تازه خبرونه
په هرات کې د ۵.۳ میلیون ډالرو پر ارزښت د مالګې د استخراج تړون وشو
د هدایت الله بدري د څرګندونو له مخې؛ دا ۱۵ کلن تړون دی او د هر ټن لپاره ۱۵۰۰ افغانی رویالټي په دې شرط ټاکل شوې، چې ټول قوانین او مسوولیتونه ومنل شي.
د کانونو او پټرولیم وزیر هدایت الله بدري د هرات ولایت د غوریان ولسوالۍ د نمکسار سیمې د پېنځم بلاک د استخراج تړون له یوه خصوصي شرکت سره لاسلیک کړ، چې ۱۰.۵۱ مربع کیلومټره مساحت لري او ارزښت یې له ۵.۳ میلیون ډالرو ډېر دی.
د هدایت الله بدري د څرګندونو له مخې؛ دا ۱۵ کلن تړون دی او د هر ټن لپاره ۱۵۰۰ افغانی رویالټي په دې شرط ټاکل شوې، چې ټول قوانین او مسوولیتونه ومنل شي.
د یاد تړون له مخې؛ شرکت د ټولنیزو خدمتونو او چاپېریال ساتنې پروژې پلي کولو ته هم اړ پېژندل شوی او شاوخوا ۱۱۰ کسانو ته د کار زمینه برابروي.