Connect with us

سوداگري

په کابل کې د اقتصادي پیاوړتیا تر سرلیک لاندې درې ورځنی نندارتون جوړ شو

Published

 on

(Last Updated On: ليندۍ ۲, ۱۴۰۱)

د افغانستان د سوداګرو او پانګوالو اتحادیې د صنعت او سوداګرۍ، اطلاعاتو او فرهنګ وزارتونو په همغږۍ په کابل کې درې ورځنی نړیوال نندارتون جوړ کړ.

په کابل کې د صنعت او سوداګرۍ وزارت مسوولینو د یوه  نړیوال نندارتون د پرانستلو پرمحال له ټولو تولیدوونکیو اوصنعتکارانو غوښتنه وکړه، چې پخپلو اقتصادي فعالیتونو او تولیداتو کې د نړیوال ستندردونو پلې کول په نظر کې ونیسي.

د صنعت او سوداګرۍ وزارت  زیاته کړې، چې  اسلامي امارت په هېواد کې له ټولو اقتصادي فعالیتونو څخه پوره ملاتړ کوي او د حکومت د ټولو سکتوري وزراتونو د اقتصادي پراختیا لپاره هڅې ورځ تر بلي د پراختیا په حال کې دي.

د صنعت اوسوداګرۍ وزیر نورالدین عزیزي ویلي؛ مونږ له خپلو کورنیو تولیداتو ملاتړ کوو اوهیله لرو، چې د خصوصي سکتور لخوا داسې نندراتونونه د سیمې او نړۍ پر کچه هم جوړشي؛ ځکه مونږه يي ملا تړ روان ساتو.

د اسلامي امارت یو شمېر مسوولینو بیا د هېواد په کچه د دا سې نندارتونو نوجوړیدل د هېواد په اقتصادي ځانبسیایني کې اړین بولي او زیاتوي، چې تر هغې پورې،  چې هېواد اقتصادي  ځانبسیاینې  ته و نرسیږي؛ د هېوادوالو ستونزي نشي حل کیدی.

د حکومت د رسنیو مرکز رییس انعام الله سنګاني ویلي؛ زمونږ د هېواد په اقتصادي پراختیا کې کورني تولیدات بیخي مهم رول لري او مونږ ټول باید له دې  پوره ملاتړ وکړو، چې هېواد مو اقتصادي خپلواکۍ ته ورسیږي.

د دې نندراتون برخوال د خپلو تولیداتو د پرا ختیا او پلورلو لپاره ورته نندارتونونه مهم بولي او د صنعت او سوداګرۍ له وزارته د دې لړۍ د پراختیا غوښتنه کوي.

د نندارتون ګډونوال امیدالله قاسم زی وایي: مونږ د لته خپل تولیدات نندارې ته وړاندې کړي؛ دلته زمونږ د تولیداتو لپاره د پلور زمینه زیاته برابریږي او هیله لرو، چې دا لړۍ نوره هم پراخه شي.

د نندارتون ګډونوالېه عزیزه وایي: دا سې نندارتونونه زمونږ د خدماتو لپاره خورا زیات مهم دي او مونږ خپل ټول خدمتونه دلته نندارې ته وړاندې کوو. هیله ده، چې دغه راز نندارتونه نور هم پراخ شي.

د نندارتون یوې بلې ګډونوالې نوریې نومې څرګنده کړې؛ په داسې نندارتونونو کې زمونږ برخه اخستل پخپله مونږ ته ډېره ګټه لري او هیله لرم، چې دا نور هم زیات شي.

د دې نندارتون تنظیموونکي وايي، چې د ټول هېواد تولیدوونکیو په دې نندارتون کې  ګډون کړی،  چې په نږدې سل غرفو او څلوریښت میزونو کې د درې  ورځو لپاره خپل تولیدات خلکو ته وړاندې کوي.

سوداگري

افغانستان او پاکستان د دوه ګونه مالیاتو د مخنیوي د کنوانسیون مسوده لاسلیک کړه

Published

on

(Last Updated On: سلواغه ۱۵, ۱۴۰۱)

پاکستانيو رسنیو خبر ورکړی، چې پاکستان او افغانستان د دوه ګونه مالیاتو د مخنیوي د کنوانسیون مسوده لاسلیک کړې ده.

د دی نيوز ورځپاڼې د څرګندونو له مخې؛ د پاکستان او افغانستان پلاويو په تېرو درې ورځو کې د دوه ګونه مالياتو د مخنيوي کنوانسيون په اړه د خبرو اترو د درېيم پړاو لپاره په اسلام‌آباد کې سره وکتل.

په دې غونډه کې د افغان پلاوي مشري د مالیې وزارت د عوایدو د عمومي ریاست د حقوقي او پالیسۍ خدمتونو رییس ندا محمد صدیقي کوله او د عوایدو د فدرالي بورد د نړیوالو مالیاتي فعالیتونو عمومي رییس ساجدالله صدیقي د پاکستاني لوري مشري کوله. دواړو پلاویو د ۲۰۲۱ ز. کال په دسمبر کې د اسلام‌آباد پر کوربتوب د خبرو اترو د دوه‌م پړاو پر پاتې ټولو مسلو بشپړې خبرې وکړې.

خبرې اترې په دوستانه فضا کې ترسره شوې اودواړو لوریو خپل نظریات وړاندې کړل. له بشپړو خبرو وروسته دواړو لوریو د افغانستان او پاکستان ترمنځ د دوه ګونه مالیاتو د مخنیوي لپاره د کنوانسیون پر مسودې هوکړه وکړه.

