Connect with us

نړۍ

په ټوله نړۍ کې ۱۰۰ میلیون ډېر خلک جبري کډوال شوي – ملګري ملتونه

Published

 on

(Last Updated On: غبرګولى ۲, ۱۴۰۱)

د کډوالو په چارو کې د ملګرو ملتونو عالی کمیشنرۍ د دوشنبې پر ورځ څرګنده کړې، چې په ټوله نړۍ کې له ۱۰۰ میلیون ډېر کسان له خپلو کورونو بې ځایه شوي دي.

د کډوالو لپاره د ملګرو ملتونو عالي کمیشنرۍ ویلي، چې د اوکراین شخړه یو له هغو عواملو څخه ده، چې میلیونونه کسان یې تیښتې ته اړ کړل.

هغه زیاته کړې؛ د ایتوپیا او کانګو ډیموکراتیک جمهوریت په څیر سیمو کې اوږدې شخړې د کډوالۍ یو بل عامل دی.

د کډوالو لپاره د ملګرو ملتونو عالي کمیشنر فیلیپو ګرانډي په په ډاګه کړې: دا یو ریکارډ دی، چې باید هیڅکله نه وي جوړ شوی.دا باید د ویجاړوونکیو شخړو د حل او مخنیوي لپاره د بیدارۍ غږ وي، ځورونې پای ته ورسوي او د بې ګناه خلکو اصلي لاملونه په ګوته کړي، چې د خپلو کورونو پریښودو ته اړ کیږي.

د ملګرو ملتونو د کډوالو عالي کمېشنرۍ د معلوماتو له مخې؛ په دې شمېر کې کډوال، پناه غوښتونکي او داخلي بې ځایه شوي کسان هم شامل دي.

تېره اوونۍ یوه بشري بنسټ اعلان وکړ، چې د تېر کال تر پایه په یو شمېر هېوادونو کې د بې ځایه شویو کسانو شمېر ۶۰ میلیون ته رسېدلی دی.

ګراندي د بې ځایه کیدو لاملونو ته د رسیدو لپاره د اقدام غوښتنه وکړه او څرګندوي، چې بشري مرستې به یوازې د هغو د پایلې درملنه وکړي.

د دغې لیوالتیا یوازنۍ حللار سوله او ثبات دی، چې بې ګناه خلک تېښتې او کډوالۍ ته اړ نکړي.

نړۍ

د امریکا په تکزاس ایالت کې ۴۶ ناقانونه کډوال مړه شوي

Published

on

(Last Updated On: چنګاښ ۷, ۱۴۰۱)

د یو لړ راپورونو له مخې؛ د دوشنبې پر ورځ د امریکا په تکزاس ایالت کې له یوه کانتینره د نا قانونه کډوالو ۴۶ مړي راایستل شوي دي.

د رویترز د څرګندونو له مخې دغه پېښه د چنګاښ پر ۶ د جون پر ۲۷ د ټکزاس ایالت د انتونیو ښار په اړوند سیمه کې رامنځته شوې ده.

سرچینې په ډاګه کړې؛ دا کانتینر په یوه تېلر موټر کې بار و، چې د انتونیو ښار د سویل لویدیځ لوري ریل پټلیو ته نږدې درول شوی و.

یادې سرچینې د پولیسو د څرګندونو له مخې راپور ورکړی؛ له موندل شوي کانتینر څخه د څلورو ماشومانو په ګډون شپږ نور کسان، چې روغتیایي حالت یې د تودوخې او ستړیا له کبله د اندېښنې وړ دی روغتون ته لېږدول شوي دي.

د یو لړ راپورونو له مخې؛ د تېلر چلوونکی له سیمې تښتېدلی او پولیسو یې د پلټنې چارې پیل کړې دي.

چارواکو دا هم ویلي، چې د پېښې په تړاو یې درې کسان نیولي هم دي.

د امریکا ټکزاس ایالت له مکسیکو سره ګډه پوله لري او له مکسیکو څخه هره ورځ سلګونه کډوال ټکزاس ته داخلیږي.

د امریکا او مکسیکو په پوله کې د کډوالو پر تګ راتګ بندیزونو د دې ایالت د دیموکراتانو اندېښنې راپارولي د امریکا د ولسمشر جو بایډن د کډوالۍ پر پالیسیو نیوکې کیږي.

د مکسیکو د بهرنیو چارو وزیر مارسیلو ابرارد تویت کړی؛ دا یوه خواشینوونکې پېښه ده او څرګندويٍ، چې تر دې دمه د زیانمنو کډوالو تابعیت او ځای تائید شوی ندی.

