Connect with us

تازه خبرونه

په لوګر ولایت کې د موټربم برید مرګ و ژوبله ۱۳۶ کسانو ته پورته شوې

Published

 on

(Last Updated On: غویی ۱۱, ۱۴۰۰)

د لوګر د مرکز پل علم ښار په یوه میلمستون کې له ازرې ولسوالۍ څخه پر راغلیو زدکوونکیو د چاودنې د وژل شویو شمېر ۲۶ او د ټپیانو ۱۱۰ ته پورته شوی دی.

د لوګر مرکز پل علم ښار کې د روژه ماتي پر مهال دغه خونړی برید د مازدا موټر پر مټ ترسره شوی، چې قربانیان یې ټول ملکي وګړي دي.

میلمستون، چې د برید هدف ګرځېدلی، مرکزي روغتون ته نږدې پروت دی او شاوخوا یې د خلکو کورونه دي، چې په هر کور کې خلک ټپیان شوي دي.

د لوګر ولایت سیمه ییزو چارواکو ویلي، چې د موټربم چاودنې ټول قربانیان هغه زدکوونکي دي، چې د کانکور آزموینې لپاره پل علم ښار ته راغلي وه.

د لوګر والي عبدالقیوم رحیمي ویلي؛ د ماښام نږدې اووه بجې وې، چې چاودنه رامنځته شوه. ټول وژل شوي کسان هغه ردکوونکي دي، چې د کانکور آزموینې لپاره راغلي وه.

د لوګر مرکزي روغتون د چاودنې سیمې ته نږدې پروت دی، چې روغتون هم وران شوی او ناروغانو ته هم ځاني زیان رسېدلی دی.

لوګر والي عبدالقیوم رحیمي ويلي؛ په دې چادنه کې هټۍ او مارکېټونه تخریب شوي او د ولایتي روغتون په ګډون په سیمه کې لسګونه کورونه هم وران شوي دي.

په پل علم کې خلکو ويلي هټۍ يې تخریب شوي او ګڼ مالي زیانونه ور اوښتي دي.

دوی د لوګر ناسم امنیتي وضیعت اندېښمن کړي او وايي، هره شپه جګړه وي او له حکومته د امنیت د ټینګښت غوښتنه کوي.

د پل علم ښار اوسیدونکي وایي، چې د دې چاودنې غږ تر شل کیلو مترو پورې رسېدلی او په ښار کې یې ډېره وراني کړې ده.

په لوګر کې موټر بم چاودنه له پراخو کورنیو او بهرنیو غبرګونونو سره مخ شوې؛ ولسمشر غني، د ملي پخلاینې عالي شورا مشر او نورو سیاسي څېرو، اروپایي ټولنې، د ترکیې د بهرنیو چارو وزارت، د بریټانیا او فرانسې سفارتونو او په افغانستان کې د څو هېوادونو استازولیو دا برید غندلی او د دا راز بریدونو د پای ته رسېدو غوښتنه لري.

په افغانستان کې د اروپایي ټولنې دفتر دا برید په سختو ټکو کې غندلی او وایي، چې دا ډول بې ګټې بریدونه باید پای ومومي او د افغانستان خلک سولې ته ورسيږي.

د ترکیې د بهرنیو چارو وزارت هم په یوې خبرپاڼه کې دا برید غندلی او وایي، چې دا ډول تاوتریخوالی باید په افغانستان کې ودریږي.

د کورنیو چارو پخوانی وزیر ویس برمک د بریدونو د ډېروالي اټکل کوي او وایي، چې امنیتي حالت به په راتلوونکیو میاشتو کې نور هم خراب شي.

ډېر خلک اندېښمن دي، چې له افغانستان څخه به په بشپړه توګه د بهرنیو ځواکوونو له وتو وروسته د طالبانو بریدونه ډېر شي، چې اصلي قربانیان به یې هم ملکي وګړي وي.

په همدې حال کې له افغانستان څخه د بهرنیو ځواکونو د وتو بهیر د تاوتریخوالي له ډېروالي سره جوخت په رسمي توګه پیل او ۱۰۰ بهرني سرتېري تېره ورځ وتلي دي.

