Connect with us

سوداگري

په افغانستان کې د اقتصادي بحران له کبله لسګونه کارخونې تړل شوي

خپور شوی

د

(Last Updated On: کب ۱۱, ۱۴۰۰)
د صنایعو او کانونو خونې مسوولینو ویلی؛ د اسلامي امارت له حاکمیت سره همهاله په ټول هېواد کې د ناامنيو او فساد کچه تر ډېره راټیټه شوې؛ خو د اقتصادي بحران له کبله لسګونه کارخونې تړل شوې دي.

په افغانستان کې له تېرو شل کلونو راپدیخوا د خصوصي سکتور لخوا ( صنعتي پراختیا، کرنې، مالدارۍ، باغدارۍ، د کانونو استخراج، خدمات، روغتیا، تحصیلات، بانکدارۍ، مخابراتو، هوانوردۍ او ساختمان ) په برخه کې پانګونه شوې ده.

د خصوصي سکتور د معلوماتو پر بنسټ د دې پانګونې کچه  له ۵۰ میلیارډ ډالرو ډېر تخمین شوی او په هېواد کې د اسلامي امارت واک ته له رسېدو سره سم په هېواد کې سلګونه داسې کار و بارونه ول، چې هڅې یې وځنډېدې.

د افغانستان د صنایعو او کانونو خونې غړي وایی، چې یو شمېر هغه فابریکې، چې کارونه یې بند شوي یو لامل یې هم د نړیوالو لخوا د افغانستان پر بانکي سکتور پاتې بندیزونه ول.

دوۍ زیاتوي، چې اسلامي امارت باید د کورنیو تولیداتو د ملاتړ لپاره عملي ګامونه واخلي.

د افغانستان د صنایعو او کانونو خونې مرستیال سخي احمد پيمان وایي؛ مونږ د افغانستان له اسلامي امارته رضایت لرو. د کورنیو تولیداتو د ودې او د صنعت د پراختیا لپاره دوی خپلې هڅې کوي.  ځینې ستونزې، چې رامنځته شوي؛ هغه هم په افغانستان د نړیوالو بندیزونو له مخې دي، چې هیله ده دا ستونزه  هم لرې شي او د افغانانو پيسې پوره آزادې شي.

د هېواد د اوسپنې ویلې کیدو ټولنې غړي، چې د هېواد په کچه تر ټولو ډېره برښنا لګوي او وایي؛ د دې سکتور د برښنا ستونزه اوس هم  په بشپړ دول نده حل شوې؛ خو له هېواده د اومه توکو د قاچاق مخه نیول شوې ده.

د اوسپنې ویلې کولو فابریکو د ټولنې غړی عبد النصیر رشتیا وایي: د تېر په پرتله مو ستونزې لږ شوي. هیله لرو، چې د کورنیو تولیداتو شته ستونزې نورې هم کمې شي.

د اقتصادي چارو کارو پوهان هم د افغانستان له اسلامي امارته غوښتنه کوي، چې د کورنیو تولیداتو پراختیا لپاره په هېواد کې د پانګونې د جذب لپاره آسانتیاوې زیاتې کړي، چې په هېواد کې د اقتصادي فعالیتونو ولاړ ماشینونه بېرته پر حرکت راشي.

سوداگري

په بلخ ولایت کې د یوه صنعتي پارک د بنسټ ډبره کېښودل شوه

Published

on

(Last Updated On: ليندۍ ۶, ۱۴۰۲)

د یکشنبې پر ورځ (د لیندۍ ۵ نېټه) د بلخ د صنعتي پارک د بنسټ ډبره د دغه ولایت د دولتي چارواکو او خصوصي سکتور د استازیو په شتون کې کېښودل شوه.

د صنعت او سوداګرۍ وزارت له لوري په دې مناسبت جوړو شویو مراسمو کې د بلخ مرستیال والي نورالهادي ابو ادریس له خصوصي سکتور سره د اسلامي امارت پر ملاتړ د ټینګار ترڅنګ څرګنده کړه: د ستونزو د حل لپاره هڅې کیږي او دا ډول پروژې د هېواد د پرمختګ لپاره پلي کیږي.

