د افغانستان فوټسال غوره لیګ د دوشنبې پر ورځ په کابل کې اته‌پنځوسمه او نهه‌پنځوسمه زړه‌راکښونکې دوه سیالۍ تر سره کړې.

په اته‌پنځوسمه لوبه کې امید او جوانان میهن لوبډلې یوه د لیدو وړ لوبه ۲-۲ مساوي پای ته ورساوه. سره له دې، چې ګټونکی یې نه درلود؛ خو لوبه د تخنیکي او سپورټي لېوالتیا له کبله ډېره لیدونکې وه، چې لیدونکي یې تر وروستۍ شېبې پورې بوخت وساتل.

په نهه‌پنځوسمه لوبه کې اتحاد لوبډلې وکولی شول، چې پیروزي پنجشېر اف‌سي ته د ۳ د ۱ پر توپیر ماتې ورکړي.

دې بریا اتحاد ته درې ارزښتناکې نمرې پر بخه کړې او د سیالۍ په جدول کې یې د لوبډلې ځای لوړ کړ.

د سې‌شنبې د لوبې مهالوېش:

صادقت د زیتون پر وړاندې ماسبښین مهال ۳:۳۰

 دغه راز نورزاد د آریا فورج پر وړاندې د مازیګر ۵:۴۵

د سیالیو مینه‌وال کولی شي دا سیالۍ پر ژوندۍ او ځانګړې بڼه له آریانا ټلویزیون ATN څخه وګوري.

دا ژوندۍ خپرونه د کورنیو لوبو د ودې او د هېواد له فوټسال استعدادونو څخه د ملاتړ لپاره یو اړین ګام ګڼل کیږي.

لکه څنګه، چې د لیګ اړین پړاوونه نږدې کیږي؛ سیالي رالندیږي او هره لوبه کولی شي د لوبډلو برخه‌لیک بدل کړي.

د افغانستان فوټسال غوره لیګ د یکشنبې پر ورځ په کابل کې د دوه لوبډلو پر لوبو تر سره شوې.

په شپږپنځوسمه لوبه کې ظاهر اسد او آریا فورج لوبډلو زړه‌راکښونکې لوبه ۳ پر ۳ مساوي پای ته ورسېده. دواړو لوبډلو پر تېري کوونکې لوبې یو امتیاز ترلاسه کړ.

په اووه‌پنځوسمه لوبه کې نورزاد لوبډلې وکولی شول دیار سنايي ته په پرېکنده ګولونو ۸ پر ۲ ماتې ورکړه او درې نور ارزښتناک امتیازونه یې ترلاسه کړل.

د دوشنبې د لوبې مهالوېش:

امید د جوانان میهن پر وړاندې له غرمې وروسته – ۳:۳۰

پیروزي پنجشېر د اتحاد پر وړاندې د مازیګر- ۵:۴۵

مینه‌وال کولی شي دا لوبې په آریانا تلویزیون ATN کې پر ژوندۍ بڼه تعقیب کړي.

د شنبې پر ورځ د افغان فوټسال غوره لیګ د څلورم پړاو په څلورپنځوسمه لوبه کې؛ پنجشېر لوبډلې د ۷ پر صفر پر زړه پورې لوبې زیتون اف‌سي ته ماتې ورکړه.

نن په پېنځه‌پېنځوسمه لوبه کې صداقت اف‌سي لوبدلې ۶ پر ۳  امید اف‌سي ته ماتې ورکړه.

سبا به په شپږ‌پنځوسمه لوبه کې ظاهر اسد اف‌سي او آریا فورج اف‌سي لوبډلې سیالي وکړي.

په اووه‌پنځوسمه لوبه کې به دیار سنايي لوبډله له نورزاد اف‌سي سره مخ شي.

په ټول هېواد کې فوټسال مینه‌وال کولی شي د دې لیګ د څلورم پړاو د دوه‌یمې نیمایي پیل لوبې پر ژوندۍ او ځانګړې بڼې په آریانا ټلویزیون کې وګوري.