Connect with us

تازه خبرونه

په کابل کې ښوونځي ته نږدې چاودنو بېلابېل نړیوال غبرګونونه راوپارول

خپور شوی

د

(Last Updated On: غویی ۱۹, ۱۴۰۰)

د کابل ښار په برچې کې د سیدالشهدا د نجونو ښوونځي ته نږدې پرونیو درې چاودنو د امریکا، انګلستان، جرمني او ملګرو ملتونو په ګډون د نړیوالې ټولنې غصه راپورته کړې او پر کلکو ټکو یې غندنه کوي.

د امریکا د بهرنیو چارو وزارت څرګنده کوې؛ واشنګټن دا برید “وحشي” بللی او د تاوتریخوالي د سمدستي پای ته رسیدو غوښتنه یې کړې ده.

د یکشنبې د سهارنیو راپورونو له مخې؛ په دې چاودنو کې د مړو شمېر ۵۸ ته لوړ شوی او له ۱۵۰ ډېر ډېر نور ټپیان دي.

دغه پېښه د شنبې د ورځې پر مازیګر هغه مهال رامنځته شوه، چې یو موټر د ښوونځي مخې ته وچاودید او د ښوونځي د نجونو په ګډون یې ډېرو خلکو ته مرګ و ژوبله رامنځته کړه.

د امریکایي بهرنیو چارو وزارت په ډاګه کړې: امریکا په کابل کې د نجونو ښوونځي ته څیرمه دغه وحشیانه برید غندي.

دغه راز ویل شوي، چې امریکا به د افغانستان له خلکو سره مرستې او همکارۍ روانې ساتي.

د افغانستان د کورنیو چارو وزارت د څرګندونو له مخې؛ درې چاودنې له ښوونځي سره نږدې رامنځته شوي؛ لومړی موټر بم برید و، چې ورپسې د دوه چاودیدونکیو توکو چاودنې رامنځتهشوې.

تر دې دمه هیچا د دې چاودنو مسوولیت پر غاړه ندی اخیستی او طالبانو په دغو بریدونو کې خپل لاس لرل ردوي.

د افغانستان ولسمشر محمد اشرف غني طالبان په دې برید کې پړه بولي.

د ملګرو ملتونو عمومي منشي آنټونیو ګوټرس هم دغه برید “وحشیانه ” بولي او کلکه غندنه یې کوي.

هغه څرګنده کړې؛ هغه کسان، چې د دغه “جنایت” مرتکب دي باید حساب ورسره وشي.

ګوټرس په افغانستان کې د تاوتریخوالي د پای ته رسولو او د سوله ییزې حل لارې پر ترلاسه کولو هم ټینګار وکړ.

په کابل کې د انګلستان سفیر الیسن بلیک هم دغه برید غندلی او وایي: ماشومان باید هیڅکله هم د تاوتریخوالي موخه نه وي.

نوموړي دا برید وحشیانه بولي او غندنه یې کوي او وایي هغه کسان، چې مسوول دي؛ باید عدالت ته راکاږل شي او حساب ورسره وشي.

په کابل کې د آلمان سفارت هم څرګنده کړې:  مونږ د سید الشهدا د نجونو پر ښوونځي د پروني تروریستي برید غندنه کوو. د ماشومانو وژنه د افغانستان پر راتلونکي برید دی.

د یونیسف اجرائیوي مشر هنریټا فایرهم  څرګنده کړې، چې د ښوونځیو شاوخوا تاوتریخوالی د منلو وړ ندی.

هغې زیاته کړې: ښوونځي باید د امن ځای وي او داسې ځای وي، چې ماشومان وکولی شي د امنیت او خوندیتوب له احساس سره لوبې وکړي، زده کړې وکړي او ټولنیز شي.

د نوموړې د څرګندونو له مخې، ماشومان باید هیڅکله او په هیڅ ډول شرایطو کې د تاوتریخوالي موخه ونه ګرځي.

یونیسف د جګړې له ښکېلو غاړیو غوښتي، چې د نړیوالو بشري حقونو او بشردوستانه قانون اطاعت وکړي او د ټولو ماشومانو خوندیتوب او امنیت تامین کړي.

