تازه خبرونه
په افغانستان کې نوې کرونا ۲۵ ناروغان مړه کړي او ۹۲۹ پېښې رامنځته شوي

عامې روغتیا وزارت په ډاګه کړې؛ له تېرو ۲۴ ګړیو راپدیخوا په هېواد کې له کرونا ویروسه ۲۵ ناروغان مړه شوي او ۲۲۹ کسان پرې نوي اخته شوي دي.
د دې وزارت چارواکو ويلي، چې وضعیت نور له څارنې وتلی او په ځانګړي توګه د پلازمېنه ټولو ښاري اوسیدونکیو ته د ماسکونو کارول اړین شوي دي.
د روغتیا وزارت چارسمبالي وحید مجروح ويلي، چې د اړتیا په صورت کې به په ټول هېواد کې د زدکړې ټول مرکزونه وتړل شي.
وحید مجروح وایي وضعیت له څارنې وتلی دی. د ښارونو استوګن دې روغتیایي سپارښتنو ته پام وکړي او ماسک کارول به له دې وروسته اړین او وبه څارل شي.
په تېرو څلیریشت ګړیو کې ۹۲۹ نوي کسان پر کرونا ویروس اخته شوي او ۲۵ نور ویروس مړه کړي دي؛ له زیانمنو شویو کسانو څخه یوازې ۳۱۳ یې په کابل کې دي؛ خو سره له دې بیا هم ښار له خلکو ډک دی او روغتیايي سپارښتنو ته ډېر پام نه کیږي.
د یادونې ده، چې په هېواد کې د کرونا ویروس له کبله د ناروغانو او مړینو له ډېرېدو سره سم حکومت پرون په کابل، غزني، هلمند، کندهار، لوګر، بلخ، ننګرهار پکتیا، پروان، وردګ، پنجشیر، لغمان، بدخشان ، کاپیسا، کندوز او نیمروز په ګډون د ۱۶ ولایتونو ښوونځي او پوهنتونونه او نورې ښوونیزې ادارې د دغه ویروس د خپرېدا له کبله د دوه اوونیو لپاره وتړلې.
تازه خبرونه
د واخان د ورېښمو تاریخي لارې د جوړېدو عملي کار پيل شو- ذبیح الله مجاهد

د اسلامي امارت ویاند ذبیح الله وايي، چې له نړۍ او په ځانګړي توګه له چین سره د افغانستان د اقتصادي اړیکو د پراختیا لپاره د بدخشان د واخان د ورېښمو لارې د جوړولو کار پیل شوی او چارې یې چټکې روانې دي.
ذبیح الله مجاهد زیاته کړې؛ د اسلامي امارت مشرتابه د هېواد د اقتصادي اړیکو د پراختیا په لاره کې مهم ګامونه اخیستي او هڅه کوي، چې بېلابېلې ترانزیتي لارې پیدا کړي.
د مجاهد د څرګندونو له مخې؛ د دغه سړک له جوړېدو سره به د افغانستان سوداګريزې اړيکې نورې هم پراخې شي.
ذبیح الله مجاهد وایي؛ د چین پولې ته د واخان سړک مساحت پر غالب ګومان ۶۰ کیلومتره دی. همدا اوس هلته د ملي دفاع او ټولګټو چارو وزارت ماشینونه شته او ترې کار اخیستل کېږي.
نوموړي ویلي؛ د واخان دلاري جوړول د افغانستان اسلامي امارت په ستراتیزیکو پروژو کې شامله ده او په واخان مسیر کار هم روان دی له دې پرته د اسلامي امارت رهبرۍ د چابهار پر مسیر هم کار پیل کړی. مونږ هڅه کوو، چې د سیمې او ګاونډ پر کچه د خپلو اقتصادي اړیکو د پراختیا لپاره اقدامت نور هم پراخ کړو.
