Connect with us

تازه خبرونه

په کابل کې د نیالګیو کینولو عمومي کمپاین پیل شو

خپور شوی

د

(Last Updated On: )

د کابل ښاروالۍ چارواکو ويلي؛ سږ کال به په پلازمېنه کې څه باندې ۶۰۰ زره میوه لرونکې او زینتي نیالګي کېنول شي.

د کابل ښاروالۍ دا کمپاین د کابل ښاروال لخوا په وزیر محمد اکبر خان غونډۍ کې د یوه نیال له کینولو سره پیل شو.

کابل ښاروالۍ په پام کې لري، چې په پلازمېنه کې ۶۰۰ زره نیالګي کېنوي.

دې بنسټ ويلي؛ هغه کسان جریمه کوي، چې نیالګي له منځه وړي.

د کابل ښار د سرسبزۍ رییس عبدالوکیل متوکل ویلي؛ دې ادارې د هغو کسانو لپاره جریمه ټاکلې، چې نیالګي له منځه وړي او که څوک یو نیالګي له منځه یوسي دوه زره افغانۍ جریمه به ورکوي.

د ښاروالۍ مسوولین له خلکو غوښتنه کوي، چې د نيالګيو په ساتنه او پالنه کې له ښاروالۍ سره همکاري وکړي.

د کابل ښاروالۍ د ښاري خدمتونو او چاپېریال مرستیال محمد خالد سجستاني وایي؛ کابل ښاروالۍ په پام کې لري، چې په ښار کې د نیالګیو د خړوبولو لپاره د څاڅکو سیستم جوړ کړي او د ځمکې لاندې اوبو د زیاتې کارونې مخه ونیسي.

د کابل ښاروالۍ د ټولنیزو او فرهنګي چارو مرستیال حبیب الرحمن منصور د ښار په زرغون او ښکلي ساتلو کې د خلکو همکاري مهمه ګڼي او څرګندوي؛ الحمدلله دوی تل د هېواد د امنیت، زرغونتیا، آبادۍ او پرمختګ په برخه کې هڅي کوي. زمونږ غوښتنه دا ده، چې خلک باید د ورکړ شويو نیالګيو ساتنه او پالنه وکړي.

د  کابل وکیلانو ټولنې رییس عبدالواجید ساپی وایي: مونږ به ډېر نیالګي کینوو. له خلکو هیله کوو، چې د ساتنې، پالنې او اوبه ورکولو په برخه کې له مونږ سره همکاري وکړي.

هر کال د هېواد په ګڼو ښارونو او ولایتونو کې زرګونه نیالګي کېنول کېږي؛ خو پخپل وخت اوبه نه‌ورسيږي او پالنه یې نه‌کیږي او تر بل کاله وچیږي.

تازه خبرونه

 په هرات کې د ټاپي نل‌لیکې ۱۴ کیلومټره کار بشپړ شو – عبدالله یوف

د هرات والي دفتر نن (پنجشنبه) په یوه رسنیزه خبرپاڼه کې څرګنده کړې، چې عبدالله یوف د ټاپي پروژې د پرمختګ په اړه یو لنډ راپور له والي اسلام جار سره شریک کړ.

Published

on

(Last Updated On: )

په افغانستان کې د ټاپي پروژې مشر بګنج عبدالله یوف د هرات له والي نور احمد اسلام جار سره وکتل او په دې ولایت کې یې د نل‌لیکې د غځولو د بهیر له چټکتیا خبر ورکړ.

د هرات والي دفتر نن (پنجشنبه) په یوه رسنیزه خبرپاڼه کې څرګنده کړې، چې عبدالله یوف د ټاپي پروژې د پرمختګ په اړه یو لنډ راپور له والي اسلام جار سره شریک کړ.

د یادې خبرپاڼې له مخې، د ټاپي پروژې مشر د اړینو آسانتیاوو په برابرولو کې د دې ادارې له همکارۍ ستاینه وکړه او اعلان یې وکړ، چې د ۱۴ کیلومټره پایپ ایښودلو کار بشپړ شوی او سربېره پردې د پروژې ۲۴ کیلومټره لار هم پخه شوې ده.

