Connect with us

سوداگري

په کابل کې د افغانستان بانک د عالی شورا دوه ورځنۍ ناسته جوړیږي

خپور شوی

د

(Last Updated On: ليندۍ ۱۵, ۱۴۰۱)
د افغانستان د کنګل شویو شتمنیو د صندوق د څارنې بورډ یو غړی شاه محمد محرابي د افغانستان بانک د عالي شورا په دوه ورځنۍ غونډه کې ګډون کوي.

اریانانیوز ته معتبره سرچینو منلي؛  شاه محمد  محرابي،  چې د افغانستان د کنګل شوې شتمنۍ د څارنې د بورد غړی دی؛ افغانستان  ته راغلی.

د افغانستان بانک مسوولین وايي، چې محرابي  به  د افغانستان بانک د عالي شورا په غونډه کې  برخه وا خلي.

دوۍ زیاتوي، چې تر راتلونکیو دوه  ورځو به  د بانک عالي  شورا جوړه شي او د غونډې اجندا هم  د هېواد  په مالي او بانکي  نظام  کې ټیکاو را وستل نومول شوي.

د افغانستان بانک مسوولین وايي، دا اداره د افغانستان بانک د پرېکړې یوه ستره شورا ده، چې غړي یې  د دغه بانک د مهمو پالیسیو د جوړولو او د فعالیتونو د څارنې مسوولیت لري. د افغانستان بانک د عالي شورا د غړیو د کار موده پېنځه کاله ده.

د اقتصادي  چارو  یو شمېر کارپوهان هم  د افغانستان بانک او د افغانستان د کنګل شوې  شتمنۍ د څارنې کمیسیون د غړو ترمنځ  همغږي  اړینه  بولي.

دوی زیاته کړې، چې باید د افغانستان بانک د عالي شورا په راتلونکې ناسته کې هڅه وشي، چې په هېواد کې  د روان  مالي  بحران  د مدیریت  لپاره لازم تدابیر رامنځته کړي.

د اقتصادي چارو شنونکی لعل ځاځی وایي: زه ما له نظره ترهغې، چې غیر پولي اهدافو لپاره کنګل شوې پیسي بندې وي او افغانستان ته ورنکړ شي، نو ښايي دا سفرونه دومره مثبت نوي او اړیکې باید د امریکا د خزانې له وزارت سره زیاتي شي، چې د افغانستان دا بندې پیسې بېرته آزادي شي. که بندې وي، دا د افغانۍ  پر ارزښت منفي اغېزې کوي.

د افغانستان بانک عالي شورا غړي د افغانستان بانک د مهمو پالسیو، د طرحو او د اداري فعالیتونو د څارنې مسوولیت لري. د افغانستان بانک  د عالي  شوراغونډه  په هرو درې میاشتو کې یو ځل جوړیږي. بل لور ته  د افغانستان څه باندې ۳،۵ میلیارد دالرو کنګل شوې شتمني  د صندوق  د څارنې  د بورډ غړی  ډاکترانوار الحق احدي  له  آریانانیوز سره  په  خپله  روستۍ  مرکه  کې ویلي، چې دوی  د افغانستان  بانک او د ماليي له وزارت سره له نږدې غیر رسمي اړیکي لري.

د کنګل شوې شتمنۍ صندوق د څارنې بورد غړی داکتر انوارالحق احدي د نومبر پر ۲۵ له آریانا نیوز سره په ځانګړې مرکه کې ویلي: مونږه کله نا کله د افغانستان د ماليي وزیر او د افغانستان بانک له رییس سره غیر رسمي اړیکي  لرو او پر ځنیو موضوعاتو بحث کوو. مونږ هڅه کوو، چې له کنګل شوې شتمۍ  څخه ساتنه وشي.

د افغانستان څه باندې ۳،۵ میلیارد دالرو کنګل شوې شتمنۍ صندوق د څارنې بورد په خپله لومړۍ ناسته کې پرېکړه کړې، چې دغه پیسې به په کار اچول کېږي او ګټه به ترې واخیستل شي.

د اکسپرس ټرېبیون ورځپاڼې د راپور له مخې؛ د سویس د دولتي سرچینو له قوله خبر ورکړ شوی، چې  یاد بورد خپله لومړۍ ناسته د دغه هېواد په ژنیو ښار کې کړې ده. له دې ناستې وروسته په لومړي ځل شاه محمد محرابي افغانستان ته سفر کوي.

