Connect with us

تازه خبرونه

په اوکراین کې د عملیاتو لومړنی پړاو پای ته ورسېد – روسیه

خپور شوی

د

(Last Updated On: وری ۶, ۱۴۰۱)

د روسیې دفاع وزارت د جمعې پر ورځ د وري ۵ څرګنده کړې، چې په اوکراین کې یې د پوځي عملیاتو لومړنی پړاو بشپړ کړی او اوس به یې ځواکونه د اوکراین د ختیځ دونباس سیمې پر آزادولو راوڅرخیږي.

د روسیې د پوځ د لوی درستیز مرستیال سرګي رودسکوی ویلي؛ د اوکراین په ختیځ کې د دوه نومول شویو جمهوریتونو په توګه، روس پلوه بېلتون غوښتونکیو اوس د لوهانسک په سلو کې ۹۳ او د دونیتسک په سلو کې ۵۴ کنټرول لري. په ګډه، دواړه په عام ډول د ډونباس سیمې پېژندل کیږي.

روسیې ویلي، چې په اوکراین کې یې د پوځي عملیاتو بنسټیزه موخه د ډونباس آزادول ول.

رودسکوی زیاته کړې: د اوکراین هوایي ځواک او هوایي دفاعي سیسټم اوس تقریبا په بشپړه توګه ویجاړ شوی او هوایي ځواک یې له منځه تللی دی.

هغه ویلي، چې د روسیې جنګي الوتکو د اوکراین ۱۶ پوځي هوايي ډګرونه په نښه کړي او د وسلو ۳۹ ډیپوګانې یې ویجاړې کړي، چې د اوکراین د پوځ ۷۰ سلنه وسلې او تجهیزات په کې زیرمه شوي وه.

هغه وایي: د توچکا- یو توغنديو اووه سیسټمونه له ۸۵ سلنې مهماتو سره له منځه تللي او ۳۰ ستر پوځي-صنعتي شرکتونه، چې د اوکراین د پوځ ۶۸ سلنه وسلې او تجهیزات ترمیموي؛ بشپړ له منځه تللي دي. په دې توګه، په ټوله کې د اوکراین د عملیاتو لومړی پړاو پای ته رسیدلی دی.

هغه دا هم ویلي، چې له بده مرغه تر اوسه پورې (په اوکراین کې) ۱۳۵۱ روسي سرتېري وژل شوي او ۳۸۲۵ نور ټپیان دي.

د یادونې ده، چې امریکا او ناټو پراوکراین د روسیې برید غندلی او ختیځې اروپا ته نه یوازې ځواکونه نږدې کوي، بلکې پوځي تجهیزات او نغدي مرستې هم اږوکراین لږدوي.  

تازه خبرونه

د ازبکستان ولسمشر او د پاکستان لنډمهالي لومړي وزیر د افغانستان پر حالاتو خبرې وکړې

Published

on

(Last Updated On: وږی ۳۰, ۱۴۰۲)

د ازبکستان ولسمشر شوکت میرزایف د ملګرو ملتونو د عمومي ناستې د ۷۸ غونډې په څنډه کې د پاکستان له لنډمهالي لومړي وزیر انوارحق کاکړ سره په نیویارک کې وکتل.

په دې کتنه کې دواړه لوري د سوداګرۍ، اقتصاد، پانګونې او ترانسپورت په اړوند برخو راوڅرخېدل او تر څنګ یې د ازبکستان او پاکستان تر منځ د ستراتیژیکو همکاریو پر پیاوړتیا بحث او خبرې وشوې.

په دې کتنه کې دواړو لورو د افغانستان د حالاتو او وروستیو پرمختګونو د ارزونې ترڅنګ پر سیمه ییز امنیت هم خبرې وکړې.

په دې خبرو کې ټینګار وشو، چې د افغان – ترانس د اوسپنې پټلۍ جوړول د سیمې یوه مهمه پروژه ده.

Continue Reading

تازه خبرونه

امریکا او اسلامي امارت د نشه‌يي توکو پر مخنیوي بحث او خبرې وکړې

Published

on

(Last Updated On: وږی ۳۰, ۱۴۰۲)

د افغانستان لپاره د امریکا سفارت چارسمبالې کرن دیکر د چارشنبې پر ورځ په دوحه کې د افغانستان د اسلامي امارت له چارواکو سره د مخدره موادو پر ضد د مبارزې د اقداماتو په اړه دوه اړخیز بحث او خبرې وکړې.

نوموړې د ایکس پاڼې په یو لړ پوستونو کې څرګنده کړې: ما او همکارانو مې د اسلامي امارت له یوه کاري پلاوي سره په دوحه کې د نشه‌یي توکو د له منځه وړلو پر متقابلو اندېښنو، دوه اړخیزو مسایلو، د افغانستان له خلکو بشري ملاتړ، د مخدره توکو تولید، مخنیوی، د روږدو درملنه او د بدیل معیشت په اړه بحث او خبرې وکړې.

کرن دیکر زیاته کړې: دا غونډه په‌دې راوڅرخېده، چې نړیواله ټولنه د نشه‌یي توکو پر وړاندې د مبارزې په ټولو اړوند برخو کې د افغان ښځو د ښکېلتیا په اړه څومره مرسته کولی شي؛ ځکه دا کار مونږ ته حیاتي دی، ډېر ارزښت لري او مونږ به له دوی پرته بریالي نه‌شوو.

