Connect with us

تازه خبرونه

په زابل کې به د اوبو څلور لوی بندونه جوړ شي

خپور شوی

د

(Last Updated On: غویی ۲۴, ۱۴۰۰)

د زابل چارواکو ویلي، چې په دې ولایت کې به د اوبو څلور لوی بندونه جوړ شي.

د  سیمه ییزو چارواکو د څرګندونو له مخې؛  د کرني د ودې او اوبو د راګرزولو لپاره یې د څلور لویو بندونه د جوړیدو لپاره لومړنۍ سروې ترسره کړې، چې له جوړیدو سره به یې په دې ولایت کې کابو ۴۰ میلیون متره معکبه اوبه مهار او ۳۶ زره جریبه ځمکه خړوبه شي.

د زابل والي احمد ګل رسولي ويلي، چې د دغو بندونو له جوړیدو سره به ۷۷ میګاواټه برښنا تولید شي.

د زابل ولایت د اوبولګولو مشر ويلي، چې دغه بندونه د کلات ښار او د زابل په یو شمېر نورو ولسوالیو کې د ۱۳۲ میلیون افغانیو پر لګښت جوړېږي.

د دې ولایت یو شمېر اوسیدونکيو او کروندګرو ويلي؛ زابل ته په تېرو شل کلونو کي د بندونو د جوړیدو کارندي شوي، چې د وچکالیو له کبله یې اوس کروندې او باغونه وچ شوي دي.

دوی غواړي، چې دولت دې د اوبو بندونو په اړه دې ولایت ته ځانګړې پاملرنه وکړي.

ولسمشر ژمنه کړې، چې د هېواد د اووه کنټرولو هڅې روانې دي او بندونه جوړول به  ډېر شي.

د اوبو د تنظیم ادارې چارواکو تېره میاشت ویلي وه، چې په ټول هېواد کې به د ۴۴ بندونو د جوړولو کار ژر پیل شي.

د دې دفتر د چارواکو د څرګندونو له مخې، د دې بندونو د سروې کارونه او پلانونه وروستي شوي او د افغانستان په لاندې ۲۱ ولایتونو کې به جوړ شي:

په روزګان ولایت کې د آغا جان بند،

په زابل کې د میزان، مارکوک، آجا او علاوالدین کلي،

په غزني کې د زردآب، چارد او ملا چراغ،

په میدان وردګ کې  درنه جوی، ګرومبي، ګربات، جلریز

په پکتیکا کې ګومل ، دوه یم ګومل، زمه، میرزا کلی،

په خوست کې دومنده،

په لوګر کې د خروار،

په پکتيا کې سورۍ خولۍ،

په سرپل کې د سلطان ابراهیم او سوځېدلې کلا،

په فاریاب کې د المار او خشت پُل،

په سمنګان کې د روستای آب،

 په نورستان کې کانتیوا او کله ګوش،

په کندهار کې د لواري د اوبو بند،

په بادغیس کې د شورې بند،

په تخار کې د ورسج  او سوچه ماغ ،

په بامیان کې د دهنه محمد ګیچه،

په دایکندي کې دره بمسیر،

په کونړ کې شینه، زردګ بام، خیر میډانک، نورګل او قطا قلا،

په ننګرهار کې د پینګ زیان،  شرسته دره او سور بند،

په غور کېبزبان،

په پروان کې تلخک بند او په لغمان کې د وطن ګیټ بندونه دي.

د اوبو د تنظیم ادارې ویلي، چې دا بندونه به د ۱۲۰۰ مټرمکعب اوبو د زیرمه کولو وړتیا ولري.

د دې ادارې په وینا، د دې بندونو د اوبو له کارولو سره به ۳۲۰۰۰۰ هکتاره کرنیزه ځمکه خړوبه شي.

 

تازه خبرونه

مونږ په دې سختو شېبو کې د حکومت او ایراني ولس تر څنګ ولاړ یوو – اسلامي امارت

Published

on

(Last Updated On: غویی ۳۱, ۱۴۰۳)

د افغانستان اسلامي امارت نن دوشنبه (د غویی یودېرشمه) په یوه خبرپاڼه کې څرګنده کړې، چې په ډېرې خواشینۍ سره مو خبر ترلاسه کړ، چې د ایران ولسمشر آیت الله سید ابراهیم رییسي، د بهرنیو چارو وزیر ډاکټر حسین عبداللهیان،  د تبریز امام حجتة الاسلام آل هاشم او ورسره مل ملګرو یې خپل خوږ ژوند له لاسه ورکړی دی.

په دې خبرپاڼه کې راغلي، چې د افغانستان اسلامي امارت او ټول افغانان په دې غمجنه پېښه ژور خواشیني دي. مونږ د ایران له اسلامي جمهوریت او د دغه هېواد له خلکو سره په دې غم کې ځان شریک بولو او د قربانیانو له ټولو کورنیو، د ایران ملت او حکومت ته د ډاډګېرنې مراتب وړاندې کوو.

دغه راز ویل کیږي، چې په دې سختو شېبو کې د ایران له خلکو سره یوو او د دغې پېښې ټولو قربانیانو ته د مغفرت او د هغوی کورنیو ته د جمیل صبر غوښتنه کوو.

د ایران د ولسمشر د سپرلۍ چورلکه نن سهار د ختیځ آذربایجان له ولایت څخه تبریز ته د ستنېدو په لاره کې غورځېدلې او د چورلکې پاتې شونې د سیمې په غرنیو ځنګلونو کې وموندل شول.

د ایران د اساسي قانون پر بنسټ، د ولسمشر مرستیال په لنډمهاله توګه دا دنده پر غاړه اخلي او ولسمشریزو ټاکنو ته زمینه برابروي.

