Connect with us

لوبی

په اندونیزیا کې د فوتبال سیالۍ پر مهال ۳۵۴ کسانو ته مرګ و ژوبله اوښتې

Published

 on

(Last Updated On: تله ۱۰, ۱۴۰۱)

تېره ورځ د اندونیزیا په ختیځ جاوا ښار کې د فوتبال لوبې پر مهال د نندارچیانو ترمنځ له رامنځته شوي تاوتریخوالي د یو ماشوم په ګډون ۱۷۴ کسان وژل شوي او ۱۸۰ نور ټپیان دي.

د پولیسو د څرګندونو له مخې؛ پېښه هفه وخت رامنځته شوه، چې د فوتبال لوبډلو مینوال لوبغالي ته وردننه شول او پولیسو یې د خواره واره کولو لپاره له هغې وروسته اوښلن ګاز وکاراوه، چې په کې مړه شول.

لوبه د اریما او پیرسیبایا سورابایا د فوتبال لوبډلو د سیالانو تر منځ روانه وه، چې اریما لوبډله له پیرسیبایا سورابایا لوبډلې څخه ۲ پر ۳ ماته شوه او د اریما لوبډلې مینوالو د لوبې ډګر ته ورمنډه کړه.

دا په تېرو څه باندې ۲۰ کالونو کې لومړی ځل و، چې اریما لوبډلې پیرسیبایا سورابایا ته یوه لوبه وبایلله.

په دې لوبغالي کې ډېري وژل شوي کسان تر پښو لاندې شوي دي.

د ختیځې جاوا د پولیسو مشر نیکو افینتا د یکشنبې پر ورځ د تلې ۱۰ / د اوکتوبر۲ په ډاګه کړې، چې په پېښه کې د دوه پولیسو افسرانو په ګډون ۱۸۰ کسان ټپیان شوي دي.

د سرچینې د څرګندونو له مخې؛ ۳۴ کسان په لوبغالي کې دننه او پاتې یې په روغتون کې مړه شوي دي.

د پولیسو مشر زیاته کړې؛ د عملیاتو پر مهال ټول له لوبغالي څخه د وتلو یوې دروازې خوا ته ولاړل او ګڼه ګوڼه ډېره او د اکسیجن د کمښت له کبله یې سا بنده شوه.

د فوتبال نړیوالې ادارې فیفا د اصولو له مخې؛ هیڅ ډول وسلې یا اوشلن ګاز باید د ساتونکیو یا پولیسو لخوا ونه کارول شي.

د دغه هېواد د امنیت لوی وزیر محمود د انستاګرام په یوه پوست کې څرګنده کړې، چې لوبغالي ته د وردننه کېدو لپاره ۴۲ زره کسان وردننه شوي وه. په داسې حال کې، چې دا لوبغالی د ۳۸ زره کسانو وړتیا لري.

د ختیځ جاوا والي خفیفه اندر پروانسا خبریالانو ته ویلي، چې د قربانیانو او ټپیانو له کورنیو سره به مالي مرسته ترسره شي.

د اندونیزیا غوره لیګ اړوند سیالۍ د یوې اوونۍ لپاره لوبې وځنډولې او د اندونیزیا د فوتبال اتحادیې ویلي، چې د رامنځته شوې پېښې څېړنې هم روانې دي.

ویل کیږي، چې د فوتبال په ډګرونو کې دې ته ورته ډېرې نورې پېښې هم رامنځته شوي، چې یو شمېر یې دا دي:

پر ۱۹۶۴ زېږدیز کال په لیما کې اولمپیک سیالیو ته وتلو لپاره د پېرو او ارجنتاین ترمنځ د فوتبال د لوبې پر مهال له ټېل ماټېله ۳۲۰ کسان وژل شوي او له ۱۰۰۰ ډېر نور ټپيان ول.

پر ۱۹۸۹ کال د بریتانیا د شيفیلد هیلزبرو په لوبغالي کې د ګڼې ګوڼې له کبله د یوې کټارې له ماتېدو د لیورپول لوبډلې ۹۶ مینوال وژل شوي وه.

پر ۱۹۸۵ کال د بلجیم د بروکسل په هېسل لوبغالي کې د انګلستان لیورپول او ایتالیا یونتوس ترمنځ‌ د لوبې پرمهال لږ تر لږه ۶۰۰ مینوال د دیوال له لوېدو ټپیان شول.

د رویټرز د څرګندونو له مخې، دا په داسې حال کې ده، چې اندونیزیا د راتلونکي کال په مې او جون کې د فیفا د ۲۰ کلنو نړیوال جام کوربتوب کوي.

