Connect with us

تازه خبرونه

پر ننګرهار زندان د برید سمبالوونکی ووژل شو

Published

 on

(Last Updated On: زمری ۲۸, ۱۳۹۹)

د ملي امنیت عمومي ریاست خانګړیو ځواکونو د ننګرهار ولایت پر محبس د برید سمبالوونکی او پلانوونکی وژلی دی.

د ملي امنیت عمومي ریاست څرګنده کړې، چې د داعش د خراسان څانګې قاضي او د ننګرهار پر محبس د برید مسوول عبدالله اورکزی د دې ریاست د ځانګړیو خواکونو په عملیاتو کې وژل شوی دی.

د دې ادارې د څرګندونو له مخې؛ عبدالله اورکزی د ننګرهار ولایت په نازیان او اچین ولسوالیو کې د جګړې د تر سره کولو مسوول هم و.

دغه ریاست په ډاګه کړې، چې نوموړي نه یوازې د ملکي وګړیو د سرونو پرې کولو مسوول و، بلکې داعش جنګیالیو ته به یې د ملکي نجونو د جبري نکاح او ودونو فتوا هم ورکوله.

ملي امنیت زیاتوي؛ د اسدالله اورکزي مرستیال، عبدالله اورکزی د داعش د استخباراتو مسوول هم و.

دوه اوونۍ دمخه، د اردو ځانګړيو ځواکونو یو سړی ونیوه، چې د بهرني داعش جنګیالي به یې له بهره افغانستان ته رالیږدول.

د ملي دفاع وزارت د څرګندونو له مخې: په کونړ ولایت کې کماندو ځواکونو تېره شپه په کونړ ولایت کې د داعش تر ټولو مهم او ظالم قومندان محمد افضل د محمد سعید زوی نیولی دی.

دفاع وزارت دا هم ویليو چې نیول شوی کس “په جلال آباد کې د وروستي ترهګریز برید یو اصلي لارښود  و.”

د روان کال د اګست په لومړیو کې د دې ډلې ۱۱ غړیو چې په کې څلور تاجکان، درې هنديان، درې افغانان او یو پاکستانی و؛ د ننگرهار پر محبس برید وکړ، چې ۳۰ کسان یې ووژل او ۵۰ نور یې ټپیان کړل.

دغه برید لومړی یو هندي داکتر د زندان په دروازه کې د خپل موتر پرچاودنه پیل او نور زندان او تر څېرمه ودانۍ ته وردننه شول او ۱۸ ګړۍ یې روان وساته، چې په کې له ۱۷۰۰ بندیانو سلګونه بندیان له بنده وتښتیدل.

پرون د افغانستان ولسي جرګې غړي تائید کړه، چې له ۸۰۰ ډېر یې داعش دي او تر اوسه هم نیول شوي ندي.

د ولسي جرګې غړي عبدالکریم کریمي ویلي: د برید پرمهال په زندان کې ۱۷۰۰ بندیان ول، چې ټولو د تېښتې هڅه کړې. ۵۰۰ بندیان په زندان کې پاتې دي او نور ۸۰۰ کسان د طالب، داعش او مجرمینو په ګډون تښتیدلي دي.

داعش ډلې تر دې دمه په دې اړه څه ندي ویلي.

تازه خبرونه

په کندهار کې د عالمانو، مخورو او چارواکو ګډه غونډه جوړه شوه

Published

on

(Last Updated On: زمری ۲۸, ۱۴۰۱)

د پنجشنبې پر ورځ په کندهار کې شاوخوا ۳۰۰۰ دیني عالمان، دولتي چارواکي، قومي مخور او د مدني ټولنو غړي د یوې پراخې ولسي غونډې برخوال شول.

په دې ولسي غونډه کې د افغانستان اسلامي امارت مشرتابه ملا هبة الله آخوندزاده هم ګډون او وینا کړې؛ خو رسنۍ د آخوندزاده د وینا ثبتولو یا فلم کولو څخه منع شوي دي.

د بهرنیو چارو وزارت سرپرست امیر خان متقي پدې غونډه کې ویلي، چې د افغانستان اسلامي امارت له نړۍ سره ښې اړیکې غواړي؛ خو بهرنۍ ټولنې باید دا تمه ونلري، چې له ۲۰ کلنې جګړې وروسته دې اړیکې سمدستي عادي شي.

متقي ویلي، په داسې حال کې، چې اسلامي امارت له نړیوالې ټولنې سره ښې اړیکې غواړي او له نړۍ هیله لري، چې افغانان پرېږدي، چې د خپلو عقایدو او دودونو له مخې ژوند وکړي.

هغه دا هم وويل، چې دوى د سيمې له هېوادونو سره د سوداګريزو اړيکو په ټينګولو کې ډېرې لاسته راوړنې لري او دا مهال د افغان سوداګرو پر مخ پولې خلاصې دي او اوس خپل توکي صادروي.

دغه راز د بهرنیو چارو وزارت چارسمبالي ټینګار کړی، چې د افغانستان د اشغال د پای ه رسولو او په افغانستان کې د اسلامي نظام د رامنځته کولو لپاره بې شمېره قربانۍ ورکړي دي.

هېوادوال هیله من دي، چې د دې غونډې یوه پایله به له شپږم ټولګي څخه پورته د نجونو لپاره د ښوونځیو د بیا پرانیستلو پرېکړه وي.؛ خو دا اوس هم څرګنده نده، چې په دې غونډه کې به پر دې موضوع بحث شوی او  که نه!

دا په څو میاشتو کې دوه یمه دا لویه غونډه ده؛ لومړی یې دوه میاشتې مخکې د کابل د لویې جرګې په تالار کې ترسره شوې ده.

