Connect with us

تازه خبرونه

په کابل کې د چاودنې له کبله لسګونه کسانو ته مرګ و ژوبله اوښتې

Published

 on

(Last Updated On: تله ۹, ۱۴۰۱)

د کابل پولیسو ویاند خالد ځدراڼ رسنیو ته تائید کړې، چې د لومړنیو څرګندونو پر بنسټ نن سهار (جمعه د تلې اتمه) د دیارلسمې حوزې د کاج پر ښوونیز مرکز د چاودنې له کبله ۱۹ کسان وژل شوي او ۲۷ نور ټپیان دي.

خالد ځدراڼ زیاته کړې؛ چاودنه هغه مهال رامنځته شوه، چې په یاد ښوونیز مرکز کې د کانکور ازموینه روانه وه.

د افغانستان د کورنیو چارو وزارت ویاند عبدالنافع ټکور د کابل د دیارلسمې حوزې اړوند د دشت برچي په سیمه کې د کاج پر ښوونیز مرکز چاودنه تائید کړې ده.

نوموړي د دې پېښې د غندلو ترڅنګ زیاته کړې، چې پر ملکي اهدافو برید د دښمن د غیرانساني عمل ښکارندویي کوي.

په ټولنیزو رسنیو کې خپرې شوې ځینې ویدیوګانې د قربانیانو جسدونه ښیي، چې ادعا کیږي د نن ورځې په چاودنه کې وژل شوي دي.

تر اوسه کوم کس یا ډلې د دې چاودنې مسوولیت پر غاړه ندی اخیستی.

تازه خبرونه

د حنا رباني کهر پر مشرۍ پاکستاني پلاوي له افغان مشرانو سره وکتل

Published

on

(Last Updated On: ليندۍ ۸, ۱۴۰۱)

د بهرنیو چارو وزارت په ستورې ماڼۍ کې د حنا رباني کهر پر مشرۍ له پاکستاني پلاوي سره د بهرنیوچاور د وزیر مولوي امیرخان متقي په مشرۍ د دې وزارت د اداري مرستیال په ګډون د رییسانو یوه ناسته ترسره شوه.

د پاکستان د دولت د بهرنیو چارو د وزیرې حنا رباني کهر په مشرۍ د راغلي پلاوي په ترکیب کې د افغانستان لپاره د دغه حکومت استازي محمد صادق خان او په کابل کي د پاکستان سفارت چارسمبالي عبیدالرحمن نظاماني اوګنشمېر نورو مسوولین ګډون کړی و..

د افغانستان د بهرنیو چارو وزیر مولوي امیرخان متقي راغلي پلاوي ته د ښه راغلاست ترڅنګ دوه اړخیزې اړیکې، ولسونو اوسیمې ګټورې وښودلې.

امیر خان متقي په پاکستان د افغان بنديانو د خلاصون، له یوه او بل حکومتونو د مسافرو د تلو راتلو او په لارو د اوښتو په برخه کې دسهولتونو د را منځته کولو، د تجارت او ترانزيت په برخه کي د پرمختګ او چټکتیا په اړه اړوند لوري ته یادونې وکړې.

دغه راز نوموړي په دې ناسته کې د تاپي، تاپ، اورګاډي د کرښې او نورو لویو پروژو پیل کولو ته چمتووالي وښوده او د سیاسی اړیکو، اقتصادي ودې او امنیت په اړه یې د اسلامي امارت موقف ورته څرګند کړ.

پاکستاني پلاوي په پاکستان کي د افغان مهاجرینو سره د ښه سلوک، د تګ راتګ پر لارو او د ویزو په برخه کې د ستونزو د حل په باب د همکاریو ژمنه وکړه او زیاته شوې، چې له افغانستان سره د تجارت او ترانزیت د پیاوړتیا او پراختیا په اړه به لازم ګامونه پورته کړي.

حنا رباني کهر څرګنده کړې، دا چي افغانستان او پاکستان دوه مسلمان همسایه هېوادونه دي او کلتوري مشترکات هم سره لري؛ نو دواړه حکومتونه باید یو له بل سره همکاري وکړي او دوه اړخیزې عامه ګټې خوندي وساتي.

