Connect with us

تازه خبرونه

په ډیلي کې د افغانستان په اړه د سیمه ییزو امنیتي سلاکارانو ناسته ترسره شوه

خپور شوی

 په

(Last Updated On: لړم ۱۹, ۱۴۰۰)

د هند د ملي امنیت سلاکار اجیټ دوول د چارشنبې پر ورځ په ډیلي کې د افغانستان د روان کړکېچ په اړه د اته اړخیزو خبرو اترو مشري وکړه.

نوموړي دغې سرمشریزې ته څرګنده کړې، چې په دې هېواد کې وروستي پرمختګونه د ګاونډ او سیمه ییزو هېوادونو لپاره د ټینګار وړ پایلې لري.

هغه  سیمه ییزو سیالانو ته په خبرو کې ویلي؛ دا د هند لپاره ویاړ دی، چې نن د دې خبرو کوربتوب کوي. مونږ په افغانستان کې د رامنځته شویو پرمختګونو څارونکي او لیدونکي یوو، چې نه یوازې د افغانستان د خلکو لپاره، بلکې ګاونډ هېوادونو ته هم اړینې پایلې لري.

دوول دا هم ویلي، چې اوس د ګډون کوونکیو هېوادونو ترمنځ د نږدې مشورو وخت دی او په دې اړه ډېرو نورو همکاریو او تعامل ته هم اړتیا شته.

هغه وایي: زه ډاډه یم، چې زمونږ خبرې اترې ګټورې او د افغانستان له خلکو او ټولیز امنیت سره به مرسته وکړي.

په دې سرمشریزه کې د روسیې، ایران، قزاقستان، قرغزستان، تاجکستان، ترکمنستان او ازبکستان د ملي امنیت سلاکارانو ګډون کړی؛ خو چین او پاکستان دواړو ترې ډډه کړې ده.

د ایران د ملي امنیت عالي شورا منشي علي شمخاني د افغانستان له اسلامي امارت څخه وغوښتل، چې یو ټولګډونه حکومت جوړ کړي، چې د ټولو توکمونو استازیتوب ولري.

د ازبکستان ولسمشر ویکتور مخمودوف ومنله، چې افغانستان له کړکېچ سره مخ دی.

د ترکمنستان ولسمشر چاریمیرات کاکاالیوویچ اماووف ویلي، چې دا غونډه به په سیمه کې د همکارۍ زمینه برابره کړي.

د تاجکستان استازي نصرالله رحمت جان محمود زاده له افغانستان سره اوږدې پولې ته نغوته کړې او له پولې بهر یې د مخدره توکو د قاچاق او بشري ناورین په اړه اندېښنه څرګنده کړه.

د روسیې فډراسیون د امنیت شورا منشي نیکولای پاتروشیف د تلپاتې سولې د خوندیتوب غوښتنه وکړه.

د قرغزستان استازي مارات مکانوویچ ایمانکولوف د ترهګرۍ د ګواښ مسله راپورته کړه او ویې ویل، چې له افغانستان سره مرستې ته اړتیا ده.

د قزاقستان د ملي امنیت کمېټې مشر کریم ماسیموف په افغانستان کې د ټولنیز او اقتصادي وضعیت د چټک خرابیدو مسله راپورته کړه.

د هندي رسنیو د راپورونو له مخې؛ د کوربه په توګه، هندوستان د افغانستان اسلامي امارت ته بلنه نده ورکړې؛ ځکه، چې تر اوسه هیڅ یو ګډون کوونکي هېواد د افغانستان نوی حکومت پر رسمیت ندی پېژندلی. که څه هم د روسیې او ایران په ګډون چین، پاکستان او یوشمېر نور هېوادونه اوس هم په دغه هېواد کې فعال سفارتونه لري.

په دې ناسته کې د پاکستان او چین د نه ګډون په اړه هندي رسنیو راپور ورکړی، چې په تېرو دواړو غونډو کې د هند د شتون او اوسنیو حالاتو او دوه اړخیزو اړیکو له کبله شونې نه وه، چې پاکستان په دې ناسته کې ګډون وکړي.

که څه هم چین په تېرو دواړو ناستو کې له افغانستان څخه د خپلو امنیتي اندېښنو له کبله ګډون کړی و؛ خو اوس یې نشتون دا سیګنال ورکوي، چې نه غواړي د هند په مشرۍ له کوم بهیر سره ملګرتیا وکړي.