سپینې ماڼۍ منلې، چې ۱۰۰ سرتېري یې له افغانستان څخه وتلي دي.

ناتو هم له افغانستان څخه د خپلو عسکرو ایستلو بهیر پیل کړی دی.

د مې لومړۍ نېټه له افغانستان څخه د بهرنیو ځواکونو د وتو د لومړۍ ورځې سره بابره ده او د سپتمبر تر ۱۱ به دوه زره پېنځه سوه امریکایي سرتېري له شل کلن پوځي ماموریت وروسته په شاوخوا څلورو میاشتوکې افغانستان پرېږدي.

تازه خبرونه

حکومت دې له وړتیاوو برخمن ځوانان پر کارونو وګوماري – ځوانان

Published

on

(Last Updated On: ليندۍ ۸, ۱۴۰۱)

د هرات ځوانان له حکومته غواړي، چې د حکومتوالۍ په برخه کې له لوستي او پر کار پوه نسل څخه کار واخلي.

د اسلامي امارت له بیا واکمنېدو شاوخوا یو نیم کال تېرېږي او په دې موده کې ګڼشمېر لوستو ځوانانو خپل هېواده پرېښی او ځيني یې، چې په دولت کې یې کار کاوه د دندو پریښودو ته اړ شوي دي.

په همدې حال کې د هرات ځوانان د ځوان نسل د استعدادونو او وړتیاوو په برخه کې د حکومت پر نه پاملرنې نیوکه کوي.

دغه ځوانان له دې کبله اندېښمن دي، چې ډېر لوستي کسان هېواد پرېږدي او یا له حکومته ایستل کېږي.

د اطلاعاتو او فرهنګ وزارت د ځوانانو مرستیال وايي؛ ځوانان د هېواد ۶۷ سلنه نفوس جوړوي او حکومت ژمن دی، چې له دغو ظرفیتونو او استعدادونو څخه د حکومتوالۍ د ښه والي او پراختیايي چارو په برخه کې کار واخلي.

د ځوانانو چارو مرستیال په دې وروستيو کې د هېواد بیارغونې ته د ځوانانو د هڅولو پروګرامونه پيل کړي او په ولايتونو کې یې له ځوانانو سره خبرې هم کړې دي.

مدني هڅاند عبدالهادي قانع وایي: له بده مرغه، چې څه باندې یو کال تېر شو؛ خو مونږ ونشو کولی، چې د ځوانانو د رواني فشار او د بې روزګارۍ له ستونزې سره مقابله وکړو؛ ځکه، نو لږ تر لږه له ځوانانو سره د لنډ مهاله او ګټورو پلانونو لپاره په ولایتونو کې د ځوانانو د غوښتنو د اورېدلو لپاره ملي خبرو اترو ته اړتیا ده.

د اطلاعاتو او فرهنګ وزارت د ځوانانو چارو مرستیال په دې ورځو کې د هېواد د بېلابېلو ولايتونو له ځوانانو سره په خبرو بوخت دى؛ هغه د هرات له ځوانانو سره په لیدنو کې ژمنه وکړه، چې له ځوان نسل څخه به د حکومتوالۍ په برخه کې کار اخلي. هغه وايي، دا مهال ځوانان د هېواد شل میلیون وګړي جوړوي، چې نیمايي یې نجونې دي؛ خو حکومت ژمن دی، چې د ځوانانو له ظرفیتونو او استعدادونو کار واخلي.

د اطلاعاتو او فرهنګ وزارت د ځوانانو چارو مرستیال محمد یونس راشد وایي: له بده مرغه زمونږ دښمنان وايي چې ځوانان د افغانستان په ټولنه، دولت او اقتصاد کې د پام وړ ونډه نلري؛ خو دا منفي تبلیغات دي. د افغانستان اسلامي امارت ژمن دی، چې د هېواد د ګرانو ځوانانو په حق کې ونډه واخلي. اوس په وزارتونو او دولتي ادارو کې زیاتره کاري ځواک ځوانان دي.

که څه هم د هرات ځوانان په دې باور دي، چې په تېرو دوه لسیزو کې د ځوان نسل لپاره کوم لوی کار ندی شوی؛ خو اوس هیله من دي، چې د اسلامي امارت مسوولین به لوستي او با استعداده نسل ته دا فرصت ورکړي، چې له وړتیاوو او استعدادونو یې ګټه واخیستل شي.

