Connect with us

سیمه ییز خبرونه

په لغمان روغتون کې د یوې مور څلور ماشومان زیږیدلي

خپور شوی

د

(Last Updated On: )

په لغمان کې یوې ښځې د جمعې پر ورځ د لغمان په مرکزي روغتون کې څلور ماشومان زیږولي دي.

د داکتر پاینده محمد سهاک د څرګندونو له مخې، مور او د هغې څلور ماشومان؛  درې هلکان او یوه نجلۍ، ټول ښه او له روغتیا برخمن دي.

باختر آژانس د شنبې پر ورځ د دغو ماشومانو د پلار له خولې ليکلي؛ خوښ دى، چې الله پاک ورته څلور اولادونه ورکړي دي.

د دغو ماشومانو مور او پلار د لغمان ولایت په الینګار ولسوالۍ کې اوسیږي.

سیمه ییز خبرونه

ایران د څارګرو الوتکو او توغندیو تولید پراخوي – رویټرز

د سپوږمکۍ انځورونه ښيي، چې تهران ته نږدې د توغندیو د تولیدي وړتیاوو د لوړولو لپاره ۳۰ نوې ودانۍ جوړې شوې دي.

Published

on

(Last Updated On: )

رویټرز خبري سرچینې د باخبرو سرچینو د څرګندونو له مخې راپور ورکړی، چې په ایران کې د څارګرو الوتکو او توغندیو د تولید وړتیاوې مخ پر پراځېدو دي.

د سپوږمکۍ انځورونه ښيي، چې تهران ته نږدې د توغندیو د تولیدي وړتیاوو د لوړولو لپاره ۳۰ نوې ودانۍ جوړې شوې دي.

د دې خبري سرچینې د راپور له مخې؛ د سپوږمکۍ وروستي انځورونه د ایران د بالستیک توغندیو د جوړولو په دوه مرکزونو کې د پام وړ پراخوالی ښیی، چې امریکایي څېړونکیو یې د ارزولو چارې پر غاړه اخیستې دي.

رویټرز د دې سایټونو پراختیا د اوکتوبر۲۰۲۲ د هوکړې دوه‌یمه هغه بولي، چې تهران روسیې ته د اوکراین پر وړاندې په جګړه کې د کارولو لپاره توغندي ورکړي وه.

دغه زاز زیاتوي، چې تهران د یمن حوثي یاغیانو ته بې پیلوټه الوتکې لېږي او په لبنان کې د حزب الله ملیشو ته راکټونه ورکوي.

رویټرز لخوا بیاکتل شوي انځورونه ښیي، چې ودانۍ د خاورو پر غونډیو له سترګو پټې ساتل شويي، چې له چاودنو څخه د اورلګېدنې مخه ونیسي.

د ایران توغندي اوس‌مهال په منځني ختیځ کې تر ټولو لوی دي او اټکل کیږي، چې د ډیزاین شويو ماډلونو په ګډون به له ۳۰۰۰ څخه د ډېرو توغندیو وړتیا ولري.

کارپوهانو ویلي، چې دغه توغندي د دودیزو او اټومي خولیو د لېږد وړتیا هم لري.

په دې اړه درې ایراني چارواکو تائید کړې، چې یاد شوي دوه سایټونه د دودیزو بالستیک راکټونو د تولیدي وړتیاوو د لوړولو لپاره جوړیږي.

یوه ایراني چارواکي ویلي: ولې یې مونږ نشو کولی؟

یو بل چارواکي یادونه کړې، چې ځینې نوې ودانۍ د دوه چنده څارګرو د جوړولو وړتیا لري.

دا په داسې حال کې ده، چې تهران له دې مخکې روسیې او حوثیانو ته د بې پیلوټه الوتکیو او د توغندیو د سپارلو خبره رد کړې وه.

Continue Reading

سیمه ییز خبرونه

د پاکستان او تاجکستان مشرانو په افغانستان کې د ټولګډونه حکومت پر جوړولو ټینګار وکړ

د دغو دواړو حکومتي مشرانو د ګډې خبرپاڼې له مخې، چې د چارشنبې پر ورځ د پاکستان بهرنیو چارو وزارت خپره کړې؛ راغلي: په دې برخه کې دوی د افغانستان لپاره د یوه ټولګډونه حکومت درلودل اړین یاد کړي دي.