د ایندین اکسپرس د راپور له مخې؛ بیجینګ د کابل له سقوط مخکې او وروسته د افغانستان اسلامې امارت  له مشرتابه سره اړیکې لرلې؛ خو هغه څه، چې نوی ډیلی یې له نږدې څاري، پاکستان ته د چین نږدېوالی او د اسلامي امارت د نوي تمویل کوونکي په توګه د دوی د راڅرګندیدو شونتیا ده.

د هند رسنیو راپور ورکړی، چې د ملګرو ملتونو په امنیت شورا کې د چین ګټې هغه څه دي، چې د افغانستان اسلامي امارت به پرې پانګونه وکړي.

تازه خبرونه

امریکا له پاکستان سره د اړیکو پراخولو هڅه کوي – انتوني بلینکن

خپور شوی

په

توسط

(Last Updated On: غویی ۲۹, ۱۴۰۱)

د امریکا د بهرنیو چارو وزیر انتوني بلینکن د چارشنبې پر ورځ د پاکستان له بهرنیو چارو وزیر بلاول بوټو زرداري سره د اړیکو او ملګرتیاوو پر پراخولو خبرې وکړې.

د امریکا د بهرنیو چارو وزیر له خپل پاکستاني سیال سره په افغانستان کې د ثبات پر ټینګښت ټینګار کړی دی.

د امريکا د بهرنيو چارو وزير ويلي، چې پاکستان د امريکا لپاره د يوه ستراتيژيک ملګري په توګه خپل دريځ ساتلى او واشنګټن ژمن دی، چې د پاکستان له نوي حکومت سره د دواړو هېوادونو لپاره د ترهګرۍ د خطر په ګډون پر سيمه ييزو ستونزو کار وکړي.

د پاکستان د بهرنیو چارو وزیر، چې ظاهراً د خواړو د خوندیتوب په نړیواله غونډه کې د ګډون لپاره امریکا ته تللی، وايي؛ له امریکا سره د اړیکو بیارغول او د باور رامنځته کول یې بنسټیزه موخه ده.

امريکا ته له تللو يو ساعت وروسته بلاول بوټو زرداري له خپل امريکايي سيال انتوني بلينکن سره ليدنه وکړه، چې له امريکا سره يې د پياوړیو او ښو اړيکو پر لرلو ټينګار وکړ.

د پاکستان د بهرنیو چارو وزیر بلاول بوټو ویلي؛ پاکستان د ترهګرۍ په ګډون له ډېرو ستونزو سره مخ دی او نن زه خوشحاله یم، چې دواړه هېوادونه د خپلو اړیکو نوی پړاو پیلوي او مونږ د ښې او پراخې همکارۍ او اړیکو هیله لرو.

په دې کتنه کې دواړه هېوادونه دې هوکړې ته ورسېدل، چې له ترهګرۍ سره به ګډه مبارزه کوي.

دوی په افغانستان کې د ثبات پر تامین هم ټینګار شوی دی.

د امریکا د بهرنیو چارو وزیر انتوني بلینکن وایي: مونږ پر ډېرو مسایلو خبرې وکړې او دواړه هېوادونه په ګډه کار کوي. مونږ د امنیتي مسایلو، تروریزم او د دواړو هېوادونو ترمنځ د پراخو او هر اړخیزو اړیکو  پر پیاوړتیا وغږیدو.

له دې لیدنې مخکې دواړو لوریو د دوه اړخیزو اړیکو، سیمه ییزو پرمختګونو او د افغانستان پر وضعیت خبرې وکړې.

د امریکا او ترکیې د بهرنیو چارو وزیرانو هم د خواړو د خوندیتوب د نړیوالې غونډې په څنډه کې د افغانستان په اړه خبرې کړې دي.

Continue Reading

تازه خبرونه

د خوراکي توکو د نړیوال بحران مخه باید ونیول شي – م.م

خپور شوی

په

توسط

(Last Updated On: غویی ۲۹, ۱۴۰۱)
د م.م عمومي منشي انتونیو ګوترش په نیویارک کې د نړۍ د خوراکي توکو د تامین په یوه لویه غونډه کې ویلي، جګړې په لسګونه میلیون انسانان د خوراکي‌ توکو د کموالي له تهدید سره مخ کړي‌ دي.

نوموړي زیاته کړې؛ له دغه کړکیچ وروسته ممکن خوارځواکي، لوږه او پراخه  قحطي د کلونو لپاره پاتې شي.

