Connect with us

روغتيا

په افغانستان کې د کرونا ویروس پېښې مخ پر ډېرېدو دي – روغتیا وزارت

Published

 on

(Last Updated On: سلواغه ۱۱, ۱۴۰۰)

د افغانستان د عامې روغتیا وزارت د یکشنبې پر ورځ څرګنده کړه، چې په ټول افغانستان کې د کرونا ویروس ناروغۍ مخ پر ډېرېدو ده.

د عامې روغتیا وزارت د څرګندونو له مخې؛ له تېرو څلیریشت ګړیو په هېواد کې د کرونا ویروس ۴۲۹ مثبتې پېښې ثبت شوې دي.

د عامې روغتیا وزارت چارواکو په ډاګه کړې، چې د افغانستان روغتیایي سکتور د کرونا ویروس د اومیکرون بڼې د پېژندلو وس او ځواک نلري.

د عامې روغتیا وزارت ویاند ډاکټر جاوید هژر وایي: په دې وروستیو کې د کرونا ویروس مثبتې پېښې ډېرې شوي. د پېښو نښې نښانې [ښیي] چې دا به نوې بڼه وي؛ مونږ نه پوهیږو [ آیا دا اومیکرون دی که نه] ځکه، چې مونږ د [ټیسټ] کېټونه نلرو. هېوادوال باید ډېر پام وکړي.

د افغان-جاپان روغتون، چې د کرونا ناروغیو درملنې لپاره ځانګړي شوي؛ کارکوونکيو یې ويلي، له څو میاشتو راپدیخوا یې معاشونه ترلاسه کړي ندي.

د روغتون یوه چارواکي، حشمت فیضي ویلي: ډېری پېښې د اومیکرون دي … مونږ د اومیکرون پېښې د موندلو لپاره ماشینونه  او اړین کېټونه هم نلرو.

دغه راز افغان ناروغان او د هغوی خپلوان په روغتونونو کې د درملو او طبي وسایلو له کموالي اندېښمن دي.

نصر نومی ناروغ لرونکی وایي: زمونږ ناروغ د [کرونا ویروس] نښې درلودې؛ مونږ هغه دلته راولېږداوه. اوس دا څرګنده نده، چې آیا هغه پر ​​​​کرونا ویروس اخته شوی که نه.

نعمت ګل یو بل ناروغ لرونکی وایي: زمونږ ناروغ له ډېرې مودې راپدیخوا دلته بستر دی؛ مونږ دلته د اوسیدو لپاره ښه ځای نلرو او ستونزې مو باید کمې شي.

که څه هم په ټول افغانستان کې د کرونا ویروس پېښې ډېرې شوي؛ خو خلک په عامه ځایونو کې د ماسکونو د کارولو سپارښتنو ته پام نکوي او نه ټولنیز واټن ته غاړه ږدي.

د یادونې ده، چې په ځینو رسنیو کې پر ویروس د اخته کیدو د مخنیوي اعلانونه هم بند شوي دي.

روغتيا

په افغانستان کې ۵.۳ میلیون ماشومان ته د ګوزڼ واکسین کیږي

Published

on

(Last Updated On: سلواغه ۳, ۱۴۰۱)

د عامې روغتیا وزارت د افغانستان په ۱۶ ولایتونو کې د ۲۰۲۳ کال د ګوزڼ واکسین له پيلېدو خبر ورکړ.

د روغتیا وزارت ویاند شرافت زمان امر د دوشنبې پر ورځ د سلواغې درېیمه) رسنیو ته ویلي، چې په دې کمپاین کې به د کابل په ګډون د افغانستان د ۱۶ ولایتونو په ۱۷۸ ولسوالۍ کې له پېنځه کلونو ټیټ عمره ۵.۳ میلیون ماشومانو ته واکسین پلی شي.

د نوموړي د څرګندونو له مخې؛ دا کمپاین به تر راتلوونکې پنجشنبې پورې د څلورو ورځو په بهیر کې پای ته ورسیږي.

د عامې روغتیا وزیر قلندر عباد د پولیو یا ګوزڼ واکسین د کمپاین پیلېدو پر مهال له کورنیو څخه غوښتي، چې د خپلو ماشومانو په واکسینولو کې د پولیو له روغتیايي ډلو سره مرسته وکړي.