لوبی

افغانستان د ۲۰۲۳ کرکت نړيوال جام ته لار وموندله

Published

on

(Last Updated On: ليندۍ ۷, ۱۴۰۱)

د یکشنبې پر ورځ د سریلانکا پر وړاندې د یو ورځنیو لوبو له توپ وهنې او توپ اچونې وروسته افغانستان د راتلونکي کال د کرکت نړیوال جام ته لار وموندله.

د غوراوي په دې سیالیو کې د افغانستان او سریلانکن ترمنځ‌ په لوبه کې افغان لوبډلې ته پېنځه امتیازونه ورکړ شول، چې د ټولو هغو شمېر یې ۱۱۵ ته ورسېد.‌ 

د کریکټ‌ نړیوالې شورا له دغې لوبې وروسته په خبرپاڼه کې څرګنده کړې؛ افغانستان په هند کې د یوه ورځنیو لوبو په نړیوال جام کې خپل ځای ځای خپل کړ.

د افغانستان او سریلانکا ترمنځ د يو ورځنيو لوبو د لړۍ دوه يمه هغه د باران له کبله بې پايلې اعلان شوه؛ خو دواړو لوبډلو ته پېنځه-‌پېنځه نومرې ورکړ شوې. 

دا د کرکت د نړیوالې شورا د سوپر لیګ سیالۍ دي، چې له هر بري سره لوبډلو ته ۱۰ نومرې ورکول کېږي او که لوبه مساوي کېږي او یا بې نتیجې پای ته رسېږي؛ دا ۱۰ نومرې مساوي وېشل کېږي.

له سري لانکا سره د باران له کبله د لوبې د بې نتیجې پای ته رسېدو وروسته افغانستان او سري لانکا ۵-۵ نومرې ترلاسه کړې او په دې سره افغانستان نړیوال جام ته لار وموندله.

افغانستان د سوپرلیګ په سیالیو کې تر دې دمه ۱۴ لوبې کړي، چې لس یې ګټلې، یوه یې مساوي ده او دوه یې بایللې دي. په دې ترتیب سره افغانستان ۱۱۵ نومرې لري او په لښتیلیک کې اووم ځای لري او نړیوال جام ته وتلی دی.

افغانستان اوس د ۱۳ هېوادونو؛ هند، آسترالیا، انګلیند، بنګله دېش، نیوزلیند، پاکستان، ویست اندیز، سريلانکا، جنوبي آفریقا، زمبابوې، ایرلیند او هالیند تر منځ دا مهال په اووم مقام دی او له پاکستان او هند سره پر درې-درې لوبو سربېره یې ځینې نورې لوبې هم پاتې دي.

له افغانستان وروسته، ویست اندیز، سريلانکا، جنوبي آفریقا، زمبابوې، ایرلیند او هالیند به د خپلو پاتې لوبو له ترسره کولو وروسته مستقیم نړیوال جام ته ځي.

دا به درېیم ځل وي، چې افغانستان د ۲۰۲۳ د یوې ورځینو لوبو په نړیوال جام کې لوبېږي. په وروستي ځل د ۲۰۱۹ په نړیوال جام کې ولوبېده، چې نهه لوبې یې وکړې او ټولې یې وبایللې. په را روان نړیوال جام کې به ۱۰ لوبډلې لوبېږي.

سريلانکا به په دې فيصله کوونکي لوبه کې له خپلو لوبغاړیو څخه د يوې بلې پياوړې نندارې هيله ولري.

افغانستان د یو ورځنۍ لوبو په دوه یمه لوبه کې پچه وګټله؛ توپ وهنه یې پیل او ۲۲۹ مندې یې جوړې کړې، چې د توپ اچوونې پر وخت یې د باران له کبله پاتې لوبه لغو شوه.

Continue Reading

لوبی

په نړیوال جام کې د بلجیم  پر وړاندې د مراکش بریا بلجیمیان راوپارول

Published

on

(Last Updated On: ليندۍ ۷, ۱۴۰۱)

په ۲۰۲۲ نړیوال جام کې د مراکش پر وړاندې د بلجیم فوتبال ملي د دوه پر صفر ماتې له ورکولو وروسته د بلجیم په ځینو سیمو کې له ګډوډۍ وروسته پولیسو د بروکسل ښار ځینې سیمې وتړلې.

په ځینو سیمو کې پولیسو د دې ګډوډۍ د مخنیوي لپاره د اوبو موټرونه ځای پر ځای کړي او د خلکو د شړلو لپاره یې اوښکې بهونکی ګاز کارولی دی.

په لسګونه بلواګرو پر سړکونو اورونه واچول او ځینو یې پر موټرو برید وکړ.