د هرات اوسېدونکی غلام یحیی عزیزي وایي: د اطلاعاتو او فرهنګ وزارت د ځوانانو چارو ریاست باید د ولسوالیو په کچه د سواد زدکړه، انګلیسي ژبه او تعلیمي پروګرامونه پیل کړي، چې ځوانان وکولی شي له دغو پروګرامونو ګټه پورته کړي او د خپلو زدکړو کچه لوړه کړي.

د هرات یو بل اوسېدونکی احمد فرزاد فخري وایي: مونږ غواړو، چې ځوانان په لویه کچه کار وکړي او د ځوانانو له استعدادونو څخه د سترو موخو لپاره کار واخیستل شي. نن ورځ مونږ ډېر ځوانان لرو، چې استعدادونه او وړتیاوې لري؛ خو د هغوی له ظرفیت څخه کار نه اخیستل کیږي.

د هرات د اطلاعاتو او فرهنګ رییس نعیم الحق حقاني ویلي: زمونږ تر ټولو لویه هڅه دا وه، چې ځوانان مو د امید جوړونې او هوساینې پر لوري وهڅول شي او تر یوه حده مو ځوانانو ته ډېر تعلیمي پروګرامونه او کورسونه وړیا برابر کړي دي.  

که څه هم د اطلاعاتو او فرهنګ وزارت چارواکي په بېلابېلو غونډو کې له لوستي او ځوان ځواک سره نوې ژمنې کړي دي؛ خو ځوانان په دې باور دي، چې دا ژمنې باید پاې او عملي شي.

Continue Reading

تازه خبرونه

د حنا رباني کهر پر مشرۍ پاکستاني پلاوي له افغان مشرانو سره وکتل

Published

on

(Last Updated On: ليندۍ ۸, ۱۴۰۱)

د بهرنیو چارو وزارت په ستورې ماڼۍ کې د حنا رباني کهر پر مشرۍ له پاکستاني پلاوي سره د بهرنیوچاور د وزیر مولوي امیرخان متقي په مشرۍ د دې وزارت د اداري مرستیال په ګډون د رییسانو یوه ناسته ترسره شوه.

د پاکستان د دولت د بهرنیو چارو د وزیرې حنا رباني کهر په مشرۍ د راغلي پلاوي په ترکیب کې د افغانستان لپاره د دغه حکومت استازي محمد صادق خان او په کابل کي د پاکستان سفارت چارسمبالي عبیدالرحمن نظاماني اوګنشمېر نورو مسوولین ګډون کړی و..

د افغانستان د بهرنیو چارو وزیر مولوي امیرخان متقي راغلي پلاوي ته د ښه راغلاست ترڅنګ دوه اړخیزې اړیکې، ولسونو اوسیمې ګټورې وښودلې.

امیر خان متقي په پاکستان د افغان بنديانو د خلاصون، له یوه او بل حکومتونو د مسافرو د تلو راتلو او په لارو د اوښتو په برخه کې دسهولتونو د را منځته کولو، د تجارت او ترانزيت په برخه کي د پرمختګ او چټکتیا په اړه اړوند لوري ته یادونې وکړې.

دغه راز نوموړي په دې ناسته کې د تاپي، تاپ، اورګاډي د کرښې او نورو لویو پروژو پیل کولو ته چمتووالي وښوده او د سیاسی اړیکو، اقتصادي ودې او امنیت په اړه یې د اسلامي امارت موقف ورته څرګند کړ.

پاکستاني پلاوي په پاکستان کي د افغان مهاجرینو سره د ښه سلوک، د تګ راتګ پر لارو او د ویزو په برخه کې د ستونزو د حل په باب د همکاریو ژمنه وکړه او زیاته شوې، چې له افغانستان سره د تجارت او ترانزیت د پیاوړتیا او پراختیا په اړه به لازم ګامونه پورته کړي.

