Connect with us

سیمه ییز خبرونه

په پاکستان کې د مرستو د وېش پر مهال له ګڼه ګوڼې ۱۱ کسان مړه شوي

Published

 on

(Last Updated On: وری ۱۲, ۱۴۰۲)

د پاکستان پولیسو په ډاګه کړی، چې د جمعې پر ورځ په کراچۍ ښار کې د مرستو د وېش پر مهال د ګڼه ګوڼې له کبله لږ تر لږه ۱۱ کسان مړه شوي دي.

د پولیسو یوه جګپوړي افسر، فدا جانواري ویلي؛ د کراچۍ د لویدیځ د بالدیه په اړوند سیمه کې هغه مهال  ټېل ماټېل رامنځته شو، چې یوې کارخونې اړمنو میرمنو او ماشومانو ته د مرستو د وېش بهیر پیل کړ.

هغه د فرانسې خبري سرچینې ته ویلي: هلته وحشت رامنځته شو او خلکو ورمنډه کړه.

د یوه ځايي چارواکي د څرګندونو له مخې؛ په یوه کوچني صنعتي کمپلکس کې له ۶۰۰ تر ۷۰۰ کسان بند پاتې ول.

٢٢ کلنه فاطمه نور، چې خور يې په دې پېښه کې مړه شوې وایي: کله، چې اصلي دروازه خلاصه شوه، ټول خلک دننه ورغلل.

۳۰ کلنې اسما احمد ویلي، چې په مړو شویو کې یې لمسی او وراره هم شته.

هغې ويلي: مونږ هر کال کارخونې ته د زکات د ترلاسه کولو لپاره راځو.

اسما زیاته کړې: هغو ښځې وهلې او څارلې. ګډوډي رامنځته شوه. که دوی مدیریت نشو کولی؛ ولې یې مونږ ته بلنه راکړه؟!

پولیسو اعلان کړی، چې د کارخونې درې کارکوونکي د دې مراسمو په اړه د معلوماتو د نه وړاندې کولو پر تور نیول شوي دي.

سیمه ییز خبرونه

په سپين بولدک کې د باروړونکیو موټرو لپاره نارسمي لار پرانستل شوه

Published

on

(Last Updated On: غبرګولى ۱۰, ۱۴۰۲)

د افغانستان او پاکستان د هوکړې له مخې؛ د سپين بولدک ولسوالۍ د وېش په سيمه کې د ديورند پر فرضي کرښه د باروړونکیو موټرو د تګ راتګ لپاره يوه نارسمي لار پرانستل شوه.

د کندهار ولایت په سپين بولدک ولسوالۍ کې د هېواد پر کچه پر لوی سوداګريز بندر د ورځې سلګونه لوی باروړونکي موټر، چې د کرښې دواړو لوریو ته اوړي او رااوړي؛ ډېره ګڼه ګوڼه جوړه کړې وه او باروړونکي موټر ډېر ځنډېدل، چې د سوداګريزو توکو د خرابېدو او او ناوخته رسېدو سبب ګرځېدل، نو د همدې ستونزې د اوارۍ لپاره افغان او پاکستانيو سوداګرو له حکومتونو څخه د دې ستونزې د حل غوښتنه وکړه، چې په پای کې  پر فرضی کرښه يوه نارسمي لار پرانستل شوه او په سوداګريزو چارو کې یې آسانتياوې رامنځته کړې .

 سوداګر وايي، چې دې لارې دوی ته ډېرې اسانتیاوې برابرې کړې دي.

 د سوداګرو د څرګندونو له مخې؛ پر عمومي لار د ډېرې ګڼې ګوڼې له کبله لوی موټر پر ورځو ورځو  دریدلي وي، خو اوس دا ستونزه حل شوې ده. د لويو موټرو چلوونکي د حکومتونو دا نېک اقدام ستايي او په دې برخه کې د نور پر مختګ هيله من دي .

د سپين بولدک د سوداګرۍ خونې او پانګونې رييس حاجي محمد صديق وایي: له پاکستان سره پرسرحد مو دروازه فعاله او ودروله؛ پرهغه بلې ډېر رش وي، څلور یا پېنځه ساعته به زمونږ ترانزيت موټرو تېرول. د دغې ستونزې د حل لپاره د پاکستان او افغانستان سوداګر سره کېناستل نوې دروازه يې مونږ ته راخلاصه کړه.

پر دې لار د لويو باروړونکیو موټرو چلوونکي د حکومتونو دا کړنه ستايي او وايي، اوس يې تر ډېره د تګ او راتګ په وخت کې ستونزې حل شوي دي.

موټر چلوونکی عبدالجبار وایي: مخکې مونږ ته ډېر مشکلات ول. اوس ان شاالله نه رش شته نه‌شته؛ ښه په امنيت اوړو او ښه په امنیت رااوړو.

د سپين بولدک اوسيدونکي هم په سوداګريزو چارو کې د حکومتونو ترمنځ د نورو مثبتو پرمختګونو غوښتونکي دي او دا کړنه د سوداګريزو چارو د پراختيا لامل ګڼي .

دسپين بولدک اوسيدونکی کمال الدين ویلي: زما په اند که دلته د تجارنو لپاره ستونزې حل شي؛ دوی ته آسانتياوې رامنځ ته شي، دلته به پر زياته کچه خلک تجارت ته وهڅول شي. د سپين بولدک له لارې، چې کوم عايد ۶۰ فيصده یا ۷۰ فيصده و اوس به ۸۰ یا ۹۰ فيصدو ته پورته شي.

