نړۍ
په ایران کې د سېلابونو له کبله د ۵۶ کسان مړه شوي

ایراني چارواکو منلې، چې په وروستیو ورځو کې د سختو سېلابونو له کبله د مړو کسانو شمېر ۵۶ ته رسیدلی دی.
د شنبې پر ورځ د دغه هېواد مشر ایت الله خامنه یي په یوه پیغام کې له چارواکو وغوښتل، چې د سېلابونو له کبله له زیانمنو سره مرستې پیل کړي.
د ایران د سرې میاشتې ټولنې عمومي منشي یعقوب سلیماني د شنبې پر ورځ ویلي، چې په تېره یوه اوونۍ کې د سختو بارانونو له کبله ۵۶ کسان مړه شوي او لږ تر لږه ۳۰ نور ورک دي.
ایرنا راپور ورکړی، چې د سختو بارانونو له کبله سېلابونو د تهران، لرستان، سیستان بلوچستان، کرمان او یزد په ګډون د یو شمېر ولایتونو د اوسیدونکیو ژوند اخیستی دی.
د ایران د سرې میاشتې ټولنې ویلي، ورک شوي کسان د تهران، مازندران، لرستان او کرمان په ولایتونو کې دي.
د یعقوب سلیماني د څرګندونو له مخې، ۶۰ ښارونه د اوړي له سیلابونو سره مخ دي، چې د سېلابونو له کبله ٥١٦ کلي او ٨٥ سړکونه زيانمن شوي دي.
د سرې میاشتې ټولنې له تېرې اوونۍ راپدیخوا له ۲۷۰۰۰ څخه ډېرو خلکو ته مرستې رسولي او تمه ده، چې د ټولو ورک شویو کسانو تر موندلو پورې به د لټون او ژغورنې هڅې روانې وي.
د ترکیې دفاع وزارت د شنبې پر ورځ ویلي، چې ایران ته د بېړنیو مرستو رسولو لپاره به یوه بله الوتکه هم واستوي.
زموږ د هوايي ځواک اړوند یوه ترانسپورتي الوتکه د انقرې د ایتیمسګوت هوایي ډګر څخه الوتې او ایراني سېلاب ځپلیو ته یې د اړتیا وړ خیمې او کمبلې رسولي دي.
د ترکیې دفاع وزارت تویت کړی، چې یوه بله الوتکه هم پلان شوې، چې سېلاب ځپلیو سیمو ته مرستې ورسوي.
نړۍ
که ایران د اټومي وسلو د لرلو له خوب تېر نشي له سخت غبرګون سره به مخ شي – ډونالډ ټرمپ
ټرمپ له یوه لوړ پوړي ایراني چارواکي سره په عمان کې د امریکا د ځانګړي استازي سټیو ویټکوف له لیدنې وروسته خبریالانو ته ویلي: “زه فکر کوم، چې دوی مونږ غولوي”.

د رویټرز د راپور له مخې: د امریکا ولسمشر ډونالډ ټرمپ د دوشنبې پر ورځ ویلي، ایران له امریکا سره د اټومي تړون ځنډول غواړي او که د اټومي وسلو له لرلو دډه ونکړي؛ د تهران اټومي تاسیسات به له احتمالي پوځي برید سره مخ شي.
ټرمپ له یوه لوړ پوړي ایراني چارواکي سره په عمان کې د امریکا د ځانګړي استازي سټیو ویټکوف له لیدنې وروسته خبریالانو ته ویلي: “زه فکر کوم، چې دوی مونږ غولوي”.
ایران او امریکا دواړو د شنبې پر ورځ ویلي، چې دوی په عمان کې “مثبتې” او “رغنده” خبرې اترې ترسره کړې. ټاکل شوی، چې دوهیم پړاو د شنبې پر ورځ پیل شي. یوې سرچینې، چې د پلان په اړه معلومات ورکړي ویلي، چې غونډه شونې ده، چې په روم کې ترسره شي.
سرچینې، د نوم نه ښودلو پر شرط رویټرز سره په خبرو کې ویلي؛ بحثونه د بالقوې معاملې د یوه چوکاټ د ارزونې لپاره دي.