دغه راز د سوداګرۍ خونې مسوولینو په یوه خبره ناسته کې د اسلامي امارت له مشرتابه غوښتي؛ د واخان لار ژر تر ژره د اقتصادي راکړې ورکړې لپاره برابره کړي، چې د پاکستان اقتصادي انحصار څخه وژغورل شي.
د سوداګرۍ او پانګوني خونې غړی عبید الله څرګنده کړې؛ چین د افغانستان له مهمو اقتصادي شریکانو څخه دی او له کابل څخه تر صفري ټکي ۱۰۰۰ کیلومتره واټن لرو. له اسلامي امارته هیله کوو، چې مونږ ته دورېښمو تاریخي مسیر بېرته پرانزي.
د سوداګرۍ او پانګوني خونې غړی شیرین آقا سخي ویلي؛ د اسلامي امارت له رهبرۍ هیله لرو، چې مونږ د بدخشان له لارې چین سره ونښلوي، چې افغان سوداګر د ګاونډ هېوادونو له مکرر ظلمه خلاص شو. مونږ چین ته هم صادارت او هم واردات لرو.
په ورته وخت کې بیا اقتصادي شنونکي د افغانستان سوداګرۍ او ترانزیت لپاره د واخان لار تر ټولو مهمه او اړینه بولي.
د اقتصادي چارو کار پوهانو ويلي که له دې مسیر څخه افغانستان له چین سره ترانزیت پیل کړي؛ نو له دې سره به پر افغانستان او چین سربېره د سیمې د نورو هېوادونو ترمنځ اقتصادي اړیکې پیاوړې او غښتلې شي.
د یادونې ده، چې د واخان مسیر تاریخي ارزښت لري او له دې لارې د افغانستان او چین ترمنځ اقتصادي اړیکې پالل شوې دي.
تازه خبرونه
په هند کې له خپلو قونسلګریو سره اړیکې لرو او ډېر ژر به سفارت بېرته فعال شي – ستانکزی

د بهرنیو چارو وزارت سیاسي مرستیال شېرمحمد عباس ستانکزي ويلي، د افغانستان د ممبي او حیدرآباد کونسلګرۍ په کابل کې د بهرنیو چارو له وزارت سره اړیکې لري؛ په نوي دیلي کې به د افغانستان سفارت ډېر ژر بېرته فعال شي.
شېر محمد عباس ستانکزي له ملي تلویزیون سره په مرکه کې، چې د سې شنبې پر شپه خپره شوې ویلي: په ممبي او حیدرآباد کې زمونږ قونسلګرۍ فعالې دي؛ د بهرنیو چارو له وزارت سره اړیکې لري او کونسلي خدمتونه هره ورځ وړاندې کیږي. اوسمهال په ممبي او حیدرآباد کې زمونږ قونسل شته؛ ما له هغوی سره خبرې وکړې او په دیلي کې هم د دوی سفارت بېرته پرانیستل شوی دی.
شېر محمد عباس ستانکزي ویلي، چې په هند کې د افغانستان سفارت به په راتلونکیو دوه یا درې ورځو کې خپل فعالیتونه او خدمات بیا پیل کړي.
ستانکزي له ملي تلویزیون سره په مرکه کې څرګنده کړې، چې د ده پر اند اسلامي امارت؛ ځکه پر رسمیت پېژندل شوی، چې اوس هم له هغو هېوادونو سره دیپلوماتیکې اړیکې لري، چې پخوا یې درلودې.
هغه وایي، چې په افغانستان کې شاوخوا شل سفارتونه هڅې تر سره کوي.
دا په داسې حال کې ده، چې پېنځه ورځې مخکې په هند کې د افغانستان سفارت اعلان وکړ، چې په نوي دیلي کې یې د هند د حکومت پر وړاندې د پرتو ستونزو له کبله خپل فعالیتونه د تل لپاره ځنډولي دي.