دا په داسې حال کې ده، چې یوه لوړپوړي امنیتي چارواکي د نوم د نه ښودلو پر شرط رویټرز ته ویلي، چې ډېري تلفات د سید الشهدا له ښوونځي څخه راوتليو زدکوونکيو ته اوښتي او په روغتونونو کې تر درملنو لاندې دي.

تازه خبرونه

په افغانستان کې د ګډو ګټو لپاره یوه ځواکمنه اجماع رامنځته شوې – ټوماس ویسټ

Published

on

(Last Updated On: کب ۴, ۱۴۰۲)

د افغانستان لپاره د امریکا ځانګړي استازي ټوماس ویسټ د پنجشنبې پر ورځ (د کب درېیمه) په ایکس پاڼه کې لیکلي، چې د فبرورۍ پر اتلسمه او نولسمه د دوحې له تر سره شوي دوه ورځني کنفرانس څخه واشنګټن ته راستون شوی دی.

ټوماس ویسټ د دوحې د غونډې په اړه څرګنده کړې؛ هیڅ هېواد نه غواړي، چې د تروریزم ګواښ له افغانستان څخه راپورته شي او ټول کار او ټولنیز ژوندانه ته د افغان نجونو د راګرځېدا او د منځنيو ښوونځيو، لیسو او پوهنتونونو د پرانیستې غوښتونکي دي.

د افغانستان لپاره د امریکا ځانګړي استازي دا هم ویلي، چې له افغانانو سره د مرستې لپاره کلکې ژمنې شته؛ خو د اقتصادي ثبات او د افغانانو د اقتصادي راتلونکي مالکیت په اړه اندېښنې شته.

ټوماس ویسټ د اسلامي امارت له‌خوا د کوکنارو پر کښت د بندیز د پلي کیدو یادونه هم کړې او وایي، چې ډېرو هېوادونو منلې او د ملګرو ملتونو د اړوندې ادارې د ارزونې له مخې د کوکنارو په کښت کې ۹۵ سلنه کموالی راغلی دی.

دغه راز نوموړي د افغانستان د مدني ټولنې له استازو سره ناستې ته نغوته کړې او ټینګار کوي، چې امریکا د ملګرو ملتونو پر مشرۍ د افغانستان په اړه د دغه راز غونډو له جوړېدو ملاتړ کوي.

همدارنګه په دې اړه وایي، چې د افغانانو او نړیوالو ګډې ګټې باید د دغو غونډو په‌سر کې وي.

دا په داسې حال کې ده، چې افغانستان د دوحې له غونډې مخکې د بهرنیو چارو وزارت چارسمبالي پر استازیتوب له ملګرو ملتونو څخه دې غونډې ته د لوړې کچې د خبرو اترو او تعامل وړاندیز کړی و؛ خو د نه منل کېدو پر دلیل بیا اسلامي امارت په دې غونډه کې د نه ګډون پرېګړه وکړه.

Continue Reading

تازه خبرونه

نړیوال وجهي صندوق د راستنیدونکیو د روغتیايي خدماتو لپاره ۴ اعشاریه ۷ میلیون ډالر ځانګړي کوي

Published

on

(Last Updated On: کب ۴, ۱۴۰۲)

نړیوال وجهي صندوق ویلي؛ په افغانستان کې یې د اچ آی وي، نري رنځ او ملاریا د پوهاوي، تشخیص او درملنې لپاره څلور میلیون او اووه سوه زره ډالر بېړنۍ مرسته منظوره کړې ده.

د دې بنسټ د پرونۍ( پنجشنبه د کب درېیمه) خبرپاڼې له مخې؛ دا مالي مرسته به له پاکستان څخه راستانه شویو یو میلیون او درې سوه زره افغانانو ته د خدماتو پر برابرولو ولګول شي.

د دې بنسټ په خبرپاڼه کې راغلي، چې دا څلور اعشاریه اووه میلیون ډالره بېړنۍ مرسته به پر ۶۶ میلیون ډالرو مالي مرستې اضافه وي، چې د ۲۰۲۴ کال د جنورۍ له لومړۍ نېې څخه د دریو کلونو لپاره په پام کې نیول شوې ده.

