Connect with us

سوداگري

په افغانستان کې د غالیو صنعت له ننګونو سره مخ دی

خپور شوی

 په

(Last Updated On: زمری ۴, ۱۴۰۰)

د هېواد سوداګرۍ او پانګونې خو نې او د خصوصي سکتور غړیو ویلي، چې د صنعت او سوداګرۍ وزارت د نه پاملرنې  له کبله د غالیو سکتور د له منځه تلو له ستونزو سره مخ دی.

د خصوصي سکتور غړيو ويلي؛ په هېواد کې د غاليو تولیدوونکي له ګڼو ستونزو سره مخ دي، چې یو زیات شمېر يې د ستونزو د زیاتوالي له کبله په ګاونډ هېوادونو کې کار کوي.

دوۍ  زیاتوي،  چې  په  تېرو دوه لسیزو کې د غالیو سکتور ته د صنعت او سوداګرۍ وزارت پاملرنه نده کړي. اوس هم دا سکتور صنعتي پارکونه نلري، د پروسس لپاره مناسب ځایونه نشته، د او مه توکو د ترلاسه کولو ستونزې لري او تر څنګ یې د صادراتو بهیر هم صفر ته رسیدلی دی.

دوی زیاته کړې، چې د صنعت او سوداګرۍ وزارت له غالیو تولیدوونکیو سره همکاري نده کړې.

د صنعت کارانو د ټولنې مشر عبد الجبار ساپی وایي: مونږ په ځلونو د صنعت او سوداګرۍ وزارت ته تللي یو؛ ورته مو ویلي، چې د غالیو سکتور ته پاملر نه کولی شي د غالیو سکتور نور هم پراخ کړي. د بې روېې او بې کیفیته وارداتو باید مخنیوي وشي. په دا لس کلونو کې دا سکتور یو صنعتي پارک نلري.

د صنعت اوسوداګرۍ وزارت ويلي،  چې دوی به دغالیو صنعت په سنتي  توګه و ساتي. که دا سکتور صنعتي نشي؛ ښايي خپل کیفیت له لاسه ورکړي.

دوی زیاته کړې؛ دغالیو تولیدوونکیو سره يي د ځینو وسایلو مرسته کړې او د هېواد په شمال کې نږدې  سل زره هېوادوال کار کوي،  چې ډېري کارکوونکي یې میرمنې دي.

د صنعت او سوداګرۍ وزارت ویاند فواد احمدي وایي: دغالیو ښکلا په لاس جوړوونکو کې ده او د هېواد غالۍ زیاتره برخه صنعتي شوې او صنعت او سوداګرۍ وزارت هم  ځینې تولیدې توکي او وسایل میرمنو ته ورکړي.

اقتصادپوهانو ويلي؛ که د افغان حکومت  لخوا  د غالیو روانو ستونزو ته د حل لار پیدا نشي، ښايي د دې سکتور د له منځه وړلو هڅې پراخه شي او د دې ستر کار پنځو ونکی سکتور فعالیتونه به په هېواد کې بند شي.

 

۲

سوداگري

پاکستان د کندهار د مالوچو کارخونو ۳۰ میلیون ډالر کنګل کړي

خپور شوی

په

توسط

(Last Updated On: غویی ۲۷, ۱۴۰۱)

په کندهار کې د مالوچو د پروسس کارخونو خاوندانو ویلي، چې پاکستان د دې سکټور شاوخوا ۳۰ میلیون ډالره پوروړی دی، چې اوس یې کاروبار بند کړی دی.

د کندهار د سوداګرۍ او صنايعو خونې چارواکو ويلي، پخوا به د افغانستان مالوچ پاکستان ته صادرېدل؛ خو اوس د افغانستان د مالوچو نيمايي محصولات پاکستان ته صادرېږي.

د دوی په وینا، پاکستان په بېلابېلو پلمو د فابریکو د خاوندانو ۳۰ میلیونه ډالره شتمني ضبط کړې ده.

د کندهار د سوداګرۍ او صنایعو خونې مشر سید سرور اماني وايي، پاکستان د بانکدارۍ د محدودیتونو له کبله په دغه ولایت کې د فابریکو شاوخوا ۳۰ میلیون ډالره پور ندی ورکړی.

