Connect with us

سیمه ییز خبرونه

په كابل كې د محرم لسمه ونمانځل شوه

Published

 on

(Last Updated On: لړم ۳, ۱۴۰۱)

د عاشورا لسمه هر كال د نړۍ د مسلمانانو له خوا نمانځل كيږي او دغه مراسم په افغانستان كې د امن په فضا كې تر سره شول.

خلكو په جوماتونو، حسنيو او تكيه خانو كې  په دې وياړ جوړو شويو مراسمو كې په پراخه توگه گډون وكړ.

دا مراسم د حضرت امام حسين د شخصيت او د هغه د قيام په باب په بيلا بيلو ويناوو پيل شول شوي.

افغان ولسمشر هم د عاشورا په مراسمو كې چې د كابل ښار د كربلا د قهرمان په جومات كې جوړ شوي وو گډون وكړ.

ولسمشرۍ د يوې خبر پاڼې په خپرولو سره ويلي، چې:

ولسمشر د مراسمو برخه وال ماشومان ونازول او د ملي وحدت، د سولې د ټينگښت او سراسري امنيت لپاره يې دعا وكړه.

د كابل ښار زرگونه تنه اوسيدونكي د چندولو تكيه خانې او همدا راز د ابوالفضل زيارت ته ولاړل او د امام حسين د قيام نمانځنه يې وكړه .

د اطلاعاتو او فرهنگ رييس سيد مخدوم رهين د مراسمو گډونوالو وويل، چې:

حضرت امام حسين(رض) په دې موخه قيام كړى و، چې دينې عدالت او خواخوږي رامنځته شي.

دغه رازكابل ښاريانو د سيد منصورنادري په جومات كې د قرآن كريم په ختم او ويناوو د اسلام د ستر پيغمبرحضرت محمد(ص) د نمسي امام حسين(رض) او د كربلا د نورو شهيدانوحماسه ونمانځله.

په افغانستان كې د اسماعيليه فرقې رهبر سيد منصور نادري د كربلا پېښه د مسلمانانو لپاره د آزاد ژوند يوښه درس وباله او وايي، چې:

د نړۍ ټول مسلمانان بايد له دې پېښې پند واخلي او د تاوتريخوالي مخه ونيسي.

د ولسي جرگې غړي غلام حسين ناصري د عاشورا په مراسمو كې د امام حسين(رض) او د هغه د يارانو پاڅون ته په نغوته كې وويل:

امام حسين او يارانو يې د اسلام د ټينگښت او د ظلم او بې عدالتي په وړاندې مبارزه وكړه او په دې توگه يې راتلونكيو نسلونو ته د ظلم او استبداد په وړاندې د مقاومت درس وركړ.

دوى په خلكو غږ وكړ، چې بايد له خپل دولت څخه ملاتړ وكړي او د نافذه قوانينو تطبيق ته چمتو وي.

د ولسمشر دوه يم مرستيال محمد كريم خليلي د وينې د وركړې پرمهال وويل:

د وينو د وركړې طريقه له نورو هغو غوره ده.

د هغه په وينا:

د وينو د بې ځايه تويولو په څاى د وينو په وركړه كولى شو، د هېوادوالو ژوند وژغورو.

د خاتم النبين د پوهنتون استاد قاسم الياسي وويل:

د محرم له لسمه، چې  د امام حسين او د هغه د دوه اويا يارانو د شهادت له ورځې سره سمون خوري؛ د اسلامي تاريخ يوه لويه برخه جوړوي او د كربلا پېښه يوه ترټولو لويه، مهمه او زړه بوگنوونكې پېښه گڼل كيږي.

كورنيو چارو وزير غلام محتبى پتنگ وويل:

د عاشورا د مراسمو نمانځل په هېواد كې ډېر اوږد لرغونتوب لري. د اسلام د ستر پيغمبر حضرت محمد (ص) د نمسي سرښندنې او قيام يوازې اسلام او محمدي لاره ونه ژوغورله، بلكې د خپلې وينې په تويولو يې د پېړيو په نسلونه كې د سولې غوښتنې او له ظلم سره د مبارزې روحيه پيدا كړه .

