Connect with us

سوداگري

 په کابل کې لومړنی ملي او نړیوال نندارتون جوړ شو

خپور شوی

د

(Last Updated On: )

د افغانستان په پلازمېنه کابل کې د هېواد د تولیداتو، خدمتونو او سوداګریزو محصولاتو د پوره پېژندنې لپاره امام ابو حنیفه “رح” نومی ملي او نړیوال نندارتون جوړ شو.

دغه نندارتون د امام ابوحنيفه رحمة الله په نامه اووه ورځې دوام لري، چې له شپږ سوه څخه د ډېرو کورنيو او نړيوالو شرکتونو توليدات په کې نندارې ته ايښودل شوي دي.

دې  نندارتون ته د اسلامي امارت مشرتابه مولوي هبة الله آخوندزاده په یوه غږیز پیغام کې ویلي، چې افغان پانګوال باید په هېواد کې پانګونه وکړي او هېواد باید د اقتصادي ودې لپاره پر بهرنیو مرستو تکیه ونکړي.

د نوموړي د څرګندونو له مخې: د یو هېواد اقتصاد هغه وخت جوړیږيو چې خپل خلک یې متې راونغاړي، د یو او بل لاسنیوی وکړي او د بهرنیانو پر مرستو تاکیه ونکړي.

د رییس الوزرا اداري مرستیال عبدالسلام حنفي ویلي، چې اسلامي امارت د ملي امنیت د خوندیتوب او اقتصادي فرصتونو د برابرولو لپاره کار کوي او د کورنیو تولیداتو ملاتړ یې لومړیتوب دی.

عبدالسلام حنفي زیاته کړې، که ملي سوداګر په دولتي ادارو کې له رشوت سره مخ شي؛ د شکایت حق لري او زر به یې ستونزه حل کړي.

د رییس الوزار اداري مرستیال عبدالسلام حنفي وایي: هغه وويل: هيڅوک نشي کولى، چې په دولتي ادارو کې له يو ملي سوداګرڅخه د رشوت غوښتنه وکړي. مونږ چمتو یوو، چې هر هغه دولتي چارواکی، چې له یوه ملي سوداګر څخه رشوت وغواړي لبه اسلامي اصولو سره سم تعقیب کړو.

په دغه نندارتون کې د اسلامي امارت یو شمېر نورو چارواکو هم ویلي، چې په افغانستان کې د پانګونې لپاره ښه زمینه برابره شوې ده.

د صنعت او سوداګرۍ وزارت سرپرست نورالدین عزیزي وایی: له کورنی تولید ملاتړ مو د خپل ملي اقتصاد ملا تړل دي؛ باید ټول له کورنيو تولیداتو ملاتړ وکړو.  

د اسلامي امارت ویاند هم ويلي، چې افغانستان تازه د ځان بسیاینې پر لوري یو ګام پورته کړی او د اسلامي امارت موخه دا ده، چې د امریکايي پوځي حضور له پای ته رسیدو وروسته د افغانستان اقتصاد وده وکړي.

ذبیح الله مجاهد د سوداګرو، پانګوالو او د سوداګرۍ خونې فعالیت په افغانستان کې د کورنیو او نړیوالو پانګوالو د جلبولو په برخه کې اغېزناک بولي.

داسلامي امارت ویاند ذبیح الله مجاهد وایي: دمګړۍ ملي او نړیوالو سوداګرو ته د پانګونې ښه زمینه برابره ده. را دې شي او په افغانستان کې دې پر بېلابېلو برخو کې پانګونه وکړي.

دغه راز د کانونو او پترولیم وزارت سرپرست شهاب الدین دلاور وايي؛ د کوچنیو کانونو استخراج هیڅکله بهرنیو شرکتونو ته نه ورکول کیږي.

نوموړی وایي: د کانونو د استخراج په اصولو کې له افغانانو پرته بل چا ته کوچني کانونه نه ورکول کېږي او په ټول هېواد کې د ۱۷۸ کوچنیو کانونو قراردادونه افغانانو ته ورکړ شوي دي.

