سوداگري
په کابل کې د ایران سوداګریز مرکز او دایمي نندارتون پرانیستل شو

په کابل کې د ایران سفارت د یکشنبې پر ورځ (د کب څوارلسمه ) تویت کړی، چې د ایران او افغانستان ترمنځ د سوداګریزو اړیکو د پراختیا لپاره یو سوداګریز مرکز او دایمي نندارتون پرانیستل شو.
د دغه سفارت د معلوماتو له مخې، دغه مرکز افغان سوداګرو ته د ایراني توکو او تولیداتو د پېژندلو د مرکز په توګه رامنځته شو.
دغه مرکز ستر ظرفیتونه لري، چې کولی شي د افغانستان په بیارغونه او د دغه جنګ ځپلي هېواد د بېخبنا لپاره بې ګټې نهوي.
دوی ټینګار کړی، چې د دوامدارې سوداګرۍ او صادراتو پراختیا په کابل کې د دغه مرکز تر ټولو اړینه برخه ده.
ډېري پدې باور دي، چې د دې ډول سوداګریزو مرکزونو پرانیستل به د افغانستان پر اقتصاد مثبت اغېز ولري.
دا په داسې حال کې ده، چې ایران یو له هغو هېوادونو دی، چې له اسلامي امارت سره نږدې اړیکې لري. دغه هېواد د اسلامي امارت له بیا واکمنېدو وروسته په افغانستان کې خپل دیپلوماتیک فعالیتونو روان ساتلي دي.
سوداگري
ازبکستان او پاکستان د افغانستان له لارې د اوسپنې پټلۍ پر جوړولو خبرې وکړې

د افغانستان په چارو کې د ازبکستان د ولسمشر ځانګړي استازي عصمت الله ارګاشيف په تاشکند کې د پاکستان له استازي احمد فاروق سره د کابل – پېښور – مزارشریف د اوسپنې پټلۍ پر جوړېدو خبرې کړې دي.
د ازبکستان بهرنیو چارو وزارت په یوه خبرپاڼه کې ویلي، چې په دې کتنه کې د افغانستان پر روان وضعیت او له افغانستان سره د همکاریو د پراخولو او د نړیوالې د هڅو په اړه هم د نظر تبادله وشوه.
د پاکستان سفیر په افغانستان کې د اوږدمهاله او باثباته سولې پر رامنځته کولو او د سیمهییز ادغام پر بهیر د دغه هېواد پر ونډې د ازبکستان پر مهم رول ټینګار وکړ.
د ازبکستان – افغانستان – پاکستان د اوسپنې پټلۍ د جوړولو لپاره د سړک نقشه په ۲۰۱۹ ز. کال کې د درې واړو هېوادونو د هغه وخت د چارواکو ترمنځ په تاشکند کې لاسلیک شوې ده.
دغه راز په ترکيه کې د اوسپنې وییلي کولو يوه شرکت وړانديز کړى، چې چمتو دى د کانونو په بدل کې د افغانستان لپاره د اوسپنې پټلۍ توليد کړي.
په ترکیه کې د اوسپنې وییلي کولو شرکت مشر سرکان اتامیر دې هېواد ته د افغانستان د اوسپنې پټلۍ ادارې د مشر د سفر پر مهال په لیدنه کې ویل، چې د کاني توکو په بدل کې د اوسپنې پټلۍ د جوړولو طرحې په نورو هېوادونو کې مثبته پایله لرلې ده.
د افغانستان د اوسپنې پټلۍ عمومي رييس ملا بخت الرحمن شرافت د دې وړانديز په ځواب کې ويلي، چې پر دې طرحه به په کابل کې بحث وشي او که افغان حکومت ورسره هوکړه وکړي، پر وړاندې به يې عملي کار پیل کړو.
سوداگري
پاکستان له افغانستان، ایران او روسیې سره د جنس پر جنس سوداګرۍ امر کړی