د نوي ولسمشر د ټاکلو لپاره باید په پنځوس ورځو کې ټاکنې ترسره او نوي ولسمشر ته واک وسپارل شي.

Continue Reading

تازه خبرونه

په افغانستان کې د وروستیو سیلابونو له کبله ۵۴۰ کسان مړه شوي – م.م

Published

on

(Last Updated On: غویی ۳۱, ۱۴۰۳)

ملګرو ملتونو ويلي؛ د افغانستان په ګڼو ولایتونو په ځانګړي توګه په بغلان، غور او فاریاب ولایتونو کې  سیلابونو خلکو ته تر ټولو ډېر ځاني او مالي زیانونه اړولي دي.

په مخ پر ودې هېوادونو کې د اقليمي بحران د اغېزو د څېړلو اداره څرګندوي، چې د دغو سېلابونو له کبله درې زره کورونه بشپړه ويجاړ شوي او ۵۴۰ کسان مړه یې کړي دي.

د ملګرو ملتونو د اقلیم د بحران د اغېزو ارزونې دفتر استازې ماریا لوپز وایي: تېره اوونۍ مونږ په ټوله نړۍ کې د خطرناکو سیلابونو شاهدان وو، چې ګڼو خلکو ته یې مالي او ځاني زیانونه اړولي دي. په افغانستان کې ۵۴۰ کسان مړه شوي او ۳ زره کورونه بشپړه ویجاړ دي.

د افغانستان د ریاست الوزراء اقتصادي مرستیالۍ ويلي، چې د سیلابونو په پایله کې سلګونه کسان وژل شوي، زرګونه کورونه ویجاړ شوي او دې سیلاب یو بشري ناورین رامنځته کړی دی.

دغه راز د رییس الوزرا  د اقتصاد مرستیال له دفتره يو پلاوى غور ولايت ته تللى، چې د سيمه‌یيزو چارواکو د څرګندونو له مخې؛ زيانمنو ته يې بېړنۍ مرستې لکه خوراکي توکي، درمل او لنډمهاله سرپناوې رسولې دي.

د غور والي وياند ويلي، په دې ولايت کې د سېلابونو د قربانيانو شمېر ٥٥ کسانو ته رسېدلى او  د استوګنې درې زره کورونه یې بشپړ او زرګونه نور څه نا څه ويجاړ کړي دي.

د افغانستان د ریاست الوزراء اقتصادي مرستیالۍ ويلي؛ د سیلابونو په پایله کې سلګونه کسان وژل شوي، زرګونه کورونه ویجاړ شوي او دغه سیلاب د یوه بشري ناورین لامل شوی دی.

دغه راز دې دفتر له هغو هېوادونو او نړیوالو ټولنو مننه کړې، چې د افغانستان له خلکو سره یې خواخوږي څرګنده کړې او له سیلاب ځپلیو سره یې مرستې کړې دي.

په افغانستان او په ځانګړې توګه په بغلان، غور او فاریاب ولایتونو کې وروستي سیلابونه دا په ډاګه کوي، چې افغانستان د اقلیم د بدلون له کبله زیات زیانمن شوی او د نړیوالې ټولنې اوږدمهاله مرستو ته اړتیا لري.

Continue Reading

تازه خبرونه

د افغانستان بانک چارسمبالي د م.م له مرستیالې سره پر بانکي بندیزونو خبرې وکړې

Published

on

(Last Updated On: غویی ۳۱, ۱۴۰۳)

د افغانستان بانک چارسمبالي هدایت الله بدري د ملګرو ملتونو د عمومي منشي له مرستیالې روزماري ډیکارلو سره ولیدل او د افغانستان د اقتصادي وضعیت، مالي او بانکي سکټور په اړه یې ور سره خبرې وکړې.

په دې لیدنه کې هدایت الله بدري ویلي، چې د نړۍ د هېوادونو له لوري د افغانستان پر بانکي سکټور بندیزونو د هېواد پر مالي ثبات منفي اغېز کړی او ډېر زیان یې خلکو ته رسېدلی دی.

هغه زیاته کړې، چې دې چارې د خلکو د پېر ځواک کمزوری او د دې بندیزونو له کبله نړیوالو مالي او بانکي سیستمونو ته د افغانستان بانکونو لاسرسی له خنډ سره مخ شوی دی.

نوموړي ویلي: که څه هم د افغانستان بانک په ډېر ستونزمن حالت کې د بانکي سکټور د نقدینګۍ ستونزې په ښه ډول حل کړي؛ په دې برخه کې پرمختګ رامنځته او ورځ تر بلې یې وضعیت ښه کېدونکی دی.

دغه راز بدري له نړیوالو بندیزونو څخه د افغانستان د بانکي سکټور خلاصون د افغانانو بشري حق یاد کړ او دا یې د ټول ولس غوښتنه وبلله.

د ملګرو ملتونو د عمومي منشي مرستیالې روزماري ډیکارلو هم له افغانستان سره د خپلو همکاریو د دوام ژمنه وکړه او په اقتصادي وده کې یې بانکي سکټور د ارزښت وړ یاد کړ.

هغې ویلي، چې په افغانستان کې د مالي شمولیت پراختیا، د کوچنیو پورونو ورکړه، د اسلامي تمویلاتو په برخه کې د نړیوالو هېوادونو له تجربې ګټه اخیستل او د خصوصي سکټور پیاوړتیا ډېر مهم موارد دي، چې ګډ کار ته اړتیا لري.

Continue Reading

Trending

Copyright © 2022 Ariana News. All rights reserved!