تازه خبرونه
په کابل کې هر کال د هوا د ککړتیا له کبله له ۲۰۰۰ ډېر کسان مري

د افغانستان د عامې روغتیا وزارت ويلي، چې د هوا د ککړتیا او د اقلیم د بدلون له کبله هر کال له دوه زره ډېر هېوادوال ژوند له لاسه ورکوي.
په دې مراسمو کې د اسلامي امارت لوړ پوړو چارواکو، د رییس الوزرا اداري مرستیال او د کابینې ځینو غړیو ګډون کړی و.
د دغه وزارت چارواکو د اقلیم د بدلون د نړیوالې اوونۍ د نمانځنې په مراسمو کې، چې په کابل کې د (اقلیم، روغتیا او عدالت) تر سرلیک لاندې جوړه شوې وه ویلي، چې د هوا د ککړتیا له کبله د هېواد زرګونه ښاریان په تنفسي، زړه، سرطاني او نورو ویروسي ناروغیو اخته کیږي.
د عامې روغتیا وزارت مرستیال حسن غیاثي وویل، چې هر کال په هېواد کې دوه زره کسان د هوا د ککړتیا او د اقلیم د بدلون له امله د پیدا شویو ناروغیو له امله مري.
نوموړی زیاتوي، چې د هوا ککړتیا زرګونه کسان د تنفسي، زړه او سرطان په بېلابېلو ناروغیو اخته کوي.
د رییس الوزرا اداري مرستیال عبدالسلام حنفي وايي، چې حکومت د اقلیم او چاپېریال ښه والي ته ژمن دی.
د ریس الوزرا دویم مرستیال افغانستان د اقلیم د بدلون له امله اغېزمن هیواد بولي او ټينګار کوي چې حکومت د چاپېریال ساتنې ادارې د پالیسو عملي کولو او د چاپېریال د ککړتیا مخنیوي ته ژمن دی.
له بلې خوا د بهرنیو چارو وزارت سیاسي مرستیال شېرمحمد عباس ستانکزی وايي، په هېواد کې پرلپسې جګړې، د ځنګلونو پرې کولو او د ځمکې لاندې اوبو څخه ډېره ګټه اخیستلو د هېواد پر چاپېریال منفي اغېزې کړې دي.
د چاپېریال ساتنې ادارې رییس حافظ عزیزالرحمن زیاته کړې؛ د اقلیم بدلون په هېواد کې د خلکو ټولنیز ژوند او کرنه ګډوډه کړې او دغه اداره هڅه کوي، چې د نورو اړوند ادارو سره په همغږۍ د هېواد په لویو ښارونو کې د هوا د ککړتیا مخه ونیسي.
کابل ښار له څو کلونو راپدیخوا د نړۍ د ککړو ښارونو په نوملړ کې دی او هر کال د ژمي له رارسېدو سره د پلازمېنې اوسېدونکي د ککړتیا د زیاتېدو له کبله په بېلابېلو ناروغیو اخته کېږي.
تازه خبرونه
د اسلامي اردو پر جوړولو منظم او داډمن کار روان دی – دفاع وزارت

د هېواد د وسلوالو ځواکونو لوى درستيز ويلي؛ د اسلامي امارت او دفاع وزارت لخوا د اسلامي اردو پر جوړولو منظم او ډاډمن کار روان دی.
د ملي دفاع وزارت ستر درستیز فصيح الدين فطرت د مخابرې ریاست د سرتېرو د فراغت په مراسمو کې ویلي؛ اسلامي امارت او دفاع وزارت تل د یوې داسې اردو د جوړولو هحې کړي، چې د ایمان او عقیدې پر وسله سمبال وي؛ ځکه، چې د اسلامي امارت ځواکونو په همدې وسلې د نړۍ د قدرتونو پر وړاندې بریا ترلاسه کړې ده.
دغه لوړپوړي امنيتي چارواکي له فارغو شویو سرتېرو وغوښتل، چې د خلکو او هېواد خدمت ته ژمن پاتې شي او په پوره اخلاص او صداقت ګامونه پورته کړي.
د هېواد دغه لوړ پوړي دفاعي چارواکی زیاته کړې، چې د اسلامي امارت ځواکونه د اطاعت له پلوه په نړۍ کې ساری نلري.
د ده په وینا د سرتېرو لخوا د خپل مشر اطاعت د نړۍ پر زبرځواکونه بریا ته ورسول.
نوموړي په افغانستان کې د اسلامي نظام د ټينګښت لپاره د اسلامي امارت د رهبرۍ اطاعت مهم وباله.
د مخابرې ریاست دې سرتېرو درې میاشتنۍ زدهکړې بشپړې کړې او د فراغت سندونه یې ترلاسه کړل.
تازه خبرونه
اسلامي امارت په هېواد کې معیاري ښوونیزو خدمتونو ته ژمن دی

