Connect with us

تازه خبرونه

په افغانستان کې دې د طالبانو او حکومت ترمنځ واک ووېشل شي – اسلام آباد

Published

 on

(Last Updated On: چنګاښ ۱۹, ۱۴۰۰)

د پاکستان د بهرنیو چارو وزیر د حکومت د مشرانو جرګې د بهرنیو اړیکو کمېټې ته ویلي، چې اسلام آباد په افغانستان کې د کورنۍ جګړې د مخنیوي لپاره د واک د وېش وړاندیز کوي.

پاکستان د افغانستان لپاره د تازه پلان وړاندیز کړی او په ډاګه کوي، چې په افغانستان کې دې د جګړې د مخنیوي لپاره د طالبانو او افغان حکومت ترمنځ واک ووېشل شي.

د پاکستان د بهرنیو چارو وزیر ویلي، د افغانستان جګړې، ایران او پاکستان د افغان کډوالو له تازه څپې سره مخ کړی او په دې موده کې پر پاکستانیو طالبانو، د افغان طالبانو برلاسي کولی شي دې هېواد ته ستونزې وزېږوي.

د پاکستان د بهرنیو چارو زیر شاه محمود قریشي ویلي: د پاکستان طالبانو تحریک کېدی شي، چې د افغان طالبانو تر اغېز لاندې راشي او دا کار د پاکستان لپاره ستونزې زیږوي. د افغانستان د جګړو زیاتوالي ایران او پاکستان دواړه اندېښمن کړي دي. اسلام آباد وړاندیز کوي، چې د ستونزو د مخنیوي لپاره واک ووېشل شي.

له همدې کبله د افغانستان د سولې لپاره د امریکا د بهرنیو چارو وزارت استازي زلمي خلیلزاد ویلي، چې د افغانستان ستونزه له پوځي لارې نه حلېږي.

د افغانستان لپاره د امریکا د بهرنیو چارو وزارت استازی زلمی خلیلزاد وایي: زه د جګړې زیاتوالي حیران کړی نه یم، خو د طالبانو پرمختګونو هک پک کړی یم. هیله من یم، چې افغان سرتېري د خپلو متحدینو په همکارۍ وکړی شي خپل موقعیت ترلاسه کړي او طالبان پر شا وتمبوي. بیا يې تکراروم د افغانستان ستونزې له پوځي لارې نه حلېږي.

د طالبانو پخوانی غړي سید اکبر آغا ویلي؛ طالبانو په تېره یوه اوونۍ کې تهران او مسکو ته سفرونه کړي، چې حکومت ته یې هم هیلي زېږولي دي، چې د سولې خبرې بیا پیل شي.

حکومت یوځل بیا طالبانو ته د خبرو وړاندیز کوي او وایي، چې د سولې خبرو ته راوګرځي.

ملګري ملتونو او د قطر هېواد هم هڅې کوي، چې د افغان دولت او طالبانو پلاوي بیا د خبرو میز ته کښېنوي.

طالبانو په داسې حال کې، چې له دولتي ځواکونو سره جګړه کوي؛ خو د سولې خبرو پر میز يې هم خپل حضور ساتلی دی

تازه خبرونه

څار: د سترې غوندې د جوړېدو لپاره د حکومت چمتووالی

Published

on

(Last Updated On: چنګاښ ۶, ۱۴۰۱)

Continue Reading

تازه خبرونه

په کاناډا کې ۳۰ زره کلن بشپړ کوچنی مومیایي شوی فیل موندل شوی

Published

on

(Last Updated On: چنګاښ ۷, ۱۴۰۱)

د کاناډا د یوکان په دودیزه سیمه کې د سې شبنې پر ورځ د سرو زرو یوه کان کیندونکي په بشپړه توګه ساتل شوی یا مومیایي شوی بشپړ کوچنی فیل موندلی دی.

ګومان کېږي دا د کنګل د پېر ښځینه وړین مومیایي ماموت به ۳۰ زره کاله لرغونی وي.

د شمالي امریکا سیمه ییز حکومت د رسنیزو څرګندونو له مخې، دغه ښځینه کوچنی فیل نون چوګا نومول شوی، چې په هان ژبه کې غټ کوچنی څاروی ژباړل کیږي.

د یوکان حکومت دغه فیل په ۲۰۰۷ کال په روسیه کې له موندل شوي فیل سره پرتله کړی، چې د سایبیریا په اړوند کنګل شوې سیمه کې موندل شوی و.

په روسیه کې موندل شوی فیل لیوبا نومول شوی، چې شاوخوا ۴۲ زره کاله لرغونی دی.

د دې وړۍ لرونکي فیل نسل پخوا له منځه تلی او لرغونپوهان یې په لټه کې ستړي شوي هم دي.

لرغونپوهانو ویلي؛ دا تر ټولو بشپړ ښځینه مومیايي‌شوی وړین ماموت دی، چې په شمالي امریکا کې موندل کیږي او د نړۍ په کچه د خپلې بڼې دوه یم هغه دی.

د یوکان لرغونپوه ګرانت زازوله ویلي؛‌ نون چو ګا ښکلی او د کنګل د پېر زړه راکښونکی مومیایي څاروی دی،‌ چې تر دې دمه موندل شوی دی.