د سوداګرۍ او صنایعو وزارت د صنعتي پارکونو عمومي رییس سید محمد نعیم محمدي د دغه پارک د ځمکې د سپارلو او د دغه پارک د جوړېدو د پیل له کبله له مسوولینو د مننې ترڅنګ له سوداګرو او پانګوالو وغوښتل، چې په دغه پارک کې پانګونه وکړي.

د افغانستان د سوداګرۍ او صنایعو وزارت ويلي، په بلخ ولایت کې د صنعتي پارک د جوړولو لپاره د دغه وزارت له‌خوا څه باندې څلور زره جریبه ځمکه ځانګړې شوې او په لومړي پړاو کې به د دغه وزارت له‌خوا په ۲۴۴ جریبه ځمکه کې یو صنعتي پارک جوړ شي. د دغه صنعتي پارک د بنسټ ډبره د ۲۰ میلیون افغانیو پر لګښت د ۳ اعشاریه ۶ کیلومتره استنادي دیوالونو او ۱۰ کیلومتره سړک د جوړولو لپاره کېښودل شوه، چې چارې به یې په راتلونکیو شپږ میاشتو کې بشپړې شي.

دغه راز د صنعت او سوداګرۍ وزارت چارسمبالي نورالدین عزیزي په هلمند ولایت کې دوه صنعتي ښارګوټي پرانستي دي.

د صنعت او سوداګرۍ وزارت مطبوعاتي دفتر د یوې خبرپاڼې پر خپرولو څرګنده کړې، چې نورالدین عزیزي د دغو ښارګوټو د پرانیستلو په مراسمو کې د افغانستان پر صنعتي کېدو ټینګار وکړ.

په هلمند ولایت کې پر ۱۷۵ جریبه ځمکه د بست صنعتي ښارګوټي او پر دوه زره جریبه ځمکه ملي صنعتي ښارګوټي جوړیږي.

د صنایعو او سوداګرۍ وزارت چارسمبالي زیاته کړې: په هېواد کې د صنعتي ښارګوټو پرانیستل، د افغانستان له وارداتي اقتصاد څخه پر صادراتي انحصاري اقتصاد بدلول د اسلامي امارت د اقتصادي سیاست له لومړیتوبونو څخه دي.

دا په داسې حال کې ده، چې له دې مخکې د صنعت او سوداګرۍ وزارت چارسمبالي کندهار ولایت ته سفر کړی او هلته یې له تولیدي فابریکو لیدنه کړې ده.

 

Continue Reading

سوداگري

په نږدې را تلوونکې  کې به د قشقري د نفتو له نويو څاګانو هم استخراج  پیل شي

Published

on

(Last Updated On: ليندۍ ۲, ۱۴۰۲)

د کانونو او پترولیم وزارت خبر ورکړی، چې په نږ دې راتلونکي کې به د قشقري له نویو او بیا رغول شویو څاه ګانو څخه هم  د نفتو استخراج  پیل شي.

د کانونو او پترو لیم وزارت مسوولین وايي، چې دم ګړۍ د سرپل د قشقري د نفتو د استخراج  حجم  د ورځي ۴۰۰ متریک ټنو ته رسیږي، چې په نږدې را تلونکي کې به د نويو او بیا رغول شوي څاه ګانو څخه استخراج  پیل شي. له دې سره به د قشقري څخه د نفتو د استخراج  په حجم  کې  د پام وړ زیاتوالی رامنځ ته شي.

د کانونو او پترولیم وزارت ویاند همایون افغان ویلي؛ له چینايي شرکت سره د شوي تړون پر بنسټ اوس د قشقري سیمي د استخراج حجم ۴۰۰ متریک ټن  ته رسیږي؛ خو په نږ دې راتلونکي کې به د دې استخراج  حجم نور هم ډېر لوړ شي.