حنا رباني کهر څرګنده کړې، دا چي افغانستان او پاکستان دوه مسلمان همسایه هېوادونه دي او کلتوري مشترکات هم سره لري؛ نو دواړه حکومتونه باید یو له بل سره همکاري وکړي او دوه اړخیزې عامه ګټې خوندي وساتي.

Continue Reading

تازه خبرونه

د امریکا استازې کارن دیکر هم په تاجکستان کې د هرات د لسمې امنیتي ناستې ګډونواله وه

Published

on

(Last Updated On: ليندۍ ۸, ۱۴۰۱)

په افغانستان کې د امریکا چارسمبالې د سې شنبې پر ورځ ( د لیندۍ پر اتمه ) ومنله، چې هغې د تاجکستان د دوشنبې د هرات په لسمه دوه ورځنۍ امنیتي ناسته کې ګډون کړی، چې په کې د افغانستان د امنیتي وضعیت په اړه نظرونه تبادله شول.

د امریکا چارسمبالې کارن دکر د تاجکستان د دوشنبې په دوه ورځنۍ ناسته کې، چې د افغانستان د ستراتیژیکو مطالعاتو انستیتوت لخوا د هرات د امنیتي خبرو اترو  په اړه جوړه شوې وه؛ خپل ګډون تائید کړ.

کارن دکر تویت کړی؛ د هرات امنیتي خبرې اترې له ۲۰۱۲ کال راپدیخوا یو ډېر ښه فرصت دی، چې د افغانستان، تاجکستان، سیمه ییزو هیوادونو او اروپايي ټولنې له استازیو سره د افغانستان د وضعیت په اړه د نظرونو د تبادلې زمینه برابروي.

هغې څرګنده کړې: زه دلته د اوریدلو لپاره راغلې یم؛ خو زه چمتو یم، چې د افغانستان د خلکو او د خپل ځان او ګاونډیانو سره په سوله کې د افغانستان لپاره د امریکا قوي ملاتړ بیا تکرار کړم.

د افغانستان د ستراتیژیکو مطالعاتو د انستیتوت په دې غونډه کې سولې او پخلاینې ته د رسیدو لپاره د غونډې کډونوالو خپل اندونه او نظرونه وړاندې کړل.

د تاجکستان د بهرنیو چارو وزارت مرستیال فرهاد سلیم پدې باور دی، چې د یوه ټولګډونه حکومت جوړول؛ په افغانستان کې د ثبات او تلپاتې امنیت یوازنۍ لار ده.

د تېر حکومت یو شمېر سیاسي څېرې، روڼ اندي او علمي شخصیتونه هم د افغانستان د ستونزې لپاره د حل لارې د موندلو لپاره زاټول شوړي، چې له ګاونډ هېوادونو، د سیمې او نړۍ له هېوادونو سره په دوستۍ کې تلپاتې سولې ته ورسېږي.

د غونډې ګډونوال رنګین دادفرسپنتا ویلي: موخه دا نه ده، چې د افغانستان په شخړه کې ښکېلې خواوې سره یو ځای شي؛ بلکې موخه دا ده، چې د نظر خاوندانو او سیاسي مفکرینو نظریې را غونډې او د پالیسۍ جوړوونکیو په واک کې ورکړ شي، چې په افغانستان کې د سولې او ثبات لپاره ترې ګټه پورته کړي.

یو شمېر نور ګډونوال وايي، چې په افغانستان کې د یوې مناسبې سیاسي حل لارې د موندلو لپاره یو لوی نړیوال ائتلاف ته اړتیا ده.

تر اوسه اسلامي امارت په دوشنبه کې د هرات د امنیتي غونډې د غړیو د څرګندونو په اړه څه ندي ویلي؛ خو پرون د ريیس الوزرا سیاسي مرستیال ویلي وه، چې د افغانستان حکومت ټولګډونه دی او د ښځو حقونه د اسلامي شریعت په چوکات کې تضمین شوي او اوس ښځې په بېلا بېلو برخو کې کار کوي.

د هرات لومړنۍ امنیتي ناسته په ۲۰۱۲ ز. کې د افغانستان په اړه د سولې او امنیت پر موضوعاتو د تمرکز لپاره پیل شوې ده.

 

Continue Reading

Trending

Copyright © 2022 Ariana News. All rights reserved!