Connect with us

نړۍ

په ایران کې د سېلابونو له کبله د ۵۶ کسان مړه شوي

Published

 on

(Last Updated On: زمری ۹, ۱۴۰۱)

ایراني چارواکو منلې، چې په وروستیو ورځو کې د سختو سېلابونو له کبله د مړو کسانو شمېر ۵۶ ته رسیدلی دی.

د شنبې پر ورځ د دغه هېواد مشر ایت الله خامنه یي په یوه پیغام کې له چارواکو وغوښتل، چې د سېلابونو له کبله له زیانمنو سره مرستې پیل کړي.

د ایران د سرې میاشتې ټولنې عمومي منشي یعقوب سلیماني د شنبې پر ورځ ویلي، چې په تېره یوه اوونۍ کې د سختو بارانونو له کبله ۵۶ کسان مړه شوي او لږ تر لږه ۳۰ نور ورک دي.

ایرنا راپور ورکړی، چې د سختو بارانونو له کبله سېلابونو د تهران، لرستان، سیستان بلوچستان، کرمان او یزد په ګډون د یو شمېر ولایتونو د اوسیدونکیو ژوند اخیستی دی.

د ایران د سرې میاشتې ټولنې ویلي، ورک شوي کسان د تهران، مازندران، لرستان او کرمان په ولایتونو کې دي.

د یعقوب سلیماني د څرګندونو له مخې، ۶۰ ښارونه د اوړي له سیلابونو سره مخ دي، چې د سېلابونو له کبله ٥١٦ کلي او ٨٥ سړکونه زيانمن شوي دي.

د سرې میاشتې ټولنې له تېرې اوونۍ راپدیخوا له ۲۷۰۰۰ څخه ډېرو خلکو ته مرستې رسولي او تمه ده، چې د ټولو ورک شویو کسانو تر موندلو پورې به د لټون او ژغورنې هڅې روانې وي.

د ترکیې دفاع وزارت د شنبې پر ورځ ویلي، چې ایران ته د بېړنیو مرستو رسولو لپاره به یوه بله الوتکه هم واستوي.

زموږ د هوايي ځواک اړوند یوه ترانسپورتي الوتکه د انقرې د ایتیمسګوت هوایي ډګر څخه الوتې او ایراني سېلاب ځپلیو ته یې د اړتیا وړ خیمې او کمبلې رسولي دي.

د ترکیې دفاع وزارت تویت کړی، چې یوه بله الوتکه هم پلان شوې، چې سېلاب ځپلیو سیمو ته مرستې ورسوي.

نړۍ

په کروشیا کې له یوې ترافیکي پېښې ۴۴ پولندي سیلانیانو ته مرګ و ژوبله اوښتې

Published

on

(Last Updated On: زمری ۱۶, ۱۴۰۱)

رویټرز خبري آژانس راپور ورکړی، چې د شنبې پر ورځ په کروشیا کې ۱۲ پولیندي زیارت کوونکي هغه مهال مړه او ۳۲ نور ټپیان شول، چې بس یې له سړکه واوښت.

دغه پېښه سهار مهال پر ځایي وخت ۵:۴۰ د کروشیا په شمال لویدیځ کې د واراژدین او پلازمېنې زاګرب ترمنځ پر لویه لار رامنځته شوې ده.

د کروشیا روغتیا وزیر ویلي بیروس ویلي، چې د ۱۹ ټپیانو روغتیایي حالت د اندېښنې وړ دی.

د رویترز خبري آژانس د څرګندونو له مخې؛ د پولند د بهرنیو چارو وزارت مرستیال مارسین پرزیداچ د شنبې پر ورځ سیمې ته په سفر کې ویلي، چې ټپیان د کروشیا په پېنځه روغتونونو کې تر درملنې لاندې دي.

هغه ویلي، چې په دې بس کې ۴۴ پولندي زیارت کوونکي سپاره او له پولند څخه مدجوګورجي ته، چې د بوسنیا د رومن کاتولیکانو زیارت ته روان ول؛ د دوه چلوونکيو په ګډون ټولو ته مرګ و ژوبله واوښته.