د غونډې په پای کې د پاکستان د عوایدو د فدرالي بورد رییس عاصم احمد پاکستان ته د افغان پلاوي د سفر له کبله مننه وکړه او هیله یې څرګنده کړه، چې د دوه ګونه مالیاتو د مخنیوي کنوانسیون به د دواړو هېوادونو ترمنځ اقتصادي اړیکې نورې هم پیاوړې کړي.

د افغانستان لپاره د پاکستان ځانګړي استازي محمد صادق د دغې طرحې لاسلیکول یو بل اړین ګام بللی دی.

محمد صادق تویت کړی: له دې پړاوه تېرېدو شاوخوا ۱۲ کاله ونیول. پانګوال، قراردادیان او د دواړو خواوو سوداګر به د پام وړ ګټه ترې پورته کړي.

Continue Reading

سوداگري

د حیرتان – مزارشریف د اوسپنې پټلۍ له لارې ترانسپورتي لېږد رالېږد وځنډول شو

Published

on

(Last Updated On: سلواغه ۱۳, ۱۴۰۱)

د افغانستان د اوسپنې پټلۍ ریاست څرګنده کړې، چې د حیرتان – ازبکستان د ریلګاډي له لارې د مالونو لیږد رالېږد تر بلې خبرتیا پورې ځنډول شوی دی.

د افغانستان اسلامي امارت ویاند ذبیح الله مجاهد په ډاګه کړې، چې د حیرتان – ازبکستان د ریلګاډي پټلۍ په موقتي توګه تړل شوې ده.

هغه زیاته کړې، چې د افغانستان د ریلپټلۍ په تخنیکي او عملیاتي برخو کې کومه ستونزه نشته او د ازبکستان لخوا تړل شوې ده.

مجاهد د ریلګاډي پټلۍ تړل لنډمهاله ګڼي او له سوداګرو يې وغوښتل، چې صبر زغم ولري او د اړتيا وړ توکي د آقینې- اندخوى د ریلګاډي پټلۍ له لارې وارد کړي.

د افغانستان د ریلګاډي ادارې د حیرتان – ازبکستان د ریلپټلۍ د موقتي بندیدو د علت له بیانولو سره ویل چې دا اداره له تېرو درې میاشتو راپدیخوا د ریلپټلۍ د ټولو چارو د مدیریت په سپارلو بوخته ده او په راتلونکیو دوه ورځو کې به یو پلاوی افغانستان ته راواستوي. له افغانستان څخه به ازبکستان ته ولاړ شي، چې پدې اړه وروستی هوکړه لیک لاسلیک کړي.

د افغانستان د ریلپټلۍ ویاند زیاته کړې: د دغه هوکړه لیک له لاسلیکولو وروسته به د حیرتان- مزارشریف له لارې د ترانسپورت بهیر یو ځل بیا پیل شي او په عادي توګه به دوام وکړي.

د افغانستان د اوسپنې پټلۍ ادارې تېره میاشت اعلان وکړ، چې د افغان لوري او د ازبکستان د ریلګاډي د چارواکو تر منځ د خبرو اترو په پایله کې د حیرتان – مزار شریف د ریلګاډي د پټلۍ مسوولیت له ازبکستان څخه افغانستان ته سپارل شوی دی.

د افغانستان د اوسپنې پټلۍ ادارې په یوه خبرپاڼه کې څرګنده کړې، چې د دې هوکړه لیک له مخې به د حيرتان- مزارشريف د رېلپټلۍ د غزولو مسووليت، چې له تېرو يوولس کلونو راپدیخوا د سوګديانا ترانس نومي ازبکي شرکت لخوا پر مخ وړل کېده، چې د یوه منظم مهالوېش له مخې به د افغانستان اوسپنې پټلۍ ادارې ته ولېږدول شي.

Continue Reading

سوداگري

ایران په افغانستان کې د سوداګریزې پانګونې په لټه کې دی

Published

on

(Last Updated On: سلواغه ۱۲, ۱۴۰۱)

د مهر خبري آژانس د څرګندونو له مخې؛ پرون (سې شنبه د سلواغې ۱۱ ) د ایران د صنایعو، کانونو او سوداګرۍ وزارت مرستیال سعید محمد موسوي په افغانستان کې د سوداګریز مرکز له رامنځته کولو خبر ورکړ.

هغه زیاته کړې، چې دغه مرکز به راتلونکې میاشت جوړ شي؛ خو د مهر په راپور کې دا ندي ویل شوي، چې د افغانستان په کومه سیمه کې به دغه مرکز جوړ شي.

محمد موسوي هیله من دی، چې د دغه مرکز له جوړېدو سره به د کابل او تهران اړیکې نورې هم پیاوړې شي.

سعید محمد موسوي د افغانستان او ایران ترمنځ د سوداګریزو فرصتونو نومې غونډې  ته په خپلو څرګندونو کې دا هم ویلي، چې دوی غواړي په افغانستان کې پانګونه وکړي او د افغانستان په تلپاتې وده کې برخه واخلي.

دغه راز افغان چارواکو هم ویلي، چې له ایران څخه د افغانستان د وارداتو اندازه لکه د خوراکي او سون توکو کچه په کال کې تر یو میلیارد دالرو پورې رسیږي.

د چارواکو په وینا ایران ته د افغانستان د صادراتو اندازه ډېره کمه ده او په کلني ډول تر ۲۰ میلیون دالرو نه رسیږي.

د یو شمېر کارپوهانو د څرګندونو له مخې؛ ایران هڅه کوي په دې هېواد کې خپلې ګټې خوندي کړي.

Continue Reading

Trending

Copyright © 2022 Ariana News. All rights reserved!