دوی د سوداګرو، پانګوالو او د سوداګرۍ خونې فعالیت په افغانستان کې د کورنیو او نړیوالو پانګوالو په جلبولو کې اغېزناک ګڼي.

د سوداګرۍ او پانګونې خونې مرستیال محمد یونس مومند وايي، دغه نندارتون یې له بهرنیو مرستو پرته جوړ کړی دی.

مسوولین تمه لري، چې دغه نندارتون به افغان سوداګرو ته له بهرنیو سوداګرو سره اړیکو برابرولو ته ډاډمنه زمینه هم برابره کړي.

سوداگري

افغانستان ته د ایران د غیر نفتي توکو په صادراتو کې زیاتوالی راغلی

روستايي ویلي؛ د روان کال په لومړیو درې میاشتو کې افغانستان ته زمونږ د صادراتو کچه د ټولې منځنۍ کچې څخه ۷۳ ډالره لوړ دي.

Published

on

(Last Updated On: )

په افغانستان کې د ایران د سوداګرۍ اتشې د ۱۴۰۳ لمریز لېږدیز کال په لومړیو ۳ میاشتو کې افغانستان ته د ایران په غیر نفتي صادراتو کې د تېر کال پر پرتله له ۱۲۳ میلیون ډالر له زیاتوالي خبر ورکړی.

په کابل کې د ایران سفارت اړوند اتشې ويلي، چې افغانستان ته د ایران په غيري نفتي صادراتو کې ۳۱ سلنه زياتوالی راغلی دی.

په افغانستان کې د ایران سفارت سودااکریزې اتشې حسين روستايي ویلي، چې سږ کال په ۳ لومړیو میاشتو کې افغانستان ته د ایران صادرات د تېر کال د لومړیو درې میاشتو پر پرتله د ۱۲۳ میلیونه ډالرو له زیاتوالي سره ۳۱.۱ سلنه زیاتوالی ښیي.

د نوموړي زیاته کړې، چې په دې موده کې د دې غیري نفتي صادراتو ارزښت ۵۱۷ میلیون ډالرو ته رسيږي، چې دا د تېر کال د ورته وخت پر پرتله ۲۳ سلنه زیاتوالی ښي او سږ کال په درې لومړیو میاشتو کې افغانستان ته د ایران غیر نفتي صادرات ۲۲۷ زره ټنه زیات شوي دي.

روستايي دا هم ویلي، چې افغانستان ته د صادراتو په توکو کې نفتي محصولات، اوبلن ګاز، د اوسپنې او پولادو پايې، پلاستیکي پایپونه، پلاستیکي اوبدل شوي فرشونه، یوریا، د چرګانو هګۍ او دانه، سمنټ، رومیان، مڼې، کچالو، بوټونه، مېوې، سابه، وچې شیدې او د کاشي ډبرو بېلابېلې بڼې شاملې دي. دغه راز په دې غيري نفتي موادو کې د څارویو جوار، وربشې، سپیلني، د لمر‌ګلي زړي، سرب او نور توکي د افغانستان د وارداتو په زیاتوالي کې مهم توکي دي.

روستايي ویلي؛ د روان کال په لومړیو درې میاشتو کې افغانستان ته زمونږ د صادراتو کچه د ټولې منځنۍ کچې څخه ۷۳ ډالره لوړ دي.

ویل کیږي، چې د دواړو هېوادونو ترمنځ د اقتصادي اړیکو پراختیا او د سوداګریزو معاملو زیاتوالی د ایران د دیارلسم حکومت له ګاونډیو سره د ځانګړي لیدلوري له امله دی.

 

اړوند خبرړنه:

 له ابو نصر فراهي بندر څخه افغانستان ته د مالونو لېږد اته برابره زیات شوی – ایران

د افغانستان له لارې مرکزي آسیا ته د ایران سوداګریز دهلیزونو رامنځته شول

Continue Reading

سوداگري

پاکستان د افغانستان پر سبو او میوو تعرفه لوړه کړې

د کرنې او مالدارۍ وزارت مسوولینو ويلي، چې هڅه  کوي؛ له پاکستاني لوري سره د افغان صادارتو پر وړاندې د شته ستونزو په اړه خبرې وکړي او دواړه لوري وکولی شي خپلې اقتصادي اړیکي منظمې ترسره کړي.

