Connect with us

سیمه ییز خبرونه

په پاکستان کې له تاواریخوالي وروسته د عمران خان د پلویانو ځپل او نیول پیل شول

خپور شوی

د

رویترز راپور ورکړی، چې د چارشنبې پر ورځ په پاکستان کې پولیسو له واکه د لري شوي لومړي وزیر عمران خان له نیول کیدو وروسته د هغه په سلګونه ملاتړي د فساد او تاوتریخوالي د رامنځته کولو پر تور نیولي دي.

د سې شنبې پر ورځ په داسې حال کې د کرکت پخوانی اتل او د پاکستان تر ټولو نومیالي سیاستوال ونیول شو، چې خلک او حکومت له سیاسي او اقتصادي ستونزو سره مخ دي.

د ګرځنده اړیکو خدمتونه د دوه‌یمې ورځې لپاره بند شوي؛ د تویتر، یوتیوب او فیسبوک کاري برخه هم له ګډوډه شوې، ځکه امنیتي ځواکونو د سې شنبې پر ورځ ناوخته په تاوتریخوالي کې د یو کس له وژلو وروسته د نظم بېرته راوستلو هڅه پیل کړه.

حکومت ویلي، چې د عمران خان د پاکستان تحریک انصاف ګوند پلویانو پر دولتي ودانیو بریدونه کړي؛  شخصي او دولتي موټرو ته یې زیانونه رسولي دي.

پولیسو ویلي، د هغه ۹۴۵ پلویان په پنجاب صوبه کې له هغې وروسته ونیول شول، چې د پولیسو ۲۵ ګاډي او له ۱۴ زیاتې دولتي ودانۍ وسوځول شوې.

د پاکستان د پلان جوړولو وزير احسن اقبال يوې خبري غونډې ته ويلي: دا نه‌شي زغملای؛ قانون به خپل کار کوي. دا له تاوتریخوالي ډک بریدونه د کوم عام پاڅون پایله نه‌ده، بلکې دوی د پی ټي آی له لوري هڅول شوي دي.

پولیسو د پاکستان له څلورو صوبو څخه په درې هغو کې د عمران خان پلویان له پولیسو سره له شخړو او تاوتریخوالي وروسته د دوی پر ټولو غونډو بندیز ولګاوه.

۷۰ کلن عمران خان د فساد پر وړاندې د مبارزې ادارې لخوا د اسلام‌آباد له عالي محکمې نیول شوی دی. رویترز د پولیسو د څرګندونو له مخې راپور ورکړی، چې د محکمې اوریدنه به د اسلام آباد د پولیسو په څارنځي په اړوند سیمه کې ترسره شي.

د نوموړي ګوند له خپلو ملاتړیو څخه د ۲۲۰ ملیلوني پاکستان په پلازمېنه کې د راټولېدو غوښتنه کړې ده.

د پاکستان ډان ورځپاڼې په یوه سرمقاله کې څرګنده کړې، چې د لاریونونو بڼه او ځای، چې پرون د عمران خان له نیول کېدو وروسته رامنځ ته شول؛ د دې ښکارندویي کوي، چې خلک پر پوځ غصه شوي دي.

رویټرز راپور ورکړی، چې د پیسو نړیوال صندوق خپلې مرستې پاکستان ته ځنډولې دي. په داسې حال کې، چې د بهرنیو اسعارو زیرمې یې نه یوازې د یوې میاشتې وارداتو لپاره کافي ندي، بلکې د نورو اسعارو پر پرتله د کلدارې ارزښت هم راټیټ شوی دی.

د دې ګوند مرستیال قریشي پرون تویت کړی و، چې مونږ د PTI کورنۍ کارکوونکيو، پلویانو او د پاکستان خلکو ته سپارښتنه کړې، چې د دې غیرقانوني چلند پر وړاندې خپل سوله‌ییز احتجاج روان وساتي.

لاریونونو په یو شمېر ښارونو کې کاروبار ګډوډ کړی دی.

