Connect with us

ساینس او ​​ټیکنالوژي

په جاپان کې لومړنی برښنایي ټویوټا موټر تولید شو

Published

 on

(Last Updated On: غویی ۲۲, ۱۴۰۱)

په جاپان کې ټویوټا شرکت د لومړني برښنایي ټویوټا موټر د تولید چارې پیل کړې، چې د بیټرۍ د چارج په اړه یې د چلوونکیو د اندېښنو په کمولو کې مرسته کوي.

د شته معلوماتو له مخې؛ د بینزیني – برښنایي هایبرډ ماډلونه د جاپان په کورني بازار کې د برښنایي موټرو په پرتله خورا مشهور دي، کوم، چې تېر کال په جاپان کې د پلورل شوي مسافر وړونکیو موټرو یوازې یو سلنه برخه جوړوي.

د رویټرز د څرګندونو له مخې؛ د برښنایي موټرو بازار چټکه وده کوي او د ټیسلا په ګډون بهرني موټر جوړونکي شرکتونه د جاپان بازار ته د ننوتو په حال کې دي.

ټیوټا BZ4X د بیمې، رغونې او د بیټرۍ د لګښت له ډاډ سره پر ۳۹۰۰۰  ډالرو پلورل کیږي.

د CLSA  شنونکي کریسټوفر ریشټر ویلي: که څه هم په جاپان کې له برښنایي موټرو ډېر هرکلی ندی شوی؛ خو دا حالت مخ پر بدلېدو دی او ټویوټا ممکن د موټرو پلورلو پرځای پر اجاره ورکولو له تمرکز سره د بازار برخه له لاسه ورکړي. په هرصورت، په دې برخه کې کوم روښانه لید شتون نلري.

ټویوټا د تېر کال په ډسمبر میاشت کې اعلان وکړ، چې تر ۲۰۳۰ کال پورې به د خپلو موټرو د برښنایي کولو لپاره ۶۲ میلیارد ډالر ځانګړي کړي.

ساینس او ​​ټیکنالوژي

چین د توغندیو د څارنې سیستم نندارې ته وړاندې کړ

Published

on

(Last Updated On: غبرګولى ۳۰, ۱۴۰۱)

رویټرز، د چین د دفاع وزارت د څرګندونو له مخې په ډاګه کړې؛ دغه هېواد له ځمکې څخه هوا ته د توغندیو دفاعي سیسټم بریالی ننداره ته وړاندې کړی او په دې اړه خپلې ټاکلې موخې ته رسېدلي دي.

چین په دې وروستیو میاشتو کې تایوان تر هوایي څارنې لاندې نیولی او د توغندیو د څارنې وروستی سیستم یې هم نندارې ته بریالی وړاندې کړ. چین تایوان د خپلې خاورې یوه برخه ګڼي او اصلي ټاټوبي ته یې په سوله ییزه توګه پر ستنیدو ټینګار کړی دی.

چین د ولسمشر شي جینپینګ د سپارښتنې له مخې د څارنې د عصري کولو د یوې مهمې پروژې د یوې برخې په توګه د بېلابېلو توغندیو، چې کولی شي په فضا کې سپوږمکۍ له منځه یوسي تر پرمختللي اټومي خولۍ لرونکیو توغندیو پورې څېړنې ګړندۍ کړې دي.

د چین دفاع وزارت ویلي، دا نندارې یوازې دفاعي دي او موخه یې د کوم هېواد ویشتل ندي.

Continue Reading

ساینس او ​​ټیکنالوژي

چین د فضایي سټیشن د جوړولو لپاره د کاري ډلې یو بل ماموریت پیلوي

Published

on

(Last Updated On: غبرګولى ۱۴, ۱۴۰۱)

چین به د یکشنبې پر ورځ په یوه فضايي بېړۍ کې د نیمګړي فضایي سټیشن د رغولو لپاره یوه بله درې کسیزه شپږمیاشتنۍ کاري ډله د وروستیو پرمختګونو د ترسره کولو لپاره وتوغوي.

د چین د ستورمزلو فضایي ادارې چارواکو ویلي، د یکشنبې پر ورځ به په شمال لویدیځ ولایت ګانسو کې له ځايي وخت سره سم د سهار پر ۱۰:۴۴ دقیقو له شینژو-۱۴ فضايي مرکز څخه جیوکوان نومې سپوږمکۍ د لانګ مارچ- اف ۲ نومی توغندي پر مټ وتوغول شي.

