Connect with us

روغتيا

په تېرو ۴۵ ورځو کې له تنفسي ناروغیو ۴۰۰ ناروغان مړه شوي

Published

 on

(Last Updated On: کب ۲, ۱۴۰۰)

له تېرو پېنځه څلوېښت ورځو راپدیخو په افغانستان کې د تنفسي او سینې ناروغيو له کبله له ۴۰۰ ډېر ناروغان مړه شوي، چې ډېر يې ماشومان دي.

د عامې روغتیا وزارت له دوه میاشتو څخه په لږ وخت کې د تنفسي او سینې ناروغیو له کبله د مړینې ټکان ورکوونکې شمېرې خپرې کړې دي.

د عامې روغتیا وزارت د څرګندونو له مخې؛ په تېرو پېنځه څلوېښت ورځو کې ۱۹۰ زره کسان د تنفسي او سینې پر ناروغیو اخته شوي، چې ډېر یې ماشومان دي.

مسوولینو په ډاګه کړې، چې په همدې موده کې څلور سوه کسان له تنفسي نارغیو مړه شوي هم دي.

د عامې روغتیا وزارت د معلوماتو له مخې؛ تر ټولو ډېر ناروغان په کابل، ننګرهار او بلخ ولایتونو کې دي.

له تېرو درې کلونو راپدیخوا په افغانستان کې تنفسي ناروغي مخ پر ډېرېدو ده؛ په ۲۰۲۰ زېږدیز کال کې له ۹۰۰۰۰۰ ډېر پدې ناروغۍ اخته شوي او ۱۷۰۰ نور مړه دي. په ۲۰۲۱ زېږدیز کال کې له ۹۴۴۰۰۰ څخه ډېر کسان پرې اخته شوي او ۱۹۰۰ ترې مړه دي. د ۲۰۲۲ زېږدیز کال په دوه میاشتو کې له ۱۸۸۰۰۰  ډېر کسان دې ناروغۍ نیولي، چې ۴۳۶ یې مړه شوي دي. پر ۲۰۲۲ زېږیز کال په ننګرهار کې ۱۴۵۶۰، کابل کې ۲۰۹۹۰ او بلخ کې ۲۳۰۷۵ ناروغان ثبت شوي دي.  د کابل روغتونونو ۴۵، د بلخ ۷۵ او د ننګرهار روغتونونو ۸۸ کسان مړه ثبت کړي دي.

ډېره سړه هوا او د کورونو د تودولو لپاره د پلاستیکو او ربړونو سوځولو چاپېریال ککړ کړی، چې نه یوازې د تنفسي ناروغیو اصلي سرچینې نومول شوي، بلکې د ماشومان په ګډون یې مړینه هم رامنځته کړې ده.

د اندرا ګاندي د ماشومانو د روغتون مشر حسیب رحیمزي وردګ ويلي؛ د سینې ناروغیو د ماشومانو لپاره تر ټولو مرګوني ناروغي ده او هغه ماشومان ډېر پرې اخته کیږي، چې بدن یې کمزوری او یا پر خوارځواکۍ اخته وي.

دا ناروغي په داسې حال کې ډېره شوې، چې د افغانستان روغتیايي خدمتونه د وروستیو بدلونونو له کبله سخت زیانمن شوي او په تېرو کلونو کې هم له پېنځه کلونو څخه په ټيټ عمره هرو پېنځه ماشومانو کې یو یې د سینې ناروغۍ له کبله مړ کېده.

روغتيا

په بلخ کې د درملو او خوراکي توکو د کیفیت او څارنې یو لوی لابراتوار جوړيږي

Published

on

(Last Updated On: ليندۍ ۱۶, ۱۴۰۱)

د خواړو او درملو ملي اداره څرګندوي؛ په پام کې ده، چې په بلخ کې د وارداتي او کورني تولید شویو درملو او خوراکي توکو د کیفیت او څارنې لپاره پر نړیوالو معیارونو برابر یو لوی لابراتوار جوړ کړي.

د خواړو او درملو ملي ادارې عمومي رييس عبدالباري عمر، چې بلخ ولايت ته د هغو شرکتونو د کتنې په موخه تللی، چې درمل او خوراکي توکي واردوي.

نوموړی وايي، چې د تخنيکي مدير له حضور پرته به د درملو هیڅ شرکت پخپل سر د فعاليت اجازه ونلري.

