Connect with us

نړۍ

په مراکش کې یوې زورورې زلزلې لږ تر لږه ۲۹۶ کسان مړه کړل

خپور شوی

د

(Last Updated On: وږی ۱۸, ۱۴۰۲)

د جمعې پر ورځ ناوخته یوې زورورې زلزلې د مراکش لوی اطلس غرونه ولړزول، چې په کې لږ تر لږه ۲۹۶ کسان مړه شوي، ودانۍ یې ویجاړې کړې او د لویو ښارونو اوسېدونکي یې د کورونو پرېښودو ته اړ کړل.

د رویترز د څرګندونو له مخې؛ د مراکش د کورنیو چارو وزارت ویلي، چې د مړو دا شمېر د لومړنیو معلوماتو له مخې دی او ۱۵۳ کسان په کې ټپیان دي.

یوه سیمه ییز چارواکي ویلي؛ ډېرۍ مرګ و ژوبله په غرنیو سیمو کې اوښتي، چې دمګړۍ ورته لاسرسی ستونزمن دی.

د مراکش اوسیدونکیو، چې د زلزلې مرکز ته تر ټولو نږدې لوی ښار دی، ویلي، چې په دې پخواني ښار کې ځینې ودانۍ، چې د یونیسکو نړیوال میراث دی، نړیدلې ده. ځايي تلویزیون د جومات د ړنګ شوي څلي انځورونه وښودل، چې د ویجاړۍ یې پر موټرو پرتې دي.

العربیه خبري شبکې د سیمه ییزو سرچینو د څرګندونو له مخې ویلي، چې د یوې کورنۍ پېنځه کسان وژل شوي دي.

د کورنیو چارو وزارت د تلفاتو په اړه په خپله یوه تلویزیوني وینا کې د زغم غوښتنه کړې او ویلي یې دي چې زلزلې د الحوز، اورزازاته، مراکش، ازیلال، چیچاوا او ترودانت ولایتونه ولړزول.

د زلزلې مرکز ته څېرمه د اسني د غرني کلي اوسېدونکي منتصر ایتري ويلي، چې دې زلزلې ډېري کورونه زيانمن کړي دي.

هغه زياته کړې: زمونږ ګاونډيان تر خاورو لاندې دي او خلک هڅه کوي، چې په کلي کې د شته وسايلو له کارولو سره یې وژغوري.

په لویديځ کې ترودانت ته څېرمه، حمید افکر نومي يوه ښوونکي ويلي، چې له لومړۍ زلزلې وروسته له خپل کوره وتښتېد او وروسته نور ټکانونه هم رامنځته شول.

هغه ویلي، ځمکه د ۲۰ ثانیو لپاره لړزېده؛ دروازې پخپله خلاصېدې او بندېدې او زه پر بیړه له دوه‌یم پوړه راکښته شوم.

د مراکش د جیو فزیک مرکز څرګنده کړې؛ دا زلزله د رښتر پر کچه ۷.۲ درجې وه، چې  د لوی اطلس په ایغیل سیمه کې رامنځته شوې ده.

د امریکا د جیولوژیکي سروې ادارې د زلزلې شدت د رښتر پر کچه ۶.۸ ښودلی او ویلي یې دي، چې دا د ۱۸.۵ کیلومتره ژوره وه.

ایغیل یوه غرنۍ سیمه ده، چې د کوچنیو کرنیزو کلیو سره، د مراکش سویل لویدیز شاوخوا ۷۰ کیلومتره کې موقعیت لري. دا زلزله د شپې له ۱۱ بجې رامنځته شوې ده.

دا زلزله په مراکش کې د ۲۰۰۴ ز. کال زلزلې وروسته، چې د شمالي ریف په غرونو کې الحسیمه ته نږدې رامنخټه شوې وه، چې له ۶۰۰ ډېر خلک یې مړه کړي وه.

نړۍ

د سعودي او امریکا چارواکو په غزه کې پر جګړه او دوه اړخیزې هوکړې خبرې وکړې

Published

on

(Last Updated On: غویی ۳۰, ۱۴۰۳)

د سعودي عربستان دولتي خبري آژانس د یکشنبې پر ورځ راپور ورکړی، چې د دغه هېواد ولیعهد محمد بن سلمان او د سپینې ماڼۍ د ملي امنیت سلاکار جیک سالیوان په غزه کې د اسرائیلو پر جګړې او دوه اړخیزې هوکړې خبرې اترې کړې دي.

د یوې خبرپاڼې له مخې: د سعودی عربستان په ظهران ښار کې د دواړو هېوادونو ترمنځ د ستراتیژیکو هوکړو د مسودې نیمه وروستۍ بڼه، چې تقریباً د وروستي کېدو په حال کې ده؛ وارزول شوه.

واشنګټن او ریاض د یوې پراخې هوکړې د یوې برخې په توګه د امریکا د امنیتي ډاډ او ملکي اتومي مرستو په اړه خبرې کړي، چې هیله لري د سعودي او اسرائیلو د اړیکو د عادي کیدو لامل شي.

د سعودي ولیعهد او د امریکا د ولسمشر جوبایډن ستر امنیتي سلاکار د اسرائیلو او فلسطینیانو لپاره د دوه دولتونو د حل لارې د موندلو، په غزه کې د حماس پر ضد د جګړې د بندولو او د بشري مرستو د رسولو د اسانتیا په اړه هم خبرې وکړې.

رویټرز د دې میاشتې په پیل کې راپور ورکړی و، چې د بایډن اداره او سعودي عربستان د اټومي هوکړې د وروستي کولو په لټه کې دي. په داسې حال کې، چې د اسرائیل او سعودي اړیکو عادي کول په شک کې پاتې دي.