رویترز راپور ورکړی، چې په پېښور کې د چرګانو پلورونکی ملاګل خان ویلي، چې د هغه او نورو دکانونه په تاوتریخوالي کې ویجاړ شوي دي.

۲۵ کلن راجه عمران، چې د پېښور اوسېدونکی دی وایي، په ټول هېواد کې ګډوډي روانه ده … امتحانونه روان دي او د ښوونځي ماشومان به پوره زيانمن شي.

عمران خان د ۲۰۲۲ کال په اپریل کې د پارلمان د عدم اعتماد په رایه کې د لومړي وزیر په توګه ګوښه شو. که څه هم هغه د نومبر په میاشت کې د اسلام‌آباد پر لوري د یوه احتجاجي لاریون د مشرۍ پر مهال ټپي هم شو؛ خو د عامو انتخاباتو د ترسره کیدو غوښتنه یې روانه وساتله؛ خو له ټاکنو مخکې ونیول شو.

په #پاکستان کې د پخواني لومړي وزیر او د تحریک انصاف ګوند د مشر عمران خان له نیول کېدو وروسته د روانو لاریونونو لړۍ مخ پر پراخېدو ده؛ په دې لاریونونو کې لږ تر لږه اته کسان وژل شوي او له ۲۹۰ ډېر نور ټپیان دي. د پنجشنبې پر ورځ د دان ورځپاڼې د راپور له مخې؛ په ټول پاکستان کې له قانون پلي کوونکیو افسرانو سره په نښتو کې له ۱۹۰۰ څخه ډېر #أاریون‌کوونکي نیول شوي دي.

دا په داسې حال کې ده، چې د پاکستان جیو نیوز خبر ورکړ، چې تېره شپه د اسلام‌آباد پولیسو د پاکستان د بهرنیو چارو پخوانی وزیر او د تحریک انصاف ګوند د عمران‌خان مرستیال شاه محمود قریشي هم ونیول شو.

سیمه ییز خبرونه

د پاکستان په بلوچستان ایالت کې د ښوونځي پر بس ځانمرګي برید کړی

د پاکستان پوځ او لومړي وزیر شهباز شریف په یوه بېړنۍ خبرپاڼه کې د تاوتریخوالي غندنه وکړه او “د هند نیابتي ترهګر ځواکونه” یې په دې برید کې پر لاس لرلو تورن کړل.

Published

on

د سیمې چارواکو ویلي، چې د پاکستان په بلوچستان ایالت کې د ښوونځي پر یوه بس ځانمرګي د درې ماشومانو په ګډون پېنځه کسان ووژل.

رویټرز راپور ورکړ، چې د پاکستان پوځ د چارشنبې پر ورځ ویلي؛ په بلوچستان ایالت کې د حربي ښوونځي پر یوه بس د ځانمرګي برید له کبله لږ تر لږه درې ماشومان ووژل شول.

پاکستان د دې برید پړه پر هندي لاسپوڅو ډلو واچوله.

د دې ایالت د خضدار ولسوالۍ والي یاسر اقبال د پېښې په اړه ویلي: “شاوخوا ۴۰ زده‌کونکي په دې بس کې سپاره او د پوځ لخوا اداره کېدونکي ښوونځي ته روان ول او څو کسان یې ټپیان هم شول.”

د پاکستان پوځ او لومړي وزیر شهباز شریف په یوه بېړنۍ خبرپاڼه کې د تاوتریخوالي غندنه وکړه او “د هند نیابتي ترهګر ځواکونه” یې په دې برید کې پر لاس لرلو تورن کړل.

د پوځ د خبرپاڼې له مخې؛ په دې برید کې لږ تر لږه درې ماشومان او دوه لویان وژل شوي دي.

هغه تورونه، چې پاکستان پر هند لګولي دي؛ هغې جګړې ته نغوته(اشاره) کوي، چې دواړو حکومتونو دوه اوونۍ وړاندې د یو بل پر وړاندې کړې وه. د هند او پاکستان لخوا پر پوځي او ملکي سیمو په متقابلو بریدونو کې لسګونه کسان وژل شوي دي.