دا مالي مرسته به د ملګرو ملتونو د پراختیايي پروګرام له لوري ولګول شي.

د نړیوال وجهي صندوق د اسیا، ختیځې اروپا، لاتینې امریکا او د کارابین څانګې مشرې انلیس هیرشمن ویلي، چې د نفوسو چټک زیاتوالی په ځانګړي توګه په کلیوالو او سختو سیمو کې، چې له پاکستان سره پوله لري، د وبا د خطر ښکارندویي کوي او د ایډز، نري رنځ او ملاریا لپاره د اړینو خدماتو له پیاوړي کولو پرته ورسره مبارزه نه‌شي کېدی.

د نړیوال وجهي صندوق په خبرپاڼه کې راغلي، چې د دې ادارې پر مرسته به په هغو سیمو کې، چې د ملاریا د خپرېدو کچه زیاته ده؛ خلکو ته به د تشخیص خدمات او حشره وژونکي جالۍ برابرې شي.

دغه راز د یادې خبرپاڼې له مخې، د نري رنځ پر وړاندې د مبارزې لپاره به د افغانستان او پاکستان په اړوند سرحدي سیمو کې بشپړ روغتیايي مرکزونه او کتنځي جوړ شي.

په خبرپاڼه کې دا هم ويل شوي، چې افغانستان ته د نويو راتېرېدونکیو کسانو لپاره به د ايډز د معاينې، مشورې ورکولو او درملنې خدمتونه برابر شي.

Continue Reading

تازه خبرونه

افغان بیسیم د ننګرهار په حصارک ولسوالۍ کې ۳‌جي ‌او ۲‌جي انټرنیټي خدمات فعال کړل

Published

on

(Last Updated On: کب ۴, ۱۴۰۲)

د افغان بیسیم مخابراتي شبکې مسوولینو ويلي؛ د ننګرهار په حصارک ولسوالۍ کې یې د دوه‌یم او درېیم نسل ۳‌جي او ۲‌جي انټرنیټي خدمتونه فعال کړي دي.

د دې شبکې د مسوولینو د څرګندونو له مخې اوس په دې ولسوالۍ کې زرګونه کورنۍ له ۳‌جي او ۲‌جي  انټرنیټي خدمتونو برخمنې شوې دي.

دوی زیاته کړې، چې د دغه ولایت په نورو ولسوالیو کې به د انټرنټ نوی نسل ته هم د پراخېدو زمینه برابره کړي.

په ختيځ زون کې د افغان بیسيم مخابراتي شبکې مشر عطاالله ساحل ويلي: دغه ستن د اړوند معيارونو له مخې جوړه شوې او نن مو دلته د ۳‌جي او ۲‌جي انټرنېټي خدمات فعال کړل.

د دې ولایت سیمه‌ییز چارواکي د افغان بيسیم مخابراتي شبکې د انټرنېټي خدمتونو له پراخېدو هرکلی کوي او وايي، چې دغه خدمتونه باید په نورو ولسوالیو کې هم فعال شي.

په ننګرهار کې د مخابراتو او معلوماتي ټکنالوجۍ رییس ذبیح الله ذکي وایي: د افغان بیسیم یوه ستن فعاله شوه، چې دا مهال د ۳‌جي او ۲‌جي انټرنیټي خدمات وړاندې کوي.

د حصارک ولسوالۍ اوسیدونکي خوښ دي، چې د نوي نسل انټرنېټي خدمتونو ته لاس‌رسی لري او غواړي نرخونه يې راټيټ شي.

د ننګرهار د حصارک ولسوالۍ اوسیدونکي جنت ګل وایي: مونږ ډېر خوښ يوو، چې دلته د افغان بیسيم ستن فعاله شوه.

دا په داسې حال کې ده، چې په دې ولسوالۍ کې د مخابراتي او انټرنیټي خدمتونو د وړاندې کولو لپاره افغان بیسیم دوه سایټونه فعال کړل او د یو بل نوي سایټ د فعالېدو هڅې روانې دي.

Continue Reading

Trending

Copyright © 2022 Ariana News. All rights reserved!