Connect with us

تازه خبرونه

پر لویو ښارونو د طالبانو د بریدونو مخه دې ونیول شي – عبدالله عبدالله

Published

 on

(Last Updated On: زمری ۲۱, ۱۴۰۰)

د افغانستان د بهرنیو چارو وزارت نن (پنجشنبه د زمري ۲۱) په یوه اعلامیه کې ویلي، چې حکومتي پلاوي د ملي پخلاینې عالي شورا د مشر عبدالله عبدالله په مشرۍ د نړیوالې ټولنې له استازیو سره په کتنه کې د هېواد پر لویو ښارونو د طالبانو پر بریدونو اندېښنه څرګنده کړې ده.

د افغانستان د بهرنیو چارو وزارت ویلي، چې دې بریدونو بشري حقونه او د جګړې قانون تر پښو لاندې مړي او بشري ناورین رامنځته کوي.

یاد وزارت زیاته کړې، چې د ملي پخلاینې عالي شورا مشر عبدالله عبدالله د افغان حکومت په استازیتوب د ترویکا په غونډه کې ګډون وکړ.

په دې غونډه کې د امریکا، روسیې، چین او پاکستان استازیو هم ونډه درلوده.

د بهرنیو چارو وزارت څرګنده ګړې؛ عبدالله له نړیوالې ټولنې په ځانګړي توګه د ترویکا له غړیو هېوادونو وغوښتل، چې پر ښارونو د طالبانو د بریدونو د مخنیوي لپاره هڅې وکړي؛ ځکه، چې د جنګي جرمونو، له بشري حقونو څخه د سرغړونو او انساني غمیزې لامل شوي دي.

په اعلامیه کې راغلي؛ عبدالله ټینګار کړی؛ د سولې خبرې باید بیا پیل شي، چې په هېواد کې تلپاتی اوربند او سیاسي حل ترلاسه شي.

دغه راز د افغانستان د بهرنیوچارو وزیر حنیف اتمر د آسترالیا د ستراتیژیکو سیاستونو له مرکزسره په خبرو کې ویلي، چې د طالبانو د بریدونو له کبله په سم نیم افغانستان کې سوداګري او عامه خدمتونه په ټپه ولاړ دي او انساني ناورین رامنځته شوی دی.

هغه ویلي، چې د اپریل را پدیخوا په افغانستان کې شپږ زره کسان وژل شوي، چې څلور زره یې پوځيان دي.

د افغانستان د بهرنیو چارو وزیر حنیف اتمر وایي: جګړې زمونږ په هېواد جې ناوړه اغېزه کړې. د هېواد په نیمه برخه کې قانون، عامه خدمتونه او سوداګري په ټپه دریدلې. له همدې کبله بشري وضعیت د خرابیدو په حال کې دی.

آروپايي ټولنې ویلي، چې د افغان د کډوالو احتمالي څپې ته هیڅ ډول چمتووالی نلري. دې ټولنې ویلي، چې باید د دې ستونزې د حل او مخنیوي لپاره باید لارې چارې ولټول شي.

دا اندېښنې په داسې حال کې راپورته کیږي، چې طالبانو د افغانستان د ۱۱ ولایتونو مرکزونه نیولي او د جګړې له کبله د بیځایه شويو کورنیو په شمېر کې ورځ تر بلې ډېروالي راځي.

تازه خبرونه

افغان او ایراني چارواکو د سرحدي نښتو پر بیا نه‌رامنځته کېدو ټینګار څرګند کړ

Published

on

(Last Updated On: غبرګولى ۹, ۱۴۰۲)

د ایرانيو چارواکو او اسلامي امارت تر منځ د دواړو هېوادونو د ځواکونو له نښتې وروسته پر پخلاینې او روغې جوړې خبرې وکړې.

تهران او کابل ویلي؛ په پوله کې سوله بېرته راګرزېدلې او دواړو غاړیو ژمنه کړې، چې په راتلونکي کې به شخړه نه‌کیږي.

اسلامي امارت ویلي؛ افغانستان له خپلو ګاونډ هېوادونو سره جګړه نه‌غواړي او له ایران سره دوستانه اړیکو ته لیواله دي.

د اسلامي امارت د ویاند مرستیال بلال کریمي ویلي؛ اسلامي امارت د هرې مسئلې په اړه، چې له پیل څخه پېښیږي پر خبرو اترو او همغږۍ باور لري او دا غوره کار بولي. مونږ غواړو، چې ټول مسایل یوازې پر خبرو اترو او همغږۍ وڅېړل شي.