Published

on

(Last Updated On: )

د هېواد د تازه میوې صادروونکي وايي، د رواني اوونۍ  له پیل راپدیخوا پاکستان د افغانستان پر سبو او میوو تعرفه لوړه کړې ده.

د هېواد د تازه میوو او سبو صادروونکيو ويلي، چې پاکستان د افغانستان د تازه میوو او سبو پر سر ګمرکي تعرفه بې‌سارې لوړه کړې ده.

دوی  د صنایعو او سوداګرۍ وزارت په ګډون له ټولو سکټوري بنسټونو څخه له پاکستاني لوري سره د دې ستونزه د حل غوښتنه کړې؛ ځکه، چې په راتلوونکي کې افغان سوداګر او بزګر له مالي زیان څخه وژغورل شي.

دوی وايي، چې له همدې کبله د افغان سوداګرو لسګونه پر میوو او سبو بار موټرونه تم شوي دي، چې میوه او سابه یې د خرابېدو په حال کې دي.

د خصوصي سکټور غړي له سکټوري وزارتونو څخه غواړي، چې له پاکستاني لوري سره د دې ستونزې د اواري لپاره راودانګي.

د تازه میوو د صادروونکیو د ټولنې رییس عبدالغفور ناصري ویلي؛ زمونږ هیله د صنعت او سوداګرۍ له وزارت څخه داده، چې له پاکستاني لوري سره اوسنۍ ستونزه بنسټیزه حل شي؛ ځکه، چې پاکستانی لوری ستونزه ډېرول غواړي.

د کرنې او مالدارۍ خونې مرستیال میرویس حاجي زاده وایي: پاکستان تل زمونږ د صادارتو په فصل کې دا ستونزه جوړوي. هیله ده، چې د صنایعو او سوداګرۍ وزارت د دې ستونزو د حل لپاره بېړنيګاکونه پورته کړي.

د کرني اومالدارۍ خونې غړي امید حیدري ویلي: زمونږ په لسګونه موټر، چې پاکستان ته يي تازه میوه او ترکاري وړله په لارو کې ولاړ دي؛ ځکه په تعروفه کې څو برا بره زیاتوالي رامنځته شوی دي. هیله لرو د صنایعو او سوداګرۍ وزارت دا ستونزه اواره کړي.

د کرنې او مالدارۍ وزارت مسوولینو ويلي، چې هڅه  کوي؛ له پاکستاني لوري سره د افغان صادارتو پر وړاندې د شته ستونزو په اړه خبرې وکړي او دواړه لوري وکولی شي خپلې اقتصادي اړیکي منظمې ترسره کړي.

د کرنې او مالدارۍ وزارت مرستیال صدر اعظم عثماني ویلي: مونږ هیله لرو، چې له کستاني لوري سره خپلي سوداګریزې او اقتصادي اړیکي منظمې ترسره کړو؛ ځکه په هېواد کې مو تولید شوي کرنیز محصولات باید نورو مارکیټونو ته ورسیږي. که نشي؛ نو بیا اړیوو، چې خپلو تولیداتو او محصولاتو ته بدیل مارکیټو نه برابر کړو.

د خصوصي سکټور غړيو  ويلي؛ د روان کال له پیل راپدیخوا له پاکستان څخه تر ۸۰۰ میلیون ډالرو را کړه ورکړه شوې، چې ډېری یې واردات دي.

ویل کیږي؛ که د پاکستان له لوري ستونزي همداسې روانې وي، نو ښايي له دې هېواد سره سوداګري صفر شي او اقتصادي اړیکي پر ټپه ودریږي.

