Connect with us

سیمه ییز خبرونه

په نیمروز ولایت کې د بېزوګي تڼاکې لومړنۍ شکمنه پېښه ثبت شوه

Published

 on

(Last Updated On: غبرګولى ۸, ۱۴۰۱)

روغتیايي سرچینو څرګنده کړی، چې د شنبې پر ورځ د نیمروز ولایت د کرونا ویروس په روغتون کې د بېزوګي تڼاکې یا مونکي پوکس دوه شکمنې پېښې پېژندل شوي او ثبت شوې دي.

په دغه ولايت کې سرچينو ويلي، چې دغه دوه پېښې له ايران څخه په شړل شويو کډوالو کې لیدل شوي او ثبت شوې دي.

تبه، سر درد، د عضلاتو درد، پړسوب، د ملا درد او پر پوستکي تڼاکې د بېزوګي چیچک یا تڼاکو لومړنۍ نښې دي.

د بېزوګي تڼاکه یا  مانکي پوکس یوه نوې ناروغي ده، چې په آفریقایي او اروپايي هېوادونو کې خپره شوې او د روغتیا نړیواله ټولنه یا ډبلیو اچ او یې هم د پیښو له زیاتوالي خبرداری ورکړی دی.

په نړۍ کې د دغه ویروس پېښې په ۲۰ هېوادونو کې مخ پر زیاتیدو دي. د روغتیا نړیوالې ټولنې یو لوړپوړی چارواکی سیلوی براینډ ويلي؛ که درملنه یې ونشي دا ناروغي خپریږي.

دغه راز څرګندوي؛ هیله دی، چې د وبا د مخنیوي فرصت باید له لاسه ورنکړ شي.

د ځینو راپورونو له مخې؛ دا ناروغي دوه درجې لري: یو یې کانګو نومې ده، چې د ناروغ حالت ورسره خرابیږي او د مړینې احتمال یې ۱۰ سلنه دی او بل یې د لویدیځې آفریقا هغه ده، چې د مړینې کچه ورسره په سلو کې شاوخوا یوه ده.

سیمه ییز خبرونه

د اسلامي امارت مشرتابه په کندهار کې د کابل له عالمانو سره وکتل

Published

on

(Last Updated On: زمری ۱۲, ۱۴۰۱)

د کابل ولایت ۵۰ دیني عالمانو په کندهار ولایت کې د اسلامي امارت له مشرتابه سره وکتل او د ښځو پر حقونو یې هم خبرې وکړې.

د کابل میشتو دیني عالمانو د پنځوس کسیز پلاوي سفر د اسلامي امارت د مشرتابه په غوښتنه ترسره شوی، چې بنسټیزه موخه یې د پلازمېنې د اوسیدونکیو د ستونزو حل دی.

په دې غونډه کې دیني عالمانو د اسلامي شریعت په چوکاټ کې د ښځو پر حقونو او د نجونو د تعلیم پر موضوع خبرې وکړې او د اسلامي امارت مشرتابه عالمانو ته ډاډ ورکړ، چې د پلازمېنې د اوسیدونکیو ستونزو ته به پاملرنه کوي.

دیني عالمانو د اسلامي امارت له مشرتابه وغوښتل، چې تعلیم ته ځانګړې پاملرنه وکړي او د اړتیا په صورت کې دې په نصاب کې هم بدلون راولي.

د کابل والي ندا محمد ندیم وایي: د دې غونډې اصلي موخه دا وه، چې د پلازمېنې ښاري ستونزې تر ستر شخصیت پورې ورسېږي او د منبر او عالمانو له لوري د هغه احکام تر خلکو ورسېږي.

له دغو عالمانو څخه یو شمېر یې وايي، چې د اسلامي امارت له مشر سره یې د ښځو د ستونزو د حل، د اسلام په چوکاټ کې د ښځو د حقونو د درناوي او د ښوونځیو د نصاب د اصلاح په اړه خبرې کړې دي.

دیني عالم عبدالحمید حماسي څرګندوي: د امیرالمومنین لپاره د مجاهد او نامجاهد تر منځ هیڅ توپیر نشته ټول رعیت دی او مساوي حقوق لري.

دا په داسې حال کې ده، چې د اسلامي امارت رهبر د دیني عالمانو په لویه غونډه کې ژمنه کړې، چې د دیني عالمانو په هره غونډه کې به ګډون کوي ​​او د دولتي ادارو د رهبرۍ لپاره به دیني عالمان ټاکي.

Continue Reading

سیمه ییز خبرونه

په کندوز ولايت کې ځانګړیو ځواکونو د داعش پر پټنځى برید تر سره کړ

Published

on

(Last Updated On: چنګاښ ۲۶, ۱۴۰۱)

تېره شپه په کندوز ولایت کې د افغانستان اسلامي امارت ځانګړیو ځواکونو د داعش پر پټنځي پوځي عملیات ترسره کړل؛ لږ تر لږه ۳ داعشیان وژل شوي او پېنځه نور یې ژوندي نیولي دي.

د افغانستان اسلامي امارت وياند ذبيح الله مجاهد وايي، چې دغه عمليات د امام صاحب ولسوالۍ په قنجغه سيمه کې ترسره شوي دي.

نوموړي زیاته کړې؛ دغې ډلې پر ازبکستان او تاجکستان د وروستیو راکټي بریدونو مسوولیت پرغاړه درلود.

په هغه ویډیو کې، چې د افغانستان اسلامي امارت اړوند سرچینو خپره کړې؛ د داعش یو نیول شوي غړي اعتراف کړی، چې پر ازبکستان او تاجکستان یې توغندي توغولي او بیا یې هم د برید سپارښتنه تر لاسه کړې وه.

Continue Reading

سیمه ییز خبرونه

د بهرنیو چارو وزارت چارسمبالي د یوه پلاوي پر مشرۍ له بدخشان ولایت لیدنه وکړه

Published

on

(Last Updated On: چنګاښ ۲۳, ۱۴۰۱)

د بدخشان سیمه‌ییز و چارواکو ويلي؛ د چارشنبې پر ورځ مولوي امیرخان متقي او ورسره مل پلاوي یې د دې ولایت د اوسيدونکیو د ستونزو د څېړلو لپاره دې ولایت ته سفر وکړ.

د بدخشان ولايت د اطلاعاتو او فرهنګ مشر معزالدين احمدي وايي؛ د ملي راډيو ټلويزيون مشر احمدالله وثيق هم له اميرخان متقي سره په دې سفر کې مل دى او د دغه ولايت د دولتي ادارو او سیمه ییزو چارواکو سره یې د خلکو پر شته ستونزو خبرې وکړې.

د معزالدین احمدي د څرګندونو له مخې، په دې سفر کې د تاجکستان او افغانستان تر منځ د پولې دواړو غاړو ته د میشتو قومونو ترمنځ د ښو اړیکو د رامنځته کولو، د ډیپلوماسۍ له لارې د سرحدي ستونزو د حل، د مجاهدینو او عامو خلکو ترمنځ د ښو اړیکو پر څرنګوالي، د خلکو د اقتصادي او ښوونیزو ستونزو پر حل او  څېړلو بحث او  خبرې شوې دي.

دا په داسې حال کې ده، چې تېره ورځ د تخار ولایت امنیتي مسوولینو له تاجکستان سره د سرحدي سیمې له امنیتي خوندیتوبه ډاډ څرګند کړی او ټینګار شوی، چې هیچا ته به اجازه ورنکړي، چې د افغانستان له خاورې تاجکستان ته ګواښ رامنځته کړي.

Continue Reading

Trending

Copyright © 2022 Ariana News. All rights reserved!