Connect with us

تازه خبرونه

په تېرو لس میاشتو کې له ۲۵۰ زره ډېر افغانان پاکستان ته کډوال شوي

Published

 on

(Last Updated On: چنګاښ ۱, ۱۴۰۱)

د کډوالو په چارو کې د ملګرو ملتونو عالي کمېشنرۍ ويلي؛ د تېر کال له اګست میاشتې راپدیخوا له ۲۵۰ زره ډېر افغانان پاکستان ته کډوال شوي دي.

په تېرو لس مياشتو کې په سلګونه افغانان، چې د امريکا لخوا البانيا، عربي متحده اماراتو او بوسنيا ته ايستل شوي وه؛ تېره اوونۍ یې د خپل برخليک او د خپلو ماشومانو د راتلونکي په اړه اندېښنه څرګنده کړه.

دغه راز ایران، پاکستان، اروپا یا امریکا ته تللي افغانان هم له سترو ستونزو سره مخ شوي دي.

ایران او ترکیې په وروستیو اوونیو کې زرګونه افغان را شړلي دي.

د کډوالو او راستنېدونکیو چارو وزارت هم پرون اعلان وکړ، چې اووه سوه زره افغان کډوال هېواد ته راستانه شوي دي.

پاکستانيو چارواکي له نړیوالې ټولنې غوښتي، چې په افغانستان کې دننه د افغانانو ملاتړ وکړي، چې هره ورځ پاکستان ته د سلګونه افغان کډوالو د ورتګ مخه ونیول شي.

په ټولنیزو رسنیو کې هم د پاکستانيو پولیسو لخوا له افغان کډوالو سره د ظالمانه چلند او ځورونې انځورونه خپاره شوي دي.

د پاکستان د خلکو ګوند لوړ پوړی غړي قادر خان مندوخېل ویلي: پاکستان پخپله له سختو اقتصادي ستونزو سره مخ دی، نو په دې حالت کې مو له نړیوالو مرستندویانو څخه په خپل هېواد کې دننه د افغانانو د ملاتړ غوښتنه کړې، چې ستونزې یې په هېواد کې دننه اوارې شي. په پاکستان کې دې د افغانانو د خوندیتوب لپاره هڅې وشي ټول کډوال باید راجستر شي، چې ترهګریز تخریبي فعالیتونه ترسره نشي.

د ملګرو ملتونو د کډوالو عالي کمېشنرۍ ويلي، په پاکستان کې ۱.۴ میلیون افغان کډوال راجستر شوي او چمتو دي؛ خو لسګونه زره اوس هم بې برخلیکه دي.

په پاکستان کې د  یادې کمیشنرذۍ ویاند قیصر خان اپریدي ویلي؛ مونږ له حکومت سره کار کوو، چې نوي راغلي کډوال راجستر کړو او د ملګرو ملتونو د کډوالو عالي کمېشنري به هر ډول مرستې ته اړتیا ولري.

د امریکا د بهرنیو چارو وزارت په دې وروستیو کې اعلان کړی؛ هغه افغانان، چې د بشري دلایلو له مخې دې هېواد ته د ورتلو غوښتنه کوي؛ نوي سلنه یې ردیږي.

د سي بي اس ټلویزیون خبریال کامیلو مانتوا ګالویس وایي: امریکا هغه وخت مرسته کولی شي، چې پناه غوښتونکي ته ورپېښ خطر ورته پوره ثابت شي. له بده مرغه، په تېرو نهه میاشتو کې پاکستان د هغو کسانو غوښتنلیکونه رد کړي، چې د منلو وړ نه ول.

امریکا د تېر کال د اګست په میاشت کې شاوخوا ۱۳۰ زره افغانان درېیم هېواد ته یوړل، چې یوازې ۷۰ زره افغانان امریکا ته رسیدلي دي.

تازه خبرونه

د افغانستان په وروستۍ زلزله کې ۲۸۸ ماشومانو ته مرګ و ژوبله اوښتې

Published

on

(Last Updated On: چنګاښ ۴, ۱۴۰۱)

د ملګرو ملتونو د ماشومانو وجهي صندوق (یونیسف) وايي، په افغانستان کې د وروستۍ زلزلې له ۱۰۰۰ د ډېرو قربانیانو په ډله کې ۲۲۱ ماشومانو هم ژوند له لاسه وکړی او ۶۷ نور ټپیان دي.

په خوست او پکتیکا ولایتونو کې د تېرې سې شنبې شپې ناوخته ۶ اعشاریه یوې درجې زلزلې د تلفاتو له زیاتېدو سره د کورنیو او نړیوالو مرستندویه موسسو او بنسټونو اندېښنو زور اخیتسی او هڅه کوي، چې زیانمنو کسانو ته بېړنۍ مرستې ورسوي.

دا اداره وايي، چې ماشومان او تنکي ځوانان د زلزلې د خورا زیان اړوونکو پایلو او کورنیو څخه د بېلوالي او ټولنیزو ستونزو سره مخ دي.

په افغانستان کې د ملګرو ملتونو د ماشومانو د وجهي صندوق استازي د چارشنبې د شپې په زلزله کې د تلفاتو او ټپیانو په اړه تازه شمیرې وړاندې کړې. د یونیسف ادارې مسوولین وايي چې په پکتیکا او خوست کې د زلزلې له امله د وژل شویو شمیره یو زرو شپږ دیرشو ته لوړه شوې او شپاړس سوه دري څلویښت ټپیان شوي دي.

د ملګرو ملتونو د ماشومانو د ملاتړ صندق د مسوولینو د څرګندونو له مخې؛ په دې زلزله کې ۱۲۱ ماشومان مړه شوي او ۶۷ نور ټپیان دي.

په افغانستان کې د ملګرو ملتونو د ماشومانو د ملاتړ صندق استازی محمد ایویا ویلي: د تېرې شپې تر ناوخته پورې، د مړو شویو شمېر لږ تر لږه ۱۰۳۶ او د ټپیانو هغه ۱۶۴۳ ته رسیدلی، چې په کې ۱۲۱ ماشومان هم وژل شوي او ۶۷ ماشومان ټپیان دي. د تلفاتو ټول دقیق شمېر وړاندې کول سخت کار دی؛ ځکه ښايي د ځينو ټپیانو روغتیایي حالت د اندېښنې وړ دی او ښايي د تلفاتو شمېر نور هم لوړ شي.

د ملګرو ملتونو د ماشومانو وجهي صندوق پر ماشومانو او لویانو د دې زلزلې د منفي پایلو په اړه اندېښنه لري.

دوی څرګنده کړې، چې ماشومان او تنکي ځوانان له کورنيو څخه د بېلېدو له ناوړه پایلو سره مخ دي او روحيه يې سخته ځپل شوې ده.

د راپورونو له مخې؛ د پکتیکا ولایت ګیان ولسوالۍ کې تر ټولو ډېر تلفات اوښتي، څو زره کورونه ویجاړ شوي او یا هم زیانمن شوي، ماشومان او تنکي ځوانان کورنیو پاتې دي، احساساتي کړاوونو، ناوړه استفادې او نورو ګواښونو سره مخ دی.

نړیوالې ټولنې او بنسټونه، چې د سړکونو خرابوالی او پر لرې پرتو سیمو کې فقر او بېوزلۍ خلک له ناورین سره مخ کړي دي او اوس د مرستو رسولو چارې له ستونزو سره مخ دي.

له دې ټولو سره سره  اسلامي امارت او د سیمې او نړۍ ګڼو هېوادونو په تېرو څلور ورځو کې د زلزله ځپلیو کورنیو سره په لسګونه زره ټنه خوراکي توکي، درمل او د لومړنیو وسایلو مرسته کړې ده.

Continue Reading

تازه خبرونه

پاکستان د افغانستان زلزله ځپلیو ته د مرستې دوه یمه ټولګه راولېږله

Published

on

(Last Updated On: چنګاښ ۴, ۱۴۰۱)

د پاکستان لومړي وزیر شهباز شریف د جمعې پر ورځ د افغانستان د زلزله ځپلیو کورنیو لپاره اته نورې لارۍ له مرستو ډکې راولېږلې.

د پاکستان د حکومت په خپره شوې خبرپاڼه کې راغلي؛ د طبیعي پېښو پر وړاندې د مبارزې ملي ادارې لخوا راټوله شوې مرسته افغان چارواکو ته سپارل شوې ده.

په دې ټولګه کې خېمې، ترپالونه، کمبلې او بېړني درمل شته.

دغه راز ویل شوي؛ پاکستان ژمن دی، چې افغان وروڼو ته مرسته رسول روان وساتي.

دا په داسې حال کې ده، چې پاکستان د چارشنبې پر ورځ د افغانستان په پکتیکا او خوست ولایتونو کې د ۶.۱ درجې زلزلې له رامنځته کېدو وروسته، چې له ۱۰۰۰ ډېر کسان په کې مړه شول او زرګونه کورونه یې ویجاړ کړل خپلې اته لارۍ مرستې راولیږلې.

Continue Reading

تازه خبرونه

تایوان د افغانستان له زلزله ځپلیو سره یو میلیون ډالري مرسته اعلان کړه

Published

on

(Last Updated On: چنګاښ ۴, ۱۴۰۱)

 د تایوان حکومت په ډاګه کړې، چې د ملګرو ملتونو د غوښتنې له مخې به د افغانستان له زلزله ځپلیو سره خپله یو میلیون ډالري مرسته وکړي.

د تایوان د ولسمشرۍ دفتر څرګنده کړې؛ حکومت د ملي پولو له په پام کې نیولو پرته د طبیعي پېښو له قربانیانو سره بشري مرستې کوي.

دغه راز د چین د بهرنیو چارو وزارت هم ویلي، چې د چین حکومت د نغدو پیسو، خېمو، توشکو، بړستنو او نورو بشري مرستو د رسولو هڅې ګړندۍ کړې دي.

د رسمي څرګندونو له مخې؛ په پکتیکا او خوست ولایتونو کې د چارشنبې د ورځې له زلزلې شاوخوا ۱۰۰۰ کسان مړه شوي او دوه زره نور ټپیان دي.

له دې مخکې اروپايي ټولنې په افغانستان کې له زلزله ځپلیو سره د مرستې لپاره یو میلیون یورو اعلان کړې دي.

Continue Reading

Trending

Copyright © 2022 Ariana News. All rights reserved!