د دغه ماموریت قومندان چن دونګ به له لیو یانګ او کای ژوژ سره په شینزو یا الهي بېړۍ کې سپاره وي.

د ادارې یوه چارواکي لین ژیکیانګ ویلي: د توغولو لپاره ټول چمتووالی نیول شوی دی.

شینزو – ۱۴ به د ۴ ستورمزلو درېیم ماموریت او له ټولو ۱۱ ماموریتونو څخه اووم هغه وي، چې د کال تر پایه د فضایي سټیشن د بشپړولو لپاره په پام کې یول شوي دي.

چین د ۲۰۲۱ په اپریل کې د خپل درېیم ماډل فضایي سټیشن جوړول د تیاني پر مټ پیل او وتوغاوه.

تیانه د میټرو بس څخه یو څه لوی دی، چې د ټي بڼه لرونکي فضایي سټیشن له بشپړیدو وروسته به د ستورمزلو د لیدو لپاره د اوسیدو ځای وي.

دا فضایي سټیشن به یوه  لسیزه عمر ولري او له ۱۸۰ ټنه وزن سره به د روسیې له میر نومي سټیشن څخه لږ څه دروند وي او د نړیوال فضایي سټیشن شاوخوا ۲۰ سلنه ځای نیسي.

Continue Reading

ساینس او ​​ټیکنالوژي

ختیځې آسیا ته د جوبایډن له سفر وروسته شمالي کوریا درې توغندي تجربه کړل

Published

on

(Last Updated On: غبرګولى ۴, ۱۴۰۱)

شمالي کوریا د پیونګ یانګ د سونان له اړوند سیمې د جاپان سمندر پر لوري سږکال د درې نویو لرې واټن ویشتونکيو توغنديو په ګډون ۱۷توغندي ازمویلی دی.

د جنوبي کوریا پوځ څرګندونه کړې، چې پدې اړه یې پلټنې پیل کړي او له امریکا سره یې همکاري کړې ده.

سپینې ماڼۍ په ډاګه کړې، چې د امریکا د ملي امنیت سلاکار جیک سلیوان له خپل جنوبي سیال سره د شمالي کوریا د لرې ویشتونکيو توغندیو د ازموینې په اړه خبرې کړې دي.

د سرچینې په خبرپاڼه کې راغلي؛ د امریکا او جنوبي کوریا د ملي امنیت سلاکارانو د شمالي کوریا د دغو توغندیو ازموینه غندلې او ژمنه یې کړې، چې له په دې اړه به خپل ګډ کار روان ساتو.

د امریکا د هندي او اوقیانوسیه هېوادونو قومندانۍ په یوه رسنیزه اعلامیه کې ویلي، چې ختیځې آسیا ته د جو بایډن د سفر له پای ته رسیدو څو ساعته وروسته شمالي کوریا د لرې واټن ویشتونکیو توغندیو له وروستیو ازموینو خبر شوی دی.

دغه راز څرګنده شوې؛ مونږ د شمالي کوریا د څو توغندیو له ازموینو خبر یوو او له خپلو متحدینو او شریکانو سره له نږدې مو ارزونې او مشورې روانې ساتلې دي

جاپان هم د شمالي کوریا د مشکوکو توغنديو له ازموینې خبر ورکړی دی.

د جاپان دفاع وزیر نوبو کیشي ویلي، چې جاپان شمالي کوریا ته د نن سهار د توغندي د ازمویلو په اړه خپل احتجاج کړی دی. دغه احتیجاج په بیجينګ کې د سفارت له لارې له ډيپلوماټيکو لارو ورسپارل شووی دی.

هغه ویلي، د جاپان، امریکا، آسټرالیا او هند ترمنځ له غونډې سمدستي وروسته د توغندي آزموینه یو ښکاره او په بشپړه توګه د نه منلو وړ پاروونکی عمل دی.

د دغه وزارت د څرګندونو له مخې د شمالي کوریا لخوا د ازمویل شویو توغندیو له کبله کوم زیان رامنځته شوی ندی.

د یادونې ده، چې د امریکا ولسمشر جوبایډن د دغو توغندیو له توغولو او ازموینې یوازې څو ګړۍ مخکې  له سیمې وتلی و.

Continue Reading

Trending

Copyright © 2022 Ariana News. All rights reserved!