تازه خبرونه
پاکستان دې ژر تر ژره له افغان کډوالو سره ناوړه چلند ودروي – د بشري حقونو د څار بنسټ

د بشري حقونو د څار بنسټ ویلي، چې د پاکستان حکومت د افغان کډوالو د ایستلو او شړلو لپاره په پراخه کچه له ناوړه چلند څخه کار اخلي.
دغه بنسټ د سې شنبې پر ورځ ( د لیندۍ ۷ ) په یوه خپره شوې اعلامیه کې څرګنده کړې، چې پولیسو او نورو چارواکو مهاجرین نیولي، د هغوی ملکیتونه یې ضبط کړي او د هغوی د هویت اسناد یې له منځه وړي دي. د ۲۰۲۳ ز. کال د سپتمبر له نیمايي راپدیخوا د پاکستان حکومت له ۳۷۵ زره ډېر کسان ستنېدو ته اړ کړي دي.
د بشري حقونو د څار بنسټ د آسیايي برخې مشرې ایلین پییرسن ویلي؛ پاکستانو چارواکو د افغانانو لپاره د اجبار چاپېریال جوړ کړی، چې د افغانستان خطرناکو شرایطو ته یې ستانه کړي. چارواکي باید سمدستي دا ناوړه چلند پای ته ورسوي او له ایستلو سره مخ افغانانو ته دا فرصت ورکړي، چې په پاکستان کې د خوندیتوب غوښتنه وکړي.
د بشري حقونو د څار بنسټ د څرګندونو له مخې؛ په سرغړونو کې د شپې عملیات شامل دي، چې پولیسو په کې افغانان تر وهلو، ګواښلو او نیولو لاندې نیولي. دغه راز پولیسو رشوت غوښتی؛ د هغوی ګاڼې، څاروي او نور ملکیتونه یې ضبط کړي او کورونه یې پر بلدوزرونو ورنړولي دي.
پاکستانيو چارواکو له هغو افغانانو، چې په امریکا، بریتانیا او نورو هېوادونو کې د بیا مېشتېدو په تمه دي هم د ۸۳۰ دالرو د ورکولو غوښتنه کړې ده.
هغې زیاته کړې؛ هغو حکومتونو، چې تر خطر لاندې افغانانو د بیا ځای پر ځای کولو ژمنه یې کړې باید دا بهیر چټک کړي او پر پاکستان فشار راوړي، چې بشري حقونو ته پر شویو ژمنو عمل وکړي. دغه راز دا هېوادونه باید په افغانستان کې د بشري ناورین د مخنیوي لپاره خپلې هڅې ډېرې کړي؛ ځکه، چې د ژمي له پیله د سلګونه زره اړمنو کسانو ستنېدا ډېره شوې ده.
-
تازه خبرونه7 hours ago
پاکستان دې ژر تر ژره له افغان کډوالو سره ناوړه چلند ودروي – د بشري حقونو د څار بنسټ
-
نړۍ3 days ago
حماس د لنډمهالي اوربند پر مهال یو شمېر نور اسرائیلیان او تایلیندیان خوشي کړل
-
تازه خبرونه4 days ago
ملګري ملتونه د افغانستان له څوکۍ د فشار د وسیلې په توګه کار اخلي – سهیل شاهین
-
تحول4 days ago
تحول: د افغانستان په اړه د ملګرو ملتونو پر سیاست نیوکه
-
نړۍ4 days ago
اسرائیلو د شنبې پر ورځ د خوشې کېدونکیو بندیانو نوملړ ترلاسه کړ
-
څار4 days ago
څار: د پاکستان او افغانستان د اړیکو ارزونه
-
تازه خبرونه3 days ago
اسلامي امارت د ټولو قضیو لپاره واحد او با صلاحیته ادرس دی – امیرخان متقي
-
تازه خبرونه3 days ago
ترکیې افغانستان ته څه باندې ۵۰۰ ټنه بشري مرستې استولي