زمونږ د بانکونو سيسټم خراب دي؛ مشکل لرو، د بانکي راکړې ورکړې بندې دي. په ځانګړې توګه پاکستان له دې کاره ناسمه ګټه پورته کوي. دا پدې معنا، چې زمونږ د مالوچو د سکتور ډېرې پیسې، چې شاوخوا ۳۰ میلیون ډالره کېږي په پاکستان کې بندې دي.

نوموړي زیاته کړې؛ دا د ۲۴ کارخونو پيسې دي. پاکستانی لوري یې نه پر حواله راکوي او نه د بانک  او  ټی ټي  له لارې.

په کندهار کې د مالوچو د پروسس ۲۴ فابریکې شته، چې تېر کال یې شاوخوا ۴۰۰ زره ټنه پروسس کړې وه.

په هرحال د دې سکټور پر وړاندې د ننګونو له کبله مو سږکال د پروسس کچه یوازې ۲۰۰ زره ټنو ته راټیټ شوې ده.

د سوداګرۍ خونې مسوولین وايي، پاکستان غواړي د دغو کارخونو خاوندانو ته ستونزې جوړې کړي، چې دوی له کاروباره ووځي.

په همدې حال کې د کارخونو خاوندان وايي، صنعتي پارکونو ته د برښنا کمښت هم لویه ننګونه ده.

د مالوچو د یوې فابریکې خاوند یارمحمد رحماني ویلي: زمونږ لویه ستونزه برښنا ده، د اسلامي امارت له راتګ څخه مخکې مونږ دلته له لس میګاواټه برښنا سره جنراتورونه درلودل؛ خو اوس هغه نلرو. مونږ له لمریزې برښنا او د کجکي بند له برښنا څخه کار اخلو.

هغه زیاته کړې: د پارک شمال لوري ته يوه ورځ او بله یوه ورځ سویل لوري ته برښنا ورکول کېږي؛ ځکه، نو برېښنا زمونږ اساسي ستونزه ده.

د دوی د څرګندونو له مخې؛ که د کندهار په صنعتي املاکو کې د مالوچو د پروسس کاخونې په عادي بڼه کار وکړي، نو زرګونه نورو ته به د کار زمينه برابره او د ناقانونه کډوالۍ مخه به ونيول شي.

Continue Reading

سوداگري

افغانستان له روسیې سره صادراتي او وارداتي اړیکو ته لیوالتیا ښکاره کړه

خپور شوی

په

توسط

(Last Updated On: غویی ۲۶, ۱۴۰۱)
د افغانستان اسلامي امارت غواړي له روسیې څخه د ګازو او تېلو د پېرلو تر څنګ روسیې ته نه یوازې وچه میوه صادره کړي، بلکې غواړي د ترکمنستان، افغانستان، پاکستان او هند د ګازو پر نللیکه هم عملي ټینګار ښکاره کړي.

د بزنس سټنډرډ د څرګندونو له مخې؛ په داسې حال کې، چې د روسیې د انرژۍ لوی شرکتونه لکه ګازپروم د لویدیځ تر بندیزونو لاندې دي، په مسکو کې د اسلامي امارت نومول شوي استازي جمال ناصر غروال له روسیې سره د انرژۍ په برخه کې د همکاریو د پراخولو لپاره د افغانستان پر هوډ ټینګار کړی دی.

جمال ناصر غروال د روسيې دولتي خبري آژانس تاس ته ويلي: مونږ د سوداګرۍ او مالي چارو په برخه کې خبرې اترې کوو. مونږ له روسیې سره د اقتصادي همکاریو او اړیکو پراختیا غواړو او له روسیې څخه د تېلو اخیستلو ته لیواله یوو.

نوموړي زیاته کړې؛ دا مهال د روسیې او افغانستان د سوداګرۍ وزارتونو له لارې خبرې اترې روانې دي؛ ځکه کابل هوډ لري، چې ډېر ژر ځانګړي تړونونه لاسلیک کړي.

په مسکو کې د افغانستان د سفارت چارسمبالي ټینګار کړی، چې د اسلامي امارت حکومت د زیربناوو، ودانیو، سړکونو او نورو اړینو تاسیساتو په جوړولو کې پر روسیې تکیه کوي؛ ځکه روسیې په تېر کې له افغانستان سره په دې اړه ډاډمنې مرستې کړې دي.

