Connect with us

تازه خبرونه

په افغانستان کې د یوناما ماموریت د ۶ میاشتو لپاره وغزول شو

Published

 on

(Last Updated On: وږی ۲۷, ۱۴۰۰)

د ملګرو ملتونو امنیت شورا نن (جمعه د وږي ۲۶ / د سپټمبر ۱۷) د افغانستان لپاره د ملګرو ملتونو د سیاسي دفتر (یوناما) ماموریت د ۶ میاشتو لپاره وغزاوه.

د شورا پېنځلس غړیو د ملګرو ملتونو له عمومي منشي انټونیو ګوټرس څخه وغوښتل، چې د یوناما ماموریت د وروستيو سیاسي، امنیتي او ټولنیزو پرمختګونو په رڼا کې د ستراتیژیکو او عملیاتي سپارښتنو لپاره د ۲۰۲۲ کال د جنورۍ تر ۳۱ پورې وغزوي.

له بلې خوا ناروې او ایسټونیا په ډاګه کړې، چې یوناما باید د بشري حقونو، میرمنو، سولې، امنیت او بشري مرستو په اړه خپل اوسنی ماموریت خوندي کړي.

دغه راز ویل شوي: مونږ په افغانستان کې دننه او بهر د ښځو د سولې جوړونکیو او د بشري حقونو د مدافعینو ملاتړ ته روان ساتو او له طالبانو (اسلامي امارت) سره په خبرو کې به مونږ د ښځو پر حقونو او ګډون ټینګار وکړو.

همدارنګه ناوري او اسټونیا په افغانستان کې د یو ټولمنلي حکومت پر جوړولو ټینګار کړی. د دغو هېوادونو د څرګندونو له مخې؛ په نوي حکومت کې باید بشري حقونه، د ښځو، ماشومانو او لږکیو حقونه خوندي پاتې او د تلپاتې سولې او ثبات په رامنځته کولو کې کلیدي رول ولوبوي.

دا په داسې حال کې ده، چې د امریکا په ګډون له تېر اګست راپدیخوا ټولو غربي متحدینو په کابل کې   خپلې ډیپلوماتیکې هڅې درولي او ویل کیږي، چې له نورو هېوادونو فعالیت کوي.  

تازه خبرونه

جاپان له افغانستان سره له ۱۰۶ میلیون دالرو د ډېرې مرستې ډاډ څرګند کړ

Published

on

(Last Updated On: ليندۍ ۱۵, ۱۴۰۱)

د جاپان سفارت نن سې شنبې د لیندۍ ۱۵ څرګنده کړې، چې هېواد یې له روان بشري ناورین سره د مبارزې لپاره افغانستان ته د ۱۰۶ اعشاریه ۷ میلیون دالرو اضافي مرستې پرېکړه کړې ده.

په کابل کې د جاپان سفارت تویت کړی: خوښ یوو، چې جاپان له افغانستان سره د ۱۰۶ اعشاریه ۷ میلیون دالرو اضافي مرستې پرېکړه کړې ده.

د سرچینې د څرګندونو له مخې؛ له دغو مرستو سره به نه یوازې بشري اړتیاوې پوره شي، بلکې د بشري  پروژو د پلي کولو لپاره به هم زمینه برابره کړي. مونږ هیله من یوو، چې له دې پروژو سره به د افغانانو خوشحالي احساس شي.

د جاپان سفارت په ډاګه کړې، چې دا پروژې به د ملګرو ملتونو د ادارو، نړیوالو موسسو او نادولتي موسسو لخوا پلي شي، چې موخه یې له بېلابېلو لارو چارو د ژوندانه ښه کول دي.

دغه راز ویل شوي، چې له دغو ۱۰۶ اعشاریه ۷ میلیون دالرو سره به د ۲۰۲۱ ز. کال راپدیخوا له افغانستان سره د جاپان ټولې مرستې ۳۳۵ میلیون دالرو ته ورسیږي.

دا په داسې حال کې ده، چې درې ورځې مخکې د دسمبر پر ۳ د افغانستان لپاره د امریکا ځانګړي استازي توماس ویست تویت کړی، چې د جاپان د نړیوالې همکارۍ ادارې یا جایکا سره یې د افغانستان د بشري اړتیاوو او بشري حقونو په اړه خبرې کړې دي.