د نوموړي د څرګندونو له مخې؛ دا فیل له نیمګړتیاوو پرته پوره او بشپړ خوندي شوی؛ د پښو نوکان، پوستکی، ویښتان یا وړۍ، ټول وجود او حتا کلمې یې له لاسوهنې پرته خوندي پاتې دي او د وروستي خوراک واښه یې اوس هم د لیدنې وړ دي.

په ۱۹۴۸ کال د یوکان د ګاونډ الاسکا د سرو زور په یوه کان کې هم د یوه کوچني فیل پاتې شوني موندل شوي و او هغه ایفي نومول شوی دی.

وړین فیل، څه نا څه د آفریقایي فیل کچه لرله، چې نږدې ۴۰۰۰ کاله پخوا پر ځمکه ګرځیده. پخوانیو انسانانو دوی د خواړو لپاره ښکارول او د هنري وسایلو او استوګنې لپاره یې د فیل هډوکي او عاج کارول. ساینس پوهان په دې اړه، چې آیا ښکار یا د اقلیم بدلون د دوی د ورکیدو لامل شوی که نه؛ سره وېشل شوي دي.

Continue Reading

تازه خبرونه

د نشه يي توکو د کښت، توليد او قاچاق پر وړاندې کلکه مبارزه روانه ده

Published

on

(Last Updated On: چنګاښ ۶, ۱۴۰۱)

د هرات سیمه ییز چارواکي وایي؛ په وروستیو میاشتو کې شاوخوا دوه زره هکټاره ځمکه د نشه يي توکو له کښت پاکه او له ۱۰۰۰ ډېر روږدي کسان مو له ښاره د درملنې لپاره راټول کړي دي.
د هرات سیمه ییزو چارواکو د نشه يي توکو پر وړاندې د مبارزې د نړيوالې ورځې د نمانځغونډې پر مهال د نشه يي توکو د کښت، توليد او قاچاق پر وړاندې د جدي مبارزې ډاډ څرګند کړ.
دوی دغه راز ټینګار کړی، چې په دې ولایت کې پر نشه يي توکو د روږدو کسانو د درملنې بهیر هم روان دی.
د هرات پوليسو څرګنده کړې؛ امنيتي ځواکونه د نشه يي توکو د کښت، توليد او پلور د مخنيوي لپاره هڅې کوي او لسګونه کسان يې د نشه يي توکو د پلور په تړاو نيولي دي.
د هرات امنیه قوماندانۍ د نشه يي توکو پر وړاندې د مبارزې مدیر حیات الله روحاني ویلي: لکه څنګه، چې تجربې ښودلې د نشه يي توکو د پلورونکیو تر نيولو پورې به د روږدو کسانو شمېر کم نشي. مونږ شاوخوا ٢٥٠ عمليات کړي، د نشه يي توکو ډېر سوداګر مو نيولي او د هغوى دوسيې مو عدلي او قضايي ارګانونو ته لېږلې دي.
د هرات د عامې روغتیا ریاست د نشه يي توکو د اړتیا کمولو عمومي مدیر داکتر سید محمد سادات وایي:
هغه بنسټیز او اساسي کار، چې اسلامي امارت یې باید ترسره کړي هغه دادی، چې د روږدو روغتون له پروژه یي حالت راوباسي او د افغانستان د روغتیا سیستم ته یې وسپاري.
د اړوند بنسټونو د څرګندونو له مخې، په هرات کې پر نشه يي توکو د روږدو کسانو شمېر ۷۰ زره کسانو ته رسیږي، چې ډېري يې د ښار په واټونو او پارکونو کې شپې او ورځې تېروي.
روږدی نذیراحمد نومی وایي: دوی میرمنې او اولادونه لري؛ داسې څوک نشته، چې کورنۍ ونلري. دا ټول د بېکارۍ له کبله کیږي. دولس کاله مې پخپله زدکړه وکړه؛ خو ګوره اړ یم، چې اوس دلته په واټ کې یم.
رضا نومي روږدي څرګنده کړې؛ هیڅوک زمونږ وضعیت ته پاملرنه نکوي. مونږ څه کولی شو؟ مونږ بندیان شوو او بیا خوشې شوو؛ خو د لوږې له دې حالت سره څه کولی شو؟
کارپوهان پدې باور دي، چې بېوزلي او بېکاري نشه يي توکو ته د روږدو کسانو د آسانه لاسرسي لامل دى او هره ورځ یې شمېر د ډېرېدو په حال کې دی. په دې توګه په ټولنه کې د جنايي جرمونو کچه هم لوړېږي.
د پوهنتون استاد محمد ابراهیم مصون ویلي: یو مناسب میکانیزم ته اړتیا ده؛ حکومتونه باید له بېلابېلو کورنیو او نړیوالو بنسټونو سره، یو داسې جوړښت رامنځته کړي، چې له مخدره توکو سره د هر ډول چلند مخه ونیسي.
د نشه يي توکو پر وړاندې د مبارزې ځواکونه وايي، چې په تېرو لس مياشتو کې يې څه باندې دوه سوه کسان د نشه يي توکو د قاچاق پر تور نیولي او له ۱۰۰۰ کيلوګرامو ډېر نشه يي توکې هم ترې تر لاسه شوي دي.

Continue Reading

Trending

Copyright © 2022 Ariana News. All rights reserved!