Connect with us

روغتيا

په افغانستان کې یو ناروغ له دایمي معلولیته وژغورل شو

خپور شوی

د

(Last Updated On: )

د کابل په سردار محمد داوود خان روغتون کې داکتران بریالي شول، چې د پېچليو عملیات په پایله کې یو ناروغ له دایمي معلولیته وژغوري.

د سردار محمد داوود خان روغتون د عامې روغتیا او روغتیایي خپرونو مدیریت څرګنده کړې، چې د ستردرستیز روغتیایي قوماندانیت لومړي مرستیال داکتر عبدالولي احمدزي او د دغه روغتون د ارتوپیدي څانګې څانګوالو د پښې د دایمي معلولیت یو ناروغ بریالی عملیات کړی دی.

دغه ناروغ عبدالاحمد نومېږي او د هلمند ولايت اوسیدونکى دى؛ کورنۍ يې د بېوزلۍ او بېوسۍ له کبله له ماشومتوبه پر درملنه بریالي ‌شوي ندي او ماشوم یې معیوبه د ځوانۍ پړاو ته راورسېده.

روغتون ته له مراجعې وروسته د یاد روغتون داکترانو دغه ځوان عملیات کړ. اوس له بریالیو عملیاتو وروسته دغه کس له معیوبیته او دایمي معلولیته وژغورل شو.

د سردار محمد داوود روغتون مسوولینو ويلي، دغه روغتون غواړي د پېچلو جراحي عملیاتو د ترسره کولو لپاره د داکترانو وړتیاوې نورې هم لوړې، معیاري روغتیايي خدمات وړاندې کړي او د دا ډول عملیاتو لپاره له معیاري او پرمختللیو وسایلو کار واخلي.

د یادونې ده، چې د سردار محمد داوود خان روغتون په جراحي او اورتوپیدي څانګو کې بریالي او حیرانونکي عملیات ترسره کیږي.

روغتيا

د افغانستان په ۲۳ ولایتونو کې د ګوزڼ واکسین کمپاین پیل شو

د امرخېل د څرکندونو له مخې؛ د ګوزڼ واکسين دا کمپاين به د چنګاښ له اتلسمې تر بوویشتمې / د جولای له اتمې تر يوولسمې روان وي او د واکسيناسيون له لارې به ميليونونه ماشومان له دې ويروس څخه خوندي پاتې شي.

Published

on

(Last Updated On: )

د افغانستان د عامې روغتیا وزارت ويلي؛ نن دوشنبه د چنګاښ اتلسمه د افغانستان په ۲۳ ولایتونو کې د ګوزڼ یا پولیو ضد واکسین کمپاین پیل شو.

د دغه وزارت ویاند شرافت زمان امرخېل ويلي، په دې کمپاین کې به شاوخوا اته میلیون هغه ماشومان، چې عمرونه یې له پېنځه کلونو کم وي؛ واکسین شي.

د امرخېل د څرکندونو له مخې؛ د ګوزڼ واکسين دا کمپاين به د چنګاښ له اتلسمې تر بوویشتمې / د جولای له اتمې تر يوولسمې روان وي او د واکسيناسيون له لارې به ميليونونه ماشومان له دې ويروس څخه خوندي پاتې شي.

هغه زیاته کړې: د عامې روغتیا وزارت له قومي مشرانو، دیني عالمانو، استادانو وغوښتل، چې له واکسیناتورانو سره د دوی همکاري به په افغانستان کې د پولیو ناروغي له منځه یوسي.

د روغتیا نړیوالې ټولنې تېره ورځ ویلي، چې د واکسین دغه کمپاین د دوشنبې پر ورځ د افغانستان په بېلابېلو ولایتونو کې پیلېږي.

دې ټولنې له ټولو وګړو په ځانګړي توګه د کورنیو له مشرانو او والدینو غوښتي، چې له ګوزڼ څخه د پاک افغانستان لپاره ونډه واخلي.

د ګوزڼ واکسين دوه‌يم پړاو ملي کمپاين تېره مياشت په ټول افغانستان کې د نړيوالو موسسو پر همکارۍ پيل شو او دغه کمپاين څلور ورځې دوام وکړ، چې د عامې روغتيا وزارت د معلوماتو له مخې په کې څه باندې ۱۱ اعشاریه ۲ ميليون ماشومانو ته د ګوزڼ واکسين ورکړ شول.

همدارنګه په افغانستان کې تېر اپریل د ګوزڼ واکسین لومړی پړاو پیل شو، چې په څلور ورځو کې شاوخوا ۱۱ میلیون له پېنځه کلونو څخه ټیټ عمره ماشومانو ته واکسین ورکړ شو.

افغانستان او پاکستان د نړۍ هغه دوه هېوادونه دي، چې اوس هم په کې د ګوزڼ ویروس ماشومان وژني. د دغه وزارت احصائې ښيي، چې تېر کال د افغانستان په ختیځ کې د کوزڼ شپږ مثبتې پېښې ثبت شوې وې، چې د چارواکو پر وینا علت یې له پاکستان څخه د افغان کډوالو راستنېدل دي.