په دې غونډه کې د هرات والي هم د دې پروژې د کار د پرمختګ په برخه کې د ټاپي پروژې د چارواکو له هڅو هرکلی وکړ او په افغانستان کې یې د ټاپي پروژې مشر ته د کار د چټک پرمختګ لپاره د اړینو اسانتیاوو په برابرولو کې د سیمه‌ییزې ادارې له بشپړې همکارۍ ډاډ ورکړ.

Continue Reading

تازه خبرونه

طارق علي بخیت د افغانستان په اړه له جاپاني چارواکو سره وکتل

د اسلامي همکاریو ټولنې په یوه رسنیزه خبرپاڼه کې ویلي، چې په دې ناسته کې په ټولیزه توګه د افغانستان پر اوسني وضعیت راوڅرخېدل او د دې ټولنې او جاپان ترمنځ یې د بشري همکاریو د زیاتولو لارې چارې وارزول شوې.

Published

on

(Last Updated On: )

د افغانستان د چارو لپاره د اسلامي همکاریو ټولنې ځانګړي استازي طارق علي بخیت د افغانستان په اړه د جاپان د بهرنیو چارو وزارت د مرستیال کامډا ماسایوکي پر مشرۍ له جاپاني پلاوي سره خبرې اترې کړې دي.

د اسلامي همکاریو ټولنې په یوه رسنیزه خبرپاڼه کې ویلي، چې په دې ناسته کې په ټولیزه توګه د افغانستان پر اوسني وضعیت راوڅرخېدل او د دې ټولنې او جاپان ترمنځ یې د بشري همکاریو د زیاتولو لارې چارې وارزول شوې.

د دې خبرپاڼې له مخې؛ دواړو خواوو د افغانانو د بېړنیو اړتیاوو د پوره کولو لپاره د پرله‌پسې همکارۍ پر اړتیا ټینګار وکړ.

په دې رسنیزې خبرپانه کې راغلي، چې په جده کې د جاپان جنرال قونسل او د هغه مرستیال هم په پلاوي کې برخه لرله.

دا په داسې حال کې ده، چې دا ناسته د سعودي عربستان په جده ښار کې د افغانستان د چارو لپاره د اسلامي همکاریو ټولنې د ځانګړي استازي په دفتر کې شوې ده.

Continue Reading

تازه خبرونه

افغان بېسیم د ننګرهار په کوزکوڼر ولسوالۍ کې یو نوی سایټ فعال کړ

د افغان بېسیم چارواکو د څرګندونو له مخې؛ د دې سایټ پر جوړولو زرګونو کورنیو مخابراتي او انټرنیټي خدماتو ته لاسرسی موندلی دی.

Published

on

(Last Updated On: )

د افغان بېسیم مخابراتي شرکت چارواکو ويلي، چې د ننګرهار ولایت په کوزکوڼر ولسوالۍ کې یې یو نوی سایټ فعال کړی دی.

د افغان بېسیم چارواکو د څرګندونو له مخې؛ د دې سایټ پر جوړولو زرګونو کورنیو مخابراتي او انټرنیټي خدماتو ته لاسرسی موندلی دی.

دوی زیاته کړې، چې افغان بېسیم به ډېر ژر په دې سیمو کې د ۴‌جي 4G انټرنیټي خدمتونه هم فعال کړي.

دغه راز د ننګرهار مخابراتو او معلوماتي ټکنالوژۍ ریاست چارواکو ويلي، چې د دې ولایت لرې پرتو سیمو ته د مخابراتي خدمتونو د غځولو لپاره هڅې روانې دي.

له بلې خوا په ننګرهار کې د اټرا ادارې مشر رحیم الله شینواري ویلي، چې د افغان بېسیم د نوي سایټ له فعالیدو سره به ۲۵ زره کورنیو ته مخابراتي او انټرنیټي خدمتونه وړاندې شي.

د کوزکوڼر ولسوالۍ اوسېدونکو د مخابراتي او انټرنیټي خدمتونو ته د لاسرسي له کبله خپله خوښي څرګنده کړې او په ننګرهار کې یې د مخابراتي خدمتونو د نورې پراختیا غوښتنه کړې ده.

دا په داسې حال کې ده، چې په دې وروستیو کلونو کې د افغان بېسیم مخابراتي شبکې خپل مخابراتي او انټرنیټي خدمتونه د هېواد ډېرو لرې پرتو سیمو ته غځولي دي.

 

Continue Reading
Advertisement

Trending

Copyright © 2025 Ariana News. All rights reserved!