سیمه ییز خبرونه
په افغانستان كې د طلاق پېښې ډېرې شوې دي
په كابل كې د كورنۍ محكمې رييسه وايي:
تېركال د طلاق پېښې ۱۰۵ ته رسيدې، خو د روان كال په نهه مياشتو كې بيا د طلاق پېښې ۱۰۶ ته رسيدلي دي.
په افغانستان كې د ښځو د حقونو ځينې فعالان د طلاق شويو ميرمنو پر راتلونكي ژوند انديښنه ښكاره كوي.
په كابل كې د كورنۍ محكمې رييسه رحيمه رضايي د طلاق د پېښو زياتوالى د اندېښنې وړنه بولي او وايي:
د طلاق د پېښو د زياتوالي يو دليل دا دى، چې ښځې پخپلو حقونو خبرې شوې دي.
په افغانستان كې د كورني جوړښت بدلون ساده كارنه دى. په دې هېواد كې ډېر دودونه ژورې رېښې لري، له مركې، كوژدې او واده نيولې د كورنۍ تر جوړښت پورې ځوانان او كورنۍ يې خپلې موخې ته تررسېدو پورې له ډېرو ستونزو سره مخ كيږي، خو طلاق ټول دا تكليفونه او منډې له منځه وړي.
د افغانستان د بشري حقونو خپلواك كميسيون كميشنره ثريا صبحرنگ بشري حقونو خپلواك كميسيون هم د طلاق د پېښو پرزياتوالي او د دې پېښو له اړخه د ټولنيزو ناخوالو په اړه اندېښنه ښيي.
د ولسي جرگې غړې فوزيه كوفي هم له طلاق وروسته د افغان ميرمنو پر ژوند اندېښمنه ده.
د پوهنتون استاد مولوي محمد ضمير خالقيار خبردارى وركوي، چې:
د طلاق د پېښو له زياتوالي سره د جرايمو گراف لوړيږي او دا چاره د دې لامل گرزي، چې په هېواد كې ټولنيز فساد پراخ شي.
د سيمې په كچه افغانستان هغه هېواد دى، چې په كې د طلاق پېښې ډېرې كمې دي؛ خو په دې وروستيو كې د طلاق د پېښو زياتوالي خوشبيني او بدبيني دواړه ترشا پريښي دي.