د يادونې ده، چې څه موده وړاندې د سويل لويديخې حوزې د سوداګرۍ خونو د مشرانو او د کندهار د اړوند دولتي مسوولينو تر منځ هم د دې حوزې د تازه او وچو ميوو د صادراتو له پيل مخکې د ستونزو پر اواري غونډه جوړه شوې وه، چې دولتي مسوولينو په دې برخه کې د هر راز همکارې ډاډد ورکړی و.

Continue Reading

سیمه ییز خبرونه

د پاکستان او روسیې تر منځ د سوداګرۍ دوه اړخیز بحري لېږد رالېږد پیل شو

Published

on

(Last Updated On: غبرګولى ۱۰, ۱۴۰۲)

پاکستان د روسیې د سنت پیترزبورګ او کراچۍ بندرونو ترمنځ د سوداګریزو کانتینرونو د لیږد رالېږد له لومړنۍ کښتۍ هرکلی وکړ.

دا نوې سوداګریزې اړیکې د پاکستان د پاک شاهین او روسیي نیکولاین شرکتونو ترمنځ د تړون پایله ګڼل شوې ده، چې له مخې یې د پاکستان سوداګریز توکي د روسیې بازارونو او د روسیې هغه د پاکستان بازارونو ته لېږدول کیږي.  

  د پاک شاهین شرکت اجرائیوي رییس عبدالله قیصر په دې اړه د پاکستان ایکسپرس تریبیون ورځپاڼې ته ویلي؛ لومړنۍ کریستال نومې بېړۍ د روسیې له سنت پیترزبرګه روانیږي؛ له سویز کانال، سره سمندرګي او د هند سمندر له لارې کراچۍ بندر ته رارسیږي، چې دا دوه اړخیزې سوداګریزې اړیکې روسیې او پاکستاني سوداګرو ته ګټه رسوي.  

پخوا به روسيې ته په غير مستقيم ډول او د ترانزيتي بندرونو له لارې د مالونو صادرات ډېر وخت ضايع کاوه؛ خو اوس مستقيم لېږد له پاکستانيو سوداګرو سره مرسته کوي، چې د خپلو صادراتو کچه لوړه کړي.

نوموړي زیاته کړې، چې د روسیې بازار ته د پاکستانيو محصولاتو په رسولو کې ځنډ د سیالو هېوادونو په ګټه و.

هغه دا هم په ګوته کړه، چې د درېیم هېواد له لارې روسیې ته د پاکستانيو میوو لیږد له ۵۰ ورځو څخه ډېرځنډېدل. په داسې حال کې، چې اوس د دې مستقیم خدمت له لارې دا ډول صادرات د ۱۹ څخه تر ۲۴ ورځو پورې خپل منزل ته رسیږي.

ویل کیږي، چې په روسيه کې د پاکستانيو محصولاتو لپاره ډېره تقاضا ده، چې له مستقيم بحري لېږد رالېږد سره به د دوی سيالي نوره هم ډېره شي.

Continue Reading

سوداگري

په روان کال کې د هرات کروندګرو ته د وریښمو چینجي ووېشل شول

Published

on

(Last Updated On: غبرګولى ۸, ۱۴۰۲)

د هرات د کرنې او مالدارۍ ریاست ويلي، چې په روان کال کې یې د ورېښمو شاوخوا ۳۶۰۰ صندوقه د وریښمو چینجي کروندګرو ته وېشلي، چې سږ کال یې پایلو ته ډېرې هیلې شته.

دا مهال د ورېښمو د چینجیو د محصول یا وریښمو تار د را ټولولو وخت دی.

سږ کال د ورېښمو د چينجيو څه باندې درې زره صندوقونه په زنده جان، انجيل، ګذرې او پښتون زرغون ولسواليو کې بزګرانو ته وېشل شوي دي.

د هرات د کرنې او مالدارۍ رياست د ترویج او مالدارۍ عمومي رییس خلیل احمد بهمنش وايي، چې ۸۰ په سلو کې د وریښمو د چنجیو پالنه په زنده جان ولسوالۍ کې ترسره کیږي.

د وریښمو د چینجیو پالنه زیارګلوونکی صنعت دی؛ کروندګر او د چینجیو پالونکي د ورېښمو تار اسانه تر لاسه کولی نه‌شي.

کروندګر وايي، د تېر کال پر پرتله د ورېښمو بازار پیکه دی.

د وریښمو د چینجیو په پالنه کې تر ډېره میرمنې بوختې دي.

د وریښمو چینجیو پالونکې شتابه جلال ویلي؛ د ورېښمو د چينجيو له پاللو څخه نيولې بيا د ورېښمو د تارونو د بېلولو او د ورېښمنو جامو د توليدولو چارې تر ډېره د ښځو لخوا ترسره کېږي.

سږ کال هغه کورنۍ، چې د ورېښمو چینجي یې ساتلي هيله لري، چې ښه حاصلات به ولري.

په دې صنعت بوخت کسان وايي، چې سږ کال د وریښمو بازار پیکه دی.

په هرات کې د ورېښمو صنعت شپږ سوه کلن تاریخ لري. اوس هم ډېرو کورنیو دغه پخوانی مسلک ساتلی او د ورېښمو چینجي معمولاً د توتانو پر پاڼو تغذیه کوي.

Continue Reading

Trending

Copyright © 2022 Ariana News. All rights reserved!