د خوراکي توکو او درملو د ملي ادارې عمومي رييس عبدالباري عمر، چې د واردوونکیو شرکتونو د وضعيت د څېړلو په موخه بلخ ولايت ته تللی وايي، چې د درملو او خوراکي توکو یو شمېر شرکتونه له جواز پرته فعالیت کوي.

ده دې شرکتونو ته درې ورځې وخت ورکړ، چې جوازونه تر لاسه کړي.

په بلخ ولايت کې درمل پلورونکي د لابراتوار له جوړېدو هرکلی کوي او وايي، د بې کيفيته درملو او خوراکي توکو جوړول او واردول جرم دی.

  په شمال کې د درمل پلورونکیو ټولنې رييس شعیب ساپی د تاریخ تېر او ټيټ کیفیت درملو پلورل د بشریت ضد جنایت او د اسلامي او شرعي معیارونو خلاف بولي.

دا په داسې حال کې ده، چې په دې وروستيو کې د دې ولايت د درملو بيې لوړې شوي او خلک وايي، چې د درملو د پېرلو توان نلري.

Continue Reading

روغتيا

په افغانستان کې ۳۲۹۲ کسان پر ایدز ناروغۍ اخته دي

Published

on

(Last Updated On: ليندۍ ۱۴, ۱۴۰۱)

د عامې روغتیا وزارت د یکشنبې پر ورځ د لیندۍ ۱۳ / د دسمبر ۴ د ایدز د نړیوالې ورځې مراسم د (اچ آی وي معاینه وکړئ)  تر شعار لاندې جوړ او تر سره کړل.

د عامې روغتیا وزارت له ایدز سره د مبارزې له نړیوالې ورځې د اچ آی وي وړیا، آسانه او محرمانه یې معاینه کړئ، تر شعار لاندې نمانځنه وکړه.

د دې وزارت چارواکي وايي، چې په نړۍ له دې ناروغۍ د مړینې کچه ټيټه شوې او په افغانستان کې هم د دې ناروغۍ خپرېدا صفر اعشاریه یو سلنې ته رسېږي.

د عامې روغتیا وزارت چارواکي وايي؛ په هېواد کې څه باندې درې زره کسان پر ایدز اخته دي، چې ۷۵ سلنه یې نرینه او ۲۵ سلنه یې ښځې دي.

د دوی د څرګندونو له مخې؛ له پېنځلس کلونو کم عمره ماشومان هم پدې معلوماتو کې راغلي دي.

د دې وزارت د خدماتو وړاندې کولو چارو مرستیال حبیب الله آخوندزاده ویلي؛ پدې ناروغۍ له دولس زره شکمنو کسانو څخه یوازې درې زره کسان یې ایدډز لري، چې ۷۵ سلنه یې نرینه او پاتې نور یې ښځينه او کم شمېر یې ماشومان دي.

اقتصادي ستونزې، کډوالي، د مکروبي وینو تزریق، د خلکو د عامه پوهاوي د سطحې ټيټوالی او په مخدره توکو روږدېدل د دې ناروغۍ د زیاتوالي عوامل بلل شوې دي.

د عامې روغتیا وزارت دا هم ويلي، چې دغه وزارت له ډېرې کمې بودجې سره د دې ناروغۍ پر وړاندې مبارزه کوي.

د عامې روغتیا وزارت د وقایوي طب رییس حیدر خان وایي: مونږ له اقتصادي ستونزو سره سره هڅه کړې، چې پر ایدز له اخته کسانو سره مرسته وکړو.                 

د یو شمېر څرګندونو له مخې؛ په افغانستان کې د نورو هېوادونو پر پرتله، پر ایدز د اخته ناروغانو شمېر ډېر لږ دی.

په افغانستان کې د روغتیا نړیوال سازمان چارواکی محمد اختر وایي: تر دې مهاله پر ایدز د اخته ۳۲۹۲ کسان تشخیص شوی، چې ۲۷ سلنه یې له خپلې ناروغۍ خبر ول او ۹ اعشاریه ۵  سلنه نور یې بیا د درملنې لاندې دي.

پر ایدز اخته ناروغ محمد ادریس د تخصصي شفاخانو نشتوالی، د درملو کموالی او د خلکو ناوړه چلند څخه شکایت کوي او وایي: اووه کاله کیږي، چې پرې اخته شوی یم؛ خو دا ناروغي روانه درملنه غواړي، چې په افغانستان کې تخصصي روغتون، درمل او دارو د ناروغانو سترې ستونزې دي.