ګوتیریش او نورو چارواکو له روسیې وغوښتل، چې د اوکراین د غله جاتو صادراتو ته اجازه ورکړي. روسیه او اوکراین یوازې د نړۍ ۳۰ سلنه غنم تولیدوي.

پر اوکراین د روسیې برید او په ځواب کې پرهغه هېواد د نړیوالې ټولنې اقتصادي بندیزونه د دې لامل شول، چې د دواړو هېوادونو د غنمو، کیمیاوي سرې او نورو توکو د صادراتو په بهیر کې خنډ او خنډ رامنځته شي.

دغه بدلونونه همدارنګه د نړۍ په پرمختللیو هېوادونو کې د خوراکي‌ توکو او تېلو د قیمتونو د لوړیدو لامل شوي دي.

د ملګرو ملیتونو سرمنشي انتونیو ګوترش وایي: په اوکراین کې کړکېچ او روانې جګړې پر میلیونونه خلک د خوراکي توکو له ناامنۍ یا د خوارځواکۍ، لوږې او پراخې قحطۍ سره مخ کړي دي. یو داسې بحران، چې که حل نشي، کیدای شي د کلونو لپاره دوام وکړي.

 د افغانستان  په  بازارونو کې هم خلک د لومړینو خورا کې توکو د قیمتونو له لوړیدو اندېښنه ښیي او له  اسلامي امارته غوښتنه کوي، چې په هېواد کې د خواړو توکو د قیمتونو د کنټرول تر څنګ باید د ستراتیژیکو زیرمو په منظم  کولو کار پیل کړي، چې د خواړو له مصونیت برخمن پاتې شوو.

د کابل اوسیدونکي غلام سخي ویلي؛ مونږ ورځ تر بلي د خوراکي توکو له ستونزو سره مخ کیږو. اوس زمونږ هر څه  مخ پر قیمته کیدو ډي؛ اوړه، غوړي، وریجي او داسي نور توکي. 

د بلخ اوسیدونکي قربان ویلي؛ کار نشته، غربي نشته. بیخي حیران یم، چې څه چاره وکړم. هره ورځ قیمتونه پر لوړیدو روان دي. سړی څه وکړي په دې برخه کې هیڅ نه پو هیږو.

د اقتصادي چارو کارپوهان د افغانستان له اسلامي امارته غوښتنه کوي، چې د خواړو د راتلونکي نړیوال بحران د مدیریت لپاره باید د سترا تیژیکو او لومړینو تو کو زیرمې جوړې کړي.

Continue Reading

تازه خبرونه

امریکا ختیځې آسیا ته د جوبایډن د سفر په درشل کې شمالي کوریا وګواښله

خپور شوی

په

توسط

(Last Updated On: غویی ۲۹, ۱۴۰۱)

رویټرز خبري آژانس راپور ورکړی، چې سپینې ماڼۍ ويلي؛ جنوبي کوریا او جاپان ته د ولسمشر جوبایډن د سفر پر مهال امریکا چمتو ده، چې د شمالي کوریا د هر راز شونې هڅې ځواب ووایي.

د امریکا د ملي امنیت سلاکار جیک سلیوان پرون (چهارشنبه د غویی ۲۸) یوې خبري غونډې ته وویل، امریکا داسې معلومات تر لاسه کړي، چې شمالي کوریا غواړي د امریکا د ولسمشر جو بایډن د سفر په درشل کې د خپلو لرې واټن ویشتونکیو توغندیو او اټومي وسلو تجربه ترسره کړي.

جیک سلیوان زیاته کړې؛ امریکا ختیځې آسیا ته د ولسمشر د سفر په بهیر کې د ورته پارونو د شونتیا په ګډونه د هرې پېښې د شنډولو لپاره ځوابي چمتووالی نیولی دی.

دغه لوړپوړي امنیتي چارواکي ویلي، چې واشنګټن له سویلي کوریا او جاپان سره نږدې مشورې لري او د چین له لوړ پوړي ډیپلوماټ یانګ جیچیوف سره د ټیلیفوني اړیکې پرمهال یې ورسره د سهیلي کوریا د د شونې هڅې په اړه هم خبرې کړې دي.

ټاکل شوې، چې بایډن به په روانه اوونۍ کې خپل لومړنی آسیایي درې ورځنی سفر سیول ته پیل کړي او له یکشنبې څخه تر سې شنبې پورې به جاپان ته سفر وکوي.

Continue Reading

Trending

Copyright © 2022 Ariana News. All rights reserved!