ټرمپ ویلي: “ایران باید د اټومي وسلو له مفهوم څخه ځان خلاص کړي. دوی نشي کولی اټومي وسلې ولري.”
نوموړي د دې پوښتنې په ځواب کې، چې آیا د تهران پر اټومي تاسیساتو برید د امریکا په غبرګون کې شته؛ ټرمپ وویل: “البته، چې شته.”
ټرمپ ویلي، چې ایرانیان باید له سخت غبرګون څخه د مخنیوي لپاره چټک حرکت وکړي؛ ځکه، چې “دوی د اټومي وسلو پراختیا ته نږدې دي”.
امریکا او ایران د پخواني ولسمشر جو بایډن په دوره کې غیر مستقیمې خبرې اترې وکړې؛ خو دوی لږ پرمختګ وکړ. د دواړو حکومتونو ترمنځ وروستي پېژندل شوي مستقیمې خبرې اترې د ولسمشر بارک اوباما په پېر کې وې؛ چا، چې د ۲۰۱۵ نړیوال اټومي تړون مشري وکړه، چې ټرمپ وروسته ترې دډه وکړه او ایران له بندیزونو سره مخ شو.
نړۍ
اروپايي ټولنه د فلسطین له ادارې سره مالي ملاتړ زیاتوي
د مډیټرانې لپاره اروپايي کمیشنرې ډوبراوکا سوئیکا ویلي، چې دا مالي ملاتړ د فلسطیني ادارې له اصلاحاتو سره مل دی؛ ځکه، چې د نیوکه کوونکو لخوا د فساد او کمزورې حکومتدارۍ تور پرې لګول شوی دی.

د منځني ختیځ لپاره اروپايي کمیشنرې رویټرز ته د مرکې پرمهال ویلي، چې اروپايي ټولنه به د فلسطین له ادارې سره خپل مالي ملاتړ د شاوخوا ۱.۶ میلیارډ یورو (۱.۸ میلیارډ ډالرو) پر ارزښت د درې کلونو لپاره زیات کړي.
د مډیټرانې لپاره اروپايي کمیشنرې ډوبراوکا سوئیکا ویلي، چې دا مالي ملاتړ د فلسطیني ادارې له اصلاحاتو سره مل دی؛ ځکه، چې د نیوکه کوونکو لخوا د فساد او کمزورې حکومتدارۍ تور پرې لګول شوی دی.
سوئیکا ویلي: “مونږ له دوی څخه غواړو، چې ځانونه اصلاح کړي؛ ځکه له اصلاحاتو پرته به دوی دومره پیاوړي او باوري نهوي، چې نه یوازې زمونږ ته، بلکې د اسرائیلو لپاره هم خبرې اترې وکړي.”
د کمشنرې دا څرګندونې د دوشنبې پر ورځ په لوګزامبورګ کې د اروپايي ټولنې بهرنیو چارو وزیرانو او د لومړي وزیر محمد مصطفی په ګډون د لوړ پوړیو فلسطیني چارواکو ترمنځ د لومړي “لوړ پوړي سیاسي ډیالوګ” څخه مخکې وشوې.
رویټرز راپور ورکړی؛ اروپايي ټولنه د فلسطینیانو لپاره ترټولو لویه مرسته کوونکې ده او د اروپايي ټولنې چارواکي هیله لري، چې د لویدیځې غاړې فلسطیني اداره ممکن یوه ورځ د اسرائیلو او حماس وسلوالو ترمنځ د جګړې له پای ته رسېدو وروسته د غزې مسوولیت پر غاړه واخلي.
د اسرائیلو د لومړي وزیر بنیامین نتنیاهو حکومت تر اوسه پورې د فلسطین حکومت ته د غزې د سپارلو مفکوره رد کړې او د اروپايي ټولنې د دوه دولتونو د حل لارې پراخ هدف څخه یې ډډه کړې، چې په کې د فلسطیني دولت جوړول هم شامل دي.