Continue Reading

تازه خبرونه

د امریکا استازې کارن دیکر هم په تاجکستان کې د هرات د لسمې امنیتي ناستې ګډونواله وه

Published

on

(Last Updated On: ليندۍ ۸, ۱۴۰۱)

په افغانستان کې د امریکا چارسمبالې د سې شنبې پر ورځ ومنله، چې هغې د تاجکستان د دوشنبې د هرات په لسمه دوه ورځنۍ امنیتي ناسته کې ګډون کړی، چې په کې د افغانستان د امنیتي وضعیت په اړه نظرونه تبادله شول.

هغې ویلي: زه دلته د اوریدلو لپاره راغلې یم؛ خو زه چمتو یم، چې د افغانستان د خلکو او د خپل ځان او ګاونډیانو سره د سولې لپاره د افغانستان لپاره د امریکا قوي ملاتړ تکرار کړم.

د افغانستان د ستراتیژیکو مطالعاتو د انستیتوت په دې غونډه کې سولې او پخلاینې ته د رسیدو لپاره د غونډې کډونوالو خپل اندونه او نظرونه وړاندې کړل.

د تاجکستان د بهرنیو چارو وزارت مرستیال فرهاد سلیم پدې باور دی، چې د یوه ټولګډونه حکومت جوړول؛ په افغانستان کې د ثبات او تلپاتې امنیت یوازنۍ لار ده.

د تېر حکومت یو شمېر سیاسي څېرې، روڼ اندي او علمي شخصیتونه هم د افغانستان د ستونزې لپاره د حل لارې د موندلو لپاره زاټول شوړي، چې له ګاونډ هېوادونو، د سیمې او نړۍ له هېوادونو سره په دوستۍ کې تلپاتې سولې ته ورسېږي.

د غونډې ګډونوال رنګین دادفرسپنتا ویلي: موخه دا نه ده، چې د افغانستان په شخړه کې ښکېلې خواوې سره یو ځای شي؛ بلکې موخه دا ده، چې د نظر خاوندانو او سیاسي مفکرینو نظریې را غونډې او د پالیسۍ جوړوونکیو په واک کې ورکړ شي، چې په افغانستان کې د سولې او ثبات لپاره ترې ګټه پورته کړي.

یو شمېر نور ګډونوال وايي، چې په افغانستان کې د یوې مناسبې سیاسي حل لارې د موندلو لپاره یو لوی نړیوال ائتلاف ته اړتیا ده.

تر اوسه اسلامي امارت په دوشنبه کې د هرات د امنیتي غونډې د غړیو د څرګندونو په اړه څه ندي ویلي؛ خو پرون د ريیس الوزرا سیاسي مرستیال ویلي وه، چې د افغانستان حکومت ټولګډونه دی او د ښځو حقونه د اسلامي شریعت په چوکات کې تضمین شوي او اوس ښځې په بېلا بېلو برخو کې کار کوي.

د هرات لومړنۍ امنیتي ناسته په ۲۰۱۲ ز. کې د افغانستان په اړه د سولې او امنیت پر موضوعاتو د تمرکز لپاره پیل شوې ده.

Continue Reading

تازه خبرونه

د سعودي عربستان او ازبکستان چارواکو د افغانستان په اړه خبرې وکړې

Published

on

(Last Updated On: ليندۍ ۷, ۱۴۰۱)

د سعودي عربستان د بهرنیو چارو وزارت څرګنده کړې، چې د دغه وزارت مرستیال عبدالکریم الخریجي د افغانستان لپاره د ازبکستان له ځانګړي استازي عصمت الله ایرګاشیف سره خبرې کړې دي.

دغه وزارت نن سهار (دوشنبه د لیندۍ ۷ ) په خپل تویتر کې لیکلي، چې په دې کتنه کې د افغانستان د پرمختګونو په اړه بحث او خبرې وشوې.

د سعودي د بهرنیو چارو وزارت په دې اړه نور جزئیات ندي ورکړي.

ازبکستان یو له هغو هېوادونو څخه دی، چې د افغانستان له اسلامي امارت سره ښې اړیکې لري.

دغه هېواد له افغانستان سره په ګډه څو سترې اقتصادي پروژې هم لري.

Continue Reading

Trending

Copyright © 2022 Ariana News. All rights reserved!