تازه خبرونه
په افغانستان کې باید د ګډوډۍ مخه ونیول شي

په اسلام آباد کې د اسلامي همکاریو ټولنې ۱۷ ناسته د پاکستان د بهرنیو چارو د وزیر شاه محمود قریشي پر وینا پیل او په کې ویناوالو د افغانستان پر سیاسي، اقتصادي، بشري حالت، فقر او لوږې خبرې وکړې.
په دې غونډه کې د اسلامي همکاريو ټولنې ٥٧ غړیو هېوادونو د بهرنيو چارو وزيرانو، د ملګرو ملتونو، روسيې، چين، جرمني، فرانسې، بريټانيا، جاپان او اروپايي ټولنې استازیو ګډون کړى و.
د پاکستان لومړي وزیر د افغانستان پر روان وضعیت او د دې هېواد د سیاسي او اقتصادي نظام د سقوط پر شونتیاوو اندېښنه په ډاګه کړه.
د پاکستان لومړي وزیر عمران خان ویلي: افغانستان د ګډوډۍ پر لوري روان دی؛ کوم حکومت، چې د خپلو دولتي کارکوونکیو، ډاکټرانو او روغتیايي کارکوونکیو معاشونه نشي ورکولی، اړینه ده، چې که هر حکومت وي حکومت سقوط کوي؛ خو ګډوډي د هیچا په ګټه نده.
په پاکستان کې افغان سفارت ویلي، دغه ناسته د افغانانو لپاره پر بشري مرستو، د کنګل شویو پیسو آزادیدو، د نړی له لوري د ا.ا پر رسمیت پېژندو او نورو اړوند موضوعاتو راڅرخېدلې ده.
د سرچینې د څرګندونو له مخې؛ په دې ناسته کې د افغانستان په استازيتوب د بهرنیو چارو وزیر امیرخان متقي ګډون کړی دی.
په اسلامآباد کې د اسلامي همکاریو سازمان غونډې ته د وینا پر مهال د پاکستان د بهرنیو چارو وزیر شاه محمود قریشي ویلي؛ د اسلامي همکاریو سازمان غړي هېوادونه د افغانستان له خلکو سره ولاړ دي.
نوموړي زیاته کړې، باید له افغانستان سره «له قید او شرط پرته» بشردوستانه مرستې وشي.
هغه ویلي؛ په افغانستان کې اقتصادي ناورین د کډوالو او ترهګرۍ د ډېرېدو سبب کېږي، چې د سیمې او نړۍ پر امنیت به ناوړه اغېزې ولري.
دغې ناستې ته د اسلامي هکاریو سازمان عمومي منشي حسين ابراهيم طه هم د دې سازمان له غړیو غوښتي، چې د افغانستان له خلکو سره مرسته وکړي.
دغه راز نوموړي په افغانستان کې له ټولو اړخونو څخه د یووالي او پخلاینې غوښتنه وکړه.
د سعودي عربستان د بهرنیو چارو وزیر فيصل بن فرحان آل سعود په اسلامآباد کې د اسلامي همکاریو سازمان غونډې ته د وینا پر مهال ویلي، په افغانستان کې اقتصادي ستونزې به نه یوازې د افغانستان خلک زیانمن کړي؛ بلکې د سیمې او نړۍ پر امنیت به هم منفي اغېزې ولري.
د ترکیې د بهرنیو چارو وزیر مولود چاووش اوغلو په اسلامآباد کې د اسلامي همکاریو سازمان غونډې ته د وینا پر مهال ویلي؛ له اسلامي امارت سره نه یوازې د سولې تر لاسه کولو لپاره کار کولو ته اړتیا ده، بلکې د ټولګډونه حکومت او میرمنو حقونو ته درناوی هم اړین دی.
نوموړي ټینګا کړی، چې د افغانستان د اقتصاد سقوط مخه باید ونیول شي؛ بندیزونو د افغانستان مالي سېسټم له کاره غورځولی او تر هغې، چې افغانانو ته پیسې و نه رسېږي؛ ژمنې بې ګټې دي.