د محرم مياشت د وير مياشت بلل كيږي؛ ځكه، چې د محرم  لسمه د حضرت امام حسين(رض) د قيام او د هغه د شهادت له ورځۍ سره برابره ده. حضرت امام حسين(رض) د يزيد حكومت ته له سرټيټولو انكار وكړ، چې په ترڅ كې په همدې ورځ د كربلا په دښته كې د خپلو دوه اويا يارانو سره د يزيدي لښكرو له خوا په شهادت ورسيد.

Advertisement

سیمه ییز خبرونه

په ننګرهار ولايت کې د ليتيم ډبرو د قاچاق پر تور پېنځه کسان ونيول شول

Published

on

(Last Updated On: سلواغه ۲, ۱۴۰۱)

د افغانستان د کانونو او پترولیم وزارت ویلي؛ تېره ورځ (شنبه د سلواغې لومړۍ ) د شاوخوا زر ټنو تخته پت یا لیتیم ډبرو د قاچاق مخه ونیول شوه، چې له نورستان او کونړ ولایتونو څخه ننګرهار ولایت ته قاچاق کېدې.

د افغانستان د کانونو او پټرولیم وزارت ويلي، چې له قاچاق وړونکیو څخه یې ۳۰۰ ټنه لیتیم په رسمي ډول د کانونو او پترولیم وزارت ته سپارلي او شاوخوا ۷۰۰ ټنه یې په کونړ ولایت کې له لاسوهنې لرې وساتل.

دغه وزارت زیاته کړې، چې د دې قضیې په تړاو یو شمېر کورني او بهرني قاچاق کوونکي د کشفي او امنیتي ادارو لخوا نیول شوي هم دي.

د ملي امنيت د اوپراتيفي چارو ریيس داکتر بشير پرون په ننګرهار ولايت کې يوې خبري ناستې ته څرګنده کړې، چې له دغو قيمتي ډبرو څخه شاوخوا درې سوه ټنه په ننګرهار او پاتې نور يې په کونړ کې کشف او ترلاسه شوي دي.

هغه په ​​دې اړه ويلي: مونږ ته معلومه شوه، چې د دغو قيمتي ډبرو د قاچاق پلان شته، چې تړون نلري او په پټه استخراج کېږي. له همدې کبله مو د اصلي عاملينو د نيولو په موخه جلال‌آباد ښار ته د رسېدو چانس ورکړ. پېنځه کسان نيول شوي؛ دوه چینایي قاچاق وړونکي او درې نور افغانان دي، چې د دوی همکاران ول او پېرودل یې ترسره کول.

لیتیم یو نادر فلز دی، چې ډېري وختونه په عصري تیکنالوژیو؛ د سمارت فون بیتریو، برښنایي موټرو، کمپیوټرونو او ډرونونو کې کارول کیږي.

چارواکي زیاتوي، چې د اسلامي امارت د مشرتابه د فرمان له مخې د هېواد د قیمتي ډبرو قاچاق او غیر قانوني لېږد منع شوی دی.

Continue Reading

سوداگري

د تېر پر پرتله د ننګرهار ګمرک عواید ۳۰ سلنه ډېر شوي – چارواکي

Published

on

(Last Updated On: مرغومی ۲۸, ۱۴۰۱)

په  ننګرهارولایت کې د ګمرک او سوداګرۍ ریاست مسوولینو ولس ته د حساب ورکونې په خبرې ناسته څرګنده کړې، چې د تېر پر پرتله يي په عوايدو کې ۳۰ سلنه ډېروالی راغلي دي.

د ننګرهار اطلاعات او فرهنګ ریاست پر نوښت جوړه شوې دوه‌یمه خبري ناسته کې د ګمرک او صنعت او سوداګرۍ ریاست په دې ناسته کې د ننګرهار ګمرک ریيس ولس ته د څرګندونو پر مهال څرګنده کړه؛ د تېر پر پرتله يې اوسني عواید اووه سوه پېنځه اتیا ميلیون افغانیو ته رسېدلي، چې کابو دېرش سلنه لوړ شوي دي.

نوموړي يې لامل د فساد، عوایدو د تېښتې مخنیوی او له پخوا د صادراتو او وارداتو د کچه زیاتوالي بولي.

د ننګرهار ګمرک رییس مولوي عبدالهادي ابرار وايي: عواید يې د تېر پر پرتله دېرش سلنه زیات شوي او د فساد د مخنيوي ترڅنګ يې سوداګرو ته بېلابېلې اسانتیاوې رامنځته کړي دي.