پرون د پوهنې وزارت د پوهنې د نړیوالې ورځې په مناسبت په یوه اعلامیه کې ویلي، چې زدهکړه د هر افغان لپاره لازمه ده او دا وزارت ژمن دی، چې په هېواد کې معیاري ښوونیز خدمتونه وړاندې کړي.
په دې اعلامیه کې ویل شوي، چې زدهکړه د هر افغان لپاره لارمه ده او اسلامي امارت ژمن دی، چې معیاري تعلیمي خدمتونه وړاندې کړي.
په اعلامیه کې راغلي، چې نړۍ باید دغه وزارت د معیاري تعلیمي خدمتونو په وړاندې کولو کې یوازې پرې نږدي.
د پوهنې وزارت په اعلامیه کې راغلي: د پوهنې وزارت خپلو خلکو او نړیوالې ټولنې ته ډاډ ورکوي، چې اسلامي امارت تعلیم او زدهکړه د هر افغان لپاره اړینه ګڼي، له اقتصادي محدودیتونو سره سره یې ۱۹۰۰۰ ښوونځي او ۱۳۰۰۰ دیني مدرسې پرانیستي دي او دوه نیم میلیون نجونې هم ښوونځیو ته ځي.
د امریکا د بهرنیو چارو وزارت او د ملګرو ملتونو تعلیمي او فرهنګي ټولنې یا یونسکو دواړو ویلي، چې افغان ښځې او نجونې د زدهکړو له حقه بې برخې دي.
د یونیسکو عمومي منشي آډري ازولي وایي: یونسکو غواړي سږکال دا ورځ افغان ښځو او نجونو ته ځانګړې کړي، مونږ غواړو، چې د ښځو او نجونو د کار او زدهکړې حقونه پرته له ځنډه دوی ته ورکړ شي. د ښځو د کار او زدهکړې پر وړاندې جګړه باید ودرول شي؛ ځکه هره نجلۍ او هلک د زدهکړې حق لري.
ځینې محصلینې او زدهکوونکې له اسلامي امارته غواړي، چې تعلیمي او تحصیلي بندیزونه لرې کړي او دوی ته درسونو ته د ستنېدو اجازه ورکړي.
یو شمېر کارپوهان وايي، چې زدهکړو ته لاسرسی د ټولنې د هر غړي اساسي او بشري حق دی او باید دا حق له هیچا وانه خیستل شي.
اسلامي امارت پر نجونو د ثانوي او پوهنتوني زدهکړو محدویتونه دایمي نه بولي؛ خو تمې دادي، چې په را روان پسرلي کې به د نجونو پر مخ د ښوونځیو او پوهنتونونو دروازې پرانیستل شي.
تازه خبرونه
کابلوف د افغانستان پر ورستیو تحولاتو د خبرو لپاره پاکستان ته سفر کړی

د افغانستان لپاره د پاکستان استازي محمد صادق څرګنده کړې؛ د افغانستان لپاره د روسیې ځانګړي استازي ضمیر کابلوف د سیمې پر وروستیو تحولاتو د خبرو لپاره پاکستان ته سفر کړی دی.
محمد صادق د سه شنبې پر ورځ تویت کړ، چې له کابلوف سره یې د مسکو او اسلامآباد ترمنځ د نږدې همکارۍ پر اړتیا هم خبرې کړې دي. هغه کابلوف د پام وړ ښه او پوه دیپلومات په توګه وستایه.
کابلوف پاکستان ته له سفر مخکې په افغانستان کې د اسلامي امارت له لوړ پوړیو چارواکو سره هم کتلي دي.
د افغانستان د بهرنیو چارو وزارت د ویاند مرستیال حافظ ضیا احمد تېره اوونۍ څرګنده کړې وه، چې کابلوف د بهرنیو چارو له وزیر امیرخان متقي سره لیدلي او ټینګار یې کړی، چې روسیه د غربي حکومتونو په څېر نیوکې نکوي.
نوموړي زیاته کړې؛ کابلوف ویلي، هېواد یې په افغانستان کې اقتصادي پرمختګ او ثبات لیدل غواړي او د افغانستان په کورنیو چارو کې د دولت پر چارواکو نیوکې او لاسوهنه نکوي.
-
تازه خبرونه4 days ago
د افغانستان خلک او پانګوال د برښنا له پرچاوۍ ځوریږي
-
روغتيا5 days ago
په افغانستان کې ۵.۳ میلیون ماشومان ته د ګوزڼ واکسین کیږي
-
نړۍ5 days ago
د سویدن صدراعظم د قرآنکریم د سوځولو پېښه وغندله
-
تازه خبرونه4 days ago
په پاکستان کې د پاتې افغان بندیانو د خوشې کولو هڅې روانې دي – د کډوالو چارو وزارت
-
تازه خبرونه3 days ago
کابلوف د افغانستان پر ورستیو تحولاتو د خبرو لپاره پاکستان ته سفر کړی
-
تازه خبرونه4 days ago
بیات بنیاد په مزار شرزیف ښار کې اړمنو کورنیو ته خوراکي توکي ووېشل
-
نړۍ3 days ago
هند د می میاشتې په ناسته کې د پاکستان بهرنیو چارو وزیر ته د ګډون بلنه ورکړه
-
تازه خبرونه4 days ago
ملګري ملتونه د افغانستان د وضعیت لپاره د یوې مناسبې حل لارې د موندلو په هڅه کې دي ـ امریکا