قلندرعباد زیاته کړې، چې افغانستان د پولیو ناروغۍ له منځه وړلو ته تر بل هر وخت ډېر نږدې شوی دی.

هغه څرګنده کړې؛ مونږ هیله من یوو، چې د ۲۰۲۳ ز. کال ترپایه خپلې موخې ته ورسیږو او د پولیو د  پېښو د صفر کیدو لیدونکي شوو.

روغتیا وزارت زیاتوي؛ په ۲۰۲۲ ز. کال کې مو د پولیو واکسین ۹ پړاوه پر بریالیتوب سره ترسره کړي دي.

دې وزارت دا هم ویلي، چې په افغانستان کې تېر کال د پولیو یوازې دوه مثبتې پېښې ثبت شوي، چې یوه یې په پکتیکا او بله یې په کونړ ولایت کې وه.

د نړیوالې اړوند ټولنو د څرګندونو له مخې؛ تر هغې، چې ګوزڼ یا پولیو په یو ځای کې وي؛ دا ناروغي به ټولو سیمو ته یو ګواښ وي.

Continue Reading

روغتيا

جاپان د هلمند د روغتيايي چارو د پیاوړي کولو لپاره ( ۱ ) میلیون و ۳۰۰ زره دالر مرسته کوي

Published

on

(Last Updated On: مرغومی ۲۸, ۱۴۰۱)

د افغانستان لپاره د ملګرو ملتونو د وګړیو صندوق په هلمند کې د روغتيايي خدمتونو د پیاوړي کولو لپاره د يو ميليون و درې سوه زره امریکایي دالرو مرسته اعلان کړه.

د افغانستان لپاره د ملګرو ملتونو د وګړیو صندوق دفتر د دوشنبې پر ورځ (د مرغومي ۲۶) څرګنده کړې، چې جاپان به د ملګرو ملتونو د وګړیو له صندوق سره یو میلیون و درې سوه زره امریکایي دالر مرسته وکړي، چې ننګونو ته ځواب ووايي او روغتیایي باور پرې پیاوړی کړي.

په اعلامیه کې راغلي، چې د جاپان دغه مرسته به په هلمند کې د ۲۹ روغتیايي مرکزونو د روغتیايي خدمتونو د پیاوړي کولو لپاره ولګول شي.

Continue Reading

روغتيا

په دولتي روغتونونو کې د اصلاحاتو رامنځته کولو طرحه وارزول شوه

Published

on

(Last Updated On: مرغومی ۲۱, ۱۴۰۱)

د افغانستان اسلامي امارت د ریاست الوزراء اداري مرستیال مولوي عبدالسلام حنفي په مشرۍ ناسته کې د هېواد د روغتیایي وضعیت د ښه والي او د دولتي روغتونونو د اصلاحاتو طرحه وارزول شوه.

د عامې روغتیا وزیر داکتر قلندر عباد په روغتونونو کې د اصلاحاتو راوستلو د اړتیا او د هېواد په کچه د روغتیايي وضعیت د ښه والي، د تجربه لرونکیو مختصصینو د استخدام، په متوازن ډول د هېواد ټولو سیمو ته د روغتیایي خدمتونو وړاندې کولو او د روغتیایي خدمتونو پر وړاندې د موجوده ستونزو په اړه هراړخیر معلومات وړاندې کړل.

دغه راز په دې ناسته کې د روغتیایي مرکزونو د اصلاحاتو، د جمهوریت روغتون د ریفورم، د زرقي محلولونو او ابن سینا د درملو تولیدي شرکت د فعالولو طرحې وارزول شوې او د کورنیو تولیداتو پر ملاتړ، د زرقي محلولونو له اړخه د هېواد پر ځان بسیا کولو، درملو ته د خلکو د لاسرسي ډاډ او د روغتیایي پرسونل پر ظرفیت لوړولو ټینګار وشو.

د ریاست الوزراء اداري مرستیال مولوي عبدالسلام حنفي په روغتیایي مرکزونو کې د متخصصینو د جذب، د ابن سینا د درملو تولیدي شرکت د فعالولو، د مسوولو ډلو د رامنځته کولو او د جمهوریت دولتي روغتون معیاري کولو د طرحې برابرولو په اړه ډاډمنې پرېکړې وکړې.

Continue Reading

Trending

Copyright © 2022 Ariana News. All rights reserved!