Continue Reading

تازه خبرونه

په کابل کې پرونۍ چاودنې ۵۴ کسانو ته مرګ و ژوبله اړولې

Published

on

(Last Updated On: زمری ۲۷, ۱۴۰۱)

د کابل ښار امنیه قومندانې څرګنده کړې، چې پرون ماښام د اووه لسمې امنیتي حوزې اړوند په یو جومات کې د لمانځه پر مهال د چاودنې له کبله ۲۱ هېوادوال وژل شوي او ۳۳ نور ټپیان دي.

د چاودنې مسوولیت سمدستي چا پر غاړه ندی اخیستی؛ خو په کابل کې د ډېرو چاودنو او بریدونو پړه داعش ډلې منلې ده.

د افغانستان اسلامي امارت د امنیت ټینګولو ډاډ ورکوي او وایي، چې د تېر حکومت له نسکورېدو وروسته په ټولیز ډول تاوتریخوالی کم شوی دی.

رویترز د ایمرجنسي روغتون د یو ایتالیاوي نادولتي بنسټ د څرګندونو له مخې، چې د جګړې د قربانیانو په درملنه کې تخصص لري؛ څرګنده کړې، چې دوی ته د پېنځه ماشومانو په ګډون ۲۷ کسان د درملنې لپاره ورلېږدول شوي دي.

Continue Reading

تازه خبرونه

له افغانستان څخه د امریکايي ځواکونو وتل ستراتیژیکه ناکامي نومول شوې

Published

on

(Last Updated On: زمری ۲۷, ۱۴۰۱)

د امریکا د ولسي جرګې د بهرنیو اړیکو جرګه ګۍ له افغانستان څخه د امریکايي ځواکونو وتل یوه ستراتیژیکه ناکامي ونوموله.

د امریکا د ولسي جرګې د بهرنیو اړیکو د جرګه ګۍ جمهوريت غوښتونکیو غړیو یو راپور خپور کړی او له افغانستان څخه یې د امریکا وتل یوه ستراتیژیکه ناکامي بللې.

د امریکا د ولسي جرګې د بهرنیو اړیکو د جرګه ګۍ مایکل مک‌کال پدې باور دي، چې له افغانستان څخه د امریکا وتل د چین، روسیې او ایران  په ګډون د امریکا دښمنان ډېر زړور کړل.

په دې راپور کې ویل شوي، چې د دوحې تړون ولسمشر بایډن دې ته اړ نکړ، چې له افغانستان څخه ووځي، بلکې هغه د خپلو جګپوړیو پوځي سلاکارانو، استخباراتي ټولنې او د امریکا د متحدینو مشورې بابیزه وګڼلې.

په دې راپور کې راغلي، چې د بایډن ادارې د خپلو پوځي سلاکارانو د مشورو پر خلاف له افغانستان څخه بې قید او شرطه وتل غوره کړل. که څه هم د بایډن اداره وايي، چې د دوحې تړون عملي شوی دی.

د امریکا د ولسي جرګې د بهرنیو اړیکو د کمیټې د راپور په یوه برخه کې راغلي: د دوحې تړون ولسمشر بایدن دې ته اړ نکړ، چې له افغانستان څخه ووځي؛ بلکې هغه د خپلو جګپوړیو پوځي سلاکارانو، استخباراتي ټولنې او د امریکا د متحدینو د مشورو پر خلاف دا کار وکړ.

راپور زیاتوي؛ د دوحې هوکړه د شرطونو پر بنسټ شوې، چې تر اوسه دغه شرطونه پوره شوي ندي.

د امریکا د ولسي جرګې د بهرنیو اړیکو په جرګه ګۍ کې جمهوريت غوښتونکیو د بایدن د سلاکارانو د څرګندونو له مخې اعتراف کړی، چې حتی که د دوحې تړون هم نه وای، له افغانستان څخه به یې خپل ځواکونه ایستل.

په راپور کې راغلي؛ د ناتو لویو متحدینو، د بریتانیا او جرمني په ګډون د بایدن له حکومته په کلکه غوښتي وه، چې له افغانستان څخه دې خپل پوځیان له قید او شرط پرته نه وباسي.

دې راپور د امریکا د دفاع وزارت، د استخباراتو او د بریتانیا د استخباراتو د ادارو په حواله لیکلي، چې له افغانستان څخه وتل یوازې د امریکا د دښمنانو په ګټه ول.

د دغه راپور په یوه برخه کې راغلي، چې په ایران کې د پام وړ شمېر افغان ځانګړیو ځواکونو پناه اخیستې ده.

د امریکا د ولسي جرګې د بهرنیو اړیکو د کمیټې د راپور له مخې؛ تر اوسه پورې، د بایدن ادارې له ځانګړیو ځواکونو سره د معاملې کوم پلان نه درلود. که د ایران، روسیې یا چین لخوا ونیول شي؛ نو دوی د امریکا ملي امنیت ته جدي ګواښ پېښولی شي.

د دغه راپور د څرګندونو له مخې؛ افغان ځانګړي ځواکونه د امریکا لخوا روزل شوي او نه یوازې د امریکا د پوځ پر تکتیکونو پوهیږي، بلکې پدې هم پوهیږي، چې دغه لوړپوړي پوځي چارواکي څوک دي.

دا په داسې حال کې ده، چې د امریکایي او ناتو ځواکونو په شتون کې د اسلامي امارت ځواکونو د هېواد ټولې سیمې په ۱۱ ورځو کې ونیولې او د کابل حکومت یې نسکور کړ.

Continue Reading

Trending

Copyright © 2022 Ariana News. All rights reserved!