Connect with us

تازه خبرونه

په افغانستان کې له ښځو سره د تاوتریخوالي ۱۱۷۳ قضیې ثبت شوي

Published

 on

(Last Updated On: چنګاښ ۵, ۱۳۹۹)

په هېواد کې له تېرو شپږ میاشتو راپدیخوا لویې څارنوالۍ له ښځو سره د تاوتریخوالي ۱۱۷۳ قضیې ثبت کړې دي.

د لویې څارنوالۍ چارواکو ویلي، چې یوازې د قرنطین پر مهال یې د میرمنو د وهلو ټکولو ۲۴۹ قضیې ثبت کړې دي.

د تاوتریخوالي ډېرې پېښې د جنسي تیري، د ښځو د وهلو ټکولو، ځورولو او سپکاوي، په زور نکاح، د واده له حقه بې برخې کیدل، له وخت مخکې ودونه، د میراث او مال له حقه بې برخې کیدل. 

ښځو پر وړاندې د تاوتریخوالي د مخنیوی په چارو کې د لویې څارنوالۍ مرستیالې سینا شنا منصور څرګنده کړې، چې: د قرنطین په حالاتو کې نرینه وو ډېره حوصله نلرله او مونږ پوهیدو، چې تاوتریخوالی ورسره ډېریږي. د څارنوالۍ ټولې دروازې پرانستې وې او د قرنطین پر مهال مو په ټول هېواد کې د وهلو ټکولو ۲۴۹ دوسیې لرلې.  

د لویې څارنوالۍ د څرګندونو له مخې؛ د وهلو تکولو ۵۴۱، د ځورونې او سپکاوي ۱۴۱، د جنسي تېري ۱۲۱ او پاتې نور یې بېلابېل تاوتریخوالی دی.

کابل د ۳۳۹ تاوتریخوالي په لرلو د نوملړ په سرکې دی او هرات د ۹۴ پېښو، دایکندي ۶۷، تخار ۶۶، ننګرهار د ۶۳، بلخ د ۵۷، فاریاب، بغلان، بدخشان او نور ولایتونه په ترتیب ثبت شوي دي.

دغه راز د بشر حقونو خپلواک کمیسیون د ښځو پر وړاندې د تاوتریخوالي ۷۵۴ قضیې ثبت کړي، چې یوازې په  فبرورۍ کې ۲۱۵ پېښې وې.

د بشر حقونو خپلواک کمیسیون ویاند ذبیح الله فرهنګ وایي: کورنی تاوتریخوالی، په زور ودونه، د واده له حقه د نجونو بې برخې کول، د میړه لیریوالی او د میرمنې بې برخلیک پاتې کیدل یې ډاډمن عوامل دي.

د ښځو د حقونو ملاتړي وایي، چې حکومت دې د ښځو پر وړاندې د تاوتذیخوالي دوسیو ته پوره پاملرنه وکړي؛ بې سوادي،بې وسي، دیني معلومات نلرل او ناوړه دودونه د ښځو پر وړاندې د تاوتریخوالي دلایل دي.

 

تازه خبرونه

په افغانستان کې مذهبي ډلې د خپلو مراسمو د ترسره کولو پوره آزادي لري

Published

on

(Last Updated On: زمری ۱۷, ۱۴۰۱)

د بهرنیو چارو وزارت سیاسي مرستیال نن په کابل کې د عاشورا نمانځغونډې ته وویل، د نامسلمانو په ګډون ټولې مذهبي ډلې کولی شي خپل مراسم په آزاده توګه ترسره کړي.

د اسلامي امارت د بهرنیو چارو وزارت سیاسي مرستیال شېر محمد عباس ستانکزی وايي؛ د افغانستان ټول مذهبونه او حتا غیر مسلم اقلیتونه د خپلو مذهبي مراسمو په ترسره کولو کې آزاد دي او په دې برخه کې کومه ستونزه نشته.

شېرمحمد عباس ستانکزي، چې د محرم پر لسمه يې په کابل کې خبرې کولې له خلکو وغوښتل، چې د اوسني نظام ملاتړ وکړي

نوموړي همداراز ټینګار کړی، چې ځینې هېوادونه د افغانستان د وضعیت په ګډوډولو کې خپلې ګټې ویني؛ خو مونږ په هېواد کې د ستونزو او جګړو د پای ته رسولو لپاره اړتیا لرو او خلک باید د دغو دسیسو پر وړاندې د اوسني نظام ملاتړ وکړي.

د بهرنيو چارو وزارت سياسي مرستيال په هېواد کې تېرو کورنيو جګړو ته په نغږته کې وايي، چې د پخواني شوروي اتحاد پر وړاندې د جهاد له بريا وروسته ډېرو کسانو د واک او شخصي انګېزو له کبله هېواد بې ثباته کړ.

