Connect with us

تازه خبرونه

په افغانستان کې لنډمهاله حکومت جوړیږي – سیاستوال

خپور شوی

د

د قطر په دوحه کې د سولې خپلمنځي خبرو د دوه یم پړاو له پیل سره سم په کابل کې د لنډمهالي حکومت د جوړولو مسله توده شوې ده.

د ملي پخلاینې عالي شورا یو شمېر غړیو هم ویلي، چې په افغانستان کې د سولې لپاره د امریکا ځانګړي استازي زلمي خلیلزاد د لنډمهاله حکومت د جوړولو له پیغام سره کابل ته راغلی و.

د پخواني ولسمشر حامد کرزي نږدې ملګرو هم ويلي، چې په راتلونکیو میاشتو کې د لنډمهاله حکومت له جوړېدو سره به یو نوی سیاسي نظام رامنځته شي.

د افغانستان د سولې او نجات شورا مشر ګل رحمن قاضي ویلي: د یوه کس پاتې کېدل او تلل د قربانیو په پرتله  دومره ارزښت نلري، چې ولس هره ورځ ووژل شي؛ نور جوړښت پرته له شکه پخپل حال پاتې کیږي.

د ګلبدین حکمتیار په مشرۍ حزب اسلامي ويلي؛ د دوحې په خبرو کمې باید لومړی پر اوربند هوکړه وشي او بیا دواړه خواوې د لنډمهاله ادارې تر نامه لاندې هوکړه وکړي، چې راتلونکی سیاسي جوړښت رامنځته کړي.

د حزب اسلامي د مشرتابه غړی حفیظ الله نقي وایي: پرته له دې، چې د خبرو لوري پر یو لنډمهاله او انتقالي حکومت بحث وکړي؛ د مرکزي نظام پر جوړښت بحث ناشونی دی.

د جمعیت اسلامي افغانستان ګوند د صلاح الدین رباني په مشرۍ هم د لنډ مهاله حکومت د جوړولو وړاندیز کړی دی.

دغه راز  د جمعیت اسلامي بله برخه د لنډمهاله حکومت غوښتنه کوي.

د جمعیت اسلامي افغانستان اجرائیوي مشر عطا محمد نور په دې اړه ویلي: د لنډمهاله او انتقالي حکومت په اړه مو فکر هم نه و کړی. اوس به مونږ ته یو غوراوی وي، چې په اړه یې فکر وکړو او دا طرح وړاندې کړو او که شته، پیاوړې یې کړو.

ولسمشرۍ د لنډمهاله  حکومت پر جوړولو بحث رد کړی دی.

دا په داصسې حال کې ده، چې طالبانو دا هم ویلي؛ دوی د لنډمهاله حکومت وړاندیز ندی کړی.

تازه خبرونه

چین د ټرانس-افغان اوسبنې‌پټلۍ پروژې تمویل ته لېواله دی – اسحاق ډار

ډار نن (پنجشنبه د غبرګولي لومړۍ) په یوه خبري کنفرانس کې دا هم ویلي، چې بیجینګ ته د خپل سفر پر مهال یې له چینایي او افغان چارواکو سره د ټرانس-افغان اوسپنې‌پټلۍ پروژې په اړه خبرې کړې دي.

Published

on

د پاکستان د لومړي وزیر مرستیال او د بهرنیو چارو وزیر اسحاق ډار ويلي، چې چین د افغانستان له لارې د ازبکستان او پاکستان ترمنځ د اوسپنې‌پتلۍ پروژې د تمویل لپاره لېوالتیا ښودلې ده.

ډار نن (پنجشنبه د غبرګولي لومړۍ) په یوه خبري کنفرانس کې دا هم ویلي، چې بیجینګ ته د خپل سفر پر مهال یې له چینایي او افغان چارواکو سره د ټرانس-افغان اوسپنې‌پټلۍ پروژې په اړه خبرې کړې دي.

هغه ټینګار کړی، چې د دې پروژې د پرمخ بیولو وخت رارسېدلی دی.

Continue Reading

تازه خبرونه

په لغمان کې د ۱۰ میګاواټه لمریزې برښنا پروژه پرانیستل شوه

ملا برادر د دې پروژې پیل د پاکې انرژۍ د تولید په برخه کې یو مهم ګام وباله او وایي، چې د اقلیمي بدلون پر وړاندې به د دې سیمې مقاومت نور هم زیات شي.

Published

on

په لغمان ولایت کې د ۱۰ میګاواټه لمریزې برښنا د تولید پروژې عملي کار نن (پنجشنبه د غبرګولي لومړۍ) د ریاست الوزراء د اقتصادي مرستیال ملا عبدالغني برادر لخوا پرانیستل شوه.

