نړۍ
په جاپان کې له رامنځته شوې زلزلې څلور کسان مړه او سلګونه نور ټپیان دي
د جاپان په شمال ختیځ ساحل کې د ریښتر پر کچه اووه اعشریه څلور درجې زلزلې لږ تر لږه څلور کسان مړه کړي او څه نا څه ۱۰۰ نور ټپیان دي.
د جاپان لومړي وزیر فومیو کیشیدا ویلي، حکومت د چمتوالي په حالت کې دی او د راتلونکیو درې ورځو د زلزلو رامنځته کېدونه یې پوره تیاری نیولی دی.
د دغې زلزلې له کبله، چې مرکز یې د فوکوشیما په سواحلو کې ۶۰ کیلومټره ژوروالی لري؛ په بېلابېلو سیمو کې د څه باندې ۳۴ زره کورونو برښنا پرې شوې ده.
فوکوشیما د ۲۰۱۱ کال په مارچ میاشت کې هم د یوې سختې زلزلې شاهده وه، چې سونامي یې رامنځته کړ او ترې له ۱۸۰۰۰ ډېر کسان یې مړه کړل.
زلزلې د توکیو د ځینو برخو برښنا هم پرې کړه، چې بیا په پلازمېنه کې له درې ګړیو وروسته ونښلول شوه.
د یادونې ده، چې له کبله یې د جاپان په شمال ختیځ کې پر ټرانسپورټي لارو د ترافیکو تګ راتګ ودرېده.