شېر محمد عباس ستانکزي د خپلو خبرو په بهیر کې د داخلي مخالفتونو پر ختمېدو هم ټینګار څرګند کړ.

که څه هم د عاشورا د ماتم کوونکیو پر وړاندې د امنیتي ګواښونو په اړه اندېښنې موجودې وې؛ خو د عاشورا مراسم په بشپړ خوندي چاپېریال کې ترسره شول.

د یادونې ده، چې د محرم لسمه ورځ د امام حسین (ع) د شهادت د ویر او د هغه د غوښتنو او پوښتنو یادولو ته ځانګړې شوې ده.

Continue Reading

تازه خبرونه

په کابل کې د امریکا لخوا د القاعده د مشر وژل کېدل یوه ادعا ده – حکمتیار

Published

on

(Last Updated On: زمری ۱۷, ۱۴۰۱)

د حزب اسلامي مشر ګلبدین حکمتیار ويلي، د امریکا له لوري د القاعده د مشر ایمن الظواهري وژل یوازې یو تور دی او د دغه هېواد له لوري هیڅ ثبوت وړاندې شوی ندی.

حکمتیار د جمعې پر ورځ د خپلو خبرو په یوه برخه کې دغه عمل یو تروریستي عمل نومولی او وایي، چې امریکا د افغانستان له فضايي حریم او ملي حاکمیت څخه پوره سرغړونه کړې ده.

د حزب اسلامي امیر ګلبدین حکمتیار ادعا کوي، چې امریکا په افغانستان کې خپل فعال پوځي، استخباراتي او جاسوسي حضور روان ساتلی، چې ښايي د اسلامي امارت د ځینو مشرانو د وژلو پلان ولري. امارت باید د دا ډول بریدونو مخه ونیسي.

د حزب اسلامي مشر ګلبدین حکمتیار ويلي، امریکا له افغانستان څخه د جګړې د دوام په اراده وتلې او د غچ اخیستنې احساس د دغه هېواد د سیاسي او پوځي چارواکو له څرګندونو هم څرګندېږي.

نوموړی خبرداری ورکوي، چې د افغانستان هوايي حریم هم خوندي ندی او امریکا کولی شي خپل مخالفان په افغانستان او نورو ځایونو کې پر نښه کړي.

د امریکا حکومت ادعا کوي، چې ایمن الظواهري د تېرې شنبې پر ورځ په کابل کې د امریکا د بې پیلوته الوتکې په برید کې وژل شوی؛ خو د دې ادعا د ثابتولو لپاره یې اسناد وړاندې کړي ندي. اسلامي امارت د دغه برید پخلی کوي؛ خو تر اوسه یې په کابل کې د الظواهري د میشتېدو او د هغه د وژل کېدو په اړه څه ندي ویلي.

Continue Reading

تازه خبرونه

حکومتي چارواکو له شیعه عالمانو سره د خواخوږۍ لیدنه وکړه

Published

on

(Last Updated On: زمری ۱۷, ۱۴۰۱)

د افغانستان اسلامي امارت د رییس الوزرا سیاسي مرستیال مولوي عبدالکبیر د یکشنبې پر ورځ (د زمري ۱۶) د شیعه عالمانو له استازیو سره وکتل او په محرم کې یې د وروستیو چاودنو له کبله ورته خپله خواخوږي وړاندې کړه.

د ارګ په خبرپاڼه کې څرګنده شوې، چې په دې لیدنه کې مولوي کبیر د قربانیانو له کورنیو سره خپله خواخوږي ښکاره کړه.

په دې غونډه کې د شيعه عالمانو د سراسري شورا مرستيال جواد صالح او شیعه مشر استاد اکبري هم شتون درلود او د عاشورا د ورځو د امنيت په ټينګښت کې يې د امنيتي ځواکونو له هڅو او هلوځلو درناوې وکړ.

دا لیدنه له هغو چاودنو وروسته لومړۍ لیدنه ده، چې یو شمېر هزاره وګړي په کې ځاني زیانمن شوي دي.

په افغانستان کې د ملګرو ملتونو د مرستندویه دفتر (یوناما) د څرګندونو له مخې، په دغو چاودنو کې لږ تر لږه ۱۲۰ کسانو ته مرګ و ژوبله اوښتې ده.

د دغو چاودنو مسوولیت داعش پر غاړه اخیستی دی.

د یکشنبې پر ورځ د زمري ۱۶ په کابل ښار کې له یوې چاودنې خبر ورکړ شو، چې وروسته د پولیسو له خوا رد او څرګنده شوه، چې دا غږ په یوه ښوونیز مرکز کې د پوځي روزنې و.

Continue Reading

Trending

Copyright © 2022 Ariana News. All rights reserved!