Connect with us

کوید۱۹

په افغانستان کې د کرونا ویروس د مړینې ورځنی شمېر ۸۵ لوړ شو

خپور شوی

 په

(Last Updated On: غبرګولى ۲۳, ۱۴۰۰)

د عامې روغتیا وزارت ویلي، چې له تېرو څلیریشت ګړیو راپدیخوا په ټول هېواد کې پر کرونا ویروس اخته ۸۵ ناروغان مړه شوي دي.

دغه راز یادې سرچینې ویلي، چې په تېرو ۲۷ ګړیو کې ۴۵۸۷  پېښې کتل شوي، چې ۱۵۹۷ کسان ترې پر کرونا ویروس اخته شوي او ۴۷۱ نور رغېدلي دي.

د عامې روغتیا وزارت د څرګندونو له مخې؛ په ټول هېواد کې د کرونا ویروس له خپریدو راپدیخوا دا د مړینې ترټولو ډېر شمېر ښودل شوی دی.

د عامې روغتیا وزارت زیاته کړې، چې له دغو پېښو سره د ټولو مثبتو هغو شمېر ۹۱۴۵۸ ته او د ځاني زیانو هغه ۳۶۱۲ رسیدلي دي.

ډاکټرانو ویلي، چې د کرونا ویروس له درېیمې څپې ماشومان، بوډاګان او ځوانان هم ناروغه کیږي؛ خو لویان او مشران ترې مړه کیږي.

دا په داسې حال کې ده، چې پرون کابل ته د چینایي واکسینو ۷۰۰ زره خوراکه راورسیدل.

د عامې روغتیا وزارت چارسمبالي وحید مجروح ویلي؛ د کرونا  ویروس واکسین ۱۳ ولایتونو ته رسیدلی او نورو ولایتونو ته به هم واستول شي.

د عامې روغتیا وزارت ویلي، چې داځل به د کرونا واکسین پر کډوالو، کوچیانو، د بانک کارکوونکیو، د پاسپورت ادارې کارکوونکیو، له ۵۵ کلونو ډېر عمره کسانو، سرطاني، د زړه، تنفسي او د وینې پر ناروغیو اخته کسانو پلی شي.

وحید مجروح ویلي، چې د کرونا ویروس درېیمه څپه په هېواد کې چټکه خپریږي او په تېرو دوه اوونیو کې د کرونا ویروس ترټولو دېرې مثبتې پېښې ثبت شوي دي.

نوموړي زیاته کړې؛ د ښوونځیو، پوهنتونونو، روزنیزو مرکزونو، د ودونو تالارونو، سپورتي ډګرونو، د لامبو حوضونو او نورو ګڼو ځایونه تړل کېدل د کرونا ویروس د پېښو په کمولو کې بې اغېزې ندی؛ خو دا به یوه یا دوه اوونۍ وخت ونیسي.

د روغتیا وزارت زیاته کړې، چې د واکسینو د پلي کېدو بهیر په ۱۳ ولایتونو کې پیل شوی دی.

په افغانستان کې د ملګرو ملتونو مرستندویه پلاوي (یوناما) ويلي، چې اروپایي اتحادیې افغانستان ته د کرونا ویروس اروپایي واکسین چمتو کوي.

په داسې حال کې، چې خلک دمګړۍ د اکسیجن کمښت د کرونا ناروغانو ته یوه اړتیا بولي؛ خو ډېر لږ روغتیایي سپارښتنو ته پام کوي.

د یادونې ده، چې د کابل په افغان جرمن او قصبې روغتونونو کې د اکسیجن د تولید لپاره دوه جنراتورونه فعال شوي دي.

کوید۱۹

د کرونا ویروس خپرېدا پای ته نده رسېدلې – د روغتیا نړیواله ټولنه

خپور شوی

په

توسط

(Last Updated On: غبرګولى ۲, ۱۴۰۱)

په ژنیو کې د روغتیا نړیوالې ټولنې مشر ټیډروس اډانوم ګبریسوس د یاد بنسټ په پېنځه اویایمه غونډه کې خبرداری ورکړ، چې د کرونا ویروس د پېښو له کمیدو سره دا ناروغي پای ته نده رسیدلې.

هغه رویټرز ته څرګنده کړې: د کرونا ویروس ناروغي یقینا پای ته نده رسیدلې.

ګبریسس په غونډه کې حاضرو کسانو ته ویلي، چې د ناروغۍ شدید پړاو به سږکال پای ته ورسیږي.

د وبا د حاد مرحلې پای ته رسیدل باید زمونږ ډله ییز لومړیتوب پاتې شي.