د بلوچستان د آزادۍ پوځ (BLA) په بلوچستان کې د ډېرو بریدونو مسوولیت پر غاړه اخیستی دی. په داسې حال کې، چې اسلام‌آباد وايي؛ هند له دې وسلوالې ډلې ملاتړ کوي.

هند د پاکستان تورونه رد کړل.

هند په نوي ډیلي کې د پاکستان د عالي کمیشنرۍ دوه‌یم چارواکی هم د یوې اوونۍ په بهیر کې په دې دلیل ، چې “له خپل رسمي حیثیت څخه یې پورته افراطي هڅې کولې” هم له دندې ګوښه کړ.

ویل کیږي، چې د پاکستان شارژدافیر احضار شوی او خبرداری ورکړ شوی؛ ډاډ ترلاسه کړي، چې پاکستاني چارواکي له خپلو امتیازاتو او مقام څخه ناوړه ګټه پورته نکړي.

Continue Reading

سیمه ییز خبرونه

د ایران پارلمان له روسیې سره سټراټیژیک تړون تصویب کړ

د روسیې ولسمشر ولادمیر پوتین او د ایران ولسمشر مسعود پزشکیان د ۲۰۲۵ کال د جنورۍ پراووه‌لسمه دا سټراټیژیک تړون سند لاسلیک کړی دی.

Published

on

د ایران پارلمان نن (چارشنبه) د تهران او مسکو ترمنځ  ۲۰ کلن سټراټیژیک تړون تصویب کړ، چې نه یوازې د دوه اړخیزو اړیکو ژوروالی ښیي، بلکې د دواړو هېوادونو ترمنځ نږدې دفاعي همکاري هم پر ګوته کوي.

د روسیې ولسمشر ولادمیر پوتین او د ایران ولسمشر مسعود پزشکیان د ۲۰۲۵ کال د جنورۍ پراووه‌لسمه دا سټراټیژیک تړون سند لاسلیک کړی دی.

د رویټرز د څرګندونو له مخې؛ د روسیې مقننه قوې په اپریل کې دا تړون تصویب کړ. که څه هم په دې تړون کې د متقابلې دفاع ماده نشته؛ خو دا شرط لري، چې دواړه هېوادونه د ګډو پوځي ګواښونو پر وړاندې همکاري کولی، پوځي- تخنیکي همکاري پراخولی او په ګډو پوځي روزنو کې برخه اخیستلی شي.

په ۲۰۲۲ کال کې د اوکراین د جګړې له پیل راپدېخوا ایران او روسیې خپلې پوځي اړیکې پیاوړې کړې دي.

لویدیځو هېوادونو ایران تورن کړی، چې د روسیې لخوا پر اوکراین د بریدونو لپاره توغندي او ډرونونه چمتو کوي؛ خو تهران دا تورونه رد کړي او څرګندوي، چې روسیې ته یې په اوکراین کې د کارولو لپاره وسلې ندي ورکړي.

په دې سټراتیژیک تړون کې د دواړو هېوادونو ملي او مالي محصولاتو د ترویج له لارې د بانکي او اقتصادي همکاریو پیاوړتیا ته لار اواروي.

تېره اوونۍ هم د روسیې پر مشرۍ د ایران او یوریشیا اقتصادي ټولنې ترمنځ د آزادې سوداګرۍ تړون نافذ شو؛ ورسره تعرفې کمې او سوداګري زیاته شوه، چې موخه ترې د لویدیځ له سختو بندیزونو سره مبارزه ده.

Continue Reading

سیمه ییز خبرونه

بریټانیا، کاناډا او فرانسې د غزې په خاطر اسرائیلو ته د بندیزونو ګواښ وکړ

رویټرز راپور ورکړ، چې د اسرائیلو پوځ د جمعې پر ورځ د نويو عملیاتو د پیل اعلان وکړ او له دې د دوشنبې پر ورځ له دې مخکې نتانیاهو ویلي وه، چې اسرائیل به د ټولې غزې کنټرول تر لاسه کړي.