ملا برادر د دې پروژې پیل د پاکې انرژۍ د تولید په برخه کې یو مهم ګام وباله او وایي، چې د اقلیمي بدلون پر وړاندې به د دې سیمې مقاومت نور هم زیات شي.

نوموړي ويلي، چې د افغانستان اسلامي امارت د برښنا په سکتور کې د ځان‌بسیاینې ترلاسه کولو لپاره دې طرحې ته ورته اړینې پروژې تر کارلاندې نیولي دي.

هغه وایی؛ دا پروژې به نه يوازې د برښنا په توليد کې اغېزمنې وي، بلکې د ملي اقتصاد په پياوړتيا، کار پيدا کولو، پانګونې راجلبولو او خلکو ته خدمات وړاندې کولو او ښه کولو کې هم ډېر اهميت ولري.

اقتصادي مرستیال دا هم ویلي، چې له څه وخت راپدېخوا په ټول هېواد کې د ۲۲۸ میګاواټو څخه ډېر ظرفیت لرونکو اووه مهمو برښنایي پروژو قراردادونه لاسلیک شوي، چې د لغمان لمریزه برښنا پروژه یې هم یوه برخه ده.

ملا برادر د اسلامي امارت اقتصادي سټراټیژي په بهرنیو سرچینو د تکیه کمولو او له کورنیو ظرفیتونو څخه د ګټې اخیستنې پر بنسټ ولاړه وګڼله او ټینګار یې وکړ، چې افغانستان اوسمهال پر وارداتي برښنا ډېره تکیه کوي، چې له کبله یې له هېواده د پام وړ اسعار بهر ته ځي.

هغه همدارنګه امنیت د اقتصادي پروژو د پیل او بریالیتوب لپاره تر ټولو مهم عامل وباله او دا ډاډ یې هم څرګند کړ، چې اسلامي امارت د کورنیو او بهرنیو پانګوالو بشپړ ملاتړ کوي.

اقتصادي مرستیال د افغانستان د برښنا په سکټور کې پانګوالو ته د پانګونې بلنه ورکړه او زیاته یې کړه، چې اسلامي امارت اړینې آسانتیاوې برابرې کړي او هر اړخیزه همکاري به هم ورسره وشي.

Continue Reading

تازه خبرونه

د افغانستان خلک د شفقت او ښه چلند مستحق دي – شیخ هبة‌الله

د اسلامي امارت رهبر ویلي، چې د افغانستان خلک له کلونو جګړو او تاوتریخوالي څخه ځوریدلي دي او اوس د شفقت، مهربانۍ او ښه چلند مستحق دي.

Published

on

د افغانستان اسلامي امارت رهبر شیخ هبة‌الله آخوندزاده د ښاروالیو لپاره په یوه ځانګړي سیمینار کې له خلکو سره د ښه چلند او د زور او فشار له کارولو څخه د ډډه کولو پر اړتیا ټینګار وکړ.

د اسلامي امارت رهبر ویلي، چې د افغانستان خلک له کلونو جګړو او تاوتریخوالي څخه ځوریدلي دي او اوس د شفقت، مهربانۍ او ښه چلند مستحق دي.

هغه د خلکو پر وړاندې د زور یا جبر کارولو پر مخنیوي ټینګار وکړ.

د اسلامي امارت رهبر دغه راز ویلي، چې مسوولیت کوم عزت او غوره والی ندی، بلکې یو امانت دی، چې له مخې یې باید خلکو ته خدمت وشي.

شیخ هبة‌الله آخوندزاده دا هم روښانه کړه، چې مسوولیت امتیاز ندی، بلکې د خلکو د خدمت لپاره یو امانت دی.

هغه ټینګار وکړ، چې د ښاروالیو مالي سرچینې په حقیقت کې د خلکو شتمني ده، چې د عامه خدماتو د وړاندې کولو لپاره ورکول کیږي او باید د خلکو د رضایت او هوساینې سره سم مصرف شي.

د اسلامي امارت رهبر همدارنګه له ښاروالیو وغوښتل، چې د ښارونو د پاکوالي، د عامه ګټو او عامه شتمنیو د ساتنې او د خپلو دندو په ترسره کولو کې له غفلت او بې‌پروایۍ څخه ډډه وکړي.

دا په داسې حال کې ده، چې د کورنیو چارو وزارت چارسمبالي سراج الدین حقاني له پکتیکا والي سره په لیدنه کې ویلي، چې د اسلامي امارت اصلي هدف د خلکو خدمت کول دي او د هغو د استازو له لارې د ولایتونو د ستونزو د حل لپاره هڅې روانې دي.

Continue Reading
Advertisement

Trending

Copyright © 2025 Ariana News. All rights reserved!