ویل کیږي، چې محرابي د افغانستان بانک لخوا کابل ته راغوښتل شوی، چې د هېواد د بانکي او مالي  نظام  د ټیکا لپاره یوې پایلې ته ورسیږي.

سوداگري

د آنلاین صرافیو هڅې بندې شوې

Published

on

(Last Updated On: وری ۲۱, ۱۴۰۳)

د افغانستان بانک څرګنده کړې، چې د انلاین صرافیو فعالیتونه منع دي او له سرغړوونکیو سره به قانوني چلند وشي.

د دې ادارې د خبرپاڼې له مخې؛ کوم چا یا شرکت ته تر دې دمه د انلاین صرافۍ د چلولو جواز ندی ورکړ شوی؛ ځکه دا ډول فعالیتونه غیر قانوني دي.

په خبرپاڼه کې راغلي: د افغانستان بانک له ګرانو هېوادوالو غوښتنه کوي، چې د دې راکړې ورکړې د خطرونو، زیانونو او وروستیو مسوولیتونو له کبله د انلاین صرافۍ له معاملاتو ډډه وکړي.

د افغانستان بانک په خبرپاڼه کې راغلي، چې دغه موضوع يې امنيتي او کشفي ارګانونو ته رسولې او له سرغړوونکیو سره به قانوني چلند وشي.

Continue Reading

سوداگري

د صادراتو د پراختیا لپاره د بدیلو لارو په اړه لومړنۍ غونډه ترسره شوه

Published

on

(Last Updated On: وری ۲۱, ۱۴۰۳)

د صنایعو او سوداګرۍ وزارت څرګنده کړې، چې د اقتصادي کمیسیون د پرېکړې له مخې د هېواد د سوداګرۍ  او صادارتو د پراختیا لپاره د نويو لارو د پیداکولو لپاره د تعرفي کمیټي لومړنۍ ناسته تر سره شوه.

د صنعت او سوداګرۍ وزارت پر مشرۍ په جوړه شوې ناسته کې پرېکړه شوې، چې د خصوصي سکتورغړي به خپل استازي تعرفي کمیټې ته وروپېژني، چې له نويو مسیرونو څخه د استفادې لړۍ  پراخه شي.

د صنعت او سوداګرۍ وزارت وايي، چې دا اقدام په دې معنا ندی، چې پخواني سوداګریز بندرونه دې بندکړې؛ خو د هېواد د اقتصادي پراختیا لپاره اړینه ده، چې نوي اقتصادي مسیرونه پراخ کړي.

د صنعت او سوداګرۍ وزارت ویاند عبدالسلام جواد اخوندزاده وایي: د اقتصادي کمیسیون د پرېکړې پر بنسټ د صنعت او سوداګرۍ وزارت پر مشرۍ د تعرفې کمیسیون د هېواد د صنعت او سوداګرۍ د رونق لپاره د نوي مسیرونو پر رامنځته کولو غونډه وکړه او هڅه کیږي، چې د هېواد د اقتصادي پراختیا لپاره نوي مسیرونه هم پرانستل شي.

د خصوصي سکتورغړي هم وايي، چې افغان صادروونکي اوس هم د صادراتو او ټرانزیټ په برخو کې وخت ناوخت له ستونزو سره مخ کیږي؛ نو له همدې کبله دا مهمه ده، چې د هېواد د صادراتو او ټرانزیټ د پراختیا لپاره باید پر نويو لارو تمرکز ډېر شي، چې د افغان سوداګر نړیواله سوداګري په منظم ډول تر سره کړي.

د صنایعو او کانونو خونې غړی عبدالنصیر رشتیا وایي: زمونږ ټرانزیټ او صادارت کله نا کله په ځینو پخوانیو مسیرونو کې له ستونزو سره مخ کیږي، چې دا زمونږ د نړیوالۍ سوداګرۍ پر ضرر ده. د نويو مسیرونو له جوړېدو سره به مو د هېواد ستونزې اوارې شي.

د اقتصادي  چارو ځیني کار پوهان پدې باور دي، چې د نويو مسیرونو له رامنځته کېدو سره به د هېواد په صادراتو کې د پام وړ زیاتوالي راشي او له نويو مسیرونو څخه به د افغان سوداګرو حضور په نړیوالو مارکیټونو کې نور هم  پراخ  شي.