Continue Reading

سوداگري

د ازبکستان او افغانستان خصوصي سکټورونو ترمنځ سوداګریز تړونونه لاسلیک شول

د صنعت اوسوداګرۍ  وزارت هم وايي، چې په دې نندراتون کې به د دواړو هېوادونو ترمنځ د اقتصادي اړیکو د پرا ختیا لپاره نوي ګامونه پورته شي.

Published

on

(Last Updated On: )

د ازبکستان او افغانستان په ګډ نړیوال نندارتون کې د دواړه هیوادونو د خصوصي سکټورونو ترمنځ  سوداګریز تړونونه لاسلیک شوي دي.

هغو پانګوالو، چې په دې نندارتون کې افغان تولیدات او محصولات نندارې ته وړا ندې کړي وايي؛ د نندارتون پر دوه‌یمه ورځ يي له ازبکستاني لوري سره نوي تړونونه لاسلیک کړل.

د افغانستان او زبکستان دا ګډ نندراتون د افغانستان او ازبکستان ترمنځ د اقتصادي اړیکو په پرا ختیا کې مهم رول  لري.

افغان پانګوال هیله څرګندوي، چې د دې نندارتون تر پایه به د دواړه هېوادونو ترمنځ د میلیونونو ډالرو پر ارزښت تړونونه لاسلیک شي.

د صنعت اوسوداګرۍ  وزارت هم وايي، چې په دې نندراتون کې به د دواړو هېوادونو ترمنځ د اقتصادي اړیکو د پرا ختیا لپاره نوي ګامونه پورته شي.

د صنایعو او کانونو خونې مرستیال سخي احمد پیمان وایي: د افغانستان او ازبکستان ترمنځ د دې نندارتون اقتصادي اهمیت د افغان تولیداتو د پېژندني او د هغو لپاره د بازار موندني په برخو کې ډېره اړین دی او هیله شته، چې له ازبکستان سره نوي تړونونه هم لاسلیک شي.

دغه راز د صنایعو او کانونو خونې غړي عبدالنصیر رشتیا ویلي: د نندارتون په دوه‌یمه ورځ د افغانستان او ازبکستان ځینو شرکتونو ترمنځ تړونونه لاسلیک شول. هیله لرو، چې له افغان لوري سره نورې هوکړې هم وشي.

د صنعت او سوداګرۍ وزارت مسوولینو هم ويلي، چې له ازبکستاني لوري سره د سوداګریزو اقتصادي اړیکو د پراختیا لپاره دا نندارتون جوړ شوی او افغان چارواکو له ازبکستاني مسوولینو سره د اقتصادي پراختیا په اړه ناستې روانې ساتلې دي.

د صنایعو او سوداګرۍ وزارت ویاند عبدالسلام جواد اخوندزاده وایي: د صنایعو او سوداګرۍ وزارت پلاوي تر اوسه د ازبکستان د صنایعو او سوداګرۍ، ټرانسپورټ، کانونو، اوبو او انرژۍ او ماليي وزارتونو له مسوولینو سره د دواړو هېوادونو ترمنځ د اړیکو د پراختیا لپاره لیدلي او دالړۍ روانه ده.

د ازبکستان په پلازمېنه تاشکند ښار کې د صنعت او سوداګرۍ وزارت چارسمبالي نورالدین عزیزي د دغه نندارتون په پرانیستغونډه کې د کابل او تاشکند تر منځ د سوداګریزو او ټرانزیټي اړیکو پر ټینګښت ټينګار کړی؛ په افغانستان کې یې د ډاډمن امنیت او اسانتیاوو له مخې د ازبکستان له سوداګرو وغوښتل، چې په  بېلابېلو برخو کې پانګونې وکړي.


اړوند خبرونه: 

افغانستان او ازبکستان د ګډې سوداګرۍ خونې پر جوړولو هوکړه وکړه

د سوداګرۍ او صنایعو وزارت چارسمبالی د یوه پلاوي پر مشرۍ قزاقستان ته ولاړ

Continue Reading

Trending

Copyright © 2022 Ariana News. All rights reserved!