Published

on

د بریټانیا، کاناډا او فرانسې مشرانو د دوشنبې پر ورځ ګواښ وکړ، چې که اسرائیل په غزه کې خپل نوي پوځي برید ونه‌دروي او د مرستو محدودیتونه لرې نکړي؛ نو پر اسرائیل به بندیزونه ولګوي.

رویټرز راپور ورکړ، چې د اسرائیلو پوځ د جمعې پر ورځ د نويو عملیاتو د پیل اعلان وکړ او له دې د دوشنبې پر ورځ له دې مخکې نتانیاهو ویلي وه، چې اسرائیل به د ټولې غزې کنټرول تر لاسه کړي.

نړیوالو کارپوهانو له دې مخکې له راتلونکي قحطۍ خبرداری ورکړی و.

د بریټانیا د حکومت په خپره شوې ګډه خبرپاڼه کې ویلي: “د اسرائیلو د حکومت لخوا ملکي وګړي له اړینو بشري مرستو بې برخې کول د منلو وړ ندي او له نړیوال بشري قانون څخه د سرغړونې خطر لري. مونږ په لویدیځه غاړه کې د ښارګوټو د پراخولو له هرې هڅې مخالفت کوو… مونږ به د نورو اقداماتو څخه د هدفمند بندیزونو په ګډون ډډه ونکړو.”

نتنیاهو یې په ځواب کې ویلي، چې “د لندن، اوټاوا او پاریس مشران د اوکټوبر پر اوومه پر اسرائیلو د نسل وژنې برید ته ډالۍ وړاندې کوي. په داسې حال کې، چې په ورته وخت کې له نورو داسې جرمونو هرکلی کوي.”

هغه زیاتوي، چې اسرائیل به تر هغه وخته له ځان دفاع کوي، چې بشپړه بریا ترلاسه شي او د جګړې د پای ته رسولو لپاره یې د اسرائیلو شرایط د پاتې یرغمل شویو خوشې کول او د غزې تړانګه بې وسلې کول بیا تکرار کړل.

اسرائیلو د مارچ له پیل راپدېخوا غزې ته د طبي توکو، خوړو او سونګ توکو د ننوتلو مخه نیولې، چې پر حماس فشار راوړي او د ۲۰۲۳ کال یرغمل خوشې کړي.

د لویدیځ درې واړو مشرانو په یوه ګډه خبرپاڼه کې ویلي: “مونږ تل د ترهګرو پر وړاندې د اسرائیلیانو له حق دفاع او ملاتړ کړی دی؛ خو د [وضعیت] دا زیاتوالی بشپړنامتناسبه دی.”

دوی ویلي، چې دوی به د نتانیاهو د حکومت “دې ناوړه کړنو” ته بې‌تفاوته پاتې.

دوی په غزه کې د سمدستي اوربند لپاره د امریکا، قطر او مصر له هڅو ملاتړ څرګند کړ او څرګندوي، چې دوی د شخړې د حل لپاره د دوه دولتونو د حل لارې د یوې برخې په توګه د فلسطین دولت پر رسمیت پېژندلو ته ژمن دي.

حماس له دې ګډې خبرپاڼې هرکلی وکړ او دا یې د نړیوال قانون د اصولو د بیا رغولو پر لور یو ” اړین ګام” وباله.

د غزې روغتیایي چارواکو د څرګندونو له مخې؛ د اسرائیلو ځمکنۍ او هوايي جګړې غزه ویجاړه کړې، نږدې ټول اوسیدونکي یې بې ځایه کړي او له ۵۳ زره څخه ډېر خلک، چې ډېری یې ملکي وګړي دي؛ وژل شوي.

اسرائیلو ویلي؛ جګړه د ۲۰۲۳ کال د اوکټوبر پراوومه د حماس پر مشرۍ له برید سره پیل شوه؛ په کې وسلوالو شاوخوا ۱۲۰۰ کسان ووژل، چې ډېری یې ملکي وګړي وه، او ۲۵۱ کسان یې یرغمل کړل.

 

Continue Reading
Advertisement

Trending

Copyright © 2025 Ariana News. All rights reserved!