Connect with us

بلخ @ps

په مزارشریف ښار کې د ښځو د لاسي صنایعو نندارتون پرانستل شو

Published

 on

(Last Updated On: تله ۱۱, ۱۴۰۱)

د ښځو د لاسي صنايعو د درې ورځنی نندارتون تنظيموونکيو ويلي، چې د نندارتون ونډوالو ښځو په اتيا غرفو کې خپلې لاسي صنايع نندارې ته وړاندې کړې دي.

په مزارشريف ښار کې د ښځو د لاسي صنايعو په دې  نندارتون کې  ۸۰ ښځو خپلې لاسي صنايع نندارې ته وړاندې کړي دي.

د نندارتون جوړوونکې مسیح عظیمي د دغه راز نندارتونونو جوړول په ټولنه او په ځانګړي توګه په سوداګريزو چارو کې د ښځو د هڅونې  لپاره ګټور وبلل او له دولت څخه يې په ادارو او دفترونو کې د ښځو د نورې ونډې غوښتنه وکړه.

سوداګره رقیه سادات څرګندوي؛ په دغه نندارتون کې میرمنو پر کروشنیل جوړې کړې جامې، خامک، پر چرمو ښکلې شوې جامې، دستکولونه او د لبنیاتو بېلابېل ډولونه نندارې ته ایښې دي.

سحر صديقي، چې يوه انځورګره ده وايي، چې خلک له هنر او نقاشۍ سره لږ بلد دي او دا نندارتون د نقاشۍ د هنر په اړه د خلکو د ډېر پوهاوي لپاره یو ښه فرصت دی.

په داسې حال کې، چې په ادارو او دفترونو کې د ښځو حضور کم دی؛ خو نندارتون ته راغلې میرمن فروزان آریا وايي، چې میرمنو ته باید په دولتي ادارو کې مناسبه ونډه ورکړ شي.

د بلخ د سوداګرۍ او صنایعو خونې د ښځو د څانګې مشره شکیبا شکیب وايي، چې د دغه ډول نندارتونونو جوړېدل به هغه مهال مثبت وي، چې بهرني پېرېدونکي ولري او هېوادوال له کورنيو توليداتو ملاتړ وکړي.

د یادونې ده، چې دغه نندارتون د درې ورځو لپاره جوړ شوی او په افغانستان کې له وروستیو بدلونونو راوروسته دا درېیم نندارتون دی، چې په بلخ کې جوړیږي.

بلخ @ps

په مزار شریف ښار کې ماین چاودنې ۱۷ کسانو ته مرګ و ژوبله اړولې

Published

on

(Last Updated On: ليندۍ ۱۵, ۱۴۰۱)

 د پولیسو د څرګندونو له مخې؛ نن د سې شنبې پر  سهار په مزارشریف ښار کې د نفتي توکو د ادارې د کارکوونکيو پر یوه بس موټر ماین چاودنه شوې ده.

په بلخ ولایت کې له نسبي آرامۍ وروسته یو ځل بیا په مرکز مزارشریف ښار کې خونړۍ چاودنه رامنځته شوه. 

د بلخ د امنیه قومندانۍ ویاند محمد آصف وزیري د لومړنیو معلوماتو له مخې ويلي، نن سهار ۷:۰۰ بجې د مزارشریف ښار د درېیمې امنیتي حوزې اړوند په سید آباد څلور لاري کې د سړک غاړې د ماین چاودنې له کبله ۷ تنه وژل شوي او ۶ نور ټپیان دي.

هغه زیاته کړې، چاودنه د سړک غاړې ته په يوه کراچۍ کې د ځاى پر ځاى شوي ماين له امله رامنځته شوې ده.

د عامې روغتیا ریاست رییس نجیب الله توانا ویلي، چې د چاودنې له سیمې څخه روغتون ته ۸ جسدونه او ۹ ټپیان ورلېږدول شوي دي.  

د نوموړي د څرګندونو له مخې؛ د اته ټپيانو روغتيايي حالت ښه او د يوه روغتيايي حالت د اندېښنې وړ دى.

د دغې پېښې ټپيان وايي، چې په دوی کې هیڅ نظامي کس نه و؛ وژل شوي او ټپيان ټول بېوزلي ملکي کسان دي، چې د نفتي توکو په رياست کې يې کار کاوه.

پر پښه ټپي ظریف نومی وایي؛

“د سهاراووه بجې وې؛ مونږ د کار پر لوري روان وو، چې په سیدآباد چوک کې چاودنه وشوه. نه پوهیدم، چې څه پېښ شول؛ خو کله، چې مې ولیدل ټول ټپیان شوي وه. نه پوهېږم، چې په غرفه کې چاودنه رامنځته شوه که څنګه؛ خو موټر مو پر ځمکه ولګېده.