نوموړي همدراز په ګمرک او تورخم کې سوداګرو ته د تېر پر پرتله د اسنتیاوي د رامنځته کیدو خبره هم وکړه او زیاته کړې یې ده، چې د تېر پر څير یو ځل بیا د سوداګرۍ له اړخه د ننګرهار ګمرک لومړي مقام ته ورسوي.

نوموړي زیاته کړې؛ د سردارمحمد داود خان د پلان له مخې به د تورخم ښارګوټی به د ډکې اړوند سیمې ته راولیږدوي او په تورخم کې به هم د سوداګرۍ د پرمختګ لپاره تاسیسات جوړکړي.

د ننګرهار د صنعت او سوداګرۍ رییس مولوي عبدالبصیر پاچا هم د تېر کال پر پرتله د سږني کال په نهو میاشتو کې د عوایدو د دوه برابره زیاتوالي خبره کوي او وایي، چې روان کال کې د سوداګرو ګڼو ستونزو ته رسیدنه شوې ده.

نوموړي زیاته کړې؛ د اسلامي امارت له حاکمیت راوروسته په دې ولایت کې اته نویو کارخونو فعالیت پیل کړی او تردې دمه پنځوس اعشاریه درې میلون و اووه سوه دېرش زره اته سوه افغانۍ راڼه عواید راټول شوي، چې د تېر کال پر پرته د سږني کال عواید يي په نهو میاشتو کې دوه برابره زیات شوي دي.

د صنعت او سوداګرۍ ریاست د څرګندونو له مخې؛ دمګړۍ د دې ولایت په صعنتي ښارګوټي او ښار کې ۳۵۰ وړې او غټي تولیدي کارخونې فعاله دي، چې اته  زره کسان په کې کار کوي. د صنعت او سوداګرۍ ریاست مسوولینو همدراز څرګنده کړې، چې په روان کال کې د ګڼو پانګوالو جوازونه ثبت او راجستر شوي هم دي.

Continue Reading

سیمه ییز خبرونه

په ننګرهار ولایت کې د یوې ۹ کلنې نجلۍ د پلور مخه ونیول شوه

Published

on

(Last Updated On: مرغومی ۲۵, ۱۴۰۱)

د امربالمعرف او نهی عن المنکر وزارت ویاند محمد صادق عاکف څرګنده کړې: پرون شنبه د مرغومي ۲۴ د ننګرهار ولایت په اچین ولسوالۍ کې یوه پلار غوښتل خپله ماشومه لور د قرض په بدل کې وپلوري.

نوموړي ویلي، چې دغه ۹ کلنه نجلۍ د ننګرهار په اچین ولسوالۍ کې پر ۲۲۰ زره پاکستانيو کلدارو پلورل شوې وه او د پور ورکوونکيو پیسې ورکړ شوې دي.

د دغه وزارت د ویاند د څرګندونو له مخې، د دغې نجلۍ نوم فوزیه ده او ټاکل شوې وه، چې دغه نجلۍ پر رحمان ولي نومي د شخصي پور په بدل کې وپلورل شي.

ښاغلی عاکف وايي، څو ورځې وړاندې یو شمېر متعصبو کړیو داسې راپورونه خپاره کړل، چې یو پلار د پور په بدل کې خپله لور پلوري.

د اسلامي امارت مسوولینو د دې قضیې له خبرېدو او د حقایقو له څېړلو او ترلاسه کولو وروسته ځانونه مسوول وبلل؛ معلومه شوه، چې یو شمېر کړۍ د پیسو په ترلاسه کولو سره د اسلامي امارت د بدنامولو هڅې کوي.

د هغه په ​​وينا، د موضوع له روښانه کېدو وروسته د دغه وزارت وزير او مسوولينو دې موضوع ته جدي پاملرنه وکړه او په دې برخه کې يې ښکېل کسان کابل ته وبلل.

صادق عاکف زیاتوي؛ د موضوع د روښانه کېدو لپاره دواړه لوري کابل ته راوغوښتل شول او د امر بالمعروف نهی عن المنکر وزارت له لوري یې قرض ورکړ شو.

نوموړي دا خبرداری هم ورکړ، چې که په راتلونکي کې دا ډول پېښې رامنځته شي؛ د دواړو خواوو پر وړاندې به قانوني چلند ترسره شي.

Continue Reading

Trending

Copyright © 2022 Ariana News. All rights reserved!