Connect with us

نړۍ

په نیویارک ښار کې له اورلګېدنې د ۹ ماشومانو په ګډون ۱۹ کسان مړه شوي

Published

 on

(Last Updated On: مرغومی ۲۰, ۱۴۰۰)

د نیویارک ښار د چارواکو د څرګندونو له مخې؛  د یکشنبې پر ورځ (د مرغومي ۱۹) د نیویارک د برونکس په یوه اپارتمان کې د اورلګېدنې له کبله د ۹ ماشومانو په ګډون ۱۹ کسان مړه شوي او لسګونه نور ټپیان دي.

د نیویارک ښاروال ایرک اډمز د پېښې په تړاو ویلي، چې اورلګېدنه سهار مهال ۱۱۲ بجې په ۱۹ پوړ کې رامنځته شوې؛ ۶۰ کسان روغتون ته استول شوي، چې د ۳۲ روغتیايي حالت د اندېښنې وړ دی.

د ښار د اور وژنې کمیشنر ډینیل نیګرو خبریالانو ته په یوه خبري کنفرانس کې ویلي، چې د اور لګېدو لامل  تر څېړنې لاندې دی.

نوموړي ویلي، چې ډېري کسان لوګیو زیانمن کړي دي؛ خو نږدې ۲۰۰ اوروژونکیو ډېري خلک وژلي دي.

دا په داسې حال کې ده، چې د امریکا په فلاډلفیا ښار کې د چارشنبې پر سهار له یوې اورلګېدنې د اته ماشومانو په ګډون دولس کسان وژل شوي.

نړۍ

د ډنمارک په یوه پلورنځي کې وسلوال برید مرګ و ژوبله رامنځته کړې

Published

on

(Last Updated On: چنګاښ ۱۳, ۱۴۰۱)

د ډنمارک پولیسو په ډاګه کړې، چې د ډنمارک د پلازمېنې کوپنهاګن په یوه پلورنځي کې د ډزو له کبله درې کسان وژل شوي او درې نور ټپیان دي.

پولیسو د دغه برید په تړاو د یوه ۲۲ کلن ډنمارکي ځوان له نیولو هم خبر ورکړی دی.

دغه ډزې د یکشنبې پر ورځ ماښام مهال د کوپنهاګن د سویل په فیلډز پلورنځي کې رامنځته شوې دي.

په دغه برید کې د یوه متوسط کس په ګډون دوه ځوانان، چې یو یې نرینه او بله ښځینه ده؛ وژل شوي او د درې ټپيانو روغتيايي حالت د اندېښنې وړ ښودل شوى دى.

د ډنمارک لومړي وزیر میټ فریدریکسن دا برید وحشیانه بللی او وایي، چې زیانمن خلک د بې ګناه کورنیو غړي دي، چې پر پېر او خوراک وخت ول.

Continue Reading

نړۍ

په پاکستان کې له یوې ترافیکي پېښې لږ تر لږه ۳۰ کسانو ته مرګ و ژوبله اوښتې

Published

on

(Last Updated On: چنګاښ ۱۲, ۱۴۰۱)

پاکستانيو چارواکو ويلي، د پاکستان په بلوچستان ایالت کې د یوه مسافر وړونکي بس د اوښتو له کبله لږ تر لږه ۱۹ کسان وژل شوي او ۱۱ نور ټپیان دي.

پاکستانيو رسنیو د سیمه ییزو چارواکو د څرګندونو له مخې ویلي، چې دا پېښه تېره شپه د بلوچستان ایالت د ژوب ولسوالۍ په “شیراني دانه” سیمه کې د یوه بس د چپه کېدو له کبله رامنځته شوې ده.

دغه مسافر وړونکی بس له ۳۰ مسافرو سره له اسلام آباد څخه کویټې ته روان و.

د پاکستان یوه ځايي چارواکي مهتاب شاه خبریالانو ته ویلي، بس د چټکتیا له کبله اوښتی دی.

د نوموړي د څرګندونو له مخې، د لومړنيو معلوماتو پر بنسټ، په دې پېښه کې ١٩ کسان وژل شوي او ١١ نور ټپيان دي؛ خو ښايي د قربانیانو شمېر ډېر شي.

د پاکستان د دولتي ټلویزيون د خبر له مخې، د دغه هېواد لومړي وزير محمد شهباز شريف پر دغې پېښې خواشيني څرګنده او ټپيانو ته يې د بېړنۍ طبي مرستې لارښوونه کړې ده.

د پاکستان لومړي وزیر ویلي، چې د ټپیانو د درملنې په اړه به له هیڅ راز هڅو ډډه ونه کړي.

د معلوماتو له مخې، د بلوچستان ايالتي وزير عبدالقدوس بزنجو هم پر ژوب روغتون سربېره په ټولو طبي مرکزونو کې د دې پېښې د ټپيانو د درملنې لپاره بېړنى حالت اعلان کړى دى.

Continue Reading

نړۍ

د امریکا په تکزاس ایالت کې ۴۶ ناقانونه کډوال مړه شوي

Published

on

(Last Updated On: چنګاښ ۷, ۱۴۰۱)

د یو لړ راپورونو له مخې؛ د دوشنبې پر ورځ د امریکا په تکزاس ایالت کې له یوه کانتینره د نا قانونه کډوالو ۴۶ مړي راایستل شوي دي.

د رویترز د څرګندونو له مخې دغه پېښه د چنګاښ پر ۶ د جون پر ۲۷ د ټکزاس ایالت د انتونیو ښار په اړوند سیمه کې رامنځته شوې ده.

سرچینې په ډاګه کړې؛ دا کانتینر په یوه تېلر موټر کې بار و، چې د انتونیو ښار د سویل لویدیځ لوري ریل پټلیو ته نږدې درول شوی و.

یادې سرچینې د پولیسو د څرګندونو له مخې راپور ورکړی؛ له موندل شوي کانتینر څخه د څلورو ماشومانو په ګډون شپږ نور کسان، چې روغتیایي حالت یې د تودوخې او ستړیا له کبله د اندېښنې وړ دی روغتون ته لېږدول شوي دي.

د یو لړ راپورونو له مخې؛ د تېلر چلوونکی له سیمې تښتېدلی او پولیسو یې د پلټنې چارې پیل کړې دي.

چارواکو دا هم ویلي، چې د پېښې په تړاو یې درې کسان نیولي هم دي.

د امریکا ټکزاس ایالت له مکسیکو سره ګډه پوله لري او له مکسیکو څخه هره ورځ سلګونه کډوال ټکزاس ته داخلیږي.

د امریکا او مکسیکو په پوله کې د کډوالو پر تګ راتګ بندیزونو د دې ایالت د دیموکراتانو اندېښنې راپارولي د امریکا د ولسمشر جو بایډن د کډوالۍ پر پالیسیو نیوکې کیږي.

د مکسیکو د بهرنیو چارو وزیر مارسیلو ابرارد تویت کړی؛ دا یوه خواشینوونکې پېښه ده او څرګندويٍ، چې تر دې دمه د زیانمنو کډوالو تابعیت او ځای تائید شوی ندی.

د یادونې ده، چې ځايي پولیسو تر دې دمه د دې پېښې بشپړ جزئیات ښکاره کړي ندي‌.‌

Continue Reading

Trending

Copyright © 2022 Ariana News. All rights reserved!