Published

on

(Last Updated On: )

د پاکستان لومړي وزیر شهباز شریف او د تاجکستان ولسمشر امام علي رحمان په افغانستان کې د یوه ټولګډونه حکومت د جوړېدو غوښتړنکي شول.

د دواړو حکومتونو مشرانو ټینګار کړی، چې په افغانستان کې سوله او ثبات د سیمې د سوکالۍ او پرمختګ لپاره بنسټیزه اړتیا ده.

د دغو دواړو حکومتي مشرانو د ګډې خبرپاڼې له مخې، چې د چارشنبې پر ورځ د پاکستان بهرنیو چارو وزارت خپره کړې؛ راغلي: په دې برخه کې دوی د افغانستان لپاره د یوه ټولګډونه حکومت درلودل اړین یاد کړي دي.

د پاکستان او تاجکستان مشرانو د امنیتي ګواښونو د پراخېدو په اړه هم اندېښنه ښودلې او له ترهګرۍ سره یې د مبارزې په برخه کې د دوشنبې او اسلام‌آباد پر همکاریو ټینګار کړی دی.

د دوی په ګډه خبرپاڼه کې په ډاګه شوې نده، چې دوی له کوم امنیتي ګواښ سره مخ دي؛ خو پاکستان تل ادعا کړې، چې په دې هېواد کې بریدونه د افغانستان له خاورې تحریک طالبان پاکستان تر سره کوي. تاجکستان هم اندېښنه ښودلې، چې له افغانستان څخه تاجکستان ته د ترهګرو ډلو د نفوذ خطر مخ پر ډېرېدو دی.

اسلامي امارت دغه دواړه ادعاوې رد کړي او ټینګار یې کړی، چې اجازه نه‌ورکوي د افغانستان خاوره د نورو هېوادونو پر ضد وکارول شي.

د پاکستان لومړي وزیر دوشنبې ته په خپل سفر کې له تاجکستان سره د ستراتیژیکو همکاریو تړون لاسلیک کړی دی.

اړوند خبرونه:

د پاکستان دفاع وزیر د افغانستان پروړاندې د بریدونو ګواښ وکړ

په پکتیکا او خوست کې د پاکستان هوایي بریدونه پر افغان خاورې ښکاره تېری دی – مجاهد

 

Continue Reading

سیمه ییز خبرونه

د ایران ولسمشریزې ټاکنې رسماً پیل شوې

Published

on

(Last Updated On: )

د ایران د ولسمشریزو ټاکنو د څوارلسمې دورې د ترسره کېدو بهیر نن (جمعه د چنګاښ اتمه) د سهار پر ۸ بجو پیل شو، چې ۶۱ میلیونه ۴۵۲ زره ۳۲۱ کسان به په هېواد کې دننه او بهر ګډون وکړي.

ایسنا خبری اژانس راپور ورکړی، چې په نیوزیلینډ کې د ایران سفارت په ګډون د دوه نورو ښارونو ایرانیانو ته هم د رای اچونې له پیل سره سم د ولسمشریزو ټاکنو د رایو صندوقونه کېښودل شوي دي.

په بهر کې ایراني وګړي هم کولی شي د باور وړ پاسپورټ سره د خپلې خوښې نوماند ته رای ورکړي.

له دې مخکې په بهر کې د ایران د ولسمشریزو ټاکنو د ترسره کولو مسوول علیرضا محمودي ویلي وه، چې د ایران د ولسمشرۍ د انتخاباتو لومړی پړاو به په نیوزیلینډ کې ترسره شي.

د ایران د ولسمشرۍ په څوارلسم پړاو ټاکنو کې د دغه هېواد د ولسمشرۍ څوکۍ لپاره مسعود میزکیان، مصطفی پور محمدي، سعید جلیلي او محمد باقر قالیباف سیالي کوي.

ویل کیږي، چې په مزارشریف ښار کې هم د ایران قونسلګرۍ د خپل هېواد وګړو ته د ایران د ولسمشرۍ په ټاکنو کې د رای اچونې لپاره د رایو صندوقونه ایښي دي.

Continue Reading

Trending

Copyright © 2022 Ariana News. All rights reserved!