د یادونې ده، چې ځايي پولیسو تر دې دمه د دې پېښې بشپړ جزئیات ښکاره کړي ندي‌.‌

Continue Reading

نړۍ

د G-7 مشرانو له اوکراینه د ملاتړ ژمنه څرګنده کړه

Published

on

(Last Updated On: چنګاښ ۶, ۱۴۰۱)

د اووه اقتصادي قدرتونو مشرانو له اوکراین څخه د اوږدې مودې د ملاتړ ژمنه کړې او ټاکل شوې، چې د آلمان د آلپس په غرنۍ سیمه کې د ناستې پر مهال د اوکراین له ولسمشر ولادیمیر زیلینسکي سره انلاین خبرې وکړي.

د G-7 مشران به د دوشنبې پر ورځ خپله درې ورځنۍ سرمشریزه له اوکراین څخه پر ملاتړ پیل او راوڅرخوي.

د اسوشیتید پریس د څرګندونو له مخې؛ د پېنځه دیموکراتیکو مخ پر ودې اقتصادونو مشران ( هند، اندونیزیا، سویلي آفریقا، سنګال او ارجنټاین) د اقلیم د بدلون، انرژۍ او نورو مسلو په اړه له خبرو اترو وروسته هم له هغو سره یوځای شي.

د اوکراین جګړې د دغو هېوادونو د مشرانو ذهنونه اغېزمن کړي او د یکشنبې پر ورځ یې د سیمې په یوه ښکلي هوټل کې خپله سرمشریزه په داسې حال کې پرانیستله، چې روسي توغنديو له څو اوونیز ځنډ وروسته یو څل بیا د اوکراین مرکز کیف تر برید لاندې ونیوه.

د امریکا ولسمشر جو بایډن ویلي، چې د روسیې ولسمشر ولادیمیر پوتین له پیل څخه په دې فکر کې دی، چې ناټو او G-7 به ووېشل شي؛ خو مونږ دا کار ونکړ او کوو یې هم نه!

 د بریتانیا بوریس جانسون مشرانو ته خبرداری ورکړ، چې ځانونه ستومانه احساس نکړي.

د آسوشیتید پریس د څرګندونو له مخې؛ د دوشنبې پر ورځ، دوی فرصت لري، چې زیلینسکي ته خپل دا یووالی وښيي او له کیف سره د مالي او نور ملاتړ لپاره خپله ژمنه بیا تائید کړي.

بایډن هیله من دی، چې اروپا ته له خپل سفر څخه ګټه پورته کړي؛ د ائتلاف د یووالي اعلان وکړي، روسیې ته پر اوکراین د برید سزا ورکړي او فشار پرې راوړي. په داسې حال کې، چې پر اوکراین برید پېنځمې میاشتې ته غزېدلی دی.

د سرمشریزې کوربه هېواد لومړی وزیر اولاف شولز ډاډمن دی، چې له دې ناستې د اوکراین لپاره د مارسال پلان د پلي کولو لپاره ګټه پورته او دا هېواد بیا ورغول شي.

شولز ویلي، چې د اوکراین بیا رغول به نسلونه وخت ونیسي.

د G-7 هېوادونو هوکړه کړې، چې د اوکراین سمدستي اړتیاوې تمویل کړي.

د دې ډلې د مالیې وزیرانو تېره میاشت هوکړه کړې وه، چې کیف ته ۱۹ اعشاریه ۸ میلیارد ډالرو اقتصادي مرستې چمتو کړي، چې وکولی شي د روسي ځواکونو پر وړاندې دفاع وکړي.

Continue Reading

نړۍ

د اووه هېوادونو ډله له روسیې څخه د سرو زرو پر وارداتو بندیز لګوي

Published

on

(Last Updated On: چنګاښ ۵, ۱۴۰۱)

د امریکا ولسمشر جوبایډن ویلي، چې د اووه هېوادونو ډله به له روسیې څخه د سرو زرو پر وارداتو بندیز ولګوي.

د بریتانیا لومړي وزیر بوریس جانسون هم ویلي، چې امریکا، انګلستان، جاپان او کاناډا به د روسیې اولیګارشان پر نښه او د پوتین د جنګي ماشین زړه ولړزوي.

تېر کال روسیې د سرو زرو له صادراتو څخه شاوخوا ۱۵میلیارده  او ۵۰۰ میلیون ډالر عاید ترلاسه کړی و.

د اووه هېوادونو ډله به د سې شنبه، چې د دې ډلې د سرمشریزې وروستۍ ورځ ده؛ د آلمان په سویل باواریا کې پر رسمي بڼه له روسیې څخه د سرو زرو واردات وځنډوي.

جي – ۷ هېوادونو ډلې له دې مخکې پر مسکو د اوکراین د یرغل له کبله سخت بندیزونه لګولي دي.

بایډن لیکلي: امریکا د روسیې د ولسمشر ولادیمیر پوتین د هڅو د مخنیوي لپاره بې ساري لګښتونه کړي او امریکا غواړي روسیه له هغو عایداتو بې برخې کړي، چې د اوکراین پروړاندې ترې د جګړې اړتیاوې پوره کوي.

Continue Reading

Trending

Copyright © 2022 Ariana News. All rights reserved!