یو بل ټپي ویلي: دا څو کاله کیږي، چې مونږ د نفتي توکو په برخه کې کار کوو؛ خو بد مرغه ټول بېوزله خلک ټپيان او شهيدان کړل. مونږ کارګران وو، وسلې مو نه درلودې. مونږ کوم بد کار نه دی کړی، د خلکو خدمت مو کاوه.

دې چاودنې په سیمه کې خلکو ته مالي زیانونه هم اړولي دي.

دا  د مزارشریف ښار په سه دکان جومات کې له چاودنې وروسته تر ټولو خونړۍ پېښه ده.

تر دې دمه هیچا د پېښې پړه پر غاړه نده اخیستې.

دا په داسې حال کې ده، چې د شنبې پر ورځ ماښام مهال د ننګرهار په مرکز جلال آباد ښار کې د یوې چاودنې له کبله لږ تر لږه شپږ کسان ټپیان شوي او په سیمه کې یې هټیو ته سخت زیانونه واړول.

په دې چاودنه کې د ښار د یوازنی سیکهـ اوسیدونکي ګلچرن او هټۍ ته یې هم زیان رسېدلی دی.

د ځايي چارواکو په وينا، تر دې دمه د پېښې په اړه څېړنې روانې دي.

د جلال آباد امنيتي چارواکو ويلي، چې چاودنه د لومړۍ ناحیې د اړوند سیمې په يوه ګلدان کې د ځاى پر ځاى شوي ماين له کبله رامنځته شوې ده.

تر اوسه کومې ډلې یا شخص د دې چاودنې مسوولیت هم پر غاړه ندی اخیستی.

د ښار اوسیدونکیو له اسلامي امارت غوښتي، چې په راتلونکي کې دې د دا ډول پېښو مخه ونیسي.

Continue Reading

بلخ @ps

په بلخ ولایت کې له ۲۰۰ ډېرو زدکوونکیو ته د زدکړو زمینه برابره شوه

Published

on

(Last Updated On: تله ۱۲, ۱۴۰۱)

د بلخ ولایت په بلخ ولسوالۍ کې یوه ښوونکي د یوې خیریه موسسې په همکارۍ د جګړې له څه باندې دوه سوه اغېزمنو زدکوونکیو ته یو ښوونیز مرکز جوړ کړی.

د بلخ ولایت په بلخ ولسوالۍ کې له جګړو څخه په یوه اغېزمن شوي کلي کې د دغه ښوونیز مرکز ښوونکی وايي، په دې سیمه کې زدکوونکي د جګړو له کبله له څو کلونو راپدیخوا ښوونځي ته له تګ څخه بې برخې شوي وه او  زدکړو ته یې لاسرسی نه درلود.

يو شمېر زدکووکي وايي؛ له رامنځته شوي فرصت څخه به د هغو درسونو د بشپړولو لپاره ګټه واخلو، چې ترې بې برخې پاتې وو.

د دغه مرکز زدکوونکی محمد فهیم وایي: د جنګونو له کبله مې څلور کاله له زدکړو پاتې شوم. اوس، چې جګړه بنده شوې؛ د تېرو درسونو د بشپړولو لپاره دې روزنیز مرکز ته راغلم. 

د سیمې د اوسېدونکیو د خبره څرګندونو له مخې، په څو وروستیو کلونو کې دا کلی د جګړې پر لومړۍ کرښه اوښتی و، چې له کبله یې د زدکړو په بهیر کې ځنډ رامنځته شو.

زدکوونکی ذبیح‌ الله څرګندوي: له شپږ کلونو له زدکړې بې برخې پاتې شوم. اوس دغه ښوونیز مرکز ته راغلی یم، چې خپلې زدکړې روانې وساتم او هیلې مې  رښتینې شي. 

دوی له دولت څخه هم غوښتنه کوي، چې د نورو زياتو ښوونيزو مرکزونو او کتابتونونو په جوړولو کې ورسره همکاري وکړي.

په دې ښوونیز مرکز کې د یوه خیریه بنسټ په مرسته د ریاضي، کمپیوتر او خطاطۍ ترڅنګ د انګریزي، پښتو او دري ژبو او همدارنګه د موبایل تیلیفونونو د رغونې لارښوونه او تدریس کېږي.

ربېع‌ الله نومی زدکوونکی وایي: دلته ښوونکي ډېر مهربانه دي. له حکومت غواړم، چې مونږ ته څوکۍ، قلم، بکسې او نور د اړتیاوړ څیزونو په برابرولو کې مرسته وکړي.

