سیمه ییز خبرونه
په پاکستان کې د پولیسو پر حوزه د برید ځاني زیانونه ۷۶ کسانو ته پورته شول
د پاکستان رادیو د څرګندونو له مخې؛ د سوات په کبل سیمه کې د دوشنبې پر شپه د ترهګرۍ ضد پولیسو پر مرکز له دوه بمي چاودنو ۱۶ کسان وژل شوي او شپیته نور ټپیان دي.
د سیمهییزو راپورونو له مخې؛ ژوبل کسان د سیدو شریف سوات مرکزي روغتون ته رسول شوي دي.
چاودنې د پولیسو د حوزې ودانۍ ړنګه کړې ده.
د سوات ټولو لويو هسپتالونو کې بېړنی حالت اعلان شوی دی.
اړوند پولیسو په یوه خپره شوې اعلامیه کې ویلي، چې پر مهمات اور لګیدلی؛ خو شونې ده، چې اورلګېدنه د برښنا له شارتۍ رامنځته شوې وي. تر اوسه له بهر څخه د برید شواهد ترلاسه شوي ندي.
د پاکستان پولیس او پوځ په دې دره کې د ترهګرۍ ضد پولیسو حضور او شتون د پام وړ بولي، چې د هر راز بریدونو د مخنیوي وس لري.
سیمهییزو پولیسو ویلي، د چاودنې نور اړخونه تر څېړنې لاندې دي.
ویل کیږي، چې زياتره وژل شوي کسان له ترهګرۍ سره د مبارزې پولیس او افسران دي؛ خو دغه راز د يوې ښځې او د هغې د ماشوم د وژل کېدل هم منل شوي، چې د چاودنو پر مهال له سیمې تېرېدل.