Connect with us

تازه خبرونه

په هېواد کې پر کرونا ویروس د اخته کسانو شمېر نږدې ۲۵۰۰ ته پورته شو

Published

 on

(Last Updated On: غویی ۱۳, ۱۳۹۹)

د عامې روغتیا وزارت ویلي؛ په افغانستان کې پر کرونا ویروس د اخته کسانو شمېر نږدې ۲۵۰۰ کسانو ته رسیدلی، چې له نننیو ۱۷۹ مثبتو پېښو څخه یوازې ۷۵ یې د کابل او پاتې د نورو ولایتونو دي.

د عامې روغتیا وزارت ویاند وحیدالله مایار وایي، په تېرو څلیریشت ساعتونو کې د کرونا ویروس ۱۷۹ مثبت پېښې ثبت شوي، چې په کابل کې ۷۵، په هرات کې ۲۳، په بلخ ۱۸، په جوزجان کې ۱۶، په کندهار کې ۱۵، په غزني کې ۱۰، په بغلان کې ۷، په لوګر کې ۵، په تخار کې څلور، په غور کې درې، په زابل کې دوه او په هلمند کې یوه پېښه ثبت شوې ده.

له دې سره په ټول هېواد کې پر کرونا ویروس د اخته کسانو شمېر ۲۴۶۹ کسانو ته رسیدلی دی.

دغه راز په تېرو ۲۴ ګړیو کې پر کرونا ویروس اخته څلور کسان مړه شوي؛ ۲۱ رغیدلي، چې له دې سره د کرونا ویروس د قربانیانو شمېر ۷۲ کسانو ته رسیږي.

په دې وروستیو کې د افغانستان د بیارغونې د څېړنې ځانګړي مفتش ویلي، چې په هېواد کې د کمزوري روغتیایي سیستم له کبله ښایي کرونا ویروس ناورین رامنځته کړي.

تازه خبرونه

ملګرو ملتونو افغانستان ته د ۱۱۰ میلیون ډالرو غوښتنه وکړه

Published

on

(Last Updated On: چنګاښ ۷, ۱۴۰۱)

ملګرو ملتونو د دوشنبې پر ورځ د افغانستان په پکتیکا او خوست ولایتونو کې له ۳۶۰ زرو څخه د ډېرو زلزله ځپليو د ژوند ژغورنې لپاره د ۱۱۰ میلیون ډالرو بېړنۍ مرستې غوښتنه وکړه.

دغه مرسته په راتلونکیو درې میاشتو کې د اړتیا وړ ده.

د بشردوستانه چارو د همغږۍ په چارو کې د ملګرو ملتونو دفتر (UNOCHA) ویلي، چې نوې غوښتنه د سږکال د بشري غبرګون د طرحې یوه برخه ده، چې ۴ اعشاریه ۴ میلیارد ډالرو ته اړتیا لري؛ خو په لویه کچه یوازې یو پر درېیمه برخه کمه شوې ده.

دغه بنسټ په ډاګه کړې: مونږ او زمونږ ونډوال له نورو بشري پروګرامونو څخه اکمالات، پرسونل او سرچینې په پور اخلو.

په پکتیکا او خوست ولایتونو کې د چارشنبې د ورځې زلزلې له ۱۰۰۰ ډېر کسان مړه کړل او سلګونه کورونه یې ویجاړ او یا زیانمن کړي دي.

د افغانستان لپاره د ملګرو ملتونو د مرستو همغږي کوونکي رامز الاکبروف د پکتیکا ولایت له زلزلې څپلې  سیمې څخه د لیدنې پر مهال په یوه ویډیويي پیغام کې ویلي؛ مونږ له نړۍ غوښتنه کوو، چې د مهرباني له مخې مرسته وکړئ او مونږ د دې غمیزې د حل لپاره بشپړ ملاتړ ته اړتیا لرو.

Continue Reading

تازه خبرونه

د چين د بهرنيو چارو وزير له زلزله ځپلیو سره د مرستې ژمنه وکړه

Published

on

(Last Updated On: چنګاښ ۷, ۱۴۰۱)

د چین د بهرنیو چارو وزیر وانګ يي د دوشنبې پر ورځ له خپل افغان سیال مولوي امیر خان متقي سره په ټیلیفوني خبرو کې د تېرې اوونۍ د زلزلې له قربانیانو ملاتړ څرګند کړ.

د چين د بهرنيو چارو وزارت د څرګندونو له مخې؛ وانګ يي پر دغه طبیعي ناورین خواشيني څرګنده کړه او وایي؛ چين چمتو دی، چې له افغانستان سره د اړتياوو پر بنسټ پخپل وخت مرستې.

هغه زیاته کړې، د چين له مرکزي او ځايي حکومتونو نيولې تر ټولنيزو بنسټونو او تصديو پورې د چين بېلا بېلو ځواکونو افغانستان ته د بېړنيو بشري مرستو د رسولو او له افغانانو سره د مرستې لپاره وخت پر وخت کار کړی دی.

د وانګ د څرګندونو له مخې؛ د خېمو، کمبلو او نورو توکو لومړۍ ټولګه د چارټر الوتکو له لارې لېږدول شوې او ژر تر ژره به نغدي او نور مرستندويه توکي هم ولېږدول شي.

د افغانستان بهرنیو چارو وزارت هم په ډاګه کړې، چې د دې وزارت چارسمبالي مولوي متقي ترې مننه کړې او وایي، چې د افغانستان اسلامي امارت زلزله ځپلیو ته پخپل وخت خوراکي او طبي مرستې رسولي دي.

د افغانستان د بهرنیو چارو وزارت د څرګندونو له مخې؛ زلزله ځپلي دمګړۍ سرپناه ته بېړنۍ اړتیا لري.

د بهرنیو چارو وزارت په خبرپاڼه کې راغلي، چې دواړو لوریو پر سیاسي اړیکو هم خبرې وکړې.

وانګ يي ويلي، چې پر افغانستان د بنديزونو مخالف دى او زياتوي، چې په بيجينګ کې د افغانستان سفارت ښه فعاليت کوي او په دوه اړخيزو اړيکو کې ښه رول لوبوي.

وانګ يي څرګنده کړې؛ چين به ډېر ژر افغان سوداګرو ته د ويزو ورکولو لړۍ هم پيل کړي او چين ته به د افغان محصلينو د راستنېدو په برخه کې آسانتياوې رامنځته کړي.

هغه دا هم ویلي، چې د افغانستان او چین تر منځ به هوايي دهلېز ژر عملي بڼه خپله کړي.

مولوي متقي د افغانستان په اړه د چین له رغنده پالیسۍ هرکلی وکړ او هیله یې څرګنده کړه، چې له دې سره به د دواړو هېوادونو ترمنځ په ځانګړې توګه د وچو میوو سوداګري پراخه شي.

د تېرې چارشنبې پر ورځ د افغانستان په پکتیکا او خوست ولایتونو کې د ریښتر پر کچه ۶،۱ درجې زلزلې له ۱۰۰۰ ډېر کسان مړه او له ۳۰۰۰ ډېر کورونه ویجاړ کړل.

د چین حکومت پرېکړه کړې، چې د دغې زلزلې له قربانیانو سره به د شاوخوا اووه نیم میلیون ډالرو پر ارزښت بشري مرستې چمتو کړي.

Continue Reading

تازه خبرونه

څار: د سترې غوندې د جوړېدو لپاره د حکومت چمتووالی

Published

on

(Last Updated On: چنګاښ ۶, ۱۴۰۱)

Continue Reading

Trending

Copyright © 2022 Ariana News. All rights reserved!