د یاد وزارت یوه ویاند ویلي، چې په دوی کې درې پادریان او شپږ راهبانې هم وې.

پولیسو هغه سیمه پاکه کړې، چې پېښه په کې رامنځته شوې ده. دوی مړي او ټپیان هم روغتونونو ته لېږدولي دي.

پولندي پولیس افسرانو په کرویشیا کې د خوندي سیاحتي چاپېریال پروژې د یوې برخې په توګه مرسته کړې ده.

د پېښې د رامنځته کېدو د لامل په اړه څېړنې پيل شوې دي.

Continue Reading

تازه خبرونه

مونږ د خپلو اوبو له یوه څاڅکي هم تېرېدونکي نه یوو

Published

on

(Last Updated On: زمری ۱۵, ۱۴۰۱)
د ایران د بهرنیو چارو وزیر امیر عبداللهیان ویلي، هېواد به یې د تاریخي او سرحدي اوبو د حق له یوه څاڅکي حقه هم تېر نشي.

امیرعبداللهیان دا څرګندونې د ایران د پارلمان د کرنې کمیسیون ته د راپور ورکولو پر مهال کړې دي.

د ایران اسلامی جمهوریت خبری آژانس د راپور له مخې؛ د دغه هېواد د بهرنیو چارو وزیر د افغانستان د هرمند او د ترکیې د ارس د اوبو پر حق داسې ټینګار څرګند کړ: مونږ به د ایران د ملت له تاریخې او سرحدي اوبو د حق له یوه څاڅکي هم تېر نشو.

امیر عبداللهیان همداراز ویلي، چې ایران او ترکیې د ارس سیند د اوبو پر سر د شخړې د اواري لپاره یوه ګډه کمېټه جوړه کړې ده.

ایراني چارواکو په وار وار په افغانستان کې د بندونو د جوړولو په اړه اندېښنه ښودلې او کابل یې له ایران سره د شوي تړون په سرغړونې تورن کړی دی.

د افغانستان اسلامي امارت چارواکو ویلي، چې د افغانستان او ایران ترمنځ په ۱۳۵۱ لمریز لېږدیز کال کې د اوبو تړون ته ژمن دي او په دې تړون کې بدلون او بله هوکړه هم ناشوني دي.

Continue Reading

نړۍ

د پاکستان د ورکې پوځي چورلکې ۶ سپرلۍ مړې شوي

Published

on

(Last Updated On: زمری ۱۲, ۱۴۰۱)

د پاکستان پوځ د سې شنبې پر ورځ (د اسد یوولسمه ) په ډاګه کړه، چې د سیلاب ځپلیو لپاره د مرستو د عملیاتو په لړ کې د ورکې چورلکې پاتې شونې په موسی کوت، وینډار او لسبیله کې وموندل شوې.

د پاکستان پوځ د عامه اړیکو دفتر څرګنده کړې: د پاکستان په بلوچستان صوبه کښې د پوځی چورلکې د غورزېدو په پېښه کښې د دوه جنرالانو په ګډون شپږ کسان مړه شوي دي.

د پاکستان پوځ د دوشنبې پر ورځ ویلي وه: یوه پوځي چورلکه یې، چې د بلوچستان د پوځ د قومندان په ګډون لوړ پوړي چارواکي په کې سپاره ول؛ د دې صوبې سېلاب ځپلو سیمو ته د ژغورنې په عملیاتو کې ورکه شوې ده.

د دغې چورلکې پاتې شوني له تماس څخه څو ساعته وروسته وموندل شول.

په دغه چورلکه کې د ۱۲ کنډک قومندان د جنرال سرفراز علي او یو بل جنرال، چې په دې سیمه کې یې د مرستندویه عملیاتو څارنه کوله په ګډون ۶ افسران ، سپاره ول.

ویل کیږي، چې پېښه د خرابې هوا له کبله رامنځته شوې ده.

Continue Reading

Trending

Copyright © 2022 Ariana News. All rights reserved!