سیمه ییز خبرونه
په ایران کې د یزد نومي نوي خصوصي هوايي شرکت پرانیسته وشوه

سره له دې، چې د ایران ملکي هوایي چلند سکتور د امریکا له بندیزونو مخ دی؛ یو نوی خصوصي هوايي شرکت یې کار پیل کړ.
د جمعې پر ورځ د ایران د ګرځندوی وزارت لوړ پوړیو چارواکو یزد ایر نومی هوایی شرکت په تاریخي ښار یزد کې پرانیست.
د یزد ایر لومړۍ الوتنه د ایران له پلازمېنې تهران څخه د یزد ښار صدوقي هوايي ډګر ته تر سره شوه.
دا شرکت د عراق نجف، دوبۍ، استانبول او ممبۍ ته د نړیوالو الوتنو لپاره دوه ایربس ایی – ۳۱۰ ډوله الوتکې لري او د کورنیو الوتنو لپاره دا شرکت دوه بریتانوي الوتکې کاروي.
د ایراني رسنیو د څرګندونو له مخې؛ د خصوصي سکتور پانګوالو د یزد ایر د پیلولو لپاره شاوخوا ۱۰ تریلیون ریال (نږدې ۲۲ میلیون دالر) مرسته کړې ده.
سیمه ییز خبرونه
د ترکیې په زلزله ځپلیو ولایتونو کې سیلابونو ۵ کسان مړه کړل

چارواکو د چارشنبې پر ورځ ویلي، چې د توپاني بارانونو سیلابونو له کبله دوه زلزلې ځپلي ولایتونه زیانمن شوي دي
اسوشیتید پرس راپور ورکړی، چې له کبله یې لږ تر لږه پېنځه کسان مړه، زرګونه خواشیني، ورک او بې کوره شوي دي.
د دغه ښار والي نعمان حتیپ اوغلو ویلي، چې یو کس د سویل ختیځ آدیامان ولایت په توت ښار کې هغه مهال یو کس مړ څلور نور ورک شول، چې د اوبو څپو د زلزله ځپلیو یو کانتینري کور لاهو کړ.
یو سیمه ییز مشر صالح آیهان هابر ترک تلویزیون ته ویلي، په ګاونډ سانلیورفا ولایت کې د سیلابونو له کبله څلور کسان مړه شوي او دوه اور وژونکي ورک دي.
د سانلیورفا تلویزیوني عکسونو وښودل، چې سیلاب په یوه سړک حپې وهي او موټرونه یې لاهو کړي دي.
په سانلیورفا کې د زلزلې ځپلیو خلکو خیس نومي کمپه یو شمېر خلک ایستل شوي دي.
هابرترک راپور ورکړی، چې ناروغان هم له یوه روغتون څخه ایستل شوي دي.
د روان کال د فبرورۍ پر شپږمه د ترکیې او سوریې ځینې برخې زورورې زلزلې ولړزولې، چې له کبله یې له ۵۲۰۰۰ ډېر کسان مړه شول، چې ډېر یې د ترکیې اوسېدونکي وه. په ترکیه کې له ۲۰۰ زره ډېرې ودانۍ یا نړېدلي او یا هم سختې زیانمنې شوې دي.
سیمه ییز خبرونه
ایران په حکومت ضد لاریونونو کې ۲۲ زره ګډونوال وبښل

د ایراني سرچینو د قضائیه قوې د مشر غلام حسین محسني اژهیي د څرګندونو له مخې څرګنده کړې؛ د ایران قضايي چارواکو هغه ۲۲ زره کسان بښلي، چې په حکومت ضد لاریونونو کې یې برخه اخیستې وه.
رویترز د ایراني رسنیو د راپور له مخې څرګنده کړې، چې د تېرې میاشتې په پیل کې ستر رهبر علي خامنه ای په لسګونه زره هغه بندیان بخښلي، چې ځینې یې په لاریونونو کې نیول شوي وه.
اژهي زیاته کړې: تر اوسه په لاریونونو کې له ۲۲ زره ګډوږنوالو څخه ۸۲ زره کسان بښل شوي دي.
هغه ندي ویلي، چې بښنه کله شوې او دا کسان کله تورن شوي دي.
د تېر سپتمبر په میاشت کې د دغه هېواد د اخلاقي پولیسو په توقیف کې د ایران د یوې کردۍ ښځې مهسا امیني له وژل کېدو وروسته په ایران کې لاریونونه وشول.
پدغو اعتراضونو کې د دې هېواد له بېلابېلو قشرونو څخه ایرانیانو ګډون کړی و چې د ۱۹۷۹ ز. کال له انقلاب راپدیخوا د اسلامي جمهوریت لپاره تر ټولو ستره ننګونه پرګوته کیږي.
سیمه ییز خبرونه
له سعودي سره تړون مو ګډو ګټو ته رسوي – ایران

ایران او سعودي عربستان د چین پر منځګړیتوب د یوې معاملې له مخې د هغو دیپلوماتیکو اړیکو د بیا رغولې هوکړه وکړه، چې اووه کاله مخکې په سعودي کې د یوه مشهور عالم د اعدام له کبله پرې شوې وې.
د ایران د بهرنیو چارو وزارت په څرګندونو کې راغلي؛ دا تړون د ولسمشر ابراهیم رییسي د ادارې لخوا د متوازنې بهرنۍ پالیسۍ، فعالې دیپلوماسۍ او د ښه ګاونډیتوب د نظریې ښکارندویي کوي.
دغه هوکړه د مارچ پر لسمه نېټه د چين په پلازمېنه بېجينګ کې د ايران د ملي امنيت عالي شورا د منشي علي شمخاني او د هغه د سعودي سيال مساعد بن محمد العيبان لخوا لاسليک شوې ده.
په دې هوکړه لیک کې به تر دوه میاشتو پورې د سفارتونو او استازولیو د بیا پرانېستلو او د امنیتي او اقتصادي همکاریو د تړونونو د پلي کېدا شاهد وو، چې څه باندې ۲۰ کاله مخکې لاسلیک شوي دي.
-
نړۍ4 days ago
په ليبیا کې ۲.۵ ټنه یورانیم ورک شوي
-
روغتيا4 days ago
د اسلامي امارت د عامې روغتیا وزیر قطر ته ولاړ
-
سوداگري5 days ago
په کندهارکې ډېر ژر به د سيمنتو د توليد يوه فابريکه جوړه شي
-
تازه خبرونه4 days ago
په عربي متحده اماراتو کې له ۲۰۰۰ ډېر افغان کډوال په بند کې ساتل شوي
-
تازه خبرونه4 days ago
مولوي عبدالکبیر له کابل والي سره پر امنیتي وضعیت خبرې وکړې
-
سوداگري3 days ago
د اسلامي امارت مشرتابه د ګمرکونو له مسوولینو سره وکتل
-
تحول4 days ago
تحول: کابل ته د عربي متحده اماراتو د دیني پلاوي سفر
-
تحول5 days ago
تحول: د افغانانو پر خپلمنځي خبرو د نړیوالې امنیتي ناستې ټینګار