د پاکستان سوداګرۍ وزارت د جمعې پر ورځ څرګنده کړې، چې حکومت یې د تېلو او ګازو په ګډون د ځینو اجناسو لپاره له افغانستان، ایران او روسیې سره د جنس پر جنس سودااګرۍ سپارښتنه کړې ده.
د رویترز د څرګندونو له مخې: د پاکستان حکومت، چې د اسعارو زیرمې یې دا مهال یوازې د یوې میاشتې د وارداتو لپاره بسنه کوي؛ د اقتصادي ناورین د مدیریت لپاره، چې تېره میاشت یې د انفلاسیون کچه نږدې ۳۸ سلنې ته ورسېده، غواړي تر څارنې لاندې راولي.
د حکومت د دې امر او سپارښتنې له مخې د جون لهه لومړۍ نېټې د هغو توکو نوملړ جوړ کړی، چې تبادله کیدی شي. عامه او خصوصي بنسټونه د سوداګرۍ په میکانیزم کې د ګډون لپاره اجازې ته اړتیا لري.
د اپریل په میاشت کې له روسیې څخه د ارزانه تېلو اخیستلو لپاره د پاکستان د تېلو وزیر مصدق ملک رویترز ته ویلي، چې د دې معاملې له مخې به پاکستان یوازې اومه تېل اخلي، نه چاڼ شوي محصولات.
مصدق ملک زياته کړې، که معامله له ستونزو پرته ترسره شي؛ نو د پېرلو اندازه به هره ورځ سل زره ته لوړه شي.
د تجزیه کوونکي شرکت Kpler څرګندونې ښیې، چې پاکستان تېر کال د ورځې ۱۵۴ زره بیرله اومه تېل وارد کړي، چې د ۲۰۲۱ کال پر پرتله په کې لږ بدلون راغلی.
د می په میاشت کې، د پاکستان د پترولیم پلورونکیو اتحادیې شکایت وکړ، چې په پاکستان کې پلورل شوي دیزل تر ۳۵ سلنې پورې له ایران څخه قاچاق شوي وه.
د پاکستان حکومت افغانستان ته د اوړو، غنمو، بورې او سرې د قاچاق د مخنیوي حکم صادر کړی دی.
سوداگري
اسلامي امارت د سرپل د کانونو پر استخراج د پانګونې نوی ډاډ څرګند کړ

د کانونو او پټرولیم وزارت څرګنده کړې، چې په راتلونکیو اووه میاشتو کې به د سرپل ولایت د کانونو پر استخراج ۱۴۸ میلیون دالر پانګونه وکړي.
د کانونو او پترولیم وزارت سرپرست، چې د کانونو د وضعیت او د استخراج د ارزونې په موخه سرپل ولایت ته سفر کړی؛ وايي، چې د دغه ولایت په کانونو کې ۱۴۸ میلیون دالر پانګونه کېږي.
د دغه وزارت سرپرست شهاب الدین دلاور د سرپل له اوسېدونکیو سره ژمنه وکړه، چې د دغه ولایت د قشقري د تېلو پر کانونو د ۱۴۸ میلیون دالرو پانګونې عملي کار به تر راتلونکیو اووه میاشتو پورې پیل شي.
د سرپل ولايت اوسېدونکي وايي، چې د دغه ولايت د کانونو د عوايدو پر ګټه بايد د دغه ولايت د پرمختګ لپاره د بنسټيزو پروژو کارونه وشي.
د هېواد په شمال کې سرپل ولايت د قشقري د نفتو او د ډبرو سکرو د کانونو له لرلو سره يو له هغو ولايتونو څخه دى، چې د طبيعي زېرمو له پلوه بډاى دى.
د سرپل ولایت سیمه ییز چارواکي او اوسېدونکي د دغه ولایت د پرمختګ لپاره ځانګړې غوښتنې لري.
د استخراج د چارو ګړندي کول، د استخراج په بهیر کې د لوستو ځوانانو جذبول، د دغه ولایت له کانونو څخه په ترلاسه شویو عوایدو کې د بنسټیزو پروژو پیلول د دوی اساسي غوښتنې دي.
د کانونو او پترولیم وزیر ژمنه کوي، چې د خلکو د اساسي اړتیاوو د پوره کولو ترڅنګ به د کارموندنې په برخه کې د دغه ولایت با استعداده او مسلکي ځوانانو ته لومړیتوب ورکړي.
د هېواد په شمال کې د سرپل د ډبرو سکرو کانونه، د قشقري د نفتو کان د هېواد له مهمو طبیعي زیرمو څخه دي.
له دې مخکې د رییس الوزرا اقتصادي مرستیال ملا عبدالغني برادر دغه ولایت ته د خپل سفر پر مهال د قشقري د نفتو د استخراج چارې پیل کړې دي.
-
تازه خبرونه5 days ago
یو شمېر کړۍ د ایران او افغانستان سرحدي نښتو ته لمن وهي – ایران
-
نړۍ3 days ago
بې پیلوته الوتکو د روسیې د تېلو پر دوه چاڼځایونو برید وکړ
-
سیمه ییز خبرونه4 days ago
په سپين بولدک کې د باروړونکیو موټرو لپاره نارسمي لار پرانستل شوه
-
سوداگري2 days ago
پاکستان له افغانستان، ایران او روسیې سره د جنس پر جنس سوداګرۍ امر کړی
-
سیمه ییز خبرونه5 days ago
د پاکستان او روسیې تر منځ د سوداګرۍ دوه اړخیز بحري لېږد رالېږد پیل شو
-
سوداگري2 days ago
اسلامي امارت د سرپل د کانونو پر استخراج د پانګونې نوی ډاډ څرګند کړ
-
سوداگري3 days ago
د ریاست الوزرا اقتصادي مرستیالۍ د نړیوال بانک له راپور هرکلی وکړ
-
سوداگري4 days ago
د هرات ولایت د اسلامکلا ګمرک د تړل کېدو راپورونه رښتیا نهدي – مالیې وزارت