د دې بنسټ مسوول ويلي، دامهال شاوخوا دوه سوه زدکوونکي په بېلابېلو برخو او ټولګیو کې زدکړه کوي؛ خو زدکوونکیو ته د امکاناتو کموالي اندېښمن کړي یوو.

د ښوونیز مرکز مسوول محبوب افغانمل ویلي؛ مونږ دمګړۍ د ۱۰۰ کسانو لپاره امکانات او څوکۍ لرو. تاسې ولیدل، چې په هر ټولګي کې له ۵۰ ډېر زدکوونکي لرو، چې مجبوریوو دا غیرقانوني کار وکړو.   

د يادونې وړ ده، چې په بلخ ولايت کې یوازې د علمخېل سیمه د جګړو له کبله اغېزمنه شوې نده، بلکې د دغه ولايت په يو شمېر نورو ولسواليو کې هم د وروستیو څو کلونو جګړو له کبله ښوونځي تړل شوي دي.

Continue Reading

بلخ @ps

په بلخ ولایت کې امنیتي بنسټونو د کورونو د لټون لړۍ روانه ساتلې

Published

on

(Last Updated On: وږی ۷, ۱۴۰۱)

د بلخ ولایت یو شمېر اوسیدونکي له کور پر کور له لټون خوښ دي او وايي، چې د وسلو له ټولولو سره امنیت ښه کېږي، خو د ښځینه پولیسو نشتوالي ستونزې رامنځته کړې دي.

په بلخ ولایت له څو ورځو راپدیخوا د بلخ درې امنیتي ادارې د کور پر کور د لټون لړۍ پیل کړې؛ خو دغه بهیر د بلخ ولایت د اوسیدونکیو له بېلابېلو غبرګونونو سره مخ شوی دی.

د دې ولایت یو شمېر اوسیدونکي له کور پر کور تلاشۍ خوښ دي او وايي، له دې کار سره به امنیت ښه شي او هغه ناقانونه وسلې به راټولې شي، چې د خلکو پر ضد کارول کېږي.

د بلخ ولایت اوسیدونکی احمد وایي: مونږ د کور پر کور له لټون سره هیڅ ستونزه نلرو. له دې سره مونږ آرام کیږو او د هغو کارونو مخه نیسي، چې یو شمېر خلک یې د کارولو په لټه کې دي. 

دغه راز د بلخ ولایت ځیني نور اوسیدونکي د کورونو د تلاشۍ پرمهال د ښځینه پولیسو پر نشتوالي نیوکه کوي او وايي، د تلاشۍ په وخت نرینه خپلو کورونو کې نوي او دې مسئلې یې اندېښنې راپورته کړي دي.

د بلخ ولایت اوسیدونکی ربیع وایي: دوی هڅه کوي، چې کور ته ولاړ شي؛ ښځې باید ورسره وي، د چا وخت باید ضایع نشي. ښځې په کور کې یوازې وي، ښځې باید ورسره وي. میرمنې باید میرمنې او نرینه، نرینه تلاشي کړي.

د بلخ ولايت د ټولنیزو چارو شنونکی  عبدالحمید انصاري وايي، چې د کورونو تلاشۍ باید د یوه قانون پر بنسټ وشي، چې د خلکو د ځورولو سبب نشي؛ ځکه د دوی په خبره ناقانونه چلند د دولت او خلکو ترمنځ واټن رامنځته کوي.

د بلخ پولیس وايي، د کورونو تلاشي د خلکو په غوښتنه پیل شوې او امنیتي ځواکونه د تلاشۍ پر مهال د خلکو له حقونو سرغړونه نکوي.

د بلخ د امنیه قومندانۍ ویاند آصف وزیری وایي: د مزارشریف د خلکو په غوښتنه، امنیتي ځواکونو بالاخره پرېکړه وکړه، چې یو کمیسیون جوړ او د مزارشریف ښار د درې امنیتي ارګانونو له لارې کور پر کور تلاشي کړي.

د بلخ والي د اسلامي امارت له سیاسي مخالفانو غواړي، چې هېواد ته راستانه شي او له مخالفته لاس واخلي.

د بلخ والي قدرت الله ابوحمزه وایي: د ناتو او امریکا تر څنګ ایساف او نورو  پېنځه ویشت هېوادونو له اجیر نظام ملاتړ کاوه؛ خو بریالي نشول، چې د اسلامي امارت د محدودو مجاهدینو پر مقاومت وکړي او یا له ځانه نه دفاع وکړي.    

ویل کېږي، چې په مزارشریف کې کور پر کور تلاشي به لس ورځې دوام وکړي؛ خو اوس هم ښکاره نده، چې دا لړۍ به د بلخ ولایت ولسوالیو ته هم وغزېږي که نه!

Continue Reading

Trending

Copyright © 2022 Ariana News. All rights reserved!