د ایران بهرنیو چارو وزیر حسین امیر عبداللهیان هم د افغانستان د ستونزې حل د ټولګډونه حکومت په جوړولو کې ګوري او وایي، چې د افغانستان د ستونزې یوازنی حل د داسې یوه حکومت پر جوړولو پای ته رسیدی شي، چې ټولو اړخونو ته د منلو وي.
هغه له دغو هېوادونو وغوښتل، چې د افغانستان د تلپاتې ثبات او امنیت لپاره همکاري وکړي.
د اسلامي امارت د بهرنیو چارو وزارت چارسمبالي امیر خان متقي د اسلامي همکاریو ټولنې غونډې ته ویلي، چې اسلامي امارت د افغانستان د کړکېچ عادلانه حل لارې په موندلو کې به د اسلامي هېوادونو مشورې، غوښتنې او اندېښنې پر ورین تندي ومني.
نوموړي زیاته کړې؛ د افغانستان سیاسي انزوا د هیچا په ګټه نده؛ نو اړینه ده، چې ټول د اوسني ثبات ملاتړ ته راودانګي او له سیاسي او اقتصادي پلوه یې ملاتړ وکړي.
په اسلاماباد کې د اسلامي همکاریو ټولنې له غونډې سره همهاله، هندي رسنیو خبر ورکړی، چې نوی ډهلی هم نن د «هند- مرکزي آسیا ډیالوګ» نومې ناستې کوربه دی.
په دې ناسته کې د مرکزي آسیا هېوادونو د بهرنیو چارو وزیرانو ګډون کړی، چې د افغانستان د روان وضعیت تر څنګ د سوداګرۍ پراختیا او سیمه ییز اتصال په اړه په کې خبرې کیږي.
د هند د بهرنیو چارو وزیر جي شنکر ویلي؛ هند او د مرکزي آسیا هېوادونه په افغانستان کې یوشان موخې او اندېښنې لري.
راپورونه وايي، د نوي ډهلي په ناسته کې د هند، تاجکستان، ازبکستان، ترکمنستان، قرغزستان او قزاقستان د بهرنیو چارو وزیرانو ګډون کړی دی.
تازه خبرونه
د اوبو او انرژۍ وزارت چارسمبالي په تاشکند کې له افغان پانګوالو سره وکتل
د اوبو او انرژۍ وزارت نن (چارشنبه د غویی څلیریشتمه) په یوه خبرپاڼه کې څرګنده کړې، چې په دې غونډه کې عبداللطیف منصور تاشکند میشتو افغان پانګوالو ته ډاډ ورکړ، چې اسلامي امارت به په هېواد کې د دوی د پانګونې لپاره اړینېآسانتیاوې برابرې کړي.

د اوبو او انرژۍ وزارت چارسمبالي(سرپرست) عبداللطیف منصور ازبکستان ته د خپل رسمي سفر په لړ کې د افغانستان سفارت ته ولاړ او په تاشکند کې یې د اسلامي امارت له سفیر عبدالغفار بحر، د سفارت له چارواکو او یو شمېر افغان پانګوالو سره ولیدل.
د اوبو او انرژۍ وزارت نن (چارشنبه د غویی څلیریشتمه) په یوه خبرپاڼه کې څرګنده کړې، چې په دې غونډه کې عبداللطیف منصور تاشکند میشتو افغان پانګوالو ته ډاډ ورکړ، چې اسلامي امارت به په هېواد کې د دوی د پانګونې لپاره اړینېآسانتیاوې برابرې کړي.
هغه له هغو وغوښتل، چې د هېواد د اوبو او انرژۍ په سکټورونو کې پانګونه وکړي او زیاتوي، چې افغانستان اوس د امنیتي پلوه د پانګوالو لپاره ښه فرصت برابروي.
هغه ټینګار کړی، چې اسلامي امارت د خصوصي سکټور ملاتړ ته ژمن دی او پانګوالو ته یې قانوني، تخنیکي او اداري آسانتیاوې برابرې کړې دي.