د سوداګرۍ او پانګونې خونې مسوولین هم وايي، چې په هېواد کې پر لوړه کچه د تولید ظرفیت شته او په دې برخه کې پر کورنۍ پانګونه ټینګار کوي.

دوۍ زیاته کړې؛ د کانونو وزارت باید د کورنیو پانګوالو د هڅوني لپاره هم  په دې لویو قراردادونو کې د فعالیت لپاره زمینه برابره کړي.

د  سوداګرۍ او پانګونې خونې غړی خان جان الکوزی څرګندوي؛ د هېواد د نفتو او لویو کانونو په استخراج کې باید کورنیو پانګوالو ته ونډه ورکړ شي او دې سکتور ته باید یو لوی د ډېر پانګوالو ګډ شرکت جوړشي، چې هم له هېواده پانګه بهر نه‌شي او هم ظرفیتونه رامنځته شي.

د اقتصادي چارو شنونکيو ويلي، چې افغانستان د نفتو په ګډون په بېلابېلو برخو کې  طبیعي  سرچینې  لري. که د دې سرچینو استخراج  له منظمو پلانونو سره وشي؛ له دې سره به د افغانستان پر اقتصادي پراختیا  ژورې او مثبتې اغېزې رامنځته شي.

د اقتصادي چارو شنونکی عبدالقادر جیلاني وایي؛ د چیني شرکت له‌خوا د قشقري د څاه ګانو د نفتو د استحراج بهیر اوس په منظم ډول سره ښه روان دی. دا د افغانستان د اقتصاد لپاره ډېره اړینه خبره ده. هیله لرم، چې د طالبانو حګومت( اسلامي امارت) له دې ظرفیتونو څخه ښه او د ملي اقتصادي د پراختیا لپاره ډېره استفاده وکړي.

که څه هم د کانونو وزارت مسوولین د نوي انکشافاتو په اړه د قیق ارقام نه‌وړاندي کوي؛ خو په دې وروستیو کې د سرپل د محلي چاروا کو له قوله ویل شوي، چې د قشقري د نفتو له څاګانو څخه د تېلو د استخراج کچه د ورځې له ۶۵۰ ټنو څخه ۹۰۰ ټنو ته لوړه شوې او د ورځی عوايد يي ٦٠٠ زره دالر ښودل شوي دي. دا مهال د تېلو له ۱۵ څاګانو څخه استخراج  کېږي او په راتلونکي کې به د څاګانو شمېر نور هم زیات شي.

Continue Reading

سوداگري

د خدیجة الکبری د ملي او نړیوال نندارتون شپږمه ورځ

Published

on

(Last Updated On: لړم ۲۸, ۱۴۰۲)

د صنایعو او سوداګرۍ وزارت د یکشنبې پر ورځ ( د  لړم ۲۸ ) ویلي؛ د خدیجة الکبری ملي او نړیوال نندارتون د ښځینه متشبثینو د پیاوړتیا لپاره په کابل ښار کې پیل شوی، چې نن یې شپږمه ورځ ده.

د صنایعو او سوداګرۍ وزارت د معلوماتو له مخې؛ په دغه نندارتون کې د افغانستان له ولایتونو او مرکز څخه ښځینه متشبثینو خپل تولیدات نندارې ته وړاندې کړل او له ملي او نړیوالو سوداګرو سره یې بلد شول.

د دغه وزارت په خبرپاڼه کې راغلي، چې: د دغه نندارتون له پرانستې سره سم په سلګونه مینه‌والو د ښځو د لاسي صنایعو او نورو تولیداتو ستاینه وکړه.

په دغه نندارتون کې ښځو له ۸۰۰ څخه په ډېرو غرفو کې خپل تولیدات نندارې ته ایښي دي.

دغه نندارتون به د لړم تر ۲۹ (دوشنبې) پورې روان وي.

Continue Reading

Trending

Copyright © 2022 Ariana News. All rights reserved!