ګبریسس خبرداری ورکړ: له کرونا ویروس سره د ژوند کول زده کړئ. پدې معنی نه، چې موږ به ویروس ته تسلیم شو؛ دا پدې معنی نه ده چې مونږ په اوونۍ کې د نږدې ۵۰۰۰۰ مړینو د مخنیوي او درملنې وړ ناروغۍ له امله منو.

هغه ویلي: دا خطرناکه ده، چې فرض کړئ؛ اومکرون به د ویروس وروستۍ نسخه وي یا دا، چې مونږ د لوبې په پای کې یو.

هغه ویلي، پرعکس، په نړیواله کچه، شرایط د نورو بڼو د راڅرګندېدو لپاره هم مناسب دي.

د روغتیا نړیوالې ټولنې مشر زیاته کړې، چې په کم عاید لرونکیو هېوادونو کې نږدې یو میلیارد خلک اوس هم واکسین شوي ندي او د نړۍ یوازې ۶۰ سلنه وګړي واکسین شوي دي.

هغه زیاته کړې: آفریقا د ویروس له کبله د مړینو د زیاتوالي راپور ورکړی او هغه وچه ده، چې د واکسین کولو ترټولو ټیټ پوښښ لري.

د ګبریسوس په وینا، یوازې ۵۷ بډایه هېوادونو د دوی ۷۰ سلنه خلک واکسین کړي دي.

Continue Reading

کوید۱۹

د نیوزیلینډ لومړۍ وزیره پر کرونا ویروس اخته شوه

خپور شوی

په

توسط

(Last Updated On: غویی ۲۴, ۱۴۰۱)

د نیوزیلینډ د لومړي وزیرې دفتر په ډاګه کړې، چې د جسینډا آرډرن کتنه ښیي، چې د کرونا ویروس له نښو برخمنه شوې ده.

د نیوزیلینډ د لومړۍ وزیرې له دفتره په ډاګه شوې، چې جسینډا آرډرن به د کرونا ویروس له کبله د دوشنبې او سې شنبې په ورځو کې له پارلماني ناستو بې برخې وي؛ خو هغه به امریکا ته ټاکل شوی سوداګریز سفر ونځنډوي.

د نیوزیلینډ لومړۍ وزیرې د جمعې له ماښام راپدیخوا د کرونا ویروس لږې نښې درلودې او نن سهار یې د ویروس لپاره مثبته کتنه تر سره کړه، چې پایله یې مثبته وه؛ د مې تر ۳۱ مې نېټې به په قرنطین کې وي او خپل رسمي مسوولیتونه له لرې ترسره کوي.

د لومړۍ وزیرې مرستیال ګرانټ رابرټسون نن په رسنیو کې تر ټاکل شوې نېټې د نوي لومړي وزیر په توګه اعلان شوی دی.

Continue Reading

کوید۱۹

نیویارک ښار له کرونا ویروس څخه ورپېښ ګواښ منځنۍ کچې ته لوړوي

خپور شوی

په

توسط

(Last Updated On: غویی ۱۳, ۱۴۰۱)

په نیویارک ښار کې د دوشنبې پر ورځ له کرونا ویروسه د ورپېښ ګواښ کچه له ټیټې څخه منخنۍ ته لوړه کړه او د عامې روغتیا ځینې سپارښتنې د بیا پلي کیدو وضعیت ته راغلې دي.

د نیویارک پوسټ د څرګندونو له مخې؛ نیویارک ښار روغتیایي کمیشنر اشون واسان د دوشنبې پر ورځ په یوه خبري کنفرانس کې وویل: د خطر کچه؛ ځکه لوړه شوې، چې اوس په منځنۍ کچه په هرو ۱۰۰۰۰۰ خلکو کې هره ورځ له ۲۰۰ ډېرې نوې پېښې رامنځته کیږي.

نوموړي زیاته کړې، د نویو پېښو له زیاتېدو سره د نیویارک ښار خلک باید د تېرو څو اوونیو پر پرتله خورا ډېر پام وکړي.

نیویارک ټایمز راپور ورکړی، چې ښار په تېره اوونۍ کې لږ تر لږه هره ورځ ۲۴۸۹ نوې پېښې لرلې، چې د مارچ له پیل راپدیخوا په ورځني شمېر کې ۶۰۰ ډېروالی ښیي؛ خو د تېرې میاشتې پر پرتله په روغتون کې بستر کیدل او د مړینې پېښې لږ څه کمې شوې دي.

منځنۍ ​​​​یا ژیړه کچه پدې معنی ده، چې خلک باید په عامه ځایونو کې ماسک اغوستل په پام کې ونیسي او د لوړ کیفیت ماسکونو ته وده ورکړي.

Continue Reading

Trending

Copyright © 2022 Ariana News. All rights reserved!