د اقتصادي چارو شنونکی شبیر احمد بشیري وایي: په روانو شرایطو کې افغانستان ته مهمه ده، چې د خپلو اقتصادي اړیکو د پراختیا لپاره د صادراتو او ټرازیټ مسیرونه پرانیزي؛ ځکه خصوصي سکټور په پخوانیو مسیرونو کې ستونزې لري.

د ایران د ګمرکونو یو مسوول په دې وروستیو کې ویلي، چې تېر لمریز کال افغانستان ته د ډول- ډول مالونو د ټرانزیت کچه درې برابره زیاته وه.

د ایران د جنوبي خرآسان د ګمرکونو عمومي مشر محمد کوهګر څرګنده کړې، چې له دې سیمې څخه افغانستان ته د مالونو لېږد درې چنده شوی دی.

د محمد کوهګر د څرګندونو له مخې؛ تېرکال د مهیرود ګمرک له لارې ۱۹ زره ۹۳۶ لارۍ  باروړونکي توکو افغانستان ته لېږدول شوي دي.

Continue Reading

سوداگري

افغانستان او پاکستان د سوداګرۍ او ټرانزیټ په برخه کې د همکارۍ هوکړه وکړه

Published

on

(Last Updated On: وری ۹, ۱۴۰۳)

په کابل کې د پاکستان سفارت چارسمبالي عبیدالرحمن نظاماني د چارشنبې پر ورځ ( د وري اتمه ) نا وخته په یوه ویډیویي پیغام کې څرګنده کړې، چې په کابل کې پاکستاني پلاوي د اسلامي امارت له چارواکو سره د ګډو ګټو د خوندیتابه او دوه اړخیزې سوداګرۍ د اسانتیاوو رامنځته کولو لپاره هوکړه کړې ده.

دغه پلاوی دوه ورځې مخکې د پاکستان د سوداګرۍ وزارت د مرستیال محمد خرم اغا پر مشرۍ کابل ته راغلی و.

د پاکستان سفارت چارسمبالي زیاته کړې، چې افغانستان ته د پاکستاني پلاوي سفر بریالی و.

عبید الرحمن نظاماني دغه سفر له افغانستان سره د دوه اړخیزې سوداګرۍ او ټرانزیټ په برخو کې د ځواکمنو اړیکو د رامنځته کولو لپاره د پاکستان د ښو هڅو ښکارندویي کوي.

هغه ویلي، دواړو خواوو هوکړه کړې، چې د ګډو ګټو لپاره به ګډ کار کوي. افغانستان او پاکستان په یو شمېر برخو کې د دوه اړخیزې سوداګرۍ او ټرانزیټ لپاره د اسانتیاوو پر برابرولو هوکړه وکړه.

د پاکستان د سوداګرۍ وزارت د مرستیال پر مشرۍ پلاوی د دوشنبې پر ورځ ( د وري شپږمه) کابل ته راغی او د سې شنبې پر ورځ یې د بهرنیو چارو وزارت له چارسمبالي امیرخان متقي سره وکتل.

د بهرنیو چارو وزارت د ویاند مرستیال ضیا احمد په ایکس پاڼه کې لیکلي، چې دوی د سې شنبې د ورځې په لیدنه کې د سوداګرۍ، ټرانزیټي او اقتصادي اړیکو پر پیاوړتیا خبرې وکړې.

د نوموړي د څرګندونو له مخې؛ امیر خان متقي د پاکستان د سوداګرۍ وزارت له مرستيال سره په ليدنه کې د ټرانزيټي ستونزو او د هغوى د حل په اړه ” تفصيلي” خبرې وکړې.

هغه زیاته کړې، چې خرم اغا ژمنه وکړ، چې د ټرانزیټي ستونزو د حل لپاره به ژر تر ژره یوه حل‌لار ومومي.

دغه پاکستاني پلاوی د افغانستان پر دوه ختیځو ولایتونو د پاکستان د هوايي بریدونو او د دواړو لورو ترمنځ د اړیکو له ترینګلتیا وروسته د اسلامي امارت د صنعت او سوداګرۍ وزارت پر رسمي بلنه کابل ته سفر کړی دی.

Continue Reading

Trending

Copyright © 2022 Ariana News. All rights reserved!