د ایران کورنیو چارو وزیر هم پرونۍ نښتې بې اهمیته وبللې او ویې ویل، چې پر پوله د ورېښمو دروازه بېرته پرانیستل شوې او د دواړو هېوادونو ترمنځ اقتصادي راکړه ورکړه بیا پیل شوې ده.

د ایران د کورنیو چارو وزیر احمد وحیدي وايي: یوه لنډه شخړه وه او حل شوه. له طالبانو (اسلامي امارت) سره هم خبرې اترې وشوې. اوس مونږ کومه ستونزه نه‌لرو. سرحد خلاص او سوله‌ییز دی.

د ایران دوه لوړپوړیو پوځي قومندانانو په راتلونکي کې د هر ډول جګړې تکرار د دواړو هېوادونو پر زیان ګڼي.

د ایران د وسله‌والو ځواکونو ستر درستیز جنرال قاسم رضايي وايي: لیدنه ترسره شوه. اوس مونږ ګورو، چې دواړه لوري باید څه وکړي، چې دا ډول ناوړه پېښه رامنځته نه‌شي.

د ایران د ځمکنیو ځواکونو قومندان کیومرث حیدري وايي: مونږ ښه ګاونډیتوب څارو؛ خو که رښتیا هم دا احساس شي، چې بل لوري نه‌غواړي مقررات مراعات کړي؛ نو بیا به له بل ډول چلند سره مخ شي.

په ورته وخت کې د سیستان او بلوچستان یو شمېر ایراني سني دیني عالمان د افغانستان په اړه د دغه هېواد د ولسمشر په ګډون د ایراني چارواکو پر سختو او له ګواښونو ډکو ویناوو نیوکه کوي او په راتلونکي کې د ګاونډیانو پر وړاندې د دغه ډول سختو څرګندونو تکرار د ایران په ګټه نه‌بولي.

د ایران په سیستان او بلوچستان کې د اهل سنتو مذهب یو عالم عبدالرحمن عمرزرهي وايي: ستاسې دیپلوماتیک ادبیات سم نه ول؛ ستاسې د تبصرې معنی دا وه، چې زما خبرې جدي ونیسئ او وروسته به ګیله نه‌کوئ. آیا دا ادبیات دیپلواتیک دي؟ څه ځواب مو ترلاسه کړ؟! تاسې د دې ملت سرونه کښته کړل.

که څه هم ایران له اسلامي امارت سره دیپلوماټیکې اړیکې لري؛ خو تهران هم لکه د نورې نړۍ په څیر تر اوسه اسلامي امارت پر رسمیت نه‌دی پېژندلی. دواړو هېوادونو په تېرو دوه کلونو کې د پام وړ سیاسي، اقتصادي او سوداګریزې اړیکې لري؛ خو دا اړیکې په وروستیو اوونیو کې د هلمند سیند د اوبو پر حق ناندریزې شوې دي.

Continue Reading

تازه خبرونه

د هوا پېژندنې ادارې د افغانستان په ۱۹ ولایتونو کې له سختو اورښتونو خبر ورکړ

Published

on

(Last Updated On: غبرګولى ۹, ۱۴۰۲)

د هوا پېژندنې ادارې د هېواد په ۱۹ ولایتونو کې د باران او سېلابونو د رامنځته کېدو اټکل کړی دی.

د ترانسپورت وزارت د هوا پېژندنې ریاست د دوشنبې پر ورځ ( د غبرګولي اتمه) په ډاګه کړې، چې: د غبرګولي له اتمې تر نهمې به په بدخشان، نورستان، کونړ، لغمان، بغلان، ننګرهار، کابل، لوګر، پکتیا، خوست، پکتیکا، زابل، غزني، میدان وردک، بامیان، دایکندي، پروان، پنجشېر او کاپیسا ولایتونو کې د د سختو اورښتونو او سیلابونو وړاندوینه شوې ده.

د هوا پېژندنې ادارې د څرګندونو له مخې، په بېلابېلو سیمو کې د اورښت اندازه له ۱۰ تر ۳۰ ملي مترو پورې اټکل شوې ده.

دغه راز ویل شوي، چې په غور ولایت کې وروستیو سیلابونو د دغه ولایت اوسیدونکیو ته ستر مالي زیانونه اړولي دي.