د ایدز یو بل ناروغ عبدالسمیع وایي: له ناروغۍ مو لس کاله تېر شوي او له ډېرو ستونزو سره مخ یم. مونږ د دې ناروغۍ د درملنې لپاره معیاري روغتون او درملنې ته اړ یوو، چې دمګړۍ دا آسانتیاوې نلرو.         

د معلوماتو له مخې، د نړۍ ۴۰ اعشاریه یو میلیون کسان پر ایډز اخته دي او هر کال یو اعشاریه پېنځه نوي ناروغان ور زیاتیږي.

په تېر کال کې له دې ناروغۍ ۶ زره کسانو خپل ژوند له لاسه ورکړی او هر کال له ټولو اخته کسانو ۲۷ سلنه یې له دې ناروغۍ رغېږي.

Continue Reading

روغتيا

په افغانستان کې سلګونه زره ماشومان د مرګ له ګواښ سره مخ دي

Published

on

(Last Updated On: ليندۍ ۹, ۱۴۰۱)

 

د ملګرو ملتونو د ماشومانو ملاتړ صندوق یا یونیسف ویلي؛ له اته سوه پېنځه اویا زره ډېر ماشومان د مرګ له ګواښ او له ناوړه روغتیايي وضعیت سره مخ دي، د خواړو خوندیتوب هم نلري.

د ملګرو ملتونو د ماشومانو ملاتړ صندوق یا یونیسف څرګنده کړې؛ څه باندې اته لکه پېنځه اویا زره ماشومان په ناوړه حالت کې ژوند کوي، د خواړو خوندیتوب نلري او ه ناوړه روغتيايي حالته کړېږي.

د یونیسف د راپور په یوه برخه کې راغلي؛ په افغانستان کې اته سوه پېنځه اویا زره ماشومان د مړینې له خطر سره مخ دي. په دغه هېواد کې د یونیسف دفتر د ماشومانو د سختې خوارځواکۍ د مخنیوي او د هغو هلکانو او نجونو د درملنې لپاره، چې په خوارځواکۍ اخته دي؛ د نړیوالې ټولنې بېړنۍ مرستې ته اړتیا لري.

د اندراګاندي د ماشومانو روغتون مسوولين هم وايي، چې په هېواد کې پر خوارځواکۍ د اخته ماشومانو شمېر ډېر شوى دى.

د اندراګاندي د ماشومانو روغتون رییس محمد حسیب رحمیزی وایي: زمونږ روغتون هر څه، چې لري د ماشومانو لپاره یې کاروي او په دې ولايت کې د روغتيايي آسانتياوو او په هېواد کې د امنيت د نشتوالي له کبله په ماشومانو کې د ناروغیو شمېر زيات شوی؛ نو ځکه ډېر ناروغان دغه مرکز ته مراجعه کوي.

یو شمېر کارپوهان بېوزلي، بېکاري، طبیعي پېښې او وچکالي د ماشومانو د وضعیت د خرابېدو لامل بولي.

د ښځو او ماشومانو د هوساینې مؤسسې مسووله مریم معروف آروین په افغانستان کې د ماشومانو وضعیت د اندېښنې وړ بولي او وايي، چې فقر، بې روزګاري، طبیعي پېښو او سختې وچکالۍ په افغانستان کې سلګونه زره ماشومان له ډېر بد حالت سره مخ کړي دي.

میرمن معرف آرویین وایي: دا وضعیت زموږ لپاره د اندېښنې وړ دی او د زلزلې، طبیعي پېښو او وچکالۍ په څیر عواملو د ماشومانو لپاره د کار شرایط سخت او ستونزمن کړي دي.

له دې مخکې د ملګرو ملتونو د ماشومانو ملاتړ صندوق ویلي وه، چې په افغانستان کې شاوخوا لس میلیون ماشومان د کافي خوراکي توکو د نشتوالي له کبله په ناوړه شرایطو کې ژوند کوي. اسلامي امارت په وار دوی له نړیوالو مؤسسو غوښتي، چې له بشري مرستو سره دې سیاسي چلند نه کوي او د افغانستان د اقتصادي ستونزو د حل  او د دې هېواد له خلکو سره دې مرسته وکړي.

Continue Reading

Trending

Copyright © 2022 Ariana News. All rights reserved!