دغه راز په قطر کې د افغانستان اسلامي امارت استازي سهیل شاهین هم پر ایکس پاڼې لیکلي او څرګندوي، چې له کابل څخه د نشه‌يي توکو پر وړاندې د مبارزې د پلاوي غړیو؛ د نشه‌يي توکو پر وړاندې د مبارزې د څانګې مشر جانان عزیزي، د کورنیو چارو وزارت د نشه‌یي توکو پر وړاندې د مبارزې مرستیال رحمان قاسمي، د بهرنیو چارو وزارت د امنیت او سرحدونو چارو مرستیال میرویس قادري ګډون کړی و.

نوموړي زیاته کړې؛ دوی د کوکنارو د کښت، د نشه‌يي توکو د قاچاق او د روږدو کسانو د درملنې په اړه د هڅو په اړه پراخې خبرې وکړې. مونږ د ملګرو ملتونو د څارونکې ډلې او نړیوالې ټولنې هرکلی کوو او غواړو؛ په افغانستان کې دې له هغو سیمو څخه لیدنه وکړي، چې د کوکنارو کښت یې له منځه وړی دی.

نوموړي زیاته کړې: په هرصورت په افغانستان کې هغه کروندګر، چې کروندې یې له کوکنارو پاکې شوي؛ د بديل معيشت پروژې ته سخته اړتيا لري.

Continue Reading

تازه خبرونه

د افغانستان له خاورې د احتمالي ګواښونو په اړه پاکستان بیا هم اندېښنه څرګنده کړه

Published

on

(Last Updated On: وږی ۳۰, ۱۴۰۲)

د پاکستان د لنډمهالي حکومت د بهرنیو چارو وزیر یو ځل بیا د افغانستان له لوري د احتمالي ګواښونو په اړه اندېښنه ښودلې او ویلي یې دي، چې د افغانستان له چارسمبالي حکومت سره په دې اړه له نږدې خبرې کول غواړي.

د پاکستان د لنډمهالي حکومت د بهرنیو چارو وزیر جلیل عباس جیلاني د امریکا د نیویارک ښار په یوه غونډه کې ټینګار څرګند کړ، چې د پاکستان پر خلاف د تي تي پي او د داعش خراسان څانګې له لوري د افغانستان د خاورې کارول د اسلام‌اباد لویه اندېښنه ده.

د پاکستان د لنډمهالي حکومت د بهرنیو چارو وزیر په نیویارک ښار کې یوې غونډې ته د وینا پر مهال څرګنده کړه؛ دوی اندېښنه لري، چې تحریک طالبان پاکستان او د داعش خراسان څانګه د افغانستان خاوره د پاکستان پر خلاف کاروي.

جلیل عباس جیلاني وایي: مونږ دا ردوو، چې ترهګري له کوم هېواد، قوم او مذهب پورې وتړل شي. مونږ غواړو، چې د نړیوالې ټولنې پر همکارۍ ترهګري له منځه یوړل شي. د پاکستان لپاره دا مهال تر ټولو لویه اندېښنه د تحریک طالبان پاکستان او داعش خراسان څانګې  هغه وړتیاوې دي، چې غواړي د افغانستان خاوره د پاکستان پر خلاف وکاروي. مونږ په دې اړه د افغانستان له چارسمبالي حکومت سره له نږدې خبرې کوو.

دغه راز نوموړي په افغانستان کې له سولې او ثباته ملاتړ د ملاتړ ترڅنګ ویلي، چې د افغانستان له نوي حکومت سره خبرې ښې پایلې لرلی شي.

په همدې وخت کې د روسیې دفاع وزیر ایران ته د خپل سفر پر مهال د دوه اړخیزو مسایلو ترڅنګ د ایران له یوه جګپوړي پوځي چارواکي سره په کتنه کې د افغانستان او سوریې پر مسایلو هم خبرې وکړې. تر اوسه د دغو خبرو جزئیات رسنیو ته پر ډاګه شوي نه‌دي.

اسلامي امارت له افغانستان څخه د تروریستي ګواښونو په اړه هر ډول اندېښنه بې بنسټه ګڼي.

د اسلامي امارت د ویاند مرستیال بلال کریمي له افغانستان څخه د تروریستي ګواښونو په اړه د هېوادونو په ځانګړي توګه د پاکستان هر ډول اندېښنې ردوي او ټینګار کوي، چې ټول هېوادونه باید د افغانستان واقعیتونه ومني او ډاډه شي، چې افغانستان د کوم هېواد لپاره ګواښ نه‌دی.

دا په داسې حال کې ده، چې د افغانستان په چارو کې د پاکستان ځانګړي استازي اصف علي دراني ویلي، چې له افغانستان څخه د امریکايي ځواکونو له وتلو وروسته د افغانستان وضعیت په پاکستان کې د بې ثباتۍ لامل شوی دی.

اسلامي امارت ويلي، د پاکستان اوسنی وضعیت د هغه هېواد کورنۍ مسله ده؛ افغان حکومت او همدارنګه په هغه هېواد کې میشت افغان کډوال په کې هیڅ راز ښکېلتیا نه‌لري.

Continue Reading

Trending

Copyright © 2022 Ariana News. All rights reserved!