تازه خبرونه
په چین کې د ګازنلیکې له چاودنې ۱۲ کسان وژل شوي
د مرکزي چین د استوګنې په اړوند سیمه کې د ګازنلیکې له چاودنې لږ تر لږه ۱۲کسان وژل شوي دي.
چینايي رسنیو څرګنده کړې، چې چاودنه نن سهار د هوبي ولایت په شیان ښار کې رامنځته شوې، چې لږ تر لږه ۱۳۸ نور یې ټپیان کړي دي.
د راپورونو له مخې؛ د چاودنې له کبله د یوه پلورنځي ودانۍ راپرېوتې او د ۳۷ ټپیانو روغتیایي حالت یې د اندېښنې وړ دی.
د شیان سیمه ییز روغتون له ښاریانو څخه ټپیانو ته د وینې ورکولو غوښتنه کړې ده.