 

اړوند خبرونه: 

د ګوزڼ یا پولیو واکسین کمپاین پیل شو

په افغانستان کې به سبا د ګوزڼ یا پولیو واکسین کمپاین پیل شي

Continue Reading

روغتيا

تېر کال څه باندې ۱۶۰ زره واحده وینه راټوله شوې – روغتیا وزارت

د روغتیايي چارواکو د څرګندونو له مخې؛ په ۱۴۰۲ هجري لمریز کال کې ۱۵۰ زره نرینه او ۸ زره ښځو وینه ورکړې ده.

Published

on

(Last Updated On: )

د عامې روغتیا وزارت چارواکو نن ( پنجشنبه د غبرګولي څلیریشتمه ) د وینې وړاندې کولو نړیوالې ورځې په مناسبت په کابل کې د یوې غونډې پر مهال ویلي، چې په تېر یوه کال کې یې له ټول هېواد څخه څه باندې ۱۶۰ زره واحده وینه راټوله کړې ده.

د روغتیايي چارواکو د څرګندونو له مخې؛ په ۱۴۰۲ هجري لمریز کال کې ۱۵۰ زره نرینه او ۸ زره ښځو وینه ورکړې ده.

د عامې روغتیا وزارت چارواکي د وینې وړاندې کول د خلکو د ژغورنې لپاره اړینه بولي.

د عامې روغتیا وزارت خدماتي مرستیال عبدالولي حقاني ویلي: له نېکه مرغه د عامې روغتیا وزارت کارکوونکي توانيدلي، چې د وینې وړاندې کوونکيو شمېر له ۲۰ سلنې څخه ۵۰ سلنې ته لوړ شوی دی.

په همدې حال کې د وينې د مرکزي بانک مسوولينو ويلي، چې دغه اداره له نړيوالو نورمونو سره سم اړو کسانو ته خوندي او پاکه وينه وېشي.

د وينې مرکزي بانک مشر سيف الرحمن پښتون ويلي: په تېر کال کې ٦٧٧ واحده وينه اخيستل شوې ده.

دغه راز په دې پروګرام کې يو شمېر ګډونوالو د دغې ورځې په مناسبت د زياتو خلکو د هڅولو لپاره وينه ورکړه.

یو تن وینه ورکوونکي ویلي: مونږ دا وینه هغو اړمنو کسانو ته ورکوو، چې د تلسمیا او سرطان په ناروغۍ اخته دي؛ یوازې د الله پاک د رضا لپاره وړاندې کوو.

د يادونې ده، چې دا ورځ هر کال د عامې روغتيا وزارت د وينې وړاندې کولو د فرهنګ دودولو او عامه پوهاوي لپاره نمانځي.


ورته خبرونه:

د عامې روغتیا وزارت نن په ټول هېواد کې د ګوزڼ واکسین کمپاین پیل کړ

 

 


 

Continue Reading

روغتيا

د کانګو تبه په تېرو دوه میاشتو کې ۳۸ سلنه زیاته شوې

Published

on

(Last Updated On: )

عامې روغتیا وزارت د لوی اختر د رارسېدو په درشل کې په ډاګه کړې، چې له تېرو دوه میاشتو راپدیخوا په ټول هېواد کې د کانګو تبې په پېښو کې ۳۸ سلنه زیاتوالی راغلی دی.

د دغه وزارت ویاند زیاته کړې، چې د روان کال په لومړیو پېنځه میاشتو کې د کانګو تبې ۲۰۳ مثبتې پېښې ثبت شوي، چې له کبله یې شپږ کسان مړه شوي دي.

د افغانستان د عامې روغتیا وزارت وايي، تېر کال د کانګو تبې شاوخوا ۲۴۴ مثبتې پېښې ثبت شوې وې، چې څه باندې ۱۰۰ کسان ترې مړه شوي وه.

د دغه وزارت ویاند شرافت  زمان وایي، چې په تېرو دوه میاشتو کې د کانګو تبه ۳۸ سلنه زیاته شوې ده.

د کانګو تبه له څارويو څخه انسانانو ته لېږدول کېږي.

د ډاکټرفریدالله عمري د څرګندونو له مخې؛ د دې لپاره، چې خلک  د اختر په ورځو کې څاروي قرباني کوي؛ نو له دې ناروغۍ انسانانو ته د لېږدېدو شونتیا ډېره ده،  چې خلک بايد روغتیایي سپارښتنو ته ډېر پام وکړي.

 نوموړي وبلي؛ د دې ناروغۍ د خپرېدو د مخنیوي لپاره باید پر ناروغۍ اخته کسان قرنطین شي او له روغو کسانو لرې وساتل شي.

ویل کیږي، چې په دې ناروغۍ د اخته کېدو لپاره باید د قربانۍ پرمهال حفظ الصحې ته ډېر پام ولرو.

Continue Reading

Trending

Copyright © 2022 Ariana News. All rights reserved!