Connect with us

تازه خبرونه

په کابل کې نښلیدونکي ماین چاودنې د یوه خبریال په ګډون درې کسان وژلي

Published

 on

(Last Updated On: لړم ۱۷, ۱۳۹۹)

د کابل پولیسو ویلي، نن سهار د کابل په نهمه ناحیه کې د مقناطیسي ماین د چاودنې له کبله د یوه پخواني ژورنالیست په ګډون درې کسان ووژل شول.

د پولیسو په وینا، پېښه نن سهار شاوخوا اته بجې پر کرولا موتر له نښلیدونکي ماینه رامنځته شوې ده.

د افغانستان بانک د رسنیو مسوول او د یوې خصوصي رسنۍ پخوانی خبریال یما سیاوش هم په دې پېښه کې وژل شوی دی.

د سیاوش د کورنۍ غړي د هغه مړینه تائیدوي او وايي، چې په دې وروستیو کې یې په هندوستان کې د ماسترۍ سند هم  بشپړ کړی و.

د ولسمشر ویاند صدیق صدیقي دغه برید په کلکه غندلی او وایي، چې یما سیاوش د افغانستان په مرکزي بانک کې دنده پر غاړه اخیستې وه.

مرکزي بانک ویلي، چې حمدالله انس، د افغانستان بانک د دفتر رییس او د دوی موتر چلوونکی امین الله رضايي هغه څوک و، چې نن سهار له یما سیاوش سره یو ځای وژل شوي دي.

د طالبانو په ګډون هیڅ یوې ډلې د دې برید مسوولیت پر غاړه ندی اخیستی.

وویل کیږي، نومیالۍ تلویزیوني څېره یما سیاوش نن په بې بي مهرو غونډۍ کې خاورو ته سپارل کیږي.

تازه خبرونه

په ایران کې یوه افغان لس کسان پر چړې وژلي

Published

on

(Last Updated On: زمری ۱۸, ۱۴۰۱)

د ایران دولتي خبري آژانس ایرنا د کرمان ښار د چارسمبالي والي حسین رضايي د څرګندونو له مخې په ډاګه کړې؛ یوه افغان د یکشنبې پر ورځ د ایران په جنوبي ښار کرمان ولایت کې د شخصي دښمنۍ له کبله لس کسان پر چړې وژلي دي.

رضايي زياته کړې، شکمن د پوليسو لخوا هغه وخت ونيول شو، چې غوښتل يې ماښام  مهال له دې ولايته ووځي.

نوموړي د دغه افغان د ورور د څرګندونو له مخې ویلي؛ تورن ذهني بې ثباتي لرله او پر مخدره توکو روږدی و.

د رسنیو د راپور له مخې؛ په دې برید کې شپږ افغانان او څلور ایرانیان وژل شوي دي.

د دې سيمې چارواکي وايي، چې په دې پېښه کې يو بل تن ټپي شوى او تر درملنې لاندې دى.

Continue Reading

تازه خبرونه

په افغانستان کې مذهبي ډلې د خپلو مراسمو د ترسره کولو پوره آزادي لري

Published

on

(Last Updated On: زمری ۱۷, ۱۴۰۱)

د بهرنیو چارو وزارت سیاسي مرستیال نن په کابل کې د عاشورا نمانځغونډې ته وویل، د نامسلمانو په ګډون ټولې مذهبي ډلې کولی شي خپل مراسم په آزاده توګه ترسره کړي.

د اسلامي امارت د بهرنیو چارو وزارت سیاسي مرستیال شېر محمد عباس ستانکزی وايي؛ د افغانستان ټول مذهبونه او حتا غیر مسلم اقلیتونه د خپلو مذهبي مراسمو په ترسره کولو کې آزاد دي او په دې برخه کې کومه ستونزه نشته.

شېرمحمد عباس ستانکزي، چې د محرم پر لسمه يې په کابل کې خبرې کولې له خلکو وغوښتل، چې د اوسني نظام ملاتړ وکړي

نوموړي همداراز ټینګار کړی، چې ځینې هېوادونه د افغانستان د وضعیت په ګډوډولو کې خپلې ګټې ویني؛ خو مونږ په هېواد کې د ستونزو او جګړو د پای ته رسولو لپاره اړتیا لرو او خلک باید د دغو دسیسو پر وړاندې د اوسني نظام ملاتړ وکړي.

د بهرنيو چارو وزارت سياسي مرستيال په هېواد کې تېرو کورنيو جګړو ته په نغږته کې وايي، چې د پخواني شوروي اتحاد پر وړاندې د جهاد له بريا وروسته ډېرو کسانو د واک او شخصي انګېزو له کبله هېواد بې ثباته کړ.

شېر محمد عباس ستانکزي د خپلو خبرو په بهیر کې د داخلي مخالفتونو پر ختمېدو هم ټینګار څرګند کړ.

که څه هم د عاشورا د ماتم کوونکیو پر وړاندې د امنیتي ګواښونو په اړه اندېښنې موجودې وې؛ خو د عاشورا مراسم په بشپړ خوندي چاپېریال کې ترسره شول.

د یادونې ده، چې د محرم لسمه ورځ د امام حسین (ع) د شهادت د ویر او د هغه د غوښتنو او پوښتنو یادولو ته ځانګړې شوې ده.

Continue Reading

تازه خبرونه

په کابل کې د امریکا لخوا د القاعده د مشر وژل کېدل یوه ادعا ده – حکمتیار

Published

on

(Last Updated On: زمری ۱۷, ۱۴۰۱)

د حزب اسلامي مشر ګلبدین حکمتیار ويلي، د امریکا له لوري د القاعده د مشر ایمن الظواهري وژل یوازې یو تور دی او د دغه هېواد له لوري هیڅ ثبوت وړاندې شوی ندی.

حکمتیار د جمعې پر ورځ د خپلو خبرو په یوه برخه کې دغه عمل یو تروریستي عمل نومولی او وایي، چې امریکا د افغانستان له فضايي حریم او ملي حاکمیت څخه پوره سرغړونه کړې ده.

د حزب اسلامي امیر ګلبدین حکمتیار ادعا کوي، چې امریکا په افغانستان کې خپل فعال پوځي، استخباراتي او جاسوسي حضور روان ساتلی، چې ښايي د اسلامي امارت د ځینو مشرانو د وژلو پلان ولري. امارت باید د دا ډول بریدونو مخه ونیسي.

د حزب اسلامي مشر ګلبدین حکمتیار ويلي، امریکا له افغانستان څخه د جګړې د دوام په اراده وتلې او د غچ اخیستنې احساس د دغه هېواد د سیاسي او پوځي چارواکو له څرګندونو هم څرګندېږي.

نوموړی خبرداری ورکوي، چې د افغانستان هوايي حریم هم خوندي ندی او امریکا کولی شي خپل مخالفان په افغانستان او نورو ځایونو کې پر نښه کړي.

د امریکا حکومت ادعا کوي، چې ایمن الظواهري د تېرې شنبې پر ورځ په کابل کې د امریکا د بې پیلوته الوتکې په برید کې وژل شوی؛ خو د دې ادعا د ثابتولو لپاره یې اسناد وړاندې کړي ندي. اسلامي امارت د دغه برید پخلی کوي؛ خو تر اوسه یې په کابل کې د الظواهري د میشتېدو او د هغه د وژل کېدو په اړه څه ندي ویلي.

Continue Reading

Trending

Copyright © 2022 Ariana News. All rights reserved!