د غور والي رسنیو د فتر له لوري په خپره شوې اعلامیه کې راغلي؛ له بېلا بېلو ادارو څخه یو ګډ پلاوي د دې ولایت تیورې او پسابند ولسوالیو ته تللی او د سیلابونو له کبله اووښتي زیانونه یې له نږدې ارزولي دي.

د غور والي د رسنیو دفتر د څرګندونو له مخې؛ د وروستیو اورښتونواو سیلابونو له کبله ۸۹۵ جریبه کرنیزه ځمکه، ۱۰۵ د اوبو څښلو څاګانې، چینې او کاریزونه زیانمن شوي او ۷۴ هټۍ ویجاړ شوې د.

په دې خبر پاڼه کې دا هم راغلي، چې ۳۲ کورنه سطحي ویجاړ شوي او همدارنګه ۱۹۴۲ میوه لرونکي او بې میوې نیالګي له منځه تللي، ۲۰۱ سربنده، ۱۴ پلچکه، ۵۵۹ د اوبو کوچنۍ زیرمې هم ویجاړې شوې دي.

دې پلاوي د خپلو ارزونو ټوله پایله د غور ولایت له سیمه‌ییزې ادارې سره شریکه کړې.

دا پلاوی د بېلابېلو ادارو له کارکوونکیو څخه جوړ شوی و، چې د یوې اوونۍ په اوږدو کې یې د تیورې او پسابند په ولسوالیو کې خلکو ته اوښتي زیانونه ارزولي دي.

له دې مخکې د طبیعي پېښو پر وړاندې د مبارزې وزارت ویلي وه، چې په تېره یوه میاشت کې د افغانستان په ۱۳ ولایتونو کې د طبیعي پېښو له کبله لږ تر لږه ۴۲ کسان مړه او ۴۵ نور ټپیان شوي دي.

د دغه وزارت ویاند شفیع الله رحیمي په ویدیوي څرګندونه کې په ډاګه کړې، چې ۳۴۱ کورونه په بشپړه یا جزوي توګه ویجاړ شوي، ۱۹۵۷۳ جریبه کرنیزه ځمکه او بڼونه ویجاړ دي.

د رحيمي د څرګندونو له مخې، د دغو پېښو له کبله په يادو ولايتونو کې ١٣٥٤ څاروي له منځه تللي دي.

د يادونې ده، چې دغه پېښې په کاپيسا، ميدان وردګو، تخار، بدخشان، غور، کندهار، کونړ، نورستان، لغمان، پکتيا، خوست، دايکندي او ننګرهار ولايتونو کې رامنځته شوې دي.

Continue Reading

تازه خبرونه

د اسلامي امارت رییس الوزراء اردوغان ته د بریا مبارکي وړکړه

Published

on

(Last Updated On: غبرګولى ۸, ۱۴۰۲)

د افغانستان اسلامي امارت رییس الوزراء ملا محمد حسن آخوند د ترکیې ولسمشر رجب طیب اردوغان ته د هغه د بیا ټاکل کېدو له کبله د زړه له کومې مبارکي ورکړې ده.

د ترکیې ولسمشر رجب طیب اردوغان د خپلې شل کلنې واکمنۍ پر وړاندې له تر ټولو سختې ننګونې وروسته د یکشنبې پر ورځ په ټاکنو کې بریا خپله کړه.

د اسلامي امارت رییس الوزراء د ولسمشر اردوغان په مشرۍ په ترکیه کې د دیني خدمت د ځواکمنتیا، ثبات او ډاډ لپاره خپله صادقانه هیله څرګنده کړه.

رییس الوزراء دغه راز د افغانستان او ترکیې د خلکو تر منځ د ورورګلوۍ او دوستۍ اړیکې وستایلې او په بېلابېلو برخو کې یې د دواړو هېوادونو ترمنځ د همکارۍ او متقابل ملاتړ د دوام هیله وکړه.

هغه دا هم ویلي، چې د اردوغان بریالۍ ټاکنې به د دواړو هېوادونو ترمنځ دیپلوماتیکې اړیکې او ګډ ارزښتونه نور هم پیاوړي کړي.

رسمي نتایجو وښودله، چې د اردوغان سیال کمال قلیچدار اوغلو ۴۷.۹٪ رایې خپلې کړي او اردوغان ۵۲.۱٪ رایې وګټلې، چې یو بشپړ وېشل شوي ملت ته پوره نغوته کوي.

Continue Reading

Trending

Copyright © 2022 Ariana News. All rights reserved!