د بلجیم د پولیسو ویاند اعلان وکړ، چې پولیسو له هغې وروسته مداخله وکړه، چې یو کس مخامخ ټپي شو.

د بروکسل ښاروال د فوتبال له مینه والو وغوښتل، چې د ښار له مرکز څخه ووځي.

اسوشیتېد پرس د مراکش د فوتبال ملي لوبډلې مینه وال د فساد لامل بولي.

ویل شوي، چې د مراکش له بریا وروسته د هالیند په څو ښارونو کې هم لاریونونه پیل شول.

تر اوسه په ډاګه شوې نده، چې څومره بلواګر نیول شوي دي.

Continue Reading

لوبی

افغانستان او عربي متحده اماراتو د همکارۍ ګډ هوکړه لیک لاسلیک کړ

Published

on

(Last Updated On: ليندۍ ۶, ۱۴۰۱)

د افغانستان کرکټ بورد ويلي، چې د افغانستان او عربي متحده اماراتو کرکت بورد ترمنځ د هر اړخیزو همکاریو پېنځه کلن هوکړه لیک لاسلیک شو، چې  له مخې به یې د دواړو لوبډلو تر منځ هر کال درې شل آوریزې لوبې کیږي.

د افغانستان کرکت بورد د معلوماتو له مخې؛ د افغانستان کرکت بورد د دغو سیالیو په بدل کې هیڅ لګښت نلري.

دا په عربي متحده اماراتو کې د خپلو سیالیو کوربتوب کوي او د هوکړې له مخې د یاد هېواد لپاره د ویزې ترلاسه کول آسانه دي، چې د پیسو د سپما په برخه کې لویه لاسته راوړنه ده.

د دې ترڅنګ عربي متحده اماراتو د افغانستان کرکت بورد ته د دغه هېواد په سپورتي کمپلیکس کې یو دفتر ورکړی او د بازارموندنې او مالي ملاتړ په برخه کې به لازمې مرستې او همکارۍ هم وکړي.

همدارنګه د افغانستان کرکت بورد وايي، چې د دې هوکړې پر بنسټ به د عزبي متحده اماراتو کرکت بورد د افغانستان په کوربتوب د لوبو پر مهال د دغه هېواد د ملي لوبډلې د مسوولینو او لوبغاړیو لپاره د ویزو په اخیستلو کې د افغانستان کرکت بورد ته آسانتیاوې برابرې کړي.

د افغانستان کرکت بورد اجرائیوي رییس نصیب خان وايي؛ دا له سترو لاسته راوړنو ډک هوکړه لیک دی، چې پر اساس به یې دواړه لوبډلې په ښه توګه ترې ګټه پورته کوي او دا د دوه اړخیزو همکاریو یو ستر پل دی.

نصیب خان زیاته کړې: دا تړون د ۵ کلونو لپاره لاسلیک شوی او مونږ به هر کال د عربي متحده اماراتو د کرکت له ملي لوبډلې سره درې شل آوریزې سیالۍ ترسره کوو، چې د دغو سیالیو په بدل کې به له مونږ څخه د اجازې غوښتنه نکیږي. په هغو لوبو کې، چې مونږ به یې په دې هېواد کې کوربتوب وکړو؛ د ویزې اخیستل به آسانه وي. د افغانستان کرکت بورد لپاره به د دغه هېواد په سپورتي کمپلیکس کې یو دفتر ځانګړی او د دغه هېواد د بازارموندنې له څانګې سره به لازمه همکاري وشي.

نصیب خان زیاته کړې: له دې مخکې مونږ د نورو لوبډلو د کوربتوب لپاره دومره مشخص ځای نه درلود. اوس، چې مونږ د عربي متحده اماراتو له کرکت بورد سره د همکارۍ دغه تړون لاسلیک کړی، مونږ ډاډه یوو، چې په دغه هېواد کې د نورو لوبډلو کوربتوب کولی شو.

د دې ترڅنګ د عربي متحده اماراتو کرکت بورد چارواکي وايي، چې دغه هوکړه لیک د دوه اړخیزو همکاریو لپاره ښه زیری ورکوي او د سیالیو په تنظیم او ګڼو نورو برخو کې به آسانتیاوې رامنځته کړي.

د افغانستان کرکټ بورد د معلوماتو له مخې؛ دغه هوکړه به د کوربه هېواد د یو خوندي او د لاسرسي وړ ځای په رامنځته کولو او لګښتونو کې د ژغورنې په برخه کې د هېواد له کرکت بورد سره ډېره مرسته وکړي.

Continue Reading

Trending

Copyright © 2022 Ariana News. All rights reserved!