ویست د شنبې پر ورځ څرګنده کړې: جاپان د افغانانو دوست او له ۲۰ کلونو راپدیخوا هلته زمونږ همکار دی او مونږ د جاپان د فعالې دیپلوماسۍ او روان سخاوت څخه د زړه له کومي مننه کوو.

توماس ویست دا ډاډ هم څرګند کړی؛ مونږ له خپلو متحدینو سره یوځای کار کوو، مونږ تل په هره ننګونه کې پیاوړي یوو او په بېلابېلو برخو کې به د جاپان تخصص او مرستې روانې وساتو.

د افغانستان لپاره د امریکا ځانګړي استازي له دې مخکې ویلي وه، چې د روانې دسمبر میاشتې لومړۍ څخه تر اتمې به جاپان، هند او عربي متحده اماراتو ته سفر کوي او هلته به د بشري مرستو، د بشري حقونو ساتنې او د نجونو د زدکړو په اړه د کوربه هېوادونو له چارواکو سره همغږي رامنځته کړي.

Continue Reading

تازه خبرونه

د اطلاعاتو او فرهنګ د وزیر د سفر بندیز لنډمهاله لرې شو

Published

on

(Last Updated On: ليندۍ ۱۴, ۱۴۰۱)

د ملګرو ملتونو امنیت شورا د اطلاعاتو او فرهنګ پر وزیر خیرالله خیرخواه د لس ورځو لپاره د سفر بندیز لرې کړ.

د دغه حکومتي چارواکي د سفر معافیت د پنجشنبې پر ورځ د لیندۍ له ۱۰ څخه تر ۱۹ نېټې پورې وضع شوی، چې نوموړی وکولی شي د روسیې د تاتارستان جمهوریت پلازمېنې کازان ښار ته سفر وکړي.

د ملګرو ملتونو د امنیت شورا د خبرپاڼې له مخې؛ د اطلاعاتو او فرهنګ وزیر خیرالله خیرخواه به د نړۍ د فرهنګي میراثونو د ساتنې د کنوانسیون د پنځوسمې کلیزې په مناسبت په یوه نړیوال فورم کې ګډون وکړي.

په همدې حال کې د اطلاعاتو او فرهنګ وزارت ويلي، چې د اوس لپاره تاتارستان جمهوریت ته د خیرالله خیرخواه سفر ځنډېدلی دی.

Continue Reading

تازه خبرونه

آلمان به سږ کال شاوخوا یو اعشاریه دوه میلیون مهاجر ومني

Published

on

(Last Updated On: ليندۍ ۱۴, ۱۴۰۱)

د یکشنبې پر ورځ آلمانۍ خپرونې ولت ام سونتاګ څرګنده کړه، چې دا هېواد به سږ کال ټولټال ۱.۲ میلیون مهاجر ومني؛ ځکه، چې د مهاجرت دا شمېر په ۲۰۱۵ ز. کال کې ۸۹۰ زره کسان ول.

د دې خپرونې له مخې؛ په ټاکلې موده کې له اوکراین څخه څه باندې یو میلیون کسان جرمني ته دننه شوي دي.

سربېره پر دې د اکتوبر میاشتې تر پایه پورې د سوریې، افغانستان، ترکیې، عراق او نورو هېوادونو له وګړیو څخه ۱۸۱۶۱۲ د پناه غوښتنلیکونه رارسیدلي دي.

دغې ورځپاڼې په ډاګه کړې؛ د جرمني چارواکي تمه لري، چې د روان کال تر پایه به دغه شمېر له ۲۰۰ زره هم واوړي.

دغې خپرونې د جرمني د چارواکو له خولې په ډاګه کړې، چې دغه سیمې د مهاجرو د منلو وروستۍ وړتیا ته رسیدلي دي.

دغو چارواکو ویلي، چې د مرستې غږ له ټول هېواده اورېدل شوی دی.

دغې خپرونې د چارواکو د څرګندونو له مخې دا خبره هم راخیستې، چې غیرقانوني کډوالۍ چټکه وده کړې ده.

Continue Reading

Trending

Copyright © 2022 Ariana News. All rights reserved!