تازه خبرونه
د اسلامي امارت لوړ پوړی پلاوی کازان ته ورسېد
اقتصادي مرستیالۍ په یوه رسنیزه خبرپاڼه کې ویلي، چې د کازان په نړیوال هوايي ډګر کې د تاتارستان جمهوریت مرستیال مشر د اسلامي امارت د لوړ پوړي پلاوي “تود هرکلی” وکړ.

د اسلامي امارت یو لوړ پوړی پلاوی د ریاست الوزراء د اقتصادي مرستیال ملا عبدالغني برادر پر مشرۍ نن (چارشنبه د غویی څلیریشتمه) د تاتارستان جمهوریت پلازمېنې کازان ته ورسېد، چې د کازان په شپاړلسم نړیوال اقتصادي فورم کې ګډون وکړي.
اقتصادي مرستیالۍ په یوه رسنیزه خبرپاڼه کې ویلي، چې د کازان په نړیوال هوايي ډګر کې د تاتارستان جمهوریت مرستیال مشر د اسلامي امارت د لوړ پوړي پلاوي “تود هرکلی” وکړ.
د کازان نړیوال فورم تېره ورځ( د غویی درویشتمه) د روسیې د ولسمشر ولادمیر پوتین پر پرانستونکې وینا پیل شو او د غویی تر اتهویشتمې به روان وي.
تازه خبرونه
په تاجکستان کې د کاسا ۱۰۰۰ پروژې ناستې ته افغان پلاوي ولاړ
د افغانستان برښنا شرکت د خبرپاڼې له مخې؛ په دې ناسته کې به د پروژې د چارو پر اوسني وضعیت، پرمختګونو، ستونزو او ګڼو نورو اړخونو او راتلونکو پلانونو خبرې وشي.

په تاجکستان کې د کاسا ۱۰۰۰ پروژې ناستې ته افغان پلاوي ولاړ
د افغانستان برښنا شرکت عمومي اجرائیوي رییس عبدالباري عمر پر مشرۍ پلاوي د کاسا ۱۰۰۰ پروژې په اړه ناسته کې د ګډون لپاره تاجکستان ته سفر وکړ.
د افغانستان برښنا شرکت د خبرپاڼې له مخې؛ په دې ناسته کې به د پروژې د چارو پر اوسني وضعیت، پرمختګونو، ستونزو او ګڼو نورو اړخونو او راتلونکو پلانونو خبرې وشي.
د کاسا ۱۰۰۰ پروژې ناسته پر افغانستان، تاجکستان، قرغیزستان او پاکستان سربېره د اسلامي پراختیایي بانک او د بهرنیو ادارو او بنسټونو استازو په ګډون د تاجکستان په پلازمېنه دوشنبه کې جوړه شوې ده.
دا پروژه له منځنۍ آسیا څخه سویلي آسیا ته د برښنا لېږد تر ټولو ستره پروژه ده، چې د افغانستان له لارې تېریږي.
-
نړۍ3 days ago
امریکا او حماس په غزه کې د اوربند په اړه خبرې کوي
-
سیمه ییز خبرونه4 days ago
د هند او پاکستان د اوربند له هوکړې وروسته د چاودنو راپورونه ورکړ شول
-
سیمه ییز خبرونه1 day ago
ټرمپ منځني ختیځ ته د څو ورځني سفر لپاره سعودي عربستان ته ورسېد
-
تازه خبرونه1 day ago
د ازبکستان او اروپايي ټولنې ځانګړو استازو د افغانستان په اړه خبرې وکړې
-
سیمه ییز خبرونه3 days ago
ټول پیلوټان بېرته خپل کور ته راستانه شول – د هند هوايي ځواک
-
سوداگري2 days ago
امریکا او چین د تعرفو پر لنډمهاله کمولو هوکړې ته ورسېدل
-
تازه خبرونه3 days ago
په افغانستان کې د اورښت کمښت مخ پر پراخېدو دی ـ اوچا
-
سیمه ییز خبرونه17 hours ago
ایراني او اروپايي ډیپلوماټان په استانبول کې خبرې وکوي