سپینې ماڼۍ د جمعې پر ورځ څرګنده کړې وه، چې سالیوان به سعودي عربستان او اسرائیلو ته سفر وکړي ، چې د غزې په ګډون د دوه اړخیزو او سیمه‌ییزو مسلو او په سیمه کې د تلپاتې سولې او امنیت د ترلاسه کولو پر هڅو خبرې وکړي.

Continue Reading

نړۍ

اروپايي ټولنې روسي رسنۍ هم د بندیزونو په نوملړ کې ورزیاتې کړې

Published

on

(Last Updated On: غویی ۲۷, ۱۴۰۳)

د اروپایي ټولنې هېوادونو د چارشنبې پر ورځ هوکړه وکړه، چې د روسیې څلور دولتي رسنۍ پر تبلیغاتي هڅو تورنې کړي او د دې ټولنې د بندیزونو لاندې ادارو په نوملړ کې یې شاملې کړي؛ ځکه، چې کرملین په مسکو کې لویدیځ خبریالان ګواښلي دي.

د اروپایي ټولنې د ارزښتونو او روڼتیا کمیشنر ورا جوروا په ایکس پاڼه کې څرګنده کړې: د کریملین اړوند څلور تبلیغاتي شبکې هره یوه د اروپا غږ، ریانووستی، ایزویستیجا او روسیسکایا ګزیته د بندیزونو په نوملړ کې اضافه شوې دي.

په نوملړ کې راغلې خپرونو او ورځپاڼې آنلاین رسنۍ دي.

روسیې له دې مخکې اروپايي ټولنې ته د دغې هڅې په اړه  خبرداری ورکړی و.

د روسیې بهرنیو چارو وزارت ویاندې ماریا زاخارووا ویلي، کرملین به په مسکو کې له لویدیځو خبریالانو خپل غچ واخلي.

زاخارووا ویلي: که دا اقدامات د روسیې د رسنیو او روسي ژورنالیستانو په وړاندې ترسره شي؛ نو سره له دې، چې لویدیځ خبریالان یې نه غواړي بیا به هم زمونږ د غچ اخیستونکيو هڅو احساس وکړي.

هغې زیاته کړې: مونږ به لویدیځ ته چټک او دردوونکی ځواب ورکړو.

د رویټرز د راپور له مخې؛ اروپايي ټولنې سمدستي پر هغو هڅو څه ندي ویلي، چې په رسنیو کې پلي کیږي؛ خو رسنیو په اروپایي ټولنه کې خپل رسنیزحقونه له لاسه ورکړي دي.

Continue Reading

نړۍ

انټوني بلینکن اوکراین ته رسېدلی

Published

on

(Last Updated On: غویی ۲۵, ۱۴۰۳)

د امریکا بهرنیو چارو وزیر انټوني بلینکن د سې شنبې پر ورځ (د غویی پر پېنځه‌ویشتمه) پر یوه ناڅاپي سفر د اوکراین کیف ته رسېدلی دی. دا په داسې حال کې ده، چې د دې هېواد  کانګرس تېره میاشت ورته د ۶۱ میلیارډ ډالرو پوځي مرستې ومنلې.

د رویټرز د راپور له مخې؛ ادعا شوې، چې د دې سفر موخه له اوکراین سره پیوستون او د دې هېواد په شمال ختیځه پوله کې د روسیې له درندو بمباریو سره په مبارزه کې د امریکا ملاتړ دی.

یو امریکايي چارواکي، چې  انټوني بلینکن له سفره خبر و؛ ویلي: هیله من دی، چې بهرنیو چارو وزیر اوکراینیانو ته په دې سفر کې، چې له سختو شرایطو سره مخ دي؛ ډاډمن زیری ولري.

د رویټرز خبري اژانس د راپور له مخې دې امریکايي چارواکي ویلي: اوکراین ته د بهرنیو چارو وزیر تګ په دې راڅرخیږي، چې څنګه خپلې اضافي مرستې داسې پلي کړي، چې د کیف دفاعي ځواکونه ډاډمن اوپیاوړي کړي او هغوی ته دا وړتیا ورکړي، چې د جګړې په ډګر کې خپل نوښت بېرته ترلاسه کړي.

له دې مخکې د امریکا ولسمشر جوبایډن کیف ته د ۴۰۰ میلیون ډالرو پوځي مرستې د استولو امر کړی و.

د پنټاګون د څرګندونو له مخې؛ د بایډن د ولسمشرۍ له پیل راپدیخوا امریکا اوکرایین ته د ۵۱ اعشاریه ۳ میلیار ډالرو څخه زیاتې امنیتي مرستې ځانګړې کړې، چې د روسیې د برید له پیله ۵۰ اعشاریه ۶ میلیارډ ډالر ورکړ شوي دي.

څو ساعته مخکې د سپینې ماڼۍ د ملي امنیت سلاکار جیک سالیوان په یوه خبري ناست کې کیف ته د واشنګټن د پوځي مرستو په بڼه د وسلو د یوې نوې ټولګې د استولو، چې سر له ننه به امریکا هره اوونۍ اوکراین ته د وسلو لېږل ترسره کوي.

دغه راز لکه څنګه، چې اوس په جګړه کې د تېر پر پرتله د روسیې پر پرمختګ اندېښنې زیاتې شوي او اوکراین هم منلې، چې روسي ځواکونو د دوشنبې پر ورځ د خارکوف په سیمه کې پرمختګ ته وکړ او تاکتیکي بریا یې ترلاسه کړه.

دا په داسې حال کې ده، چې د روسیې ولسمشر ولادیمیر پوتین د دغه هېواد دفاع وزارت ته نوی وزیر معرفي کړی دی.

Continue Reading

Trending

Copyright © 2022 Ariana News. All rights reserved!