کې له کورنیو تولیداتو څخه د ملاتړ درې ورځنی نندارتون جوړ شو
-
سوداگري4 days ago
د اړتیا وړ خوراکي توکو ګمرکي محصول ۷۰ سلنه راټیټ شوی