د رویټرز د څرګندونو له مخې؛ سوئیکا ویلي، چې ۶۲۰ میلیون یورو به د مالي ملاتړ او د فلسطین د حکومت د اصلاحاتو لپاره، ۵۷۶ میلیون یورو به په لویدیځه غاړه او غزه کې د “مقاومت او بیا رغونې” لپاره او ۴۰۰ میلیون یورو له اروپا پانګونې بانک څخه په پورونو کې ورکړ شي، چې د بانک د اداري بورډ لخوا تصویب ځانګړي شي.
هغې ویلي، چې په تېرو ۱۲ کلونو کې د PA لپاره د اروپايي اتحادیې منځنی ملاتړ شاوخوا ۴۰۰ میلیون یورو دی.
سوئیکا وایي: “مونږ اوس په فلسطیني اداره کې په باوري ډول پانګونه کوو.”
زه فکر کوم، چې د امریکا پولاډ، چې د نړۍ یو له لویو شرکتونو څخه دی؛ باید زمونږ په هېواد کې پاتې شي.
نړۍ
د اوکراین د شخړې د حل لپاره خبرې ښې روانې دي – ټرمپ
ټرمپ نن (یکشنبه) ویلي، چې د روسیې او اوکراین ترمنځ د جګړې د پای ته رسولو لپاره د امریکا پر منځګړیتوب خبرې اترې ممکن ښې روانې وي.

ټرمپ ويلي، چې د اوکراین خبرې ممکن ښې روانې وي؛ خو د چوپ پاتې کیدو وخت شته دی.
ټرمپ نن (یکشنبه) ویلي، چې د روسیې او اوکراین ترمنځ د جګړې د پای ته رسولو لپاره د امریکا پر منځګړیتوب خبرې اترې ممکن ښې روانې وي.
د امریکا ولسمشر ډونالډ ټرمپ د واشنګټن پر منځګړیتوب د روسیې او اوکراین ترمنځ د خبرو اترو په اړه دا هم وویل: ” کله ناکله باید پرېکړه وشي، چې آیا مونږ عمل وکړو او اقدام ترسره کړو یا دا، چې خبرې بندې او چوپ پاتې شو.”
د جمعې پر ورځ د ټرمپ ځانګړي استازي سټیو ویټکوف د روسیې له ولسمشر ولادیمیر پوتین سره د سولې د ترلاسه کولو پر لارو چارو خبرې وکړې.
دا خبرې اترې په داسې وخت کې وشوې، چې د دواړو خواوو ترمنځ د جګړې د پای ته رسولو لپاره د سولې له احتمالي تړون څخه مخکې د اوربند د هوکړې لپاره خبرې اترې د بشپړ اوربند د شرایطو په اړه د اختلافاتو له کبله پر ټپه درېدلې وې.
د روسیې او امریکایي پلاوي ترمنځ په وروستۍ ناسته کې ویل شوي، چې په اوکراین کې د اوربند د ټینګولو لپاره تر ټولو چټکه لار به د یوې داسې سټراټیژۍ ملاتړ وي، چې د اوکراین د څلورو ختیځو سیمو کنټرول ورکړ شي.
-
تازه خبرونه2 days ago
اروپايي ټولنې د کډوالو د ایستلو لپاره د خوندي هېوادونو نوملړ اعلان کړ
-
تازه خبرونه5 days ago
په تورخم کې راستنېدونکو ته منظم، چټک او معیاري خدمتونه وړاندې کېږي
-
سیمه ییز خبرونه2 days ago
ټرمپ د ایران پر اټومي تاسیساتو د اسرائیلو د پلان شوي برید مخه ونیوله
-
تازه خبرونه2 days ago
اسلامآباد له بل څه ناراضه دی خو له افغان کډوالو غچ اخلي – مولانا فضل الرحمن
-
تازه خبرونه3 days ago
د پاکستان ځانګړی استازی کابل ته راغی
-
تازه خبرونه5 days ago
د افغانستان او ازبکستان د کرنې په سکټور کې به همکاري پراخه شي
-
سیمه ییز خبرونه3 days ago
د بل اړخ په اړه ډېر خوشبین نهیم – آیتالله خامنهیي
-
لوبی3 days ago
له ۱۹ کلنو ټیټ عمره ملي لوبډلې اماراتو ته ماتې ورکړه