هغه څرګندوي: مونږ له مسکو سره د خبرو اترو له پرمختګ سره علاقه لرو او په دې اړه غواړو په راتلونکي کې خبرې اترې ولرو.

د راپور په پای کې جمال ناصر غروال د ترکمنستان، افغانستان، پاکستان او هند (ټاپي) د ګازو نللیکې د پروژې د کار دوام تائید کړ، چې پر مټ به یې سویلي آسیا هېوادونو له مرکزي آسیا له هېوادونو سره  ونښلوي.

Continue Reading

سوداگري

د اسلامي امارت د کانونو وزارت په عوایدو کې ډېروالی راغلی

خپور شوی

په

توسط

(Last Updated On: غویی ۲۵, ۱۴۰۱)

د کانونو او پطرولیم وزارت وايي؛  د کانونود اسختراج  او د پانګونې د جذب لپاره په لوړه کچه آسا نتیاوې رامنځته شوې دي.

د کانونو او پټرولیم وزارت د چارواکو د څرګندونو له مخې؛ شاوخوا لس میلیارد افغانۍ عواید لرو، چې یوازې له کوچني اختر راپدیخوا په لس کاري ورځو کې له ۸۰۰ میلیون افغانیو ډېر عواید راټول شوي دي.

دوی زیاته کړې؛ یو شمېر هېوادونه لیواله دي،  چې د افغانستان پر لیتیم  او یورانیم پانګونه وکړي؛ خو د دې کانونو د استخراج  په اړه د کانونو وزارت اوس کوم پلان نلري.

افغانستان یو له هغو هېوادونو دی، چې طبیعي  زیرمې  او کانونه یې  تر اوسه  پخپل حال پاتې دي.

د کانونو او پطرولیم  وزارت  ويلي؛  د یو شمېر هېوادونو  شرکتونه غواړي، چې  د افغانستان د لیتیم  او یورانیم  په استخراج  کې  پانګونه و کړي؛  خو د دې وزارت مسوولین د یورانیم  او لیتیم  د کانونو د استخراج  په اړه تر او سه کوم  پروګرام نلري او له هیچا سره يي  د قرارداد او استخراج  خبرې هم  شوې ندي.

د کانونو او پطورلیم وزارت ویاند مفتي عصمت الله برهان وایي: د نړۍ د بېل بېلو هېوادونو شرکتونه غواړي، چې په افغانستان کې پانګو نه وکړي. ځینو يي ليوالتیا درلو ده، چې پر لیتیم او یورانیم  پانګونه تر سره کړي؛ خو اسلامي امارت د دې کانونو د قراردادونو د ورکړې په اړه کوم پروګرام نلري.

د افغانستان د خصو صي سکتور غړي هم  د کانو نو له وزارته غوښتنه کوي، چې د کانونو د قرار دادونو په برخه  کې د افغانستان خصوصي سکتور ته  باید لومړیتوب ورکړ شي.

دغه راز خصوصي سکتور غواړي؛  د هېواد په ټولو کانونو کې له بهرنیو پانګوالو سره ګډې  پانګونې تر سره کړي.

د صنایعو او کانونو خونې مشر شېر باز کمین زاده ویلي؛ مونږ غواړو، چې د هېواد په ټولو کانونو کې پانګونې تر سره کړو هغه که کډې وي او که ځانګړې.

د اقتصادي  چارو پوهانو د څرګندونو له مخې؛ د افغانستان د کانونو منظم استخراج  کولی شي د افغانستان په ملي اقتصاد کې  مثبت بدلونونه رامنځته کړي.

د سوداګرۍ او پانګونې خونې غړی خانجان الکوزی وایي: د هېواد د کانونو د استخراج  بهیر د کانونو وزارت لخوا پیل شوی او د افغانستان کانونه کولی شي د افغانستان روان اقتصادي بحران مدیریت کړي.

د اقتصادي  چارو کارپوهان هم  پدې  باور دې،  چې  د افغانستان د کانونو منظم  استخراج به افغانستان له اقتصادي پلوه پر ځان بسیاینې ته ورسوي.

Continue Reading

Trending

Copyright © 2022 Ariana News. All rights reserved!