تازه خبرونه
په مزار شریف ښار کې له یوې چاودنې ۹ کسانو ته مرګ و ژوبله اوښتې
د امنیتي چارواکو د څرګندونو له مخې؛ نن شنبه له غرمې مخکې ۱۱:۳۰ د مزارشريف ښار د دوهيمې امنيتي حوزې اړوند په تبیان فرهنګي مرکز کې چاودنه رامنځته شوې ده.
کورنیو چارو وزارت په دې چاودنه کې د یاد مرکز د یوه ساتونکی وژل کېدل او د پېنځه خبریالانو په ګډون د اته کسانو ټپیي کېدل تائید کړي او وایي، چې ټپیان روغتون ته لېږدول شوي دي.
نوموړي زیاته کړې؛ په ټپیانو کې درې ماشومان هم شته، چې له درملنې وروسته له روغتونه رخصت شوي دي.
د یاد وزارت په خبرپاڼه کې راغلي، چې چاودنه په مرکز کې د ځای پر ځای شویو چاودېدونکیو توکو رامنځته شوې ده.
ویل کیږي، چې په د مرکز مسوولینو غوښتل د غونډې پر مهال خبریالانو ته ستاینلیکونه ورکړي.
سیمه ییزو امنیتي چارواکو رسنیو ته څرګنده کړې، چې د تبیان فرهنګي مرکز مسوولینو د غونډې جوړولو په تړاو له امنیتي چارواکو سره هیڅ راز اړیکه نه وه نیولې او هغه کسان یې نیولي، چې د غونډې جوړولو چارې یې پر غاړه وې.
ویل کیږي، چې دغې غونډې ته یو شمېر خبريالان، ديني عالمان او ځینې سيمه ييز چارواکي هم ور بلل شوي وه.
دا لومړی ځل ندی، چې د تبیان پر فرهنګي مرکز برید کیږي؛ په ۲۰۱۷ ز. کال کې، یوه چاودنه، چې داعش یې پړه منلې وه، په کابل کې د دې مرکز په دفتر کې وشوه، چې له لسګونه کسانو یې خوږ ژوند اخیستی و.
تر اوسه هیچا د نننۍ پېښې مسوولیت پر غاړه ندی اخیستی؛ خو د اوړمې ورځي په ولایتي مقام کې د چاودنې مسوولیت داعش پرغاړه اخیستی، چې په کې د والي محمد داوود مزمل په ګډون دوه کسه وژل شوي دي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
لوبی4 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
په ننګرهار کې د ناکامورا کانال پروژه بشپړه شوه
-
تازه خبرونه4 days ago
د یوناما استازې د ایران له بهرنیو چارو وزیر سره وکتل
-
تازه خبرونه4 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
سوداگري2 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
د هوا حالاتو بدلونونه3 days ago
په تېرو ۲ زره کلونو کې د تېر کال اوړی له ټولو تود و – څېړنه
-
نړۍ